انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 9 - كۇنى بەيجيڭنەن حابارلايدى. 3 - ايدىڭ 8 - كۇنى كەشتە ءبىر رەتكى ەرەكشە بەينە ەكران بايلانىس قيمىلى 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسى تۇرعان جەردە وتكىزىلدى. مەملەكەتتىك دامۋ جانە رەفورما كوميتەتىنىڭ قاتىستى تاراۋلارى مەن مەڭگەرمە - مەكەمەلەرىنىڭ جاۋاپتىلارى مەملەكەتتىك حالىق قۇرىلتايىنىڭ رايونىمىزداعى 9 ۋاكىلىمەن ”بۇلتتىق بايلانىسقا“ شىعىپ، ولار العا قويعان پىكىرلەر مەن ۇسىنىستارعا ۇستىندە جاۋاپ بەردى.
وسى بىرنەشە كۇندە شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى قاراعان، جوسپار بايانداماسىن تەكسەرگەن كەزدە مەملەكەتتىك مينيسترلىك - كوميتەتتەگى قاتىستى جولداستار بەينە ەكران ارقىلى پىكىرلەردى تىڭدادى. وسى رەتكى بەينە ەكران جالعانىمىندا مەملەكەتتىك دامۋ جانە رەفورما كوميتەتى ارنايى تۇردە ءىشىنارا ۋاكىلدەر العا قويعان پىكىر - ۇسىنىستارعا دەر كەزىندە اڭىس قايتاردى، سونىمەن بىرگە ولار كوڭىل ءبولىپ وتىرعان ساياساتتىق قولداۋ، نىسان قۇرىلىسى سياقتى ماسەلەلەرگە سول جەردىڭ وزىندە جاۋاپ بەردى.
”بۇلت“ ارقىلى سول جەردە جۇمىس جۇرگىزدى، قاراپايىم دا تىكە بولدى. ەكى جاق ۋاكىلدەرى توق ەتەرىن ايتىپ، تىكەلەي باستى تاقىرىپتى تىلگە تيەك ەتىپ، ناقتى ماسەلەلەر جونىندە تىلدەسىپ، شەشىم ەتتى.
ۋاكىل ەرجان جۋانعان ۇلى دامۋ جانە رەفورما جۇيەسىنەن كەلگەن. ول بەينە ەكران جالعانىمىندا سۋ يگىلىگى ينجەنەريا قۇرىلىسى، كومىر حيميا ونەركاسىپ سالاسىنىڭ ەنەرگيا سارىپ ەتۋ ماسەلەسى تۋرالى 2 ۇسىنىس قويدى. مەملەكەتتىك دامۋ جانە رەفورما كوميتەتىنىڭ سايكەستى مەكەمەلەرىنىڭ جاۋاپتىلارى قاتىستى پىكىرگە دەرەۋ جاۋاپ قايىرىپ، زور كۇشپەن قولدايتىندىقتارىن ءبىلدىردى.
ۋاكىل جاڭ شين بۇرىن بار ۇسىنىس نەگىزىندە جاسىل ەنەرگيا بازاسىن تۇلعالاۋ، جاڭا ماتەريالدار كاسىپ سالاسى شوعىرىن دامىتۋ، كرەمني نەگىزدى جاڭا ماتەريالدار كاسىپ سالاسىنىڭ ەنەرگيانى سارىپ ەتۋ سىندى 3 ويىن ونان ارى كەمەلدەندىردى. مەملەكەتتىك رەفورما جانە دامۋ كوميتەتىنىڭ قاتىستى مەكەمەلەرىنىڭ جاۋاپتىلارى قىسقا قايىرىپ، مۇقيات اقىلداسقان سوڭ، جازباشا تۇردە ەگجەي - تەگجەيلى جاۋاپ قايتاراتىندىقتارىن ايتتى.
ۋاكىلدەر تاعى ”جۇڭگو - قىرعىزستان - وزبەكستان تەمىر جولىنىڭ ەل ءىشى بولىگى قۇرىلىسىن جەدەل ىلگەرىلەتۋدى ءۇمىت ەتۋ“، ”اۆتونوميالى رايون مەن ءۇرىمجى قالاسىنىڭ جۇڭگو - ەۆروپا كەزەكشى پويەزدارىنىڭ ەل ءىشى جوسپارىن كوبەيتۋىن قولداۋ“، ”شينجياڭنىڭ سۋ يگىلىگى قۇرىلعى قۇرىلىستارىن كۇشەيتۋىن، سۋارمالى اۋماقتاردى جاڭالاۋدى كۇشەيتۋىن قولداپ، كومەك قاراجات ولشەمىن ۇيلەسىمدى جوعارىلاتۋ“، ”وڭتۇستىك شينجياڭ وڭىرىندەگى تولىق ورتا مەكتەپ وقۋ - اعارتۋى نەگىزدىك قۇرىلعى قۇرىلىستارى سەرپىنىن ارتتىرۋ“ سياقتىلاردى العا قويدى... وسى ماسەلەلەردە ءارى ەكونوميكانىڭ جوعارى ساپالى دامۋى، اسىرەسە، جىبەك جولى ەكونوميكالىق بەلدەۋى وزەكتى رايونى قۇرىلىسىنداعى شەشۋدى كۇتىپ تۇرعان ناقتى ماسەلەلەر، ءارى عىلىم - تەحنيكادا جاڭالىق اشۋ، اۋىل - قىستاقتى گۇلدەندىرۋ، وقۋ - اعارتۋدى دامىتۋ سياقتى ۇزاق بولاشاقتىق دامۋعا قاتىستى ۇسىنىستار مەن ويلار بار، نازاردى شوعىرلاندىرعاندارىنىڭ كوبى باياندى تىنىشتىققا ساياتىن تەرەڭ قاتپارلى ماسەلەلەر بولدى.
بەينە ەكراننىڭ ارعى جاعىندا مەملەكەتتىك دامۋ جانە رەفورما كوميتەتىنىڭ تاراۋلارى مەن مەكەمەلەرىنىڭ 10 نەشە جاۋاپتىسى بەلسەنە ”تاپسىرىپ الىپ“، ءبىر - بىردەن جاۋاپ قايتارىپ، مەملەكەتتىك حالىق قۇرىلتايى ۋاكىلدەرى العا قويعان پىكىرلەرگە بارىنشا ءمان بەرەتىندىكتەرىن ايگىلەدى.
ۋاكىلدەردىڭ ايتقاندارىنا مينيسترلىك - كوميتەتتەر جاۋاپ قاتتى. ”بۇل مەملەكەتتىك ەكى ءماجىلىستىڭ ناقتى، جوعارى ءونىمدى، دەموكراتيالى بولعاندىعىنىڭ جاندى بەينەسى بولىپ تابىلادى“، - دەدى ۋاكىل ياسىن سىدىق.