ما شيڭرۇي، ەركىن تۇنياز گۋاڭدۇڭ ولكەسىندەگى ءبىر ءبولىم ءتۇيىندى كاسىپورىنداردىڭ قىزمەت تەكسەرۋ ۇيىرمەسىندەگىلەرمەن كەزدەستى
لي يفي، حى جۇڭيوۋ كەزدەسۋگە قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 4 - ايدىڭ 13 - كۇنى تۇستەن كەيىن ۇرىمجىدە گۋاڭدۇڭ ولكەسىندەگى ءبىر ءبولىم ءتۇيىندى كاسىپورىنداردىڭ قىزمەت تەكسەرۋ ۇيىرمەسىندەگىلەرمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان، گۋاڭدۇڭ ولكەسىندەگى ءبىر ءبولىم ءتۇيىندى كاسىپورىنداردىڭ قىزمەت تەكسەرۋ ۇيىرمەسىندەگىلەردىڭ كەلگەندىگىن قارسى الاتىندىعىن ءبىلدىردى، ولاردىڭ ۇزاق ۋاقىتتان بەرى شينجياڭنىڭ رەفورما، دامۋ، ورنىقتىلىق ىستەرىنىڭ دامۋىنا قولداۋ كورسەتىپ، كومەكتەسىپ كەلگەندىگىنە العىس ايتتى. شينجياڭنىڭ ەكونوميكالىق، قوعامدىق دامۋ نەگىزگى جاعدايىن قىسقاشا تانىستىرعاننان كەيىن، ما شيڭرۇي بىلاي دەدى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ايرىقشا ماڭىزدى ستراتەگيالىق ورىنعا يە. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ قىزمەتى كەلەلى ونىمدىلىككە قول جەتكىزىپ، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعاۋشى كۇش ەتىپ، ەرەكشە، باسىمدىققا يە وسى زامانعى كاسىپ سالاسى جۇيەسىن قۇرىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرامىز. گۋاڭدۇڭداعى ءتۇرلى مەنشىكتەگى كاسىپورىنداردىڭ شينجياڭعا كەلىپ قونىستانىپ، قارجى قوسىپ، شينجياڭعا كاسىپ سالاسى ارقىلى كومەكتەسۋدى تەرەڭدەتىپ، ۇلكەن شىعاناق رايونى مەن جىبەك جولى ەكونوميكالىق بەلدەۋى وزەكتى رايونىنىڭ قول ۇستاسا دامۋىن جەبەپ، ءوزارا پايدا جەتكىزىپ، تەڭ يگىلىككە كەنەلۋىن ىستىق ىقىلاسپەن قارسى الامىز. اۆتونوميالى رايوندىق پارتكوم مەن ۇكىمەت بار كۇشپەن قىزمەت وتەۋدى ويداعىداي ىستەپ، بەلسەندى، ىرىقتى تۇردە سايكەستىرىپ، ۇشتاستىرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق، ساۋدا ورتاسىن تۇلعالايدى.
گۋاڭجوۋ اۆتوكولىك توبى، جيادۋ عىلىم - تەحنيكاسى، حۋاحاۋ (گۋاڭدۇڭ ساۋدا كاسىبى)، گۋاڭشىڭ جارنا تىزگىندەۋ توبى، يۋەشيۋ توبى، گۋاڭجوۋ ءدارى - دارمەك توبى، گۋاڭجوۋ قۇرىلىسى، گۋاڭفا قۇندى قاعاز، داسانلين، شىنفىڭ توبى، حۋاشين توبى، جياننان اۋىل شارۋاشىلىعى، باييۇن ەلەكترى، جۇڭجين ليڭنان، جىنباۋبايما سياقتى 15 كاسىپورىننىڭ جاۋاپتىلارى ىلگەرىندى - كەيىندى لەبىز ءبىلدىردى. ولار مىنالاردى ءبىلدىردى: شينجياڭ جاقسى جەر، تەبىندەۋ ارتىقشىلىعى كورنەكتى، دامۋ بولاشاعى زور. شينجياڭنىڭ ءارقايسى جاعىمەن ۇشتاسۋدى، بايلانىس جاساۋدى كۇشەيتىپ، جابدىق جاساۋ، جاساندى زەردە، ءتۇستى مەتال قورىتۋ، ەگىن، مال شارۋاشىلىعىن وسىزامانداندىرۋ، جۇڭگوشا ءدارى - دارمەك، ۇلتتىق ءدارى - دارمەك، جاڭاشا قالا - قالاشىقتاندىرۋ، قارجى قۇراۋ، بازارعا شىعارۋ، ءدارى - دارمەك جاساۋ، توپ - پارشا ساتۋ، قىزمەت وتەۋدىڭ ساپاسىن جوعارىلاتىپ، دارەجەسىن ءوسىرۋ، زات اينالىمى جانە قامداۋ تىزبەگى، جەمىس - جيدەك، كوكونىس ساتىپ الۋ، ساتۋ، جاسىل، زدەردەلى ەنەرگيا، جاڭا ماتەريال وڭدەۋ، قالا الەۋمەتتىك قاتىناسى، دەنساۋلىق - كۇتىمدەۋ كاسىپ سالاسى سياقتىلاردى ارقاۋ ەتە وتىرىپ، شينجياڭمەن ءتۇرلى سالادا، كوپ ساتىدا سەلبەستىك جاساۋدى كۇشەيتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرەمىز.
اۆتونوميالى رايون باسشىلارىنان چىن ۋيجۇن، ياڭ فاسىن، ءيۇسۇپجان مامەت، ەلزات احىمەتجان، قادەن كابەن، سۇن حۇڭمەي، شۋە بين قاتارلىلار كەزدەسۋگە قاتىناستى.
گۋاڭدۇڭ ولكەسىندەگى ءبىر ءبولىم ءتۇيىندى كاسىپورىنداردىڭ قىزمەت تەكسەرۋ ۇيىرمەسىندەگىلەر 4 - ايدىڭ 11 - كۇنى شينجياڭعا كەلگەن سوڭ، جەكە - جەكە ءۇرىمجى، قاشقار، حوتان، التاي سياقتى جەرلەرگە بارىپ، بايلىق ارتىقشىلىعى، ەرەكشەلىك باسىمدىعى، شارۋاشىلىق، ساۋدا ورتاسى سياقتى جاعدايلارعا ناقتى ورىندا تەكسەرۋ جۇرگىزدى. وسى بارىستا گۋاڭجوۋ ءدارى - دارمەك توبى مەن التاي ايماعى سەلبەستىك جاساۋعا كەلىسىپ، كەلىسىمگە قول قويدى، العاش قارجى قوسۋ مەزگىلىندە 10 مىڭ مۋلىق بانلانگىن ەگۋ بازاسىن سالادى، وزگە سەلبەستىك جاساۋ نىساندارىن دا بەلسەندى ىلگەرىلەتىپ، تياناقتاندىرادى.