شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى (تىلشىلەر ان بەي، پان جيە). «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ بۇكىل ەلدە ءبىر تۇتاس ءىرى بازار قۇرۋدى جەدەلدەتۋ جونىندەگى پىكىرى» 4 - ايدىڭ 10 - كۇنى جاريالاندى.

　　بۇكىل ەلدە ءبىر تۇتاس ءىرى بازار قۇرۋ − جاڭا دامۋ ارناسىن قالىپتاستىرۋدىڭ نەگىزگى تىرەگى جانە ىشكى تالابى. پىكىر مىنانى ايقىندادى: بۇكىل ەلدە ءبىر تۇتاس بولعان بازار ءتۇزىمىن، ەرەجەسىن جەدەل ورناتۋ، جەرگىلىكتى قورعاۋ مەن بازاردى ءبولۋدى تالقانداپ، ەكونوميكالىق اينالىمدى تەجەيتىن ءتۇيىندى بوگەتتەردى اشىپ، تاۋار فاكتورى بايلىعىنىڭ اناعۇرلىم زور اۋماقتا ىركىلىسسىز اينالىسقا ءتۇسۋىن جەبەپ، جوعارى ءونىمدى دە جۇيەلى، ءادىل باسەكەلى، تولىق اشىلعان بۇكىل ەلدە ءبىر تۇتاس بازار قۇرۋدى جەدەلدەتىپ، ەلىمىز بازارىنىڭ ءىرى بولۋدان قۋاتتى بولۋعا قاراي وزگەرۋىن جاپپاي ىلگەرىلەتىپ، جوعارى ولشەمدى بازار جۇيەسىن قۇرۋعا، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋعا پارمەندى تىرەك ازىرلەيدى.

　　پىكىر بويىنشا بۇكىل ەلدە ءبىر تۇتاس ءىرى بازاردى جەدەل قۇرۋدىڭ قىزمەت پرينسيبى مىناداي: ىشكى سۇرانىستى تياناق ەتىپ، اينالىستى ىركىلىسسىزدەندىرۋ؛ ورناتۋ مەن كۇشىنەن قالدىرۋدى قاتار يگەرىپ، ءتۇزىمدى كەمەلدەندىرۋ؛ ءونىمدى بازار، ىسكەر ۇكىمەت بولۋ؛ جۇيەلى سايكەستىرۋ، ورنىقتى ىلگەرىلەتۋ. نەگىزگى نىساناسى: ەل ءىشى بازارىنىڭ جوعارى ءونىمدى ىركىلىسسىزدىگى مەن كولەمدى كەڭەيۋىن ۇزدىكسىز ىلگەرىلەتىپ، ورنىقتى، ءادىل، جاريا، مەجەلى شارۋاشىلىق ساۋدا ورتاسىن جەدەل قالىپتاستىرىپ، بازاردىڭ ساۋدا وزىندىك قۇنىن ونان ارى تومەندەتىپ، عىلىم - تەحنيكادا جاڭالىق اشۋ مەن كاسىپ سالالارىنىڭ دارەجەسىن جوعارىلاتۋدى جەبەپ، حالىقارالىق باسەكەگە، سەلبەستىككە ات سالىسۋدىڭ جاڭا باسىمدىعىن جەتىلدىرۋ كەرەك.

　　پىكىر ماسەلەنى باعدار ەتىپ، ورناتۋ مەن كۇشىنەن قالدىرۋدى قاتار يگەرۋگە تاباندى بولىپ، بۇكىل ەلدە ءبىر تۇتاس ءىرى بازار قۇرۋدى جەدەلدەتۋدىڭ ءتۇيىندى مىندەتتەرىن 6 جاقتان ايقىندادى: ورناتۋ تۇرعىسىنان، پىكىر ”بەس ءبىر تۇتاستى“ ويداعىداي يگەرۋ كەرەكتىگىن ايقىندادى. ءبىرىنشى، بازاردىڭ نەگىزدىك ءتۇزىم، ەرەجە قاعيداسىنىڭ بىرلىگىن كۇشەيتۋ. ەكىنشى، بازار قۇرىلعىلارىنىڭ جوعارى ولشەمدى ۇلاسۋىن ىلگەرىلەتۋ. ءۇشىنشى، ءبىر تۇتاس فاكتور جانە بايلىق بازارىن تۇلعالاۋ. ءتورتىنشى، تاۋار جانە قىزمەت وتەۋ بازارىنىڭ جوعارى دەڭگەيلى بىرلىگىن ىلگەرىلەتۋ. بەسىنشى، بازاردى باقىلاپ - باسقارۋدىڭ ءادىل، ءبىر تۇتاس بولۋىن ىلگەرىلەتۋ. كۇشىنەن قالدىرۋ تۇرعىسىنان، پىكىر ۇيلەسىمسىز بازار باسەكەسىن جانە بازارعا كيلىگۋ ارەكەتىن ونان ارى جۇيەگە ءتۇسىرۋ كەرەكتىگىن ايقىندادى.

　　پىكىر مىنانى باسا دارىپتەدى: پارتيانىڭ باسشىلىعىن كۇشەيتىپ، شابىتتاندىرۋ، تەجەۋ مەحانيزمىن كەمەلدەندىرىپ، وڭىرلىك سەلبەستىكتى الدىمەن ىلگەرىلەتىپ، قىزمەتتىڭ بىرىككەن كۇشىن قالىپتاستىرۋ كەرەك.

جالعانىم