شينجياڭ فيلوسوفيا-قوعامدىق عىلىمدار تورابى
پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋ كەرەك
   ۋاقىتى:2022-01-29   |  كەلۋ قاينارى: تىيانشان تورى

− باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  العاباسار ماركسيزمدىك ساياسي پارتيا تۋادا وسىلاي ەمەس، قايتا ۇزدىكسىز وزىنە - ءوزى توڭكەرىس جاساۋ بارىسىندا شىڭدالىپ قالىپتاسقان. ”وسى رەتكى جالپى ءماجىلىستىڭ قارارى 100 جىلدىق كۇرەس بارىسىندا پارتيانىڭ پارتيانى باسقارۋعا، پارتيانى جونگە سالۋعا ايرىقشا ءمان بەرگەندىگىنە، وزىنە توڭكەرىس جاساۋدى ۇزدىكسىز ىلگەرىلەتكەندىگىنە جان - جاقتى قورىتىندى جاسادى“. ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ: ”پارتيانىڭ 100 جىلدىق كۇرەس بارىسىندا وزىنە توڭكەرىس جاساۋعا زەرتتەۋ جاساعاندىعىنا جانە يگەرگەندىگىنە تالداۋ جاساۋعا جانە قورىتىندىلاۋعا ءمان بەرۋ جالپى ءماجىلىستىڭ قارارىنا سىڭىرىلگەن ماڭىزدى ءبىر مازمۇن، ءبىز، ءسوز جوق، ىشكەرىلەي ۇيرەنۋىمىز، جان - جاقتى ءتۇسىنۋىمىز كەرەك“، - دەپ باسا دارىپتەدى.

  باتىلدىقپەن وزىنە توڭكەرىس جاساۋ − پارتيامىزدىڭ ەڭ ايقىن قاسيەتى، سونداي - اق پارتيامىزدىڭ ەڭ ۇلكەن ابزالدىلىعى، وزىنە توڭكەرىس جاساۋ رۋحى پارتيانىڭ ماڭگى جاستىق ومىرشەڭدىكتى ساقتاۋىنىڭ قۋاتتى تىرەگى. پارتيانىڭ 100 جىلدىق كۇرەس بارىسىنا قايىرىلا قاراساق، جاڭا دەموكراتيالىق توڭكەرىس كەزەڭىندە، پارتيا پارتيانى يدەيالىق جاقتان قۇرۋعا باسا ءمان بەرۋ پرينسيبىن ورتاعا قويىپ، دەموكراتيالىق ورتالىقتاندىرۋ تۇزىمىنە تاباندى بولىپ، نازاريانى ءىس جۇزىندىكپەن بايلانىستىرۋ، بۇقارامەن ەتەنە بايلانىس ورناتۋ، سىن جانە ءوز - وزىنە سىن ايتۋ سىندى ءۇش ۇلكەن تاڭداۋلى ستيلگە تاباندى بولىپ، بىرلىكساپ، قارۋلى كۇرەس، پارتيا قۇرىلىسى سىندى ءۇش ۇلكەن اسىلدى قالىپتاستىرىپ، بۇكىل ەل كولەمىن قامتىعان، قالىڭ بۇقارالىق سيپات العان، يدەيالىق جاقتا، ساياسي جاقتا، ۇيىمدىق جاقتا بۇكىلدەي بەكەمدەلگەن ماركسيزمدىك ساياسي پارتيانى قۇرۋعا قۇلشىندى؛ سوتسياليستىك توڭكەرىس جانە قۇرىلىس كەزەڭىندە، پارتيا ساياسي شارت - جاعدايدا پارتيا قۇرىلىسىنىڭ ەلەۋلى تاقىرىبىن ايرىقشا العا قويىپ، يدەيا، ۇيىم، ستيل جاعىنان پارتيا قۇرىلىسىن كۇشەيتىپ، پارتيانىڭ باسشىلىعىن بەكەمدەپ، ”ەكى بولسىنعا“ تاباندى بولىپ، پارتيا مۇشەلەرى مەن كادرلاردىڭ شىرىكتەسۋىنەن، ازعىنداۋىنان اسا قىراعى بولىپ جانە ودان بارىنشا ساقتانىپ، شىرىكتەسۋدى باتىل جازالادى؛ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا كەزەڭىندە، پارتيا ەل باسقارۋدا الدىمەن پارتيانى جونگە سالۋ، پارتيانى جونگە سالۋدا، ءسوز جوق، قاتاڭ بولۋ كەرەك دەگەنگە تاباندى بولىپ، پارتيا قۇرىلىسىنىڭ جاڭا ۇلى ينجەنەرياسىن جارىققا شىعارىپ ءارى ىلگەرىلەتىپ، پارتيا ىشىندەگى يدەياسى كىرشىكسىز بولماۋ، ستيلى كىرشىكسىز بولماۋ، ۇيىمدىق جاقتا كىرشىكسىز بولماۋ ماسەلەسىن كۇش سالا شەشىپ، پارتيانىڭ باسشىلىق دەڭگەيىن جانە بيلىك جۇرگىزۋ دەڭگەيىن كۇش سالا جوعارىلاتىپ، شىرىكتەسۋگە قارسى تۇرىپ، وزگەرۋدەن ساقتانۋ جانە حاۋىپ - قاتەرگە قارسى تۇرۋ قابىلەتىن ءوسىرىپ، پارتيانىڭ بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسىن ىلگەرىلەتتى؛ جۇڭگوشا سوتسياليزم جاڭا داۋىرىندە، پارتيا پارتيانى جاپپاي قاتاڭ جونگە سالۋ ستراتەگيالىق باعىتىن ايقىنداپ، جاڭا داۋىردەگى پارتيا قۇرىلىسىنىڭ جالپى تالابىن العا قويىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جان - جاقتى ىلگەرىلەتىپ، ءتۇزىم قۇرىلىسىن اراسىنا ءسىڭىرىپ، شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن تياناقتاندىرىپ، ۇلى وزىندىك توڭكەرىس ارقىلى ۇلى قوعامدىق توڭكەرىسكە جەتەكشىلىك ەتتى. پارتيانىڭ 100 جىلدىق كۇرەس بارىسى مىنانى تولىق ايگىلەدى: پارتيانىڭ ۇلىلىعى قاتەلىك وتكىزبەۋدە ەمەس، قايتا اۋرۋىن جاسىرماي، ۋاعىندا ەمدەلىپ، سىن جانە ءوز - وزىنە سىن ايتۋدى بەلسەنە ورىستەتىپ، ماسەلەگە بەتپە - بەت كەلۋگە باتىل بولۋىندا، وزىنە توڭكەرىس جاساۋعا باتىل بولۋىندا. بەينە باس شۋجي شي جينپيڭ تەرەڭ اتاپ كورسەتكەندەي: ”100 جىلدىق كۇرەس بارىسىندا پارتيانىڭ حالىققا باسشىلىق ەتىپ تالاي - تالاي ۇلى تابىستارعا قول جەتكىزىپ، تالاي - تالاي قيىندىقتاردى، حاۋىپ - قاتەرلەر مەن بوگەتتەردى جەڭىپ، سان رەتكى شىڭدالۋدان ءوتىپ، قاۋلاعان جىگەرىن ساقتاپ، حالىق بۇقاراسىنىڭ قولداۋى مەن جاقتاۋىنا يە بولۋىنداعى سەبەپ − پارتيانىڭ وزىندە ءومىر سۇرگەن ماسەلەلەرگە باتىلدىقپەن بەتپە - بەت كەلىپ، باتىلدىقپەن وزىنە توڭكەرىس جاساپ، باستان - اياق العاباسارلىعى مەن كىرشىكسىزدىگىن ساقتاعاندىعىندا، جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ۇزدىكسىز كۇشەيتىپ، ماركسيزمدىك ساياسي پارتيانىڭ قاسيەتىن ماڭگى ساقتاعاندىعىندا“.

  تەمىر سوقساڭ قۇرىش بول، جۇڭگونىڭ ىستەرىن ويداعىداي ىستەۋدىڭ تەتىگى پارتيادا، تەتىگى پارتيانىڭ پارتيانى باسقارىپ، پارتيانى جاپپاي قاتاڭ جونگە سالۋىندا. پارتيا 18 - قۇرىلتايىنان بەرى، ”ءتورت ۇلكەن سىناق“ كۇن سايىن قاتاڭ دا كۇردەلى بولعان، ”ءتورت ءتۇرلى حاۋىپ - قاتەر“ ءتىپتى دە شيەلەنىسكەن، كورنەكتى بولعان ىشكى - سىرتقى جاعدايعا ءدوپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتى بۇرىن بولىپ كورمەگەن باتىلدىقپەن جانە تاباندىلىقپەن پارتيانى جاپپاي قاتاڭ جونگە سالىپ، وزىنە توڭكەرىستىڭ ”كەشەندى شاراسىن“ جۇرگىزدى. پارتيا ماڭگى جالعاساتىن سەرگەكتىكپەن جانە تاباندىلىقپەن قاتاڭ بولۋ نەگىزگى اۋەنىنە تاباندى بولىپ، ”شەشۋشى ازشىلىقتى“ كورنەكتى يگەرىپ، تۇلعالىق جاۋاپكەرشىلىكتى جانە باقىلاۋ جاۋاپكەرشىلىگىن تياناقتاندىرىپ، باقىلاۋدى، ءتارتىپ اتقارۋدى، جاۋاپقا تارتۋدى كۇشەيتىپ، پارتيانى جاپپاي قاتاڭ جونگە سالۋدى پارتيا قۇرىلىسىنىڭ ءار جاعىنا ءسىڭىرىپ، حالىق بۇقاراسىنىڭ اڭىسى كۇشتى بولعان ستيل ماسەلەسىنەن باستاپ يگەرىپ، يدەيالىق جاقتان پارتيا قۇرۋ مەن پارتيانى ءتۇزىم ارقىلى جونگە سالۋعا بىردەي كۇش سالۋعا تاباندى بولىپ، ءتارتىپتىڭ زاڭنان قاتاڭ بولۋىنا تاباندى بولىپ، ءتارتىپ اتقارۋدى، زاڭ اتقارۋدى تۇتاستىرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇتاس ىلگەرىلەتۋگە تاباندى بولدى. باتىل كۇرەس جۇرگىزۋ ارقىلى پارتيانى جاپپاي قاتاڭ جونگە سالۋدىڭ ساياسي جەتەكشىلىك جانە ساياسي قامتاماسىزداندىرۋ رولى تولىق ساۋلەلەنىپ، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتى كورنەكتى كۇشەيىپ، پارتيانى باسقارۋداعى، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىندا ءتۇبىرلى بۇرىلىس بولىپ، شىرىكتەسۋگە قارسى كۇرەس ۇستەم جەڭىسكە جەتتى ءارى جاپپاي بەكەمدەلدى، پارتيانىڭ، مەملەكەتتىڭ، ارميانىڭ ىشىندە ورىن تەپكەن اۋىر كومەسكى حاۋىپ جويىلىپ، پارتيا توڭكەرىستىك شىڭدالۋ بارىسىندا اناعۇرلىم سومدالا ءتۇستى. اماليات مىنانى تولىق دالەلدەدى: ءبىز پارتيانىڭ العاباسارلىعى مەن كىرشىكسىزدىگىنە نۇقسان كەلتىرەتىن بارلىق فاكتورلاردى ۇزدىكسىز الاستاپ، پارتيانىڭ سالامات تۇلعاسىن جەمىرەتىن بارلىق ۆيرۋستى ۇزدىكسىز جويىپ وتىرساق بولعانى، ءسوز جوق، پارتيانىڭ ساپاسىنىڭ وزگەرمەۋىنە، قاسيەتىنىڭ وزگەرمەۋىنە، ءتۇسىنىڭ وزگەرمەۋىنە شىنايى كەپىلدىك ەتە الامىز، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى تاريحي ۇردىستە قاشاندا پارمەندى باسشىلىق ۇيتقى بولۋىنا شىنايى كەپىلدىك ەتە الامىز.

  باس شۋجي شي جينپيڭ بىلاي دەپ باسا دارىپتەدى: ”جاڭا تاريحي شارت - جاعدايدا، پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋدىڭ تەتىگى تاعى دا پارتيامىزدىڭ وزىنە سۇيەنۋىندە“. تاريحى وسىنشاما ۇزاق، كولەمى وسىنشاما ۇلكەن، بيلىك جۇرگىزۋى وسىنشاما ۇزاق پارتيامىز تىنىشتىق − بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي اتتاپ ءوتتى؟ ماۋ زىدۇڭ جولداس يان - انداعى جەر تولەدە مۇنىڭ ءبىرىنشى جاۋابىن بەرگەن بولاتىن، ياعني ”تەك حالىق ۇكىمەتتى باقىلاعاندا عانا، ۇكىمەت بوساڭسي المايدى“؛ 100 جىلدىق كۇرەس، اسىرەسە، پارتيا 18 - قۇرىلتايىنان بەرگى جاڭا اماليات ارقىلى پارتيامىز مۇنىڭ تاعى ەكىنشى جاۋابىن بەردى، ياعني وزىنە توڭكەرىس جاساۋ. تەك باتىلدىقپەن پىشاقتىڭ ءدۇزىن ىشكە قاراتىپ، باتىلدىقپەن قولما - قول شەشىم جاساعاندا عانا، قاشاندا ءوزىن شىڭداپ، قاشاندا ءداۋىر اۆانگاردىنا، ۇلت تىرەگىنە اينالۋعا، قاشاندا ماركسيزمدىك بيلىك باسىنداعى پارتيا بولۋعا بولادى. ”وزىمشىلدىككە سالىنباعاندا، الەمگە ادىلدىك ورنايدى“. پارتيامىزدىڭ ءوزىنىڭ ەشقانداي ەرەكشە مۇددەسى جوق، بۇل پارتيامىزدىڭ وزىنە توڭكەرىس جاساۋ باتىلدىعىنىڭ قاينارى، جىگەرىنىڭ تياناعى بولىپ تابىلادى. كىم ءۇشىن بيلىك جۇرگىزۋ، كىم ءۇشىن ۇقىق ىستەتۋ، كىمنىڭ مۇددەسىن كوزدەۋ سىندى وسى ءتۇبىرلى ماسەلەدە وي - سانامىز ەرەكشە سەرگەك بولۋى، تۇرعىمىز ەرەكشە بەرىك بولۋى كەرەك. بۇكىل پارتياداعى جولداستار اسقاق ءمورالدى ايگىلەپ، جالپىلىق ءمورالدى ساقتاپ، جەكە ءمورالدى قاتايتىپ، كىرشىكسىز ادام بولىپ، پاكتىكپەن جۇمىس ىستەپ، ءوزىنىڭ ەمەس، كوپتىڭ قامىن ويلاپ، ۇقىپتىلىقپەن ءوزىن باۋلىپ، پاك، كىرشىكسىز ساياسي قاسيەتىن ماڭگى ساقتاۋ كەرەك. وزىنە توڭكەرىس جاساۋدىڭ تەتىگى ماسەلەگە دۇرىس قاراۋ سانالىلىعى مەن پىشاقتىڭ ءدۇزىن ىشكە قاراتۋ باتىلدىعىنىڭ بولۋىندا. بۇكىل پارتياداعى جولداستار وزىنە توڭكەرىس جاساۋ رۋحىن ماڭگى ساقتاپ، پارتيانى جاپپاي قاتاڭ جونگە سالۋدى ماڭگى جالعاستىرۋ ساياسي سانالىلىعىن كۇشەيتىپ، قاتاڭدىق شەگىنە جەتتى دەيتىن جالىعۋ پيعىلىنىڭ تۋىلۋىنا استە جول بەرمەۋ كەرەك. پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى ماڭگى جالعاسادى، ونى ءبىر ءسات تە بوساڭسىتۋعا بولمايدى، تەمىرگە تاپ، تاسقا تاڭبا قالدىراتىن قايسارلىقپەن جانە تاباندىلىقپەن پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى سىندى قامال الۋ شايقاسىن، ۇزاققا سوزىلاتىن شايقاستى ۇزدىكسىز ويداعىداي جۇرگىزۋ كەرەك.

  2022 - جىلعى جاڭا جىلدى قۇتتىقتاۋ سوزىندە باس شۋجي شي جينپيڭ بىلاي دەپ تەرەڭ اتاپ كورسەتتى: ”ءبىز تەك وزىمىزگە ءوزىمىز توڭكەرىس جاساۋعا باتىل بولعاندا عانا، تاريحي ىرىقتىلىققا قول جەتكىزە الامىز“. جاڭا، ۇلى جورىقتا تۇبەگەيلى توڭكەرىس جۇرگىزۋ رۋحىن ۇزدىكسىز اسقاقتاتىپ، جاڭا داۋىردەگى پارتيانىڭ وزىنە توڭكەرىس جاساۋ ارقىلى جاڭا، ۇلى قوعامدىق توڭكەرىسكە جەتەكشىلىك ەتىپ، پارتيا قۇرىلىسىنىڭ جاڭا، ۇلى ينجەنەرياسىن ۇزدىكسىز ىلگەرىلەتىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدى اتتانىسقا كەلتىرۋ قابىلەتىن ۇزدىكسىز كۇشەيتسەك، جۇڭگو حالقىنىڭ ۇلى ارمانى تيەلگەن كەمە، ءسوز جوق، تولقىن جارىپ، ۇدەرە العا ىلگەرىلەپ، جەڭىسپەن شۇعىلالى جاعانى بەتكە الا تارتا بەرەدى!

  (شينحۋا اگەنتتىگىنىڭ 1 - ايدىڭ 15 - كۇنى بەيجيڭنەن بەرگەن حابارى)

جالعانىم

جاۋاپتى رەداكتورى: سەرىك دالەلقان ۇلى