شينجياڭ فيلوسوفيا-قوعامدىق عىلىمدار تورابى
جاي جىگاڭعا، ۋاڭ ياپيڭگە ”2 - دارەجەلى عارىش ۇلەسكەرى مەدالىن“ بەرۋ، يە گۋاڭفۋعا ”قاھارمان عارىشكەر“ داڭق اتاعىن بەرۋ جانە ”3 - دارەجەلى عارىش ۇلەسكەرى مەدالىن“ بەرۋ جونىندەگى قاۋلىسى
   ۋاقىتى:2022-06-23   |  كەلۋ قاينارى: تىيانشان تورى

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ

جاي جىگاڭعا، ۋاڭ ياپيڭگە ”2 - دارەجەلى عارىش ۇلەسكەرى مەدالىن“ بەرۋ، يە گۋاڭفۋعا ”قاھارمان عارىشكەر“ داڭق اتاعىن بەرۋ جانە ”3 - دارەجەلى عارىش ۇلەسكەرى مەدالىن“ بەرۋ جونىندەگى قاۋلىسى

(2022 - جىلى 6 - ايدىڭ 21 - كۇنى)

  2021 - جىلى 10 - ايدىڭ 16 - كۇنى شىنجوۋ − 13 ادام الىپ ۇشاتىن الەم كەمەسى ءساتتى ۇشىرىلىپ، عارىشكەرلەر جاي جىگاڭ، ۋاڭ ياپيڭ، يە گۋاڭفۋ الەم كەمەسىنە وتىرىپ، تيانحى وزەكتى بولمەسىنە ءساتتى جايعاسىپ، 2 رەت كەمە بولمەسىنەن شىعىپ قيمىل جاساۋدى، 2 رەت عارىش كەڭىستىگىندە ساباق ءوتۋدى ۋاكىل ەتكەن ءبىر قىدىرۋ جاڭالىق اشۋ، سەرپىلىس جاساۋ سيپاتىنداعى عىلمي تاجىريبەلەر مەن كەڭىستىكتىك قولدانىلىم مىندەتتەرىن تولىق تابىسپەن ورىنداپ، وربيتادا 6 اي تۇرىپ، 2022 - جىلى 4 - ايدىڭ 16 - كۇنى حاۋىپسىز ورالدى. شىنجوۋ − 13تىڭ ادام الىپ ۇشۋ مىندەتى كەڭىستىك بەكەتى شەشۋشى تەحنيكاسىن ىسپاتتاۋ كەزەڭىندەگى شەشۋشى جەڭىسكە قول جەتكىزۋدى اياقتاتۋ شايقاسى، ادام الىپ ۇشاتىن الەم كەمەسىنىڭ كەڭىستىك بەكەتىمەن راديالدى ءتۇيىسۋىن تۇڭعىش رەت جۇزەگە اسىرىپ، جۇڭگو عارىشكەرلەرىنىڭ ءۇرتىس وربيتادا ۇشۋ ۇزاقتىعىنىڭ جاڭا رەكوردىن جاراتىپ، كوپتەگەن شەشۋشى، وزەكتى تەحنيكالاردا ماڭىزدى سەرپىلىسكە قول جەتكىزىپ، كەڭىستىك بەكەتىنىڭ كەيىنگى جاسالۋى مەن جۇمىس جۇرگىزۋىنە بەرىك نەگىز قالادى، بۇل جۇڭگو عارىش ىستەرىنىڭ جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدە، ءوزىن الۋەتتەندىرۋدە تىڭ قادام تاستاپ، عارىش ىستەرىندە قۋاتتى ەل قۇرۋدى جەدەلدەتۋدە تىڭ سەرپىلىستى جۇزەگە اسىرعاندىعىن كورسەتەدى، ەلىمىزدىڭ جالپىلىق مەملەكەت قۋاتى مەن ۇلتتىڭ ۇيىسۋ قۋاتىن جوعارىلاتۋدا، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ءبىر نيەتپەن ىنتىماقتاسىپ، قايراتتانا العا ىلگەرىلەۋگە، قول ۇستاسا قۇلشىنىپ، بولاشاقتى بىرگە اشۋعا ىنتالاندىرىپ، جاڭا داۋىردەگى جۇڭگوشا سوتسياليزم ىستەرىنىڭ جاڭا جەڭىسىنە ۇزدىكسىز قول جەتكىزۋدە ماڭىزدى مانگە يە.

  شىنجوۋ − 13 عارىشقا ادام الىپ ۇشۋ مىندەتىنىڭ تولىق تابىستى بولۋىنا قالىڭ عىلىم - تەحنيكا قىزمەتكەرلەرىنىڭ، عارىشكەرلەردىڭ، كادر - قىزمەتكەرلەردىڭ، ازاتتىق ارميا كوماندير - جاۋىنگەرلەرىنىڭ اقىل - پاراساتى مەن جۇرەك قانى سىڭگەن. جاي جىگاڭ، ۋاڭ ياپيڭ، يە گۋاڭفۋ جولداستار وسىلاردىڭ ۇزدىك ۋاكىلدەرى، ولار وتاننىڭ ءۇمىتىن اقتاۋدى مۇرات ەتىپ، ىنتىماقتاسا سەلبەسىپ، دۇنيە جۇزىنە قۇدىرەتتى جۇڭگو رۋحىن، جۇڭگو كۇشىن ايگىلەدى. جاي جىگاڭ جولداس 2 رەت عارىشقا ادام الىپ ۇشۋ مىندەتىن جانە بۇيرىق بەرۋشى مىندەتىن اتقارىپ، 3 رەت كەمە بولمەسىنەن شىعىپ قيمىل جاساپ، قازىرگە دەيىن كەمە بولمەسىنەن شىعىپ قيمىل جاساۋ رەت سانى ەڭ كوپ جۇڭگو عارىشكەرىنە اينالدى. ۋاڭ ياپيڭ جولداس عارىشقا ۇشۋ ارمانىن 2 مارتە ورىنداپ، ”كەڭىستىك مىنبەسىنە“ تاعى دا كوتەرىلىپ، جۇڭگوداعى تۇڭعىش كەڭىستىك بەكەتىنە جايعاسقان، تۇڭعىش كەمە بولمەسىنەن شىعىپ قيمىل جاساعان ايەل عارىشكەرگە اينالدى. يە گۋاڭفۋ جولداس تىڭعىلىقتى جاتتىعۋ جاساپ، قاجىرلىلىقپەن شىڭدالىپ، داڭقپەن شىنجوۋ − 13 توبىنا تاڭدالىپ، ۇستىنە العان مىندەتتى تولىق تابىسپەن ورىندادى. ولاردىڭ ەلىمىزدىڭ عارىشقا ادام الىپ ۇشۋ ىستەرىنە قوسقان ەرەن ەڭبەگىن ماراپاتتاۋ ءۇشىن، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جاي جىگاڭ، ۋاڭ ياپيڭ جولداستارعا ”2 - دارەجەلى عارىش ۇلەسكەرى مەدالىن“ بەرۋدى، يە گۋاڭفۋ جولداسقا ”قاھارمان عارىشكەر“ داڭق اتاعىن بەرۋدى جانە ”3 - دارەجەلى عارىش ۇلەسكەرى مەدالىن“ بەرۋدى ۇيعاردى.

  جاي جىگاڭ، ۋاڭ ياپيڭ، يە گۋاڭفۋ جولداستار اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ىسكە ءوزىن ارناعان ءداۋىر اۆانگاردتارى، الەمدى زەرتتەۋدىڭ، عارىش كەڭىستىگى ارمانىنا قانات قاعۋدىڭ، عارىش ىستەرىندە قۋاتتى ەل قۇرۋدىڭ ونەگەلى ۇلگىلەرى. پارتيا ورتالىق كوميتەتى مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ماراپاتتالعان عارىشكەرلەردى ونەگە ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، ”ەكى بومبى، ءبىر جاساندى سەرىك“ رۋحى مەن عارىشقا ادام الىپ ۇشۋ رۋحىن زور كۇشپەن اسقاقتاتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جاساۋ كەرەك.

(شينحۋا اگەنتتىگىنىڭ 6 - ايدىڭ 21 - كۇنى بەيجيڭنەن بەرگەن حابارى)

جالعانىم



جاۋاپتى رەداكتورى: سەرىك دالەلقان ۇلى