جىڭ شانجيە، ەركىن تۇنياز، ۋاڭ چيڭشيان قيمىلعا قاتىناستى
انار بۇلت \ شينجياڭ گازەتىنىڭ ءتىلشىسى لي ياڭ 6 - ايدىڭ 21 - كۇنى حىفيدان حابارلايدى. 6 - ايدىڭ 19 - كۇنىنەن 21 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ انحۇيدا ۇيرەنۋدە، تەكسەرۋدە بولدى. انحۇي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى جىڭ شانجيە، انحۇي ولكەلىك پارتكومنىڭ ورىنباسار شۋجيى، ولكە باستىعى ۋاڭ چيڭشيان قيمىلعا قاتىناستى.
6 - ايدىڭ 19 - كۇنى تۇستەن كەيىن جىڭ شانجيە، ۋاڭ چيڭشيان ەركىن تۇنياز جانە ونىڭ ساپارلاستارىمەن قىزمەت جونىندە كەڭەس وتكىزدى. 6 - ايدىڭ 20 - كۇنى تۇستەن كەيىن انحۇي ولكەسى • شينجياڭ ۇيعۇر اۆتونوميالى رايونى اڭگىمە ءماجىلىسى وتكىزىلدى.
جىڭ شانجيە اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىنىڭ انحۇيعا كەلگەندىگىن قارسى الاتىندىعىن ءبىلدىرىپ، شينجياڭنىڭ ۇزاق ۋاقىتتان بەرى انحۇيدىڭ قىزمەتىنە قولداۋ كورسەتىپ جانە وعان كومەكتەسىپ كەلگەندىگىنە العىس ايتتى. ول بىلاي دەدى: انحۇي باس شۋجي شي جينپيڭنىڭ شينجياڭ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دەن قويا دايەكتىلەندىرىپ، شينجياڭعا باعىتتامالى كومەكتەسۋدى ساياسي مىندەت ەتىپ، حالىق تۇرمىسىن جاقسارتۋ، كاسىپ سالاسىن سۇيەمەلدەۋ، شينجياڭدى مادەنيەتپەن نارلەندىرۋ، ت . ب قىزمەت سەرپىنىن ارتتىرىپ، جالپىلىق ونىمدىلىگىن ۇزدىكسىز جوعارىلاتتى. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ”ءبىر بەلدەۋ، ءبىر جول“ قۇرىلىسى سياقتى جاقتاردى ارقاۋ ەتىپ، ەكى جاقتىڭ ءىس جۇزىندىك جاعدايىن تياناق ەتىپ، ارتىقشىلىقتارى ارقىلى ءبىرىن - ءبىرى تولىقتاۋدى ىلگەرىلەتىپ، انحۇي مەن شينجياڭنىڭ ءار سالاداعى اۋىس - كۇيىسىن، سەلبەستىگىن ونان ارى تەرەڭدەتىپ، ”14 - بەسجىلدىقتاعى“ شينجياڭعا كومەكتەسۋ جوباسىنىڭ تياناقتانىپ، ونىمدىلىك كورسەتۋىن ىلگەرىلەتىپ، انحۇي مەن شينجياڭنىڭ سەلبەسىپ دامۋىنىڭ جاڭا تاراۋىن بىرگە جازامىز.
ەركىن تۇنياز انحۇي ولكەسىنىڭ ۇزاق ۋاقىتتان بەرى شينجياڭعا بار كۇشپەن قولداۋ كورسەتىپ جانە قالتقىسىز كومەكتەسىپ كەلگەندىگىنە شىنايى العىس ايتتى. ول بىلاي دەدى: انحۇي ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىن باستان - اياق ماڭىزدى ساياسي جاۋاپكەرشىلىك ەتىپ، انحۇي ەرەكشەلىگىن ايگىلەيتىن، كومەك كورسەتىلەتىن ورىننىڭ ءىس جۇزىندىك جاعدايىنا ۇيلەسەتىن، جالعاسپالى، توعىسپالى جاڭالىق اشاتىن شينجياڭعا كومەكتەسۋ جولىمەن ءجۇرىپ، شينجياڭنىڭ قوعام ورنىقتىلىعى مەن باياندى تىنىشتىعىنا بەلسەندى ۇلەس قوستى. بيىل پارتيا 20 - قۇرىلتايى اشىلاتىن جىل، انحۇي، شينجياڭ ەكى ولكە، رايوننىڭ قىزمەتى تىڭ باستامادا تۇر. ەكى ولكە، رايوننىڭ ”ءبىر بەلدەۋ، ءبىر جول“ قۇرىلىسى، عىلىم - تەحنيكادا جاڭالىق اشۋ، اۋىل شارۋاشىلىعىن، اۋىل - قىستاقتى وسىزامانداندىرۋدى جانە مادەنيەت پەن ساياحاتتىڭ توعىسۋىن ىلگەرىلەتۋ سياقتى جاقتاردا سەلبەستىكتى كۇشەيتۋىن، سونىمەن بىرگە ۇلتتاردىڭ ارالاسۋىن، ىشتەسۋىن، توعىسۋىن اناعۇرلىم ناقتى، جاندى، ءونىمدى جەبەپ، اناعۇرلىم جارقىن بولاشاقتى بىرگە جاراتۋىن ءۇمىت ەتەمىن.
اڭگىمە ماجىلىستە ۋاڭ چيڭشيان انحۇيدىڭ ەكونوميكالىق، قوعامدىق دامۋ جاعدايىن تانىستىردى. ول مىنالاردى ءبىلدىردى: انحۇي باعىتتامالى كومەكتەسۋ سەرپىنىن ۇزدىكسىز ارتتىرىپ، اقىل - پاراسات جاعىنان سۇيەمەلدەۋ، حالىقتى بايىتۋ، بەيقۇت ءۇي، تىلەك جالعاستىرۋ، نەگىز بەكەمدەۋ سىندى ”بەس ءىرى ينجەنەريانى“ تىڭعىلىقتى ورىستەتىپ، حالىق تۇرمىسىنا تيىمدىلىك جاسايتىن، دامۋدى جەبەيتىن، نەگىزدى كۇشەيتەتىن شينجياڭعا كومەكتەسۋدىڭ ءبىر توپ نىسانىن جەدەل اتقارىپ، كومەك كورسەتىلەتىن ورىننىڭ قوعام ورنىقتىلىعى مەن باياندى تىنىشتىعىنا دەم بەرەدى. باعىتتامالى كومەكتەسۋدى وراي ەتىپ، ەكى ولكە، رايوننىڭ ءتۇرلى سالاداعى سەلبەستىگىن جاپپاي تەرەڭدەتىپ، شىعىس، باتىس بولىكتەردىڭ ستراتەگيالىق تۇتاسۋىن ىلگەرىلەتىپ، اشىق دامۋدا كەڭىستىكتى كەڭەيتۋدى جەبەپ، ەنەرگيا سەلبەستىگى سەرپىنىن ارتتىرىپ، كاسىپ سالاسى، مادەنيەت، وقۋ - اعارتۋ قاتارلىلاردىڭ سەلبەستىك دەڭگەيىن جوعارىلاتىپ، ەكى ولكە، رايوننىڭ ءوزارا تيىمدىلىك جەتكىزەتىن سەلبەستىگىن ىلگەرىلەتىپ، دامۋدا تەڭ يگىلىككە كەنەلۋ كەرەك.
انحۇيداعى مەزگىلدە اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى عىلىم - تەحنيكادا جاڭالىق اشاتىن قۇرىلىمدارى، عىلىم - تەحنيكا كاسىپورىندارى، سازدىقتى قالپىنا كەلتىرۋ نىسانى، كورىكتى اۋىل - قىستاقتان ۇلگى كورسەتۋ ءتۇيىنى، قىزىل ەسكەرتكىش ساراي سياقتىلارعا بارىپ، ەكسكۋرسيادا، تەكسەرۋ - زەرتتەۋدە بولدى، شينجياڭعا باعىتتامالى كومەكتەسەتىن كادرلارمەن، دارىندىلارمەن اڭگىمە ءماجىلىس اشتى.
انحۇي ولكەسىنىڭ باسشىلارىنان ليۋ حۇي، يۇي ايحۋا، ديڭ شياڭچۇن، ۋاڭ يگۋاڭ، اۆتونوميالى رايوننىڭ باسشىلارىنان جاڭ جۋ، چىن ۋيجۇن، ۋاڭ ميڭشان، ليۋ سۋشى قاتارلىلار قيمىلعا قاتىناستى.