ورتالىق كوميتەت كەڭسەسى، مەملەكەتتىك كەڭەس كەڭسەسى، ورتالىق اسكەري ىستەر كوميتەتى كەڭسەسى
«جاڭا داۋىردەگى قۇربانداردى ماراپاتتاۋ قىزمەتىن كۇشەيتۋ جونىندەگى پىكىردى» باسىپ تاراتتى
شينحۋا اگەنتتىگىنىڭ 3 - ايدىڭ 22 - كۇنى بەيجيڭنەن بەرگەن حابارى. باس شۋجي شي جينپيڭنىڭ قۇربانداردى ماراپاتتاۋ قىزمەتى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى قۇربانداردى ماراپاتتاۋ قىزمەتىن جاڭالىق اشا ىلگەرىلەتۋ ءۇشىن، جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى، ورتالىق اسكەري ىستەر كوميتەتى كەڭسەسى تاياۋدا «جاڭا داۋىردەگى قۇربانداردى ماراپاتتاۋ قىزمەتىن كۇشەيتۋ جونىندەگى پىكىردى» باسىپ تاراتتى (تومەندە قىسقاشا «پىكىر» دەلىنەدى).
«پىكىردە» مىنالار اتاپ كورسەتىلدى: قاھارمان قۇرباندار − ۇلتتىڭ تىرەگى، ءداۋىردىڭ اۆانگاردى، قاھارمان قۇربانداردىڭ ىزگى ىستەرى مەن رۋحى − جۇڭحۋا ۇلتىنىڭ ورتاق تاريحي ەستەلىگى جانە قۇندى رۋحاني بايلىعى، بۇكىل پارتياداعى، بۇكىل ەلدەگى ءار ۇلت حالقىن قاجىماي - تالماي كۇرەس جۇرگىزۋگە جىگەرلەندىرەتىن كۇش قاينارى. ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىن باستاۋىنا ىلەسە، قاھارمان قۇرباندار رۋحىن اسقاقتاتىپ، قىزىل قان تامىردى جالعاستىرىپ، قىزىل بيلىكتى ۇرپاقتان - ۇرپاققا جالعاۋ ءداۋىر قۇربانداردى ماراپاتتاۋ قىزمەتىنە جۇكتەگەن ماڭىزدى بورىشقا جانە مىندەتكە اينالدى.
«پىكىردە» مىنالار باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيا مەن مەملەكەت ىستەرىن دامىتۋدىڭ قۇربانداردى ماراپاتتاۋ قىزمەتىنە قويعان جاڭا تالابىن دالمە - ءدال يگەرىپ، ەكونوميكالىق، قوعامدىق دامۋعا قىزمەت وتەۋ، مەملەكەت قورعانىسى مەن ارميا قۇرىلىسىنا قىزمەت وتەۋ باعىتىنا تاباندى بولىپ، قۇربانداردى ماراپاتتاۋ قىزمەتىنىڭ جاڭالىق اشا دامۋىن تەجەيتىن قايشىلىقتاردى، ماسەلەلەردى شەشىپ، قاھارمان قۇربانداردىڭ ىزگى ىستەرى مەن رۋحىن بار كۇشپەن ۇگىتتەپ، اسقاقتاتىپ، توڭكەرىستىك داستۇرگە مۇراگەرلىك ەتىپ، قىزىل گەندى جالعاستىرىپ، قاھارمان قۇربانداردى ارداقتايتىن، قاھارمان قۇربانداردى ساعىنىشپەن ەسكە الاتىن، قاھارمان قۇربانداردان ۇيرەنەتىن، قاھارمان قۇربانداردى اسپەتتەيتىن، قاھارمان قۇربانداردىڭ وتباسىنداعىلارعا قامقورلىق جاسايتىن قويۋ رايدى ىشكەرىلەي قالىپتاستىرۋ كەرەك.
«پىكىردە» مىنالار ايقىندالدى: قاھارمان قۇربانداردى ماراپاتتاۋ جونىندەگى ساياسات، زاڭ ەرەجەلەردى كەمەلدەندىرۋ كەرەك؛ قامقورلىق جاساپ، ارداقتاۋدى كورنەكتىلەندىرىپ، قۇرباندار وتباسىلارىنىڭ قۇربان بەرۋگە، ءوزىن ارناۋعا پەيىل رۋحاني قاسيەتىن ماراپاتتاپ، ايگىلەپ، قۇرباندار وتباسىنداعىلارعا گۋمانيتارلىق قامقورلىق جاساۋ مەن رۋحاني مەدەت بەرۋدى كۇشەيتىپ، قۇرباندار وتباسىنداعىلارىنىڭ كەيىنگى تۇرمىسىن قامتاماسىز ەتۋ، قۇتقارۋ، كومەكتەسۋ، سۇيەمەلدەۋ سياقتى ءىس جۇزىندىك ماسەلەلەردى كورنەكتى تۇردە شەشۋ؛ قۇرباندار وتباسىنداعىلارىنىڭ تۇرعىن ءۇي، قارتتاردى كۇتىمدەۋ، ەمدەلۋ، جۇمىستانۋ، ءبىلىم الۋ، ءادىليا سياقتى قىزمەت وتەۋ ارناۋلى قامقورلىق جاساۋ مازمۇندارىن ساپالىلاندىرىپ، قۇرباندار وتباسىنداعىلارعا قاتىناس، مادەنيەت جانە ساياحات جاقتارىنداعى قامقورلىقتاردى كۇشەيتۋ؛ قۇرباندار پەرزەنتتەرىنە ءبىلىم بەرۋ جاعىنداعى قامقورلىق ساياساتىن كەمەلدەندىرىپ، قۇرباندار وتباسىنداعىلارىنىڭ جۇمىستانۋ ارناسىن كەڭەيتىپ، قۇرباندار وتباسىنداعىلارىنىڭ جۇمىستانۋ، شارۋاشىلىق قۇرۋىن سۇيەمەلدەۋ ساياساتىن كۇشەيتۋ؛ قوعامدىق كۇشتەردى قۇربانداردىڭ وتباسىنداعىلارعا قامقورلىق جاساۋعا، مەيىر جەتكىزۋگە شابىتتاندىرۋ، قولداۋ كورسەتۋ كەرەك.
«پىكىردە» مىنالار العا قويىلدى: قۇربانداردى ەسكە الۋ قۇرىلعىلارىن جوبالاپ سالۋدى ءبىر تۇتاس جوسپارلاپ، قۇربانداردى ەسكە الۋ قۇرىلعىسىنىڭ ساپاسىن جوعارىلاتۋدى، جاڭارتۋدى كۇشەيتىپ، تاربيەلىك فۋنكتسياسىن كۇشەيتىپ، قۇربانداردى ەسكە الۋ قۇرىلعىسى ارقالاعان قاھارمان قۇربانداردىڭ ىزگى ىستەرى مەن رۋحىن اشۋعا باسا ءمان بەرىپ، قاھارمان قۇربانداردى ماراپاتتاۋ، سوڭعىلاردى تاربيەلەۋ سىندى قىزىل شەپتىك رولىن تولىق ساۋلەلەندىرۋ؛ قۇربانداردى ەسكە الۋ قۇرىلعىسىن قورعاۋ، باسقارۋ ءتۇزىمىن كەمەلدەندىرىپ، قورعاۋ، باسقارۋ جاۋاپكەرشىلىگىن ايقىنداپ، ءبىر تۇتاس ارناعا ءتۇسىرىپ باسقارۋدى ورنىقتى، ءتارتىپتى ىلگەرىلەتۋ؛ ينفورماتسيا تەحنيكاسى ءتاسىلىنىڭ قۇربانداردى ەسكە الۋ قۇرىلعىسىن باسقارۋ، قورعاۋ، قۇرباندارعا ازا ءبىلدىرۋ سياقتى قىزمەتتەردە پايدالانىلۋىن تەرەڭدەتىپ، قۇربانداردى ەسكە الۋ قۇرىلعىسىن باسقارۋ ونىمدىلىگىن جوعارىلاتۋ كەرەك.
«پىكىردە» مىنالار بەلگىلەندى: قاھارمان قۇربانداردىڭ ىزگى ىستەرى مەن رۋحىن ۇگىتتەۋدى، اسقاقتاتۋدى سوتسياليستىك رۋحاني وركەنيەت قۇرىلىسىنىڭ ماڭىزدى مازمۇنى ەتىپ، تۇتاس قوعامدا قاھارمان قۇربانداردى ارداقتاۋ، قاھارمان قۇربانداردى ساعىنىشپەن ەسكە الۋ، قاھارمان قۇربانداردان ۇيرەنۋ، قاھارمان قۇربانداردى اسپەتتەۋ ۇگىت تاربيە قيمىلىن ىشكەرىلەي ورىستەتىپ، مەرزىم سايىن جاستار مەن جاس وسپىرىمدەردى قۇربانداردى ەسكە الۋ قۇرىلعىلارىن ەكسكۋرسيالاۋعا، وعان قۇرمەت بىلدىرۋگە ۇيىمداستىرۋ؛ قاھارمان قۇرباندار رۋحىن اسقاقتاتاتىن ۇزدىك ادەبيەت - كوركەمونەر تۋىندىلارىن بەلسەندىلىكپەن جارىققا شىعارىپ، تاريحتى تەرىستەۋشىلدىك سياقتى قاتە يدەيالارعا تۋى ايقىن تۇردە قارسى تۇرۋ جانە ونى شەكتەۋ؛ قاھارمان قۇربانداردى ماراپاتتاۋ سارا تۋىندىلار كورمەسىن اشىپ، قىزىل مادەنيەتتى جاندى تۇردە تاراتىپ، جاڭا اقپارات قۇرالدارى، جاڭا تەحنيكا جانە بۇقارا قۇمارتا كورىپ، ۇناتىپ تىڭدايتىن فورمالاردان پايدالانىپ، پارتيا حيكاياسىن، توڭكەرىس حيكاياسىن، قاھارمان قۇرباندار حيكاياسىن ويداعىداي بايانداۋ؛ بۇقارالىق ەسكە الۋ فورماسىنا جاڭالىق ەنگىزىپ، قوعامنىڭ ءار سالاسىن سانالى تۇردە ازا ءبىلدىرىپ، ەسكە الۋعا باۋراۋ؛ دەرەكسىز كەتكەن قۇربانداردىڭ مۇردەسىن ىزدەستىرۋ، قورعاۋ جانە قۇربانداردىڭ تۋىستارىن ىزدەۋ قىزمەتىن ۇزدىكسىز ويداعىداي ىستەپ، قاھارمان قۇربانداردى قورعاۋ قىزمەتىنىڭ بىرلەسىپ قيمىلداۋ، سايكەستىرۋ ءتۇزىمىن ورناتىپ، اقاۋسىزداندىرىپ، قاھارمان قۇربانداردىڭ ىزگى ىستەرى مەن رۋحىن بۇرمالايتىن، تۇرپايىلاندىراتىن، قوراشسىناتىن، تەرىستەيتىن ءسوز - ارەكەتتەرگە باتىل تۇردە زاڭ بويىنشا سوققى بەرۋ كەرەك.
«پىكىردە» مىنالار تالاپ ەتىلدى: ءار دارەجەلى پارتكوم مەن ۇكىمەت قۇربانداردى ماراپاتتاۋ قىزمەتىنە ۇيىمدىق باسشىلىقتى جانە ءبىر تۇتاس جوسپارلاپ سايكەستىرۋدى شىنايى كۇشەيتىپ، قىزمەتتە ورىن تەپكەن قيىنشىلىقتار مەن ماسەلەلەردى مەرزىم سايىن زەرتتەپ شەشۋ؛ قوعامدىق كۇشتەردى قۇربانداردى ماراپاتتاۋ قىزمەتىنە بەلسەنە ات سالىسۋعا شابىتتاندىرۋ، قولداۋ كورسەتۋ، جەتەكتەۋ كەرەك.