اۆتور: ليۋ حۇڭۋىن، ۋ يامەي
شينجياڭ اقسۋ ايماعى باي اۋدانى باي قالاشىعى رەستەڭ الەۋمەتتىك اۋماعىنداعى فۋلىچىڭ شاعىن رايونىندا ٴبىر ٴتۇپ جۋان قاراعاش بار، اعاشتىڭ جاسى 70 جىلدان اسقان، شاعىن رايون تۇرعىندارى ىقىلاستى تۇردە ونى ”سۇيىسپەنشىلىك اعاشى“ دەپ اتايدى.
2021 ـ جىلى 12 ـ ايدىڭ 28 ـ كۇنى فۋلىچىڭ شاعىن رايونىنا بارعانىمىزدا الىستان وسى ”سۇيىسپەنشىلىك اعاشىنىڭ“ شاعىن رايوننىڭ ورتاسىندا بۇتاقتارى شىمىر بولىپ ەڭسە كوتەرىپ تۇرعانىن كوردىك، قاقاعان قىس بولعانىمەن، جاپىراقتارى بۇرىنعىداي بىتىك ءوسىپ تۇر. قىسقى كۇن شۋاعىندا كوپتەگەن تۇرعىندار ”سۇيىسپەنشىلىك اعاشىنىڭ“ استىندا قورالانا وتىرىپ، كوڭىلدى اڭگىمەلەسىپ، ٴان شىرقاۋدا، تاعى بىرەۋلەر ويناقى بيگە باسۋدا.
”وسى شاعىن رايوندا تۇرعانىما كوپ جىل بولدى، وسى اعاشتىڭ وسۋىنە كۋا بولدىم، ول دا شاعىن رايونداعى ٴار ۇلت بۇقاراسى اراسىنداعى تەرەڭ سۇيىسپەنشىلىككە كۋا بولدى“، ـ دەدى تۇرعىن حايىرگۇل ازەز الدىمەن ٴسوز تيەگىن اعىتىپ.
جاڭا جۇڭگو قۇرىلعان العاشقى مەزگىلدە، ٴبىر ۇيعۇر جىگىت پەن ٴبىر حانزۋ جىگىت وسى قاراعاشتى ەككەن، ٴارى دوستىق سۇيىسپەنشىلىكتەرىنىڭ وسى اعاش سەكىلدى ماڭگى ساقتالۋىن ٴۇمىت ەتكەن. 70 نەشە جىل وتە شىقتى، بۇل جاسامىس قاراعاش قالانىڭ وزگەرىسىنە كۋا بولۋمەن بىرگە، وسى ارادا تۇراتىن ٴار ۇلت بۇقاراسىنىڭ ٴوزارا كومەكتەسۋ، بىرگە دامۋ بارىسىنا كۋا بولدى.
فۋلىچىڭ شاعىن رايونى باي قالاشىعىنداعى كولەمى ەڭ ۇلكەن، جان سانى ەڭ كوپ شاعىن رايون. 10 جىلدىڭ الدىندا فۋلىچىڭ شاعىن رايونى بۇرىنعى لاشىقتار رايونىنان قازىرگى ساۋدا رايونىنا وزگەرتىلگەن، قازىر شاعىن رايوندا تيجارات سيپاتىنداعى ساۋدا دۇكەنى 550گە، شارۋاشىلىق قۇرۋ، جەتىلدىرۋ كوشە جايماسى 50گە جەتتى.
1200دەن استام ادام وسىندا جۇمىسقا ورنالاسىپ، ارالاسۋ، ىشتەسۋ، توعىسۋ بارىسىندا ٴار ۇلت بۇقاراسى ٴبىر ٴۇيلى جانداي تاتۋ ـ ٴتاتتى وتۋدە. ”تۋىسىم ۇنەمى ماعان امانداسا كەلىپ، ٴار جولى بالالارعا ٴدامدى تاعامدار اكەلىپ بەرەدى“. فۋلىچىڭ شاعىن رايونىنداعى ساۋداگەر انارگۇل ارسىلان 3 جىلدىڭ الدىندا ساۋدا دۇكەنىن اشقان جاڭ فىڭمەن تانىسقان، قازىر ەكى وتباسى جۇپ قۇراپ، تۋىس بولىپ، قارىم ـ قاتىناسى بارعان سايىن جاقساردى.
انارگۇل فۋلىچىڭ شاعىن رايونىندا تىگىنشىلىك دۇكەنىن اشتى، ال ”سۇيىسپەنشىلىك اعاشى“ مەن ونىڭ دۇكەنى اراسىنداعى قاشىقتىق 10 مەترگە دە جەتپەيدى. انارگۇل بىلاي دەدى: ەكى وتباسىمىز ۇنەمى بارىس ـ كەلىس جاساپ، بىرگە تاماقتانىپ، بىرگە كوشە ارالاپ، بىرگە سەيىلدەيمىز، سونداي ـ اق ”سۇيىسپەنشىلىك اعاشى“ استىندا اڭگىمەلەسەمىز.
بيىل 36 جاستاعى اسەن قۇربان فۋلىچىڭ شاعىن رايونىنان اشتى پىنتۋزى دۇكەنىن اشىپ، ٴار كۇنى باسىن كوتەرسە بولدى ”سۇيىسپەنشىلىك اعاشىن“ كورە الادى. ول بىلاي دەدى: 2018 ـ جىلى رۇيفىڭ زات اينالىمى باقشاسىندا دۇكەن اشاتىن جاڭ حۇڭبومەن تۋىس بولعاننان كەيىن، ەكەۋىمىز اعالى - ىنىلەردەي ارالاسىپ، ەكى وتباسىمىز دا ۇنەمى بىرگە تاماقتانىپ، باس قوسىپ تۇرامىز.
”تۋىسىم ٴار جولى ۇيىمە كەلگەندە، ٴبىز ’سۇيىسپەنشىلىك اعاشىنىڭ‘ استىندا ٴبىراز تىنىعىپ، اڭگىمەلەسىپ، سىرلاسىپ، ساۋدا جاعىندا جولىققان ماسەلەلەردى ايتىسامىز“. اسەن بىلاي دەدى: وسى ”سۇيىسپەنشىلىك اعاشى“ ەكى وتباسىمىزدىڭ ىنتىماقتاسىپ، ءوزارا قارايلاسقان اڭگىمەلەرىمىزگە كۋا بولدى.
70 نەشە جىلدىق سان وزگەرىستەردى باستان وتكەرگەن ”سۇيىسپەنشىلىك اعاشى“ ٴباز ـ باياعىسىنداي جالىندى ومىرشەڭدىك كۇشىن بايقاتىپ، فۋلىچىڭ شاعىن رايونىنداعى ٴار ۇلت بۇقاراسى دا وسى”سۇيىسپەنشىلىك اعاشىن“ ايىرىقشا قاستەرلەيدى، كوپشىلىك وزدىكتەرىنەن ونى بۇتايدى، سۋارادى، تىڭايتقىش بەرەدى ...
قازىر فۋلىچىڭ شاعىن رايونىنداعى ٴار ۇلت حالقى اراسىندا ٴوزارا كومەكتەسۋ سالتقا اينالدى. قازىر 194 ساۋداگەر جۇپ قۇراپ، تۋىس بولدى، 49 وتباسى سۇيەمەلدەۋ جۇبى بولدى.