شينجياڭ فيلوسوفيا-قوعامدىق عىلىمدار تورابى
مەيىر جەتكىزدى، شادىمان مەرەكە وتكىزدى
   ۋاقىتى:2022-05-06   |  كەلۋ قاينارى: تىيانشان تورى

− شينجياڭداعى ءار ۇلت كادرلارى مەن بۇقارا ورازا ايت مەرەكەسىن شات - شادىمان وتكىزدى

 انار بۇلت \ شينجياڭ گازەتىنىڭ تىلشىلەرى


  5 - ايدىڭ 3 - كۇنى اۋات اۋداندىق پارتكوم ۇيىمداستىرۋ ءبولىمىنىڭ ايباق قالاشىعى شيڭفۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىمەن بىرگە ”ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلىن ورىستەتىپ، ورازا ايت مەرەكەسىن شات - شادىمان وتكىزدى.

   سۋرەتتى باۋ لياڭتيڭ تۇسىرگەن

  5 - ايدىڭ 3 - كۇنى ورازا ايت مەرەكەسى، رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىندەگىلەر، تۋىس بولعان كادرلار قاتارلىلار وتباسىلارىن جابال ارالاپ، مەيىر جەتكىزىپ، كۇندەلىكتى ىستەردى تىلگە تيەك ەتىپ، دامۋدى جوسپارلاپ، ءار ۇلت بۇقاراسىمەن بىرگە مەرەكە وتكىزدى.

مەرەكەلىك حال سۇراۋ جۇرت جۇرەگىن جادىراتتى

  5 - ايدىڭ 3 - كۇنى كوكتوعاي اۋداندىق انا - بالالار دەنساۋلىعىن قورعاۋ شيپاحاناسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا دۇرە قالاشىعى جينباۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى مەن قىستاق كادرلارى بالكۇلشە جانە جەمىس - جيدەكتەرىن الىپ، قىستاقتاعى قيىنشىلىعى بار وتباسىلارىنا، ساقا پارتيا مۇشەلەرىنە امانداسا بارىپ، ولاردان حال سۇرادى، سونداي - اق مەرەكەلىك تىلەك ايتتى.

  گۇلسارا كەرىمباي وتباسىندا قارت كوپشىلىكتى مول ءدامدى تاعامدارمەن كۇتىپ الدى.

  ”وسى بىرنەشە جىلدا ءبىز جاڭا ۇيگە كوشىپ كىردىك، كۇن ەنەرگيالى جول شىراعىن پايدالاندىق، قىستاعىمىز بارعان سايىن كورىكتەنە ءتۇستى. وسى بىرنەشە كۇندە قىستاقتان وتباسىمىزعا كوكونىس مايساسى ءبولىپ بەرىلىپ، اۋلا شارۋاشىلىعىن دامىتۋىما دەم بەرىلدى. ەگەر ءوزىم باعىپ - باپتاي الماسام، قىستاق كادرلارىن كومەككە شاقىرۋىما ابدەن بولادى، بۇعان جانىم جادىراپ قالدى“، - دەدى گۇلسارا.

  بيىل جينباۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىندەگىلەر جانە قىستاق ”ەكى كوميتەتىندەگىلەر“ قىستاق تۇرعىندارىن باستاپ 1200 تۇپتەن استام اعاش ەكتى، سونداي - اق قىستاقتىڭ ۋنيۆەرسال بازارىنان كەشكى بازار اشىپ، قىستاق تۇرعىندارىن جۇمىستانۋعا جانە جەرگىلىكتى ەرەكشە ونىمدەردى ساتۋعا جەتەكتەدى.

  ”ءوز قولىممەن جاساعان بالكۇلشەنىڭ جانە ءسۇتتى شايىمنىڭ ءدامىن تاتىپ كورىڭىزدەر“! اراتۇرىك اۋدانى نوم قالاشىعى حىشۇنيۋان الەۋمەتتىك اۋماعىندا تۇراتىن 63 جاستاعى الەۋمەتتىك اۋماق تۇرعىنى شولپان مامەت اراتۇرىك اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ وسى الەۋمەتتىك اۋماقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىندەگى مۇشەلەردىڭ ورازا ايت بايلانىسىمەن ۇيىنە ايتشىلاي كەلگەندىگىن كورىپ قاباعات قۋاندى.

  4 - ايدا قىزمەت اترەتىندەگىلەر شولپاننىڭ زاعيپ جۇبايى جاڭا دوڭگەلەكتى ورىندىققا ءزارۋ ەكەندىگىن بىلگەننەن كەيىن، اراتۇرىك اۋداندىق مۇگەدەكتەر بىرلەستىگىمەن دەرەۋ بايلانىس جاساپ، قارتقا دوڭگەلەكتى ورىندىق تاۋىپ اكەلىپ بەردى.

ۇلتتار ىنتىماعى سۇيىسپەنشىلىگى ءتىپتى دە تەرەڭدەدى

  5 - ايدىڭ 3 - كۇنى مەملەكەتتىك سالىق باس مەكەمەسى ونسۋ اۋداندىق سالىق مەكەمەسى كەڭسەسىنىڭ ورىنباسار مەڭگەرۋشىسى جاڭ حانلين اۆتوكولىكپەن 20 نەشە كيلومەتردەن استام جول باسىپ، ونسۋ اۋدانى ىستەمشى اۋىلى سۋلۋا قىستاعىنا كەلىپ، جۇپ قۇراعان تۋىسى نيزامەت يسامۇتقا امانداسا باردى.

  ”اعا، مەرەكەلەرىڭىز مەرەيلى بولسىن، سىزدەرگە امانداسا كەلدىم“! - دەدى جاڭ حانلين اۋلادا قاربالاس جۇمىس ىستەپ جۇرگەن نيزامەتكە.

  ”تەز ۇيگە كىر. قىزمەتىڭ سونشاما قاربالاس بولسا دا ءبىزدى ەستەن شىعارمايسىڭ، اينالايىن جاقسى باۋىرىم مەنىڭ“، - دەدى نيزامەت.

  ءبىر ايدىڭ الدىندا جاڭ حانلين نيزامەتكە امانداسا كەلگەندە ونىڭ ايەلى نۇرنيحان باكىردىڭ بىلەزىگىنە بورتكەن شىققانىن بايقايدى. جاڭ حانلين دەرەۋ ولارعا كومەكتەسىپ، شيپاحانامەن بايلانىس جاساپ، دياگنوزىن ايىرىپ ەمدەتەدى. كوپ وتپەي نۇرنيحان جازىلىپ كەتتى.

     ”ءبىز تۋىسپىز، ارينە، بىرگە مەرەكە وتكىزۋىمىز كەرەك“، - دەدى جاڭ حانلين نيزامەتتى قۇشاقتاي كۇلىپ.

  5 - ايدىڭ 3 - كۇنى تاڭەرتەڭ جەمسارى اۋدانىندا فۋجيان ولكەسىنىڭ شيامىن قالاسىنان شينجياڭعا كومەككە كەلگەن كادر ۋاڭ جىندۇڭ سالەمدەمەسىن الىپ جۇپ قۇراعان تۋىسى نۇريلانىڭ ۇيىنە كەلدى.

  2021 - جىلى ۋاڭ جىندۇڭ فۋجياننىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ شيامىن بولىمشە قولباسشىلىق شتابى ۇيىمداستىرعان ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى ارقىلى نۇريلا وتباسىنداعىلارمەن تانىسادى. سودان باستاپ ولار ۇنەمى ءوزارا بايلانىس جاساپ، احۋال ۇعىسىپ، سۇيىسپەنشىلىكتەرى نىعايا ءتۇستى.

  بيىل كوكتەم مەرەكەسىندە ۋاڭ جىندۇڭ نۇريلا ەرلى - زايىپتىلارىن جانە ولاردىڭ نەمەرە قىزىن شيامىنعا قوناققا شاقىرادى. ولار تۇڭعىش رەت ۇشاققا ءمىندى، مەتروعا وتىردى، تەڭىزگە كوز جۇگىرتتى، شيامىننىڭ ۇشقان قۇستاي دامىعاندىعىن سەزىنىپ، وتانىمىزدىڭ كوركەم تاۋ - وزەندەرىنىڭ كورىنىسىنەن كوز ايدىن بولدى.

  ”پارتيا مەن مەملەكەتتىڭ تاماشا ساياساتىنىڭ ارقاسىندا تۇرمىسىمىز بارعان سايىن جاقسارا ءتۇستى. مەن، ءسوز جوق، پەرزەنتتەرىمدى پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە تاربيەلەپ، قوعامعا كوبىرەك ەسەلى ۇلەس قوسۋعا جەتەلەيمىن“، - دەدى نۇريلا.

دامۋ جونىندە بىرگە جوسپار جاساپ، بولاشاققا بەت الدى

  5 - ايدىڭ 3 - كۇنى شاپشال سىبە اۆتونوميالى اۋداندىق پارتكوم ۇگىت ءبولىمىنىڭ كادرى لينا قاينۇق قالاشىعى چەجي قىستاعىنىڭ تۇرعىنى تۇرسۇنجان تالىپجاننىڭ ۇيىنە كەلىپ، مەرەكەنى ولارمەن بىرگە وتكىزدى. تۇرسۇنجان قۋانا بيىلعى كىرىستى ارتتىرۋ ەسەبىن جاسادى.

  ”بيىل وتباسىمىز 40 مۋ جەرگە ءبيداي جانە ماقسارى ەكتى. اتىزداعى جۇمىستار ىستەلىپ بولعان سوڭ، مەن قىستاق تۇرعىندارىن باستاپ بىرگە سىرتقا شىعىپ جۇمىس ىستەيمىن“. تۇرسۇنجان بىلاي دەدى: ”بيىل وتباسىمىزدىڭ تەك جۇمىس ىستەپ تاپقان كىرىسىنىڭ ءوزى 50 − 60 مىڭ يۋانعا جەتەدى“.

  لينا ىنتالاندىرىپ : ”باقىت كۇرەسپەن كەلەدى، ءبىز ۇزدىكسىز قۇلشىنساق بولعانى، تۇرمىسىمىز، ءسوز جوق، بارعان سايىن جاقسارادى“، - دەدى.

  قاراقاش اۋدانى اقساراي اۋىلى ۇزىنارىق قىستاعىنىڭ ءبىرىنشى شۋجيى جۋ حۇڭگاڭ قىستاق كادرلارىمەن بىرگە جيامي سىبىرتكى جاساۋ ورتالىعىنىڭ جاۋاپتىسى ءمامتىمىن اقتىڭ ۇيىنە كەلىپ، ونىمەن سىبىرتكى جاساۋ زاۆودىنىڭ بيىلعى دامۋى جونىندە اڭگىمەلەستى.

  ”قازىر بىزدە 10 نەشە ءتۇرلى ءونىم بار، ساتىلىمى دا ايتارلىقتاي، 60تان استام قىستاق تۇرعىنىن جۇمىستانۋعا جەتەكتەپ قانا قالماستان، تاعى كورشى قىستاقتىڭ كاۋلەن ەگىپ كىرىسىن ارتتىرۋىنا مۇمكىندىك جاسادىق. ءبىز، ءسوز جوق، وسى كاسىپ سالاسىن جاقسى دامىتۋىمىز كەرەك“، - دەدى جۋ حۇڭگاڭ.

  ءمامتىمىن ءالسىن - ءالى باسىن يزەپ: ”بيىل ءبىز ءوندىرىس قۋاتىن ارتتىرىپ، ءونىم ءتۇرىن ءتىپتى دە مولايتۋعا مۇمكىندىك جاسايمىز“، - دەدى.

(ءتىلشى ءجازيرا نەسىپبەك، قاتىناسقان تىلشىلەر جاڭ جىلي، گى يوۋجۇن، جاڭ تيڭ، ۋي يۇڭگۇي، ەرىكتى ءتىلشى جاڭ رۇي)

جالعانىم



جاۋاپتى رەداكتورى: سەرىك دالەلقان ۇلى