رايونىمىز ءىسورىن قىزمەتكەرلەرىن باعالاۋ ءادىسىن شىعاردى
ءىسورىنداردىڭ سيلاۋ ولشەمىن تۇڭعىش رەت ايقىندادى
انار بۇلت / شينجياڭ گازەتىنىڭ ءتىلشىسى جاۋ شييا 4 - ايدىڭ 12 - كۇنى ۇرىمجىدەن حابارلايدى. جۋىقتا «شينجياڭ ۇيعۇر اۆتونوميالى رايونىنىڭ ءىسورىن قىزمەتكەرلەرىن باعالاۋ ءادىسى (سىناق رەتىندە اتقارىلادى)» (تومەندە قىسقاشا «باعالاۋ ءادىسى» دەلىنەدى) شىعارىلدى. «باعالاۋ ادىسىندە» ءىسورىنداردىڭ سيلاۋ ولشەمى، ياعني باعالاۋدا ءۇرتىس 3 جىل ۇزدىك بولعان قىزمەتكەرلەرگە ەڭبەك جازۋ، اتاق باعالاۋ - اتاعى بويىنشا ىستەتۋ، قىزمەت ورنى (قىزمەتكەر) دارەجەسىن جوعارىلاتۋ كەزىندە الدىمەن ويلاستىرۋ ءتيىس دەگەن سياقتى شابىتتاندىرۋ شارالارى تۇڭعىش رەت ايقىندالدى.
«باعالاۋ ءادىسى» − رايونىمىزدىڭ ورتالىقتىڭ دارىندىلار قىزمەتى ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ءىسورىنداردىڭ كادرلار ءىسى ءتۇزىمى رەفورماسىن ىلگەرىلەتۋدەگى، دارىندىلاردىڭ قىزمەت ناتيجەسىن باعالاۋ جۇيەسىن كەمەلدەندىرۋدەگى، ءىسورىن قىزمەتكەرلەرىنىڭ قىزمەت ناتيجەسىن، ۇلەسىن عىلمي باعالاۋداعى ماڭىزدى شارا، رايونىمىزداعى ءىسورىنداردىڭ كادرلار ءىسىن باسقارۋ ساياسات، زاڭ - ەرەجە جۇيەسىن اناعۇرلىم كەمەلدەندىرە تۇسەدى.
«باعالاۋ ءادىسى» ءمورال، قابىلەت، ەڭبەك، ناتيجە، پاكتىك سىندى 5 ولشەمدىك باعالاۋ مازمۇنىن تۇراقتاندىردى. قىزمەت ناتيجەسىن، ۇلەسىن كورنەكتىلەندىرۋ باسا دارىپتەلىپ، ءىسورىن قىزمەتكەرلەرىنىڭ عىلمي زەرتتەۋدەن قامال الۋ، جاڭالىق اشۋ، شارۋاشىلىق قۇرۋ، اۋىل - قىستاقتى گۇلدەندىرۋ، حاۋىپسىزدىك، ورنىقتىلىقتى قورعاۋ، ىندەتتەن ساقتانۋ، اپاتتان قۇتقارۋ، شۇعىل جاعدايلارعا توتەپ بەرۋ، توسىن جاعدايلاردى ءبىر جاقتى ەتۋ سياقتى كەلەلى مىندەتتەردى ارقالاعان كەزدەگى بەينەسى جالپى بەتتىك باعالانادى. كاسىپتىك - تەحنيكالىق قىزمەتكەرلەردىڭ ءمورال، قابىلەت، ەڭبەك، پاكتىك جاعىنداعى باعالاۋى تولىمدى بولۋ العى شارتىندا، باعالاۋ ناتيجەسىندەگى قىزمەت ناتيجەسى نىساناسىن ورىنداۋ جاعدايىن تارازىلاۋ ادەتتە ％60تەن تومەن بولمايدى.
«باعالاۋ ادىسىندە» مىنالار باسا دارىپتەلدى: باسقارۋ قىزمەت ورنى، كاسىپتىك - تەحنيكالىق قىزمەت ورنى، جۇمىسشىلىق، شەبەرلىك قىزمەت ورنى، سونداي - اق تۇرلىشە پاندەر سالاسىنداعى، تۇرلىشە تولىسۋ ساتىسىنداعى عىلمي زەرتتەۋ قىزمەت ورنى قىزمەتكەرلەرىن باعالاۋ ءتۇيىنى دەپ اجىراتۋ كەرەك؛ جاۋاپتى ورگان - تاراۋلار نەمەسە ءىسورىندارى ءىس جۇزىندىك ەرەكشەلىكتەرىمەن بىرلەستىرىپ، باعالاۋ مازمۇنى مەن ولشەمىن اناعۇرلىم اشالاپ، باعالاۋ كورسەتكىش جۇيەسىن اقاۋسىزداندىرىپ، كەمەلدەندىرىپ، دالمە - ءدال، عىلمي باعالاۋدى اتقارۋ كەرەك.
«باعالاۋ ادىسىندە» مىنالار تالاپ ەتىلدى: جاۋاپتى ورگان - تاراۋلار مەن ءىسورىندارى باعالاۋ قىزمەتىن ءبىر تۇتاس جوسپارلاۋدى كۇشەيتىپ، قىزمەت ناتيجەسىن باعالاۋدى جايشىلىقتاعى باعالاۋمەن، جىلدىق باعالاۋمەن، ۇسىنىسپەن ىستەتكەن كەزدەگى باعالاۋمەن، ارناۋلى باعالاۋمەن ءبىر تۇتاس جوسپارلاپ ورنالاستىرىپ، ءونىمدى ۇشتاستىرىپ، باس - باسىنا باعالاۋدان، قايتالاپ باعالاۋدان، ءجيى - ءجيى باعالاۋدان ساقتانىپ، ينتەرنەت تەحنيكاسى مەن ينفورماتسيالاندىرۋ ءادىس - تاسىلدەرىنەن پايدالانۋعا باسا ءمان بەرىپ، باعالاۋ قىزمەتىن قاراپايىم، جوعارى ءونىمدى ورىستەتۋ كەرەك.
«باعالاۋ ادىسىندە» مىنالار ايقىن بەلگىلەندى: جىلدىق باعالاۋدا ۇزدىك، تولىمدى، دارەجەسى تۇراقتانباعان، نەگىزىنەن تولىمدى جانە تولىمسىز قىزمەتكەرلەرگە مەڭزەس، ۇزدىكتەرىن سيلاۋ، ناشارلارىن جازالاۋ ارقىلى شابىتتاندىرۋ مەن تەجەۋگە تەڭ ءمان بەرۋ مەحانيزمىن كۇشەيتۋ كەرەك.
”«باعالاۋ ادىسىندە» قىزمەت ناتيجەسى، ۇلەسى ەرەكشە باسا دارىپتەلدى، جىلدىق باعالاۋداعى ۇزدىكتەرگە بەرىلەتىن سان ماداقتالىپ - سيلانعاندارعا، سونداي - اق نەگىزگى ساتىنىڭ ءبىرىنشى شەبىندەگى، جاپالى قىزمەت ورىندارىنداعى قىزمەتكەرلەرگە بەيىمدەلىپ، ءىسورىن قىزمەتكەرلەرىن جاڭا داۋىردە جاڭا جاۋاپكەرشىلىك ارقالاپ، تىڭ ىسكەرلىك كورسەتۋگە ءونىمدى تۇردە ىنتالاندىرادى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ءىسورىندارى كادرلار ءىسىن باسقارۋ باسقارماسىنىڭ ورىنباسار باستىعى، 1 - دارەجەلى تەكسەرىپ - زەرتتەۋشى ما شين مىنانى ءبىلدىردى: ادام كۇشى بايلىعى جانە قوعامدىق قامتاماسىزداندىرۋ تاراۋلارى كاسىپتىك باۋلۋ ورىستەتىپ، ساياساتتى اتقارۋ قابىلەتىن جوعارىلاتىپ، مەكەمە - ورىنداردىڭ ءىس جۇزىندىك جاعدايعا ۇشتاستىرىپ، سايكەستى تۇزىمدەردى اشالاپ، كەمەلدەندىرىپ، ءىسورىنداردىڭ كادرلار ءىسىن باسقارۋ قىزمەتىنىڭ عىلميلانۋىن، تۇزىمدەنۋىن، جۇيەلىلەنۋىن ۇزدىكسىز ىلگەرىلەتۋىنە جەتەكشىلىك ەتەدى.