شينجياڭ فيلوسوفيا-قوعامدىق عىلىمدار تورابى
ورتالىق كوميتەت كەڭسەسى، مەملەكەتتىك كەڭەس كەڭسەسى «قۇرۋ، ۇلگى كورسەتۋ قيمىلدارىن باسقارۋ ءادىسىن (سىناق رەتىندە اتقارىلادى)» باسىپ تاراتتى
   ۋاقىتى:2022-05-06   |  كەلۋ قاينارى: تىيانشان تورى

 شينحۋا اگەنتتىگىنىڭ 4 - ايدىڭ 28 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «قۇرۋ، ۇلگى كورسەتۋ قيمىلدارىن باسقارۋ ءادىسىن (سىناق رەتىندە اتقارىلادى)» باسىپ تاراتتى، سونداي - اق حابارلاندىرۋ شىعارىپ، جەر - جەردەن، تاراۋلاردان سول بويىنشا مۇقيات اتقارۋدى تالاپ ەتتى.

  «ادىستە» مىنالار العا قويىلدى: ورتالىق پەن ولكە دارەجەلى پارتيا ورگاندارى، حالىق قۇرىلتايى ورگاندارى، اكىمشىلىك ورگاندار، ساياسي كەڭەس ورگاندارى، باقىلاۋ - تەكسەرۋ ورگاندارى، سوت ورگاندارى، پروكۋراتۋرا ورگاندارى سياقتى پارتيا، ۇكىمەت ورگاندارى مەن بۇقارالىق ۇيىم ورگاندارى، قالا - اۋدان دارەجەلى پارتكومدار مەن ۇكىمەتتەر بەكىتۋدەن وتكىزگەن سوڭ قۇرۋ، ۇلگى كورسەتۋ قيمىلدارىن ورىستەتۋىنە بولادى. قالا - اۋدان دارەجەلى باسقا دا پارتيا، ۇكىمەت ورگاندارى مەن بۇقارالىق ۇيىم ورگاندارىنىڭ، سونداي - اق اۋىل - قالاشىقتاردىڭ (ءمالى باسقارماسى) قۇرۋ، ۇلگى كورسەتۋ قيمىلدارىن ورىستەتۋىنە بولمايدى. قوعامدىق ۇيىمدار ورتالىقتىڭ نەمەسە كاسىپكە جاۋاپتى ولكە دارەجەلى باسقارۋشى ورىننىڭ، سالانى باسقارۋ تاراۋلارىنىڭ تاپسىرۋىمەن قاتىستى سالاداعى قۇرۋ، ۇلگى كورسەتۋ قيمىلدارىن ۇستىنە الىپ وتكىزۋىنە نەمەسە وعان ۇسىنىسپەن قاتىسۋىنا بولادى. قۇرۋ، ۇلگى كورسەتۋ قيمىلدارىنىڭ سانىن، وتە - موتە، قالالاردى، اۋىل - قالاشىقتى (ءمالى باسقارماسى)، قىستاقتى (الەۋمەتتىك اۋماق) جانە كاسىپورىندى وبيەكتى ەتكەن قۇرۋ، ۇلگى كورسەتۋ قيمىلدارىنىڭ سانىن قاتاڭ تەجەۋ كەرەك. قۇرۋ وبيەكتىلەرىنەن ءارقانداي فورمامەن اقى الۋعا بولمايدى. وزەكتى مىندەتتەن الشاقتاعان، قىزمەتتەردى ىلگەرىلەتۋى پارمەندى ەمەس، بۇقارانىڭ اڭىسى كۇشتى، قوعامدىق ىقپالى جامان بولعان قۇرۋ، ۇلگى كورسەتۋ قيمىلدارى مەملەكەتتىك باعالاۋ، ولشەمگە جەتۋ، ماراپاتتاۋ قىزمەتىن سايكەستىرۋ گرۋپپاسى نەمەسە ءارقايسى ولكەنىڭ (اۆتونوميالى رايون، توتە قاراستى قالا) باعالاۋ، ولشەمگە جەتۋ، ماراپاتتاۋ قىزمەتىن سايكەستىرۋ فۋنكتسياسىن ارقالاعان قۇرىلىمدارى ءتارتىپ بويىنشا بەكىتۋگە جولداعان سوڭ كۇشىنەن قالدىرىلادى.

  «ادىستە» مىنالار باسا دارىپتەلدى: ءارقانداي ۇيىمنىڭ جانە جەكەنىڭ بەكىتۋدەن وتكىزبەي تۇرىپ ”مەملەكەت“، ”جۇڭگو“، ”جۇڭحۋا“، ”مەملەكەتتىك“، ”ازيا“، ”الەمدىك“، ”دۇنيە جۇزىلىك“، سونداي - اق وسى ماندەس سوزدەردى قامتىعان قۇرۋ، ۇلگى كورسەتۋ قيمىلدارىن ورىستەتۋىنە بولمايدى، جوعارىدا اتالعان سوزدەرمەن اتالماسا دا، ناعىندا وسى اتالعان كولەمدەگى قۇرۋ، ۇلگى كورسەتۋ قيمىلدارىن ورىستەتۋىنە بولمايدى.

جالعانىم



جاۋاپتى رەداكتورى: سەرىك دالەلقان ۇلى