شينجياڭ فيلوسوفيا-قوعامدىق عىلىمدار تورابى
13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى ەكىنشى جالپى جيىنىن وتكىزدى
   ۋاقىتى:2022-03-12   |  كەلۋ قاينارى: تىيانشان تورى

شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى

لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى

ەڭ جوعارى حالىق سوتى مەكەمەسىنىڭ قىزمەتىنەن باياندامانى جانە ەڭ جوعارى حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى



 3 - ايدىڭ 8 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭ حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى.

  □ سۋرەتتى شينحۋا اگەنتتىگىنىڭ ءتىلشىسى ليۋ ۋيبيڭ تۇسىرگەن

  شينحۋا اگەنتتىگىنىڭ 3 - ايدىڭ 8 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى 3 - ايدىڭ 8 - كۇنى تۇستەن بۇرىن بەيجيڭ حالىق سارايىندا ەكىنشى جالپى جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى جانە ەڭ جوعارى حالىق سوتى مەكەمەسىنىڭ قىزمەتىنەن باياندامانى، ەڭ جوعارى حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى.

  شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جيىنعا قاتىناستى.

  مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. لي جانشۋ باياندامادا بىلاي دەپ اتاپ كورسەتتى: 2021 - جىل حالىق قۇرىلتايى ءتۇزىمى تاريحىندا ەرەكشە ماڭىز الاتىن جىل بولدى. پارتيا ورتالىق كوميتەتى حالىق قۇرىلتايى قىزمەتى ءماجىلىسىن تۇڭعىش رەت اشتى، باس شۋجي شي جينپيڭ ماڭىزدى ءسوز سويلەپ، جاڭا داۋىردە جۇڭگوشا سوتسياليستىك دەموكراتيالىق ساياسيدى دامىتۋ، حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ءبىر قىدىرۋ كەلەلى نازاريالىق جانە امالياتتىق ماسەلەلەرگە تەرەڭدەي جاۋاپ بەرىپ، جاڭا داۋىردەگى حالىق قۇرىلتايى قىزمەتىن جاقسى ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.

  لي جانشۋ باياندامادا بىلاي دەدى: ءبىر جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى پارتيا ورتالىق كوميتەتىنىڭ ماڭىزدى شەشىمدەرى مەن، ورنالاستىرۋلارىنا تىعىز ىلەسىپ، حالىق بۇقاراسىنىڭ تاماشا تۇرمىسقا دەگەن تىلەگىمەن تىعىز جاناسىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ قاجەتىن تىعىز ارقاۋ ەتىپ، زاڭ بويىنشا مىندەت اتقارىپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، باستىسى، مىناداي قىزمەتتەردى ىستەدى: ءبىرىنشى، نەگىزگى زاڭعا قاتىستى زاڭداردى ونان ارى كەمەلدەندىرىپ، نەگىزگى زاڭنىڭ ەڭ جوعارى زاڭدىق ورنىن، بەدەلىن جانە كۇشىن قورعادى. شياڭگاڭ ءتۇبىرلى زاڭىنىڭ ءبىرىنشى قوسىمشا حۇجاتى مەن ەكىنشى قوسىمشا حۇجاتىنا وزگەرىس ەنگىزىپ، شياڭگاڭنىڭ زاڭدىق ورنى مەن ءىس جۇزىندىك جاعدايىنا ۇيلەسەتىن دەموكراتيالىق سايلاۋ ءتۇزىمىن قالىپتاستىردى. نەگىزگى زاڭعا قايشى، زاڭدارعا قايشى ارەكەتتەردى تۇزەتىپ، مەملەكەتتىڭ زاڭدىق تۇتاستىعىن قورعادى. ەكىنشى، پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتىپ، زاڭ شىعارۋ، زاڭعا وزگەرىس ەنگىزۋ اياق الىسىن تەزدەتىپ، جاپپاي سوتسياليستىك وسىزاماندانعان مەملەكەت قۇرۋعا زاڭدىق قامتاماسىزدىق ازىرلەدى. ءبىر جىلدان بەرى 17 زاڭ جاساپ، 22 زاڭعا وزگەرىس ەنگىزىپ، زاڭدىق ماسەلەلەرگە جانە ەلەۋلى ماسەلەلەرگە قاتىستى 10 قاۋلى شىعاردى. ءۇشىنشى، باقىلاۋدىڭ تەبىنى مەن ناقتى ونىمدىلىگىن كۇشەيتىپ، ۇكىمەتتىڭ، باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ زاڭ بويىنشا مىندەت اتقارۋىن باقىلاپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەنۋىن، تياناقتانۋىن قامتاماسىز ەتتى. ءتورتىنشى، ۋاكىلدەردىڭ زاڭ بويىنشا مىندەت اتقارۋىنا قولداۋ كورسەتىپ جانە ونى قامتاماسىز ەتىپ، ۋاكىلدەردىڭ رولىن ساۋلەلەندىرۋدى حالىقتىڭ وزىنە - ءوزى قوجايىن بولۋىنىڭ ماڭىزدى بەينەسى ەتتى. بەسىنشى، مەملەكەتتىڭ جالپى تۇلعالىق ديپلوماتيالىق نىسانالارى مەن مىندەتتەرىن تىعىز ارقاۋ ەتىپ، حالىق قۇرىلتايىنىڭ سىرتقا باعىتتالعان قىزمەتىن ىلگەرىلەتتى. التىنشى، جالپى بارىستىق حالىق دەموكراتياسى قۇرىلىسىن ىلگەرىلەتىپ، حالىق قۇرىلتايى تۇراقتى كوميتەتىنىڭ نەگىزگى ورنىنا تاباندى بولىپ، حالىق قۇرىلتايى تۇراقتى كوميتەتىنىڭ وزىندىك قۇرىلىسىن كۇشەيتتى.

  باياندامادا لي جانشۋ بىلاي دەپ اتاپ كورسەتتى: ءبىر جىلدان بەرى تۇراقتى كوميتەت قىزمەتى بىزگە مىنانى تەرەڭ ۇعىندىردى − ياعني شي جينپيڭ جاڭا ءداۋىر جۇڭگوشا سوتسياليزم يدەياسىن ءبىر تۇتاس باسشىلىققا الۋعا باستان - اياق تاباندى بولىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ باسشىلىعىنا تاباندى بولۋدى، حالىقتىڭ وزىنە - ءوزى قوجايىن بولۋىن، مەملەكەتتى زاڭمەن باسقارۋدى ورگانيكالى بىرلىككە كەلتىرىپ، حالىق قۇرىلتايى ءتۇزىمىنىڭ پارتيانىڭ مەملەكەتتىڭ بيلىك ورگاندارىنا باسشىلىق ەتۋدەگى ماڭىزدى تۇزىمدىك دانەكەرلىك رولىن، ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەرلىك رولىن تولىق ساۋلەلەندىرىپ، حالىق قۇرىلتايى ءتۇزىمىنىڭ پارتيا ورتالىق كوميتەتى ايقىن كورسەتكەن باعدار بويىنشا دامۋىنا شىنايى كەپىلدىك ەتۋ، حالىق قۇرىلتايى قىزمەتىنىڭ پارتيا ورتالىق كوميتەتى بەلگىلەگەن جولمەن العا ىلگەرىلەۋىنە شىنايى كەپىلدىك ەتۋ كەرەك.

  لي جانشۋ باياندامادا بىلاي دەپ اتاپ كورسەتتى: تۇراقتى كوميتەتتىڭ قىزمەتىندە ءالى دە كەيبىر پارىقتار مەن جەتەرسىزدىكتەر، وزىندىك قابىلەت قۇرىلىسىن ۇزدىكسىز كۇشەيتىپ، قىزمەت ساپاسى مەن ورەسىن جاقسارتىپ، جوعارىلاتىپ، نەگىزگى زاڭ، زاڭدار جۇكتەگەن داڭقتى مىندەت - جاۋاپكەرشىلىگىن شىنايى ارقالايدى.

  باياندامادا لي جانشۋ بىلاي دەپ اتاپ كورسەتتى: 2022 - جىلعى مەملەكەتتىك حالىق قۇرىلتايى تۇراقتى كوميتەتى قىزمەتىنىڭ جالپى تۇلعالىق تالاپتارى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، تياناقتاندىرىپ، پارتيا قۇرۋ ۇلى رۋحىن اسقاقتاتىپ، ”ەكىنى تۇراقتاندىرۋدىڭ“ شەشۋشى ماڭىزىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ورتالىقتىڭ حالىق قۇرىلتايى قىزمەتى ءماجىلىسىنىڭ ورنالاستىرۋى بويىنشا، جالپى بارىستىق حالىق دەموكراتياسىن ۇزدىكسىز دامىتىپ، زاڭ شىعارۋ، باقىلاۋ، ۋاكىلدەر، سىرتقا باعىتتالعان قىزمەتتەردىڭ جوعارى ساپالى دامۋىن ىلگەرىلەتىپ، تۇراقتى كوميتەتتىڭ وزىندىك قۇرىلىسىن كۇشەيتىپ، حالىق قۇرىلتايى قىزمەتىنىڭ ساپاسى مەن ورەسىن شىن مانىندە جوعارىلاتىپ، ەكىنشى 100 جىلدىق كۇرەس نىساناسىن جۇزەگە اسىرۋعا، جاپپاي سوتسياليستىك وسىزاماندانعان مەملەكەت قۇرۋعا تىڭ ۇلەستەر قوسۋ كەرەك.

  لي جانشۋ باياندامادا مۇنان كەيىنگى ءبىر جىلداعى باستى مىندەتتەرگە ورنالاستىرۋ جاسادى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جانە ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن ىشكەرىلەي دايەكتىلەندىرۋ؛ جۇيەلى، كەمەلدى ءتۇزىم جۇيەسى ارقىلى نەگىزگى زاڭنىڭ اتقارىلۋىنا كەپىلدىك ەتۋ؛ زاڭ شىعارۋ قىزمەتىنىڭ جۇيەلىلىگىن، تۇتاستىعىن، سايكەسىمدىلىگىن كۇشەيتۋ؛ زاڭدىق باقىلاۋ مەن قىزمەتتى باقىلاۋدى مۇقيات جاقسى ىستەۋ؛ حالىق قۇرىلتايى ۋاكىلدەرىنىڭ رولىن تولىق ساۋلەلەندىرۋ؛ حالىق قۇرىلتايىنىڭ سىرتقا باعىتتالعان قىزمەتىن مۇقيات جاقسى ىستەۋ؛ ”4 ورگان“ تالابى بويىنشا تۇراقتى كوميتەتتىڭ وزىندىك قۇرىلىسىن كۇشەيتۋ.

  ەڭ جوعارى حالىق سوتى مەكەمەسىنىڭ باستىعى جوۋ چياڭ ەڭ جوعارى حالىق سوتى مەكەمەسىنىڭ قىزمەتىنەن باياندامادا بىلاي دەپ اتاپ كورسەتتى: 2021 - جىلى ەڭ جوعارى حالىق سوتى مەكەمەسى شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، نەگىزگى زاڭ مەن زاڭدار جۇكتەگەن مىندەت - جاۋاپكەرشىلىگىن ادالدىقپەن وتەپ، ءتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزدى. ەڭ جوعارى حالىق سوتى مەكەمەسى 33 مىڭ 602 دەلونى قاراۋعا قابىلداپ، 28 مىڭ 720 دەلونى قاراپ اياقتاتىپ، جەرگىلىكتى ءار دارەجەلى حالىق سوتى مەكەمەلەرى مەن ارناۋلى حالىق سوتى مەكەمەلەرىنىڭ قاراۋعا قابىلداعان دەلوسى 33 ميلليون 516 مىڭ، قاراپ اياقتاتقان، اتقارىپ اياقتاتقان دەلوسى 30 ميلليون 104 مىڭ، دەلو جابۋ نىسانا سوماسى 8 تريلليون 300 ميلليارد يۋان بولدى.

  باياندامادا جوۋ چياڭ 2021 - جىلعى باستى قىزمەتتەردى 6 جاقتان قورىتىندىلادى: ءبىرىنشى، مەملەكەت حاۋىپسىزدىگى مەن قوعام ورنىقتىلىعىن باتىل قورعادىق؛ ەكىنشى، ەكونوميكا مەن قوعامنىڭ جوعارى ساپالى دامۋى ءۇشىن بەلسەنە قىزمەت وتەدىك؛ ءۇشىنشى، حالىقتى وزەك ەتۋگە باستان - اياق تاباندى بولدىق؛ ءتورتىنشى، ءادىليا ءتۇزىلىسى رەفورماسىن جانە زەردەلى سوت مەكەمەسى قۇرىلىسىن ىشكەرىلەي ىلگەرىلەتتىك؛ بەسىنشى، جالپى بارىستىق حالىق دەموكراتياسىن سانالىلىقپەن امالياتتا ايگىلەدىك؛ التىنشى، ادال، كىرشىكسىز، جاۋاپكەرشىلىك ارقالايتىن سوت مەكەمەسى قۇرىش قوسىنىن كۇش سالا قۇردىق.

  جوۋ چياڭ باياندامادا مىنالاردى ءبىلدىردى: 2022 - جىلى حالىق سوتى مەكەمەسى پارتيانىڭ ءادىليا قىزمەتىنە شارتسىز باسشىلىعىنا تاباندى بولىپ، حالىقتى وزەك ەتۋگە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ساياسي ادالدىقتى بەكەمدەپ، باستان - اياق ”حالىق بۇقاراسىنا ءاربىر ءادىليالىق دەلودان ادىلدىكتى، تۋراشىلدىقتى سەزىندىرۋگە قۇلشىنۋدى“ سوت مەكەمەسىنىڭ بارلىق قىزمەتىندە تياناقتاندىرۋ؛ حاۋىپسىزدىكتى، ورنىقتىلىقتى قورعاپ، اناعۇرلىم جوعارى ورەدەگى تىنىش - امان جۇڭگو، زاڭمەن باسقارىلاتىن جۇڭگو قۇرۋعا قىزمەت وتەۋ؛ دامۋ كەلەلى جاعدايىنا قىزمەت وتەپ، ”التىنى ورنىقتىرۋعا“، ”التىنى قامتاماسىز ەتۋگە“ دالمە - ءدال قىزمەت وتەۋ؛ حالىق تۇرمىسى ۇقىق - مۇددەسىن قامتاماسىز ەتىپ، حالىق بۇقاراسىنىڭ ادىلدىككە، تۋراشىلدىققا دەگەن اناعۇرلىم جوعارى قاجەتىن ۇزدىكسىز قاناعاتتاندىرۋ؛ رەفورما جەتىستىكتەرىن بەكەمدەپ، رەفورمانىڭ اناعۇرلىم جۇيەلى، شوعىرلى، سايكەستى، جوعارى ءونىمدى بولۋىن ىلگەرىلەتۋ؛ سوت مەكەمەسى قۇرىش قوسىنىن شىڭداپ، پارتيانى جاپپاي قاتاڭ باسقارۋعا، ساقشىنى قاتاڭ باسقارۋعا تاباندى بولىپ، جاڭا داۋىردەگى حالىق سوتى مەكەمەسى قىزمەتىنىڭ جوعارى ساپالى دامۋىن قۇلشىنا ىلگەرىلەتۋ كەرەك.

  ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ەڭ جوعارى حالىق پروكۋراتۋراسىنىڭ قىزمەتىنەن باياندامادا بىلاي دەپ اتاپ كورسەتتى: 2021 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايىنىڭ، سونداي - اق ونىڭ تۇراقتى كوميتەتىنىڭ پارمەندى باقىلاۋىندا، ەڭ جوعارى حالىق پروكۋراتۋراسى مەملەكەتتى باسقارۋعا اناعۇرلىم سانالى تۇردە ارالاسىپ، مىندەتىن زاڭ بويىنشا، بەلسەنە اتقارىپ، قىلمىستىق ىستەر، ازاماتتىق ىستەر، اكىمشىلىك ىستەر، الەۋمەتتىك يگىلىك ارىز - شاعىمى سياقتى پروكۋراتۋرالىق قىزمەتتەردە تىڭ ىلگەرىلەۋشىلىكتەرگە قول جەتكىزدى. بۇكىل ەلدەگى پروكۋراتۋرا ورگاندارى ءبىر جاقتى ەتكەن ءتۇرلى دەلولار 3 ميلليون 637 مىڭ بولىپ، سايكەس مەزگىلدەگىدەن %20.9 ارتتى. ەڭ جوعارى حالىق پروكۋراتۋراسى 19 ءادىليالىق تۇسىندىرمە جاساپ، 8 توپتا 37 جەتەكشى سيپاتتى دەلو ۇلگىسىن، 76 توپتا 563 تيپتىك دەلو ۇلگىسىن جاساپ تاراتتى.

  باياندامادا جاڭ جۇن 2021 - جىلعى قىزمەتتەرگە شولۋ جاسادى: ءبىرىنشى، كەلەلى جاعدايعا قىزمەت وتەپ، پروكۋراتۋرالىق مىندەت وتەۋ ارقىلى جوعارى ساپالى دامۋعا دەم بەردىك؛ ەكىنشى، ءادىليانى حالىق ءۇشىن جۇرگىزىپ، پروكۋراتۋرالىق مىندەت وتەپ، بۇقارانىڭ شۇعىل، قيىن، ۋايىمداعان، ءزارۋ ىستەرىن شەشتىك؛ ءۇشىنشى، باقىلاۋدى تەرەڭدەتىپ، پروكۋراتۋرالىق مىندەت وتەۋ ارقىلى ادىلدىكتى، تۋراشىلدىقتى قورعادىق؛ ءتورتىنشى، ارىز - شاعىمدى قاينارىنان جونگە سالىپ، پروكۋراتۋرالىق مىندەت وتەۋ ارقىلى جوعارى دەڭگەيدەگى حاۋىپسىزدىكتى قامتاماسىز ەتتىك؛ بەسىنشى، پروكۋراتۋرا ىستەرىن قاتاڭ باسقارىپ، پروكۋراتۋرالىق مىندەت وتەۋ ارقىلى پروكۋراتۋرا قۇرىش قوسىنىن سومدادىق.

  جاڭ جۇن باياندامادا بىلاي دەپ اتاپ كورسەتتى: 2022 - جىلى پروكۋراتۋرا ورگانى ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”ورنىقتى ىلگەرىلەتۋدى، تياناقتاندىرۋدى، جوعارىلاتۋدى“ مىقتى ۇستاپ، زاڭ بويىنشا، ىرىقتىلىقپەن مىندەت وتەپ، اناعۇرلىم جوعارى ورەدەگى تىنىش جۇڭگو، زاڭمەن باسقارىلاتىن جۇڭگو قۇرۋدى ىلگەرىلەتەدى. ورنىقتى ىلگەرىلەۋگە تاباندى بولىپ، جوعارى ساپالى دامۋعا قىزمەت وتەۋ جانە ونى قامتاماسىز ەتۋ ساياسي جاۋاپكەرشىلىگىن شىن مانىندە ارقالاۋ؛ تياناقتاندىرۋدى مىقتاپ يگەرىپ، مەملەكەتتى جاپپاي زاڭمەن باسقارۋ جاڭا جورىعىنا دەم بەرۋدەگى زاڭمەن باسقارۋ جاۋاپكەرشىلىگىن شىنايى ارقالاۋ؛ دەڭگەيدى ۇزدىكسىز جوعارىلاتىپ، پروكۋراتۋرا قىزمەتىنىڭ جوعارى ساپالى دامۋىن جۇزەگە اسىرۋداعى پروكۋراتۋرالىق جاۋاپكەرشىلىكتى شىنايى ارقالاۋ كەرەك. ساياسيدى دارىپتەپ، كەلەلى جاعدايمەن ساناسىپ، دامۋدى كوزدەپ، ءوزىن الۋەتتەندىرۋگە ءمان بەرىپ، زاڭدىق باقىلاۋ فۋنكتسياسىن ادالدىقپەن اتقارىپ، جاپپاي سوتسياليستىك وسىزاماندانعان مەملەكەت قۇرۋعا تىڭ ۇلەستەر قوسۋ كەرەك.

  جيىنعا قاتىناسۋعا ءتيىستى ۋاكىل 2951 ادام، قاتىناسقانى 2761 ادام، قاتىناسا الماعانى 190 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  جيىندى ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ۋاڭ چىن باسقاردى.

  بۇگىن ”8 - ناۋرىز“ حالىقارالىق ەڭبەكشى ايەلدەر مەرەكەسى، جيىن ءماجىلىس ءتوراعالار القاسى اتىنان بارلىق ايەل ۋاكىلدەردى، ايەل مۇشەلەردى، ايەل قىزمەتكەرلەردى، بۇكىل ەلدەگى ءار ۇلت، ءار سالا ايەلدەرىن، دۇنيە جۇزىندەگى ءار ەل ايەلدەرىن مەرەكەلەرىمەن قۇتتىقتادى جانە ىزگى تىلەك ءبىلدىردى.

  ءماجىلىستىڭ اتقارۋشى ءتوراعالارى ۋاڭ جۇنجىڭ، يىن حۇڭ، ليۋ نيڭ، شۇي چيلياڭ، شۇي چين، لي في، ۋ جىڭلۇڭ، حى يتيڭ، جاڭ يەسۇي، جاڭ چيڭۋي، جاڭ شۋان، جاڭ گوچيڭ، چىن رۇن - ىر، لين ۋ، ي ليانحۇڭ، جىڭ شانجيە، دۋان چۇنحۋا، شۇي شاۋشى، گاۋ حۋچىڭ، شىن يچين، لوۋ ياڭشىڭ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

جالعانىم



جاۋاپتى رەداكتورى: سەرىك دالەلقان ۇلى