انار بۇلت / شينجياڭ گازەتىنىڭ ءتىلشىسى جاڭ يۇنمەيدىڭ 3 - ايدىڭ 9 - كۇنى بەيجيڭنەن ۇرىمجىگە جالعاپ بەرگەن حابارى. 3 - ايدىڭ 9 - كۇنى مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان مەملەكەتتىك ساياسي كەڭەستىڭ شينجياڭدا تۇراتىن مۇشەلەرى سالالىق كەڭەس ماجىلىسىنە نەمەسە گرۋپپالار ماجىلىسىنە قاتىناسىپ، نازار اۋدارىپ كەلە جاتقان تولعاقتى ماسەلەلەردى توڭىرەكتەي وتىرىپ كەڭەس بەرىپ، ۇسىنىس قويدى. مەملەكەتتىك ساياسي كەڭەستىڭ شينجياڭدا تۇراتىن مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن گرۋپپا تالقىسىنا قاتىناستى.
”قورعاۋدى الدىمەن ويلاسۋعا، جاڭالىق اشا دامۋعا تاباندى بولىپ، شينجياڭدى مادەنيەتپەن نارلەندىرۋ ينجەنەرياسىنىڭ رولىن اناعۇرلىم ويداعىداي ساۋلەلەندىرۋ كەرەك. مۇشە ديلنار ابلا مىناداي ۇسىنىس بەردى: ادەبيەت - كوركەمونەر سالاسىنداعى مۇنان دا كوپ، مۇنان دا جوعارى دەڭگەيدەگى مامانداردىڭ تۋىندى جاراتۋ، جاڭالىق اشۋ، دارىندىلاردى باۋلۋ سياقتى جاقتاردا شينجياڭعا جەتەكشىلىك ەتۋدى كۇشەيتىپ، شينجياڭنىڭ ادەبيەت - كوركەمونەر ىستەرىنىڭ جاڭا داۋىردە جاڭا دامۋدى جۇزەگە اسىرۋىنا كومەكتەسۋىن ءۇمىت ەتەمىن.
مۇشە چىن چي 70 نەشە جىلدان بەرى نەشە ۇرپاق شينجياڭعا كومەكتەسۋشىلەر ەش وكىنىشسىز، قالتقىسىز ۇلەس قوسىپ، شينجياڭنىڭ دامۋ تاريحىندا ماڭىزدى تاراۋ جازدى دەپ قارادى. ول شينجياڭدا ”بۇكىل مەملەكەتتىڭ شينجياڭعا كومەكتەسۋ ەسكەرتكىش سارايىن“ سالىپ، وتانشىلدىقتى وزەك ەتكەن ۇلى ۇلت رۋحىن ۇرپاقتان - ۇرپاققا جالعاستىرۋ ۇسىنىسىن بەردى.
مۇشە يۋە جۇڭلين مىناداي ۇسىنىس بەردى: كوپ شارانى قاتار قولدانىپ، حالىقتىق كاسىپورىنداردىڭ جاڭالىق اشۋ ومىرشەڭ كۇشىن قاۋلاتۋ كەرەك. جاڭالىق اشۋ ورتاسى، جاڭالىق اشاتىن دارىندىلار، جاڭالىق اشاتىن بايلىق، جاڭالىق اشا قىزمەت وتەۋ سياقتى جاقتاردا كۇش سالىپ، حالىقتىق كاسىپورىنداردىڭ عىلىم - تەحنيكادا جاڭالىق اشۋدا ءدوپ كەلگەن قيىنشىلىقتارىن سايكەسە شەشىپ، كاسىپورىندارعا تيىمدىلىك جاساۋ ساياساتتارىن ويداعىداي تياناقتاندىرىپ، ورتا، شاعىن، ۇساق كاسىپورىنداردىڭ تابىس سەزىمىن كۇشەيتۋ كەرەك.
مۇشە ەرزات زادا اۋرۋدان ساقتانۋ جانە تىزگىندەۋ قىزمەتكەرلەرى قوسىنى قۇرىلىسىن كۇشەيتۋ اۋرۋدان ساقتانۋ جانە ونى تىزگىندەۋ قابىلەتىن جوعارىلاتۋدىڭ نەگىزى دەپ قارادى. ول قىزمەتكەرلەردى باۋلۋ سەرپىنىن ۇزدىكسىز ارتتىرىپ، ۇستەپ وقۋ ساپاسىن جوعارىلاتۋ سياقتى تاسىلدەر ارقىلى قازىر بار قىزمەتكەرلەردىڭ ساپاسىن جوعارىلاتۋ ۇسىنىسىن بەردى.
مۇشە دىڭ حۇڭ مىناداي ۇسىنىس بەردى: اۋىل شارۋاشىلىعى قامسىزداندىرۋىن دامىتۋعا ساياساتتىق قولداۋ كورسەتۋ سەرپىنىن ارتتىرىپ، قوسىمشا قاراجاتتى وڭىرلەر بويىنشا پارىقتاندىرىپ بەرۋ ساياساتىن اتقارىپ، 3 ۇلكەن استىق داقىلىنىڭ بۇكىلدەي وزىندىك قۇنىن قامسىزداندىرۋ مەن ەگىمشىلىك كىرىسى قامسىزداندىرۋىن اتقارۋ كولەمىن كەڭەيتۋ ءارى شينجياڭدى تولىق قامتۋ كولەمىنە ەنگىزىپ، اۋىل - قىستاقتى گۇلدەندىرۋگە دەم بەرۋ جانە ونى قامتاماسىز ەتۋ كەرەك.
مەملەكەتتىك ساياسي كەڭەستىڭ شينجياڭدا تۇراتىن مۇشەلەرى دۇڭ شينگۋاڭ، كۇڭ شيڭلۇڭ، پىڭ يۇڭ، ءمۇتالىپ قاسىم، ورگۇل جاپپار، ليۋ جيانشين، ۋان حايچۋان، ماعاۋ سەيىتقامزا، ءعايرات ءومار قاتارلىلار گرۋپپالار تالقىسىنا قاتىناستى.