شينجياڭ قوعامدىق عىلىمدار اكادەمياسى 1981- جىلى 3-ايدا رەسمي قۇرىلدى. ول  اۆتونوميالى رايونىمىزداعى  فيلوسوفيا- قوعامدىق عىلىمدارىن ارناۋلى زەرتتەيتىن بىردەن- ءبىر كەشەندى زەرتتەۋ ورگانى. كەزەكتە اكادەميانىڭ قۇرامىندا شينجياڭ جۇڭگوشا سوتسياليزم نازارياسى جۇيەسىن زەتتەۋ ورتالىعى، فيلوسوفيا ينيستيتۋتى، اۋىل- قىستاق دامۋىن زەرتتەۋ ينيستيتۋتى، ەكونوميكا ينيستيتۋتى، زاڭ عىلىمى ينيستيتۋتى، ەتنولوگيا ينيستيتۋتى، سوتسيالوگيا ينيستيتۋتى، ءدىن اكادەمياسى، ورتا ازيا ينيستيتۋتى، ءتىل ينيستيتۋتى، ۇلتتار مادەنيەتى ينيستيتۋتى، تاريح اكادەمياسى سياقتى 13 زەرتتەۋ اكادەمياسى–ينيستيتۋتى (ورتالىعى ) مەن كىتاپحانا، جۋرنالدار باسپاسى، ينتەرنەت- ينفورماتسيا ورتالىعى سياقتى 3 دەمەۋشى ورىن بار. بۇدان تىس، اكادەميا كەڭسەسى، عىلىمي زەرتتەۋ- سىرتقى ىستەر باسقارماسى، ۇيىمداستىرۋ- كادرلار باسقارماسى، جوسپار- قازىنا باسقارماسى، ورگان پارتكومى، ورگان ءتارتىپ تەكسەرۋ كوميتەتى، جۇمىسشىلار ۇيىمى قاتارلى 7 ورگان باسقارماسى مەن زەينەتكەرلەر قىزمەتى باسقارماسى، ورگان قىزمەت وتەۋ ورتالىعى قاتارلى 2 قوسالقى قۇرىلىم بار. مۇنىڭ ىشىندە تاريح، ەتنولوگيا، ءدىن جانە ورتا ازيانى زەرتتەۋ قاتارلى ولكە دارەجەلى ءتۇيىندى پاندەردەن تورتەۋى بار.

نەگىزگى مىندەتى: عىلىمي قىزمەتكەرلەردى نەگىزدىك زەرتتەۋ مەن قولدانبالى زەرتتەۋگە ۇيىمداستىرۋ، ماركسيزم- لەنينيزم، ماۋ زىدوڭ يدەياسىن، دىڭ شياۋپيڭ نازارياسىن، ”ۇشكە وكىلدىك ەتۋ“ ماڭىزدى يدەياسىن، عىلىمي دامۋ كوزقاراسى مەن شي جينپيڭ جاڭا ءداۋىر جۇڭگوشا سوتسياليزم يدەياسىن ءتۇيىندى زەرتتەۋ؛ ناقتى جاعدايعا ساي، شينجياڭ قوعامىنىڭ، ەكونوميكاسىنىڭ، مادەنيەتىنىڭ دامۋ تاريحىنا، قازىرگى جاعدايى مەن بولاشاعىنا تالداۋ جاساپ زەرتتەپ، شينجياڭدىق ەرەكشەلىككە يە قوعامدىق عىلىم زەرتتەۋ نازارياسىنا ۇزدىكسىز ىزدەنىس جاساپ، اۆتونوميالى رايونىمىزدىڭ عىلىم-مادەنيەت ىستەرىن كوركەيتۋگە ۇلەس قوسۋ؛ شينجياڭنىڭ رەفورماسى، دامۋى مەن ورنىقتىلىعىنا قاتىستى شەشىم جوبالاردى العا قويىپ، اۆتونوميالى رايوندىق پارتكوم-ۇكىمەت باسشىلىق ورگاندارى مەن قاتىستى قىزمەت ورگاندارىنىڭ پايدالانۋىنا ۇسىنۋ؛ اۆتونوميالى رايوندىق پارتكوم مەن حالىق ۇكىمەتىنىڭ ءتۇرلى وزەكتى قىزمەتتەرىنە سايكەسىپ، قوعامدىق عىلىمدارعا قاتىستى نازاريالىق ۇگىت- تاربيە قيمىلدارىن ورىستەتۋ.

شينجياڭ قوعامدىق عىلىمدار اكادەمياسى ولكە دارەجەلى فيلوسوفيا–قوعامدىق عىلىمداردى ارناۋلى زەرتتەۋ ورگانى رەتىندە، جۇڭگو شينجياڭى مەن وتانىمىزدىڭ قارىم-قاتىناسى تاريحى جونىندە زەرتتەۋ، ءار داۋىردەگى پاتشالىقتاردىڭ شينجياڭدى باسقارۋىن زەتتەۋ، شينجياڭداعى ۇلتتاردىڭ اۋىس-تۇيىسىن، ارالاسۋىن، بىتە قايناسۋىن زەرتتەۋ، جۇڭگوداعى دىندەردىڭ دامۋ تاريحى مەن وركەنيەتتەردىڭ توعىسۋ تاريحىن زەرتتەۋ، كورشىلەس ەلدەردىڭ جاعدايى مەن ەلىمىزدىڭ مەملەكەتتىك حاۋىپسىزدىگىن زەرتتەۋ، پارتيا ورتالىعىنىڭ شينجياڭدى جونگە سالۋ جالپى جوباسىن زەرتتەۋ قاتارلى جاقتارداعى تابىستارى مول. اكادەميادان شىعارىلاتىن «باتىس ءوڭىر زەرتتەۋى»، «شينجياڭ قوعامدىق عىلىمى»(حانزۋشا باسىلىمى) سىندى وزەكتى عىلىمي جۋرنالداردار ءوز سالاسىندا بەلگىلى ىقپالعا يە. شينجياڭ قوعامدىق عىلىمدار اكادەمياسى قۇرىلعاننان بەرى، مەملەكەتتىك قوعامدىق عىلىم قورىنىڭ نىساندارىنان 200 گە جۋىعىن، اۆتونوميالى رايوندىق قوعامدىق عىلىم قورىنىڭ نىساندارىنان 200 دەن استامىن، وزگە عىلىمي زەرتتەۋ نىساندارىنان 580 نەن استامىن ءساتتى ورىندادى. 900 دەن استام عىلىمي ەڭبەكتى (اۋدارما ەڭبەكتەردى دە قامتيدى) باسپادان شىعاردى، 20 مىڭعا جۋىق عىلىمي ماقالا، زەرتتەۋ بايانداماسىن جاريالادى. مۇنىڭ ىشىندە 300 دەن استام عىلىمي ەڭبەك ولكە-مينيستر دارەجەسىنەن جوعارى سيلىقتاردى ەنشىلەدى. شينجياڭ فيلوسوفيا-قوعامدىق عىلىمدار سالاسىنىڭ 1- كەزەكتەن 11- كەزەككە دەيىنگى ۇزدىك تابىستاردى باعالاۋىندا عىلىمي ەڭبەكتەردىڭ  3 ءتۇرى ەرەكشە دارەجەلى سيلىقتى، 49 ءتۇرى ءبىرىنشى دارەجەلى سيلىقتى، 83 ءتۇرى ەكىنشى دارەجەلى سيلىقتى، 91 ءتۇرى ءۇشىنشى دارەجەلى سيلىقتى ەنشىلەدى.