انار بۇلت \ شينجياڭ گازەتىنىڭ ءتىلشىسى ساۋ حۋا 6 - ايدىڭ 14 - كۇنى ۇرىمجىدەن حابارلايدى. تاياۋدا ينتەرنەت جەلىسىندە بەلەت تاستاۋ ناتيجەسىمەن بىرلەستىرىپ، ماماندار باعالاۋ كوميتەتىنىڭ مۇقيات سارالاۋى ارقىلى شينجياڭ ەرەكشە جەمىس ورمانى ونىمدەرىن جارنامالاۋ ۇگىت ءسوزىن جيناۋ قيمىلىنىڭ ناتيجەسى جاريالانىپ، ەڭ سوڭىندا ەڭ تاڭداۋلى تۋىندى سيلىعىنان 3ى، ينتەرنەتتە بەدەلدى سيلىقتان 5ى، قاتارعا قوسىلۋ سيلىعىنان 10ى تۇراقتاندىرىلدى.

　　ەڭ تاڭداۋلى تۋىندى سيلىعى (3) جەكە - جەكە مىنالار: شينجياڭ ۇلكەن جەمىس تاباعى، ادامزات دۇنيەسىندەگى اسىل جەمىس باعى؛ ”حوش ءيىستى“ شينجياڭدا ۋادەلەسىپ، ءتىل ۇيىرەر ناعىز جەمىستەن اۋىز تيەلىك؛ بال شىرىنمەن ارالىعىڭىز، تەك ءبىر شينجياڭ ۇلكەن جەمىس تاباعىمەن تولادى.

　　ينتەرنەتتە بەدەلدى سيلىق (5) جەكە - جەكە مىنالار: كەڭ دە كورىكتى جۇڭگونى ارالاساڭىز، شينجياڭنىڭ جەمىس - جيدەكتەرى ەستەن ەش كوتەرىلمەيدى؛ شينجياڭنىڭ ەرەكشە جەمىس - جيدەكتەرىنىڭ ءدامى تاڭدايىڭىزدا قالادى؛ شينجياڭنىڭ جەمىس - جيدەكتەرى جۇرتتى جالت قاراتادى، راسىندا، عالامات؛ جاس جەمىستەر دارەجەگە ايىرىلار، شينجياڭنىڭ جەمىستەرى باسقا جەردەن تابىلماس؛ دۇنيە سونشاما ۇلكەن بولسا دا، ءبىر ءتاۋىرى قاۋىشىپپىز.

　　قاتارعا قوسىلۋ سيلىعى (10) جەكە - جەكە مىنالار: جىل بويى قاۋىن - قاربىز ءيىسى اڭقيدى، ادامزات دۇنيەسىندەگى ەڭ ءتاتتى ءدام شينجياڭدا؛ سان ءتۇرلى جەمىس - جيدەكتىڭ ءدامىن تاتقانىڭمەن، شينجياڭنىڭ جەمىس - جيدەگىنە جەتەرى جوق ؛ جەمىسكە تولى شينجياڭنىڭ حوش ءيىسى جۇڭگودا اڭقيدى؛ كەڭ دە كورىكتى شينجياڭدا جەمىس - جيدەكتىڭ ءيىسى اڭقيدى؛ جاڭبىر تيانشاننىڭ جەمىس ورمانىن نارلەندىرەر، دامدەندىرەر، كۇنلۇننىڭ باعالى جەمىستەرىنىڭ ءدامى ءتىل ۇيىرەر؛ سان مىڭ جىلدىق تاريح تالعارىنداعى جىبەك جولىندا، شينجياڭنىڭ جەمىس ورمانىنىڭ بولاشاعى نۇرلى؛ تيانشاننىڭ قار - مۇز سۋى تۇنىق بولار، جاسىل القاپتىڭ جەمىس - جيدەگى ءدامدى بولار؛ تاريحى ۇزاق شينجياڭ كوز تارتار، جەمىس - جيدەگى ءتىل ۇيىرەر؛ شينجياڭ بەينە سۋرەتتەي كوركەم، جەمىس - جيدەگىنىڭ ءدامى الەمگە ايگىلى؛ شينجياڭعا بارا قالساڭىز، جەمىس ورمانىنا ايال ەتەرسىز.

　　سيلىققا يە بولعان 18 تۋىندىنىڭ 7سى شينجياڭنان كەلگەن، قالعان 11 تۋىندى انحۇي، گۋاڭدۇڭ، حۋبەي، حىبەي، بەيجيڭ، حۋنان، شاندۇڭ، سانشي سياقتى ولكە، قالالاردان كەلىپ، بۇكىل ەلدەگى توراپتاستاردىڭ بەلسەنە ات سالىسقاندىعىن تولىق ايگىلەدى. قيمىل جوباسىنا ساي، شينجياڭ ەرەكشە جەمىس ورمانى ونىمدەرىن جارنامالاۋ ۇگىت ءسوزىن جيناۋ قيمىلىنىڭ سيلىق تاراتۋى 6 - ايدىڭ لايىقتى كەزىندە وتكىزىلەدى.

　　شينجياڭ ەرەكشە جەمىس ورمانى ونىمدەرىن جارنامالاۋ ۇگىت ءسوزىن جيناۋ قيمىلىن اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى، اۆتونوميالى رايوندىق اۋىل - قىستاقتى گۇلدەندىرۋ مەكەمەسى، اۆتونوميالى رايوندىق ورمان شارۋاشىلىعى جانە جايلىم مەكەمەسى باس بولىپ ۇيىمداستىرعان، شينجياڭ گازەتى مەكەمەسى (شينجياڭ گازەتشىلىك تاراتۋ مەدياسى <توبى> شەكتى سەرىكتەستىگى) ۇستىنە الىپ وتكىزگەن. جيناۋ قيمىلى 4 - ايدىڭ باسىندا باستالىپ، توراپتا 2045 اۆتوردىڭ 8000نان استام تۋىندىسى جينالىپ، ماماندار باعالاۋ كوميسسياسىنىڭ سارالاۋىنان ءوتىپ، ەڭ سوڭىندا 18 تۋىندى قاتارعا كىردى. توراپتا بەلەت تاستاۋ بۋىنىندا بۇكىل ەلدەگى توراپتاستار قىزۋ ىنتامەن ءوز ويىنداعى تۋىندىلارعا تۇس - تۇستان بەلەت تاستادى، مۇنىڭ ىشىندە بەلەت سانى 10 مىڭنان اسقان تۋىندىلار 4 بولىپ، ەڭ جوعارى داۋىس سانى 21 مىڭ 947 داۋىس بولدى.

جالعانىم