اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 32 - رەتكى ءماجىلىسىن 3 - ايدىڭ 23 - كۇنىنەن 25 - كۇنىنە دەيىن وتكىزۋدى ۇيعاردى
انار بۇلت / شينجياڭ گازەتىنىڭ ءتىلشىسى لياڭ ليحۋا 3 - ايدىڭ 15 - كۇنى ۇرىمجىدەن حابارلايدى. 3 - ايدىڭ 15 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى 161 - رەتكى مەڭگەرۋشىلەر ءماجىلىسىن وتكىزدى. ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 32 - رەتكى ءماجىلىسىن 3 - ايدىڭ 23 - كۇنىنەن 25 - كۇنىنە دەيىن ۇرىمجىدە وتكىزۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 32 - رەتكى ءماجىلىسىنىڭ كەڭەستىك ءتارتىبى جوباسىن قارادى. مەڭگەرۋشىلەر ءماجىلىسى ۇسىنعان كەڭەستىك تاقىرىپقا ساي، تۇراقتى كوميتەتتىڭ 32 - رەتكى ءماجىلىسى مەملەكەتتىك ەكى ءماجىلىس رۋحىن جەتكىزەدى، ۇيرەنەدى؛ اۆتونوميالى رايوننىڭ حالىققا قولايلى ساقشى ىستەر پۋنكتى ەرەجەسى جوباسىنىڭ وزگەرىس ەنگىزىلگەن نۇسقاسىن، اۆتونوميالى رايوننىڭ شەشۋشى ينفورماتسيا نەگىزدىك قۇرىلعىلارىنىڭ حاۋىپسىزدىگىن قورعاۋ ەرەجەسى جوباسىنىڭ وزگەرىس ەنگىزىلگەن نۇسقاسىن قارايدى؛ اۆتونوميالى رايوندىق حالىق قۇرىلتايى باقىلاۋ - تەكسەرۋ جانە ءادىليا كوميتەتىنىڭ قاراۋعا ۇسىنعان اۆتونوميالى رايوننىڭ «جۇڭحۋا حالىق رەسپۋبليكاسىنىڭ مەملەكەت حاۋىپسىزدىگى زاڭىن» اتقارۋ ءادىسى جوباسى جونىندەگى كەڭەستىك جوبانى، اۆتونوميالى رايوندىق حالىق قۇرىلتايى قوعامدىق قۇرىلىس كوميتەتىنىڭ قاراۋعا ۇسىنعان اۆتونوميالى رايوننىڭ ازامات جاسىنا تولماعانداردى قورعاۋ ەرەجەسىنىڭ وزگەرىس ەنگىزىلگەن جوباسى جونىندەگى كەڭەستىك جوبانى قارايدى؛ اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ءماجىلىسى قاراۋعا ۇسىنعان اۆتونوميالى رايوندىق حالىق قۇرىلتايى تۇراقتى كوميتەتىنىڭ مەملەكەت مەنشىگىندەگى مال - مۇلىكتى باسقارۋ جاعدايىن باقىلاۋدى كۇشەيتۋ تۋرالى قاۋلىنىڭ وزگەرىس ەنگىزىلگەن جوباسى جونىندەگى كەڭەستىك جوبانى، اۆتونوميالى رايوندىق حالىق ۇكىمەتىنىڭ قاراۋعا ۇسىنعان اۆتونوميالى رايوننىڭ حالىق سانى جانە جوسپارلى تۋىت ەرەجەسىنىڭ وزگەرىس ەنگىزىلگەن جوباسىن، اۆتونوميالى رايوننىڭ «جۇڭحۋا حالىق رەسپۋبليكاسىنىڭ عىلىم - تەحنيكا جەتىستىكتەرىن كادەگە جاراتۋدى جەبەۋ زاڭىن» اتقارۋ ءادىسىنىڭ وزگەرىس ەنگىزىلگەن جوباسى جونىندەگى كەڭەستىك جوبانى قارايدى؛ ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «ىلە قازاق اۆتونوميالى وبلىسىنىڭ شينجياڭ قارا اراسى گەنەتيكالىق بايلىعىن قورعاۋ ەرەجەسىن»، ىلە قازاق اۆتونوميالى وبلىستىق حالىق قۇرىلتايىنىڭ «ىلە وزەنى اڭعارىنداعى شينجياڭ قارا اراسى بايلىعىن قورعاۋ ەرەجەسىن»، «ىلە قازاق اۆتونوميالى وبلىسىنىڭ <جۇڭحۋا حالىق رەسپۋبليكاسىنىڭ ۇيلەنۋ زاڭىن> اتقارۋ تۋرالى تولىقتاما بەلگىلەمەسىن»، «ىلە قازاق اۆتونوميالى وبلىسىنىڭ ايىرىم ەرەجەنى جاساۋ ءتارتىبى تۋرالى بەلگىلەمەسىن» كۇشىنەن قالدىرۋ جونىندەگى قاۋلىسى جونىندەگى كەڭەستىك جوبانى قاراپ تەكسەرەدى؛ سانجى حۇيزۋ اۆتونوميالى وبلىستىق حالىق قۇرىلتايى تۇراقتى كوميتەتىنىڭ بەكىتۋگە ۇسىنعان «سانجى حۇيزۋ اۆتونوميالى وبلىسىنىڭ قالا، اۋىلدى تور كوزدەندىرىپ باسقارۋ قىزمەت وتەۋ ەرەجەسى» جونىندەگى كەڭەستىك جوبانى، بەكىتۋگە ۇسىنعان «سانجى حۇيزۋ اۆتونوميالى وبلىسىنىڭ قالا - قالاشىقتاردى جىلۋمەن قامداۋ ەرەجەسىنە» وزگەرىس ەنگىزۋ جونىندەگى كەڭەستىك جوبانى، بەكىتۋگە ۇسىنعان «سانجى حۇيزۋ اۆتونوميالى وبلىستىق حالىق قۇرىلتايىنىڭ <سانجى حۇيزۋ اۆتونوميالى وبلىسىنىڭ ساياحات ەرەجەسى> قاتارلى 3 ايىرىم ەرەجەنى كۇشىنەن قالدىرۋ جونىندەگى قاۋلىسى» تۋرالى كەڭەستىك جوبانى قاراپ تەكسەرەدى؛ بۇراتالا موڭعۇل اۆتونوميالى وبلىستىق حالىق قۇرىلتايى تۇراقتى كوميتەتىنىڭ بەكىتۋگە ۇسىنعان «بۇراتالا موڭعۇل اۆتونوميالى وبلىسى اراسان شينجياڭ سولتۇستىك سالاماندرا قورىعىن باسقارۋ ەرەجەسىنە» وزگەرىس ەنگىزۋ جونىندەگى كەڭەستىك جوبانى قاراپ تەكسەرەدى؛ باركول قازاق اۆتونوميالى اۋداندىق حالىق قۇرىلتايى تۇراقتى كوميتەتى بەكىتۋگە ۇسىنعان «باركول قازاق اۆتونوميالى اۋدانىنىڭ ساياحاتتى دامىتۋدى جەبەۋ ەرەجەسى» جونىندەگى كەڭەستىك جوبانى قاراپ تەكسەرەدى؛ اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىنىڭ 2021 - جىلعى ولشەمدى حۇجاتتاردى ەستەلىككە الۋ، تەكسەرۋ قىزمەتى جاعدايىنان جاساعان بايانداماسىن، اۆتونوميالى رايوندىق حالىق ۇكىمەتىنىڭ قارتتاردىڭ ۇقىق - مۇددەسىن قامتاماسىز ەتۋ قىزمەتى جاعدايىنان جاساعان بايانداماسىن، اۆتونوميالى رايوندىق حالىق قۇرىلتايى قورشاعان ورتا جانە بايلىق قورعاۋ كوميتەتىنىڭ اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ ءتوراعالار القاسى قاراۋعا تاپسىرعان ۋاكىلدەر قويعان كەڭەستىك جوبانى قاراۋ ناتيجەسى جونىندە جاساعان بايانداماسىن تىڭدايدى جانە قارايدى؛ كادرلاردى مىندەتكە تاعدايىنداۋ، مىندەتىنەن قالدىرۋ جونىندەگى كەڭەستىڭ جوبانى قارايدى.
ءماجىلىس اۆتونوميالى رايوندىق باقىلاۋ - تەكسەرۋ كوميتەتىنىڭ اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ «شينجياڭ ۇيعۇر اۆتونوميالى رايوندىق باقىلاۋ - تەكسەرۋ كوميتەتىنىڭ كەدەيلەردى سۇيەمەلدەۋ سالاسىنداعى شىرىكتەسۋ مەن ستيل ماسەلەسىن ارناۋلى جونگە سالۋدى ورىستەتۋ جاعدايى جونىندەگى بايانداماسىن» قاراۋ پىكىرى، اقىلداسىپ ءبىر جاقتى ەتۋ جاعدايى جونىندەگى بايانداماسى سياقتىلاردى دا قارادى.