شينحۋا اگەنتتىگىنىڭ 3 - ايدىڭ 28 - كۇنى بەيجيڭنەن بەرگەن حابارى. «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ تۋىت ساياساتىن ساپالىلاندىرىپ، حالىق سانىنىڭ ۇزاق ۋاقىت بىركەلكى دامۋىن جەبەۋ جونىندەگى قاۋلىسىن» دايەكتىلەندىرۋ، تياناقتاندىرۋ ءۇشىن «جۇڭحۋا حالىق رەسپۋبليكاسىنىڭ جەكەلەردىڭ تابىس باجىسى زاڭىنداعى» قاتىستى بەلگىلەمەلەرگە نەگىزدەلە وتىرىپ، مەملەكەتتىك كەڭەس 3 جاستان تومەنگى سابيلەردى باعۋ قاراجاتىن جەكەلەر تابىس باجىسىنان ارناۋلى قوسىمشا قاراجات رەتىندە شىعارىپ تاستاۋدى بەلگىلەۋدى ۇيعاردى. 2022 - جىلى 1 - ايدىڭ 1 - كۇنىنەن باستاپ، باجى تولەۋشىلەردىڭ 3 جاستان تومەنگى سابيلەر ءۇشىن جۇمساعان قاتىستى شىعىندارى جەكەلەر تابىس باجىسىن ەسەپتەپ تولەۋدەن بۇرىن ءاربىر سابيگە ايىنا 1000 يۋاندىق ولشەمدى ۇلەس بويىنشا شىعارىپ تاستالادى. وسى تۇردەگى شىعارىپ تاستاۋ ساياساتى حالىق بۇقاراسىنىڭ پەرزەنتتەرىن باعىپ - قاعۋداعى اۋىرتپاشىلىعىن جەڭىلدەتۋگە پايدالى بولىپ، مەملەكەتتىڭ حالىق بۇقاراسىنىڭ تۋۋ، باعىپ - قاعۋ ىستەرىنە دەم بەرىپ جانە قامقورلىق جاساپ وتىرعاندىعىن ايگىلەيدى.