شينجياڭ فيلوسوفيا-قوعامدىق عىلىمدار تورابى
شي جينپيڭ جولداستىڭ «پارتيانىڭ جاستار قىزمەتى تۋرالى» اتتى كىتابى باسپادان شىعىپ تاراتىلدى
   ۋاقىتى:2022-06-23   |  كەلۋ قاينارى: تىيانشان تورى

 شينحۋا اگەنتتىگىنىڭ 6 - ايدىڭ 21 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ ورنى رەداكسيالاعان شي جينپيڭ جولداستىڭ «پارتيانىڭ جاستار قىزمەتى تۋرالى» اتتى كىتابى جۋىقتا ورتالىق حۇجات باسپاسىنان باسپادان شىعىپ، بۇكىل ەلدە تاراتىلدى.

  وسى ارناۋلى تاقىرىپتاعى ماقالالار جيناعىنا شي جينپيڭ جولداستىڭ پارتيانىڭ جاستار قىزمەتى جونىندەگى ماڭىزدى ماقالالارىنان 60ى ەنگىزىلدى، مۇنىڭ ىشىندەگى ءبىر ءبولىم ماقالالار تۇڭعىش رەت اشىق جاريالاندى.

  جاستار − وتاننىڭ بولاشاعى، ۇلتتىڭ ءۇمىتى، پارتيانىڭ دا بولاشاعى مەن ءۇمىتى. قالىڭ جاستارعا ۋاكىلدىك ەتۋ، قالىڭ جاستاردىڭ قولداۋىنا يە بولۋ، قالىڭ جاستارعا سۇيەنۋ − پارتيامىزدىڭ ۇزدىكسىز جەڭىستەن - جەڭىسكە جەتۋىنىڭ ماڭىزدى كەپىلى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا ىستەرىنىڭ ۇرپاقتارعا جالعاسۋىنا جانە جۇڭحۋا ۇلتىنىڭ ماڭگى تىنباي دامۋىنا شىنايى كەپىلدىك ەتۋ ستراتەگيالىق بيىگىنەن، جاڭا داۋىردەگى جۇڭگو جاستارىنىڭ ارەكەت زاڭدىلىعىن تەرەڭ يگەرىپ، پارتيانىڭ جاستار قىزمەتىنە باسشىلىعىن كۇشەيتىپ، پارتيا تاريحىنداعى العاش رەتكى ورتالىقتىڭ پارتيانىڭ بۇقارالىق ۇيىمدار قىزمەتى ءماجىلىسىن اشىپ، جاڭا جۇڭگو تاريحىنداعى العاش رەتكى جاستاردى دامىتۋ جوباسىن العا قويىپ، پارتيا تاريحىنداعى العاشقى پارتيا ورتالىق كوميتەتى اتىنان جاريالانعان پيونەرلەر قوسىنى قىزمەتى حۇجاتىن باسىپ تاراتىپ، كوممۋنيستىك جاستار وداعى رەفورماسىن ورنالاستىرىپ، جاستار قىزمەتىنىڭ تاريحي تابىسقا قول جەتكىزۋىن ىلگەرىلەتتى. شي جينپيڭ جولداستىڭ پارتيانىڭ جاستار قىزمەتىن ارقاۋ ەتىپ جاريالاعان ءبىرسىپىرا ماڭىزدى بايىمداۋلارى پارتيانىڭ جاستار قىزمەتىنىڭ ورنى مەن رولىن، نىساناسى مەن مىندەتىن، قىزمەت جاۋاپكەرشىلىگى مەن بورىشىن، امالياتتىق تالابىن تەرەڭدەي بايىمداپ، جاڭا داۋىردە قانداي جاستاردى تاربيەلەۋ، جاستاردى قالاي تاربيەلەۋ، قانداي كوممۋنيستىك جاستار وداعىن قۇرۋ، كوممۋنيستىك جاستار وداعىن قالاي قۇرۋ سياقتى بەتالىستىق، جالپى جاعدايلىق، ستراتەگيالىق كەلەلى تاقىرىپتارعا ىشكەرىلەي جاۋاپ بەرىپ، پارتيامىزدىڭ جاستار قىزمەتى جونىندەگى زاڭدىلىق سيپاتتى تانىمىن تىڭ بيىككە كوتەرىپ، جاڭا داۋىردەگى پارتيانىڭ جاستار قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى، ول قالىڭ جاستاردى ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم ويداعىداي ىنتىماقتاستىرۋ، ۇيىمداستىرۋ، جۇمىلدىرۋ جونىنەن ايرىقشا كەلەلى جەتەكشىلىك مانگە يە.

جالعانىم




جاۋاپتى رەداكتورى: سەرىك دالەلقان ۇلى