شي جينپيڭ قۇرلىق ارميا جاياۋ اسكەرلەر شۋەيۋانىنىڭ 2022 - كەزەكتى بارلىق كۋرسانتتارىنا جاۋاپ حات جازىپ جىگەرلەندىردى
سەنىمدى بەكەمدەپ، ىجداعاتتى بولىپ، قايىسپاي كۇرەس جۇرگىزىپ، ارميانى قۇدىرەتتەندىرۋ ىستەرىنە كۇش قوسۋ كەرەك
شينحۋا اگەنتتىگىنىڭ 6 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا قۇرلىق ارميا جاياۋ اسكەرلەر شۋەيۋانىنىڭ 2022 - كەزەكتى بارلىق كۋرسانتتارىنا جاۋاپ حات جازىپ، ولاردى جىگەرلەندىردى.
شي جينپيڭ جاۋاپ حاتىندا مىنالاردى ءبىلدىردى: سىزدەر مەكتەپتەگى كەزدەرىڭىزدە مۇقيات ۇيرەنىپ، قۇلشىنا جاتتىعىپ، ءار جاقتاردا تاماشا ناتيجەگە قول جەتكىزدىڭىزدەر، تاياۋدا وقۋ تاۋىسىپ، اسكەري كازارمالارعا بارۋ الدىندا تۇرسىزدار، مەن سىزدەردى قۇتتىقتايمىن! سىزدەر جاپالى، شەت - شالعاي وڭىرلەرگە، اسكەري جاتتىعۋ جۇرگىزىپ، سوعىسقا دايىندالۋدىڭ ءبىرىنشى شەبىندەگى اسكەري بولىمدەرگە، پارتيا مەن حالىق ەڭ قاجەت ەتكەن جەرلەرگە بارىپ ەڭبەك ءسىڭىرىپ، ۇلەس قوسۋعا بەل بايلادىڭىزدار، بۇعان مەن ەرەكشە ءسۇيىندىم. جاقسى جىگىتتىڭ ارمانى اسقاق بولادى. سىزدەردىڭ سەنىمدى بەكەمدەپ، ىجداعاتتى بولىپ، اسكەري بولىمدەردىڭ دومنا پەشىندە جان - جاقتى شىنىعىپ، قايىسپاي كۇرەس جۇرگىزىپ، ۇزدىكسىز ەسەيىپ - ەرجەتىپ، العا باسىپ، ارميانى قۇدىرەتتەندىرۋ ىستەرىنە كۇش قوسۋلارىڭىزدى ءۇمىت ەتەمىن.
شي جينپيڭ ارميامىز مەكتەپتەرىنىڭ وقۋ - اعارتۋى مەن دارىندىلاردى باۋلۋ قىزمەتىنە وسكەلەڭ ءمان بەردى. 2019 - جىلى 5 - ايدا ول قۇرلىق ارمياسىنىڭ جاياۋ اسكەرلەر شۋەيۋانىن ارنايى كوزدەن كەشىرىپ، ءبىلىم بەرىپ ادام تاربيەلەۋ دەڭگەيىن جوعارىلاتۋ جونىندە ايقىن تالاپتار قويىپ، قالىڭ كۋرسانتتاردىڭ ەسەيىپ - ەرجەتۋىنە، دارىندى بولۋىنا شىنايى ءۇمىت ارتتى. شۋەيۋاننىڭ 2022 - كەزەكتى كۋرسانتى جيىنى 1100دەن استام بولىپ، وقۋ تاۋىسىپ، بىرلەسپە ەمتيحاننان ءوتۋ تولىمدىلىق مولشەرى ％100كە، ۇزدىكتىك مولشەرى ％94كە جەتتى، شۋەيۋاننىڭ اسكەري ىستەر ۇلكەن سايىسىندا 200دەن استام ادام - رەت جاتتىعۋ ۇزدىگى بولىپ باعالاندى، 60 نەشە ادام - رەت بۇكىل ەلدەگى بۇكىل ارميا باسەكەسىندە سيلىق الدى. تاياۋدا قۇرلىق ارميا جاياۋ اسكەرلەر شۋەيۋانىنىڭ 2022 - كەزەكتى بارلىق كۋرسانتى ءتوراعا شي جينپيڭگە حات جازىپ، ۇيرەنۋ، جاتتىعۋ جاعدايىنان مالىمەت بەرىپ، ءتوراعا شي جينپيڭنىڭ ءۇمىتىن، ماڭىزدى تاپسىرماسىن ەستەرىندە بەرىك ساقتاپ، نەگىزگى ساتىنىڭ ءبىرىنشى شەبىنە تامىر تارتىپ، ارميانى قۇدىرەتتەندىرۋگە بەل بايلاعان بەرىك سەنىمدەرى مەن بەكىمدەرىن ءبىلدىردى.