□ انار بۇلت \ شينجياڭ گازەتىنىڭ ءتىلشىسى ياڭ شۋحان

　　”ازامات، جەڭگەڭ قياق كۇرىش ءتۇيىپتى، كەلىپ ءدام تاتىپ كەت...“ 6 - ايدىڭ 3 - كۇنى جۇبايى قازاننىڭ قاقپاعىن اشقاندا بۇكىل ءۇيدى قياق كۇرىشتىڭ اڭقىعان ءيىسى شارپىدى، شينجياڭ ىلە لينىڭ كومىر شەكتى سەرىكتەستىگى پيليچيڭ اشىق كومىر كەنىنىڭ قىزمەتكەرى مۇسا اۋباكىر ەڭ الدىمەن شاكىرتى جاڭ يانجۇنگە تەلەفون سوقتى.

　　”جارايدى، ايران الا بارايىن“! جاڭ يانجۇن تاباندا ءتىل قاتتى، ول جەڭگەسى جاساعان ايران قوسىلعان قياق كۇرىشتىڭ كەرەمەت ءدامدى ەكەنىن بىلەتىن!

　　اشىق تا قالجىڭباس، تاباندى دا ىسكەر، بۇل 47 جاستاعى مۇسانىڭ جاڭ يانجۇنگە بەرگەن باعاسى؛ كەم ءسوزدى، سۇستى كورىنگەنىمەن كوڭىلى جۇمساق، بۇل 27 جاستاعى جاڭ يانجۇننىڭ مۇسا جونىندەگى تانىمى. ايتسەدە، تانىساردىڭ الدىندا ەكەۋىنىڭ ءبىر - بىرىنە كوزقاراسى مۇنداي جاقسى بولماعان - دى.

　　2 جىلدىڭ الدىندا كومىر كەن ۇيىمى ”جۋگىلياڭ ءماجىلىسىن“ اشىپ، 25 - ءنومىرلى قازۋ ماشيناسىنىڭ تىستەرىن جاڭالاۋ نىسانىنا كوپتىڭ كەڭەسىن الادى. مۇسا 28 - ءنومىرلى، 29 - ءنومىرلى قازۋ ماشينالارىنىڭ تىستەرى بويىنشا بىردەي ەتىپ جاڭالاۋدى ۇسىنىس ەتەدى. جاڭ يانجۇن زاۆودقا حابارلاسىپ، ولشەپ جاساتۋ كەرەك دەپ قارايدى. ەكەۋى قىزىل كەڭىردەك بولىپ، ءبىر - بىرىنە بوي بەرمەيدى.

　　كوپ وتپەي، قىزمەتتىڭ رەتتەلۋىنە بايلانىستى جاڭ يانجۇن كومىر قازۋ 3 - بانىنە ءبولىنىپ، بانجاڭ مۇسانىڭ كومەكشىسى بولادى. جۇمىسقا بارعان ءبىرىنشى كۇنى جاڭ يانجۇن وسىنداي ىڭعايسىز جاعدايدى قالاي وزگەرتۋدى ويلاپ تۇرعاندا، مۇسا وعان ءبىر قالىڭ ەستەلىك داپتەر ۇستاتادى. جاڭ يانجۇن اشىپ قاراسا، ىشىندە شىپىرلاتا جازىلعانى مۇسانىڭ وسى بىرنەشە جىلداعى قىزمەت ەستەلىگى مەن تاجىريبە قورىتىندىسى ەكەن، ەرەكشە ىنتالانعان ول اسەرلەنە داپتەردى قولىنا الىپ سالىستىرا ءجۇرىپ ىستەيدى، وسىنشاما قۇندى ماتەريالدىڭ وزىنە قانشالىق بۇراڭ جولدى از باستىراتىندىعىن بىلسە كەرەك.

　　ۇيرەنۋ، پىكىرلەسۋ بارىسىندا مۇسا جاڭ يانجۇننىڭ كومپيۋتەر كەڭسەلىك جۇمساق بولشەكتەرىن ىستەتۋگە جەتىك ەكەندىگىن بايقايدى، بۇل ءبان - زۋدىڭ ءبىر ۇلكەن ولقىلىعىن تولىقتاۋعا باپ كەلدى. ول دەرەۋ ”ۇستازدىڭ شاكىرت تاربيەلەۋىن“ ۇيىمداستىرىپ، جاڭ يانجۇنگە از ۇلت قىزمەتكەرلەرىنە ءتۇرلى كەڭسەلىك جۇمساق بولشەكتەردى پايدالانۋدى ۇيرەتۋدى تاپسىرىپ، بۇرىنعى كومەكتەسۋگە سابىلىپ ادام ىزدەۋ ماسەلەسىن شەشىم ەتتى.

　　ءدال وسىنداي ۇستاز بەن شاكىرت سۇيىسپەنشىلىگى وسى كومىر كەننىڭ بارلىق جەرىنەن كورىنەدى.

　　”داڭعىرلاعان داۋىس الدىڭعى - ارتقى وستە سارى ماي ازايعانىن بىلدىرەدى“، ”شىقىرلاعان داۋىس جەلتارتقىش توردىڭ ورنى جىلجىپ كەتكەندىگىن كورسەتەدى“. 5 - ايدىڭ 30 - كۇنى قىزمەتكەر جوۋ جيانۋي ءبان - زۋدا جاندى دا وبرازدى، ۇعىنىقتى دا وڭاي تىلمەن كوپشىلىككە ساباق ءوتىپ جاتتى. ”ەپپەن بارلاپ كورۋ“ جوۋ جيانۋيدىڭ 10 نەشە جىلدىق قىزمەت امالياتىندا ابدەن جەتىلگەن ونەرى ەدى، ايتسەدە، ول شاكىرتتەرى ۇيرەنەم دەسە ەشتەڭەسىن جاسىرمايتىن، ءبارىن بەرۋدەن ايانبايتىن جان ەدى.

　　جوۋ جيانۋي پار قازان جۇمىسىنا جاۋاپتى، پار قازان ءبانىنىڭ جالپى تۇلعالىق شەبەرلىك ورەسىن جىلدام جوعارىلاتۋ ءۇشىن، ول ىرىقتىلىقپەن از ۇلتتان 3 شاكىرت تاربيەلەۋدى تالاپ ەتتى. ”ىشىڭدە بىردەڭەڭ بولسا قوبالجىمايسىڭ، قىزمەتكە بەلسەندى دە ىنتالى پوزيتسيادا بولۋ كەرەك، ونان دا ماڭىزدىسى، ىسىلعان مول كاسىپتىك شەبەرلىك بولعانى ءجون“، - بۇل جوۋ جيانۋيدىڭ ۇنەمى شاكىرتتەرىنە ايتاتىن ءسوزى.

　　دۋان - ۋ مەرەكەسىندە بۇرىنعى مەرەكە كەزىندەگىدەي جوۋ جيانۋي شاكىرتتەرىمەن ۋادەلەسىپ بىرگە تاماقتاندى. ايەلدەرى ۇيدەگى اڭگىمەلەرىن ايتسا، بالالار ءبىرىن - ءبىرى قۋالاپ وينايدى، جوۋ جيانۋي وتباسىنىڭ قوناق بولمەسىنەن دىر - دۋمانعا بولەنگەن شاتتىق ۇندەر ەستىلىپ تۇر.

　　”داپ قاعىپ ءانىڭدى اۋەلەت، ات ءمىنىپ قىرقادان اسايىن...“ شاكىرتى ءعايرات تالىپ شاراپقا شاقىرۋ ءانىن ايتتى، ۇستاز، شاكىرت تورتەۋى اڭگىمەنىڭ تيەگىن اعىتىپ، بۇكپەسىز سىرلاسۋعا كوشتى.

　　تالاي جىلدان بەرى وسى ارادا ”جەتكىزۋ، كومەكتەسۋ، ۇيرەنۋ“ سىندى تاماشا ءداستۇر توپ - توپ قىزمەت شەبەرىن جەتىلدىردى، ونان دا ماڭىزدىسى، كوللەكتيۆتىڭ ۇيىستىرۋ قۋاتى مەن باۋراۋ قۋاتىن ونان ارى كۇشەيتىپ، كەن اۋماعىندا ”ۇلتتار ىنتىماعىنىڭ بەرەكەلى شاڭىراعى“ سىندى جاراسىمدى لەپ قالىپتاستىردى.

جالعانىم