− ءتوراعا شي جينپيڭنىڭ شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىندا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
25 جىل بوران - شاشىنعا قاراماي العا ىلگەرىلەپ، 25 جىل كوكتەمدە گۇلدەپ، كۇزدە ماۋەلەدى. ”ءبىر ەل، ەكى ءتۇزىمنىڭ“ شياڭگاڭداعى ۇلان - اسىر امالياتى بىزگە وتە كوپ باعالى تاجىريبەلەر بەردى، كوپتەگەن تەرەڭ ويلار دا سالدى.
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىندا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىندا ءتوراعا شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى ۇلان - اسىر امالياتىندا قول جەتكىزگەن 4 ماڭىزدى تاجىريبەنى تەرەڭ قورىتىندىلادى: ءسوز جوق، ”ءبىر ەل، ەكى ءتۇزىم“ باعىتىن جالپى بەتتىك، دۇرىس دايەكتىلەندىرۋ كەرەك؛ ءسوز جوق، ورتالىقتىڭ جاپپاي باسقارۋ ۇقىعى مەن ەرەكشە اكىمشىلىك رايونىنىڭ وسكەلەڭ اۆتونوميا ۇقىعىن قامتاماسىز ەتۋدىڭ بىرلىگىنە تاباندى بولۋ كەرەك؛ ءسوز جوق، ”وتانشىلدار شياڭگاڭدى باسقارۋدى“ تياناقتاندىرۋ كەرەك؛ ءسوز جوق، شياڭگاڭنىڭ ەرەكشە ورنى مەن ابزالدىلىعىن ساقتاۋ كەرەك. ءتوراعا شي جينپيڭنىڭ ماڭىزدى ءسوزى بيىكتە تۇرىپ الىسقا كوز جىبەرگەن، كوز اياسى كەڭ، مازمۇنى باي بولىپ، شياڭگاڭنىڭ كوركەيىپ - گۇلدەنۋىن، ورنىقتىلىعىن ساقتاپ، ”ءبىر ەل، ەكى ءتۇزىم“ ىستەرىنىڭ ورنىقتى قاداممەن الىسقا جەتۋىنە شىنايى كەپىلدىك ەتۋگە العا باسۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەپ بەردى.
وتان قۇشاعىنا ورالعان 25 جىلدان بەرى، شياڭگاڭ وتانىمىزدىڭ ىشكى وڭىرلەرىن دۇنيە ءجۇزىنىڭ جەر - جەرىمەن بايلانىستىرۋ سىندى ماڭىزدى كوپىرلىك جانە تەرەزەلىك رول اتقارىپ، حالىقارالىق فينانس، تەڭىز تاسىمالى، ساۋدا ورتالىعى ورنى ورنىعىپ، بەكەمدەلىپ، نەگىزگى زاڭ مەن ءتۇبىرلى زاڭدى نەگىز ەتكەن ەرەكشە اكىمشىلىك رايونىنىڭ نەگىزگى زاڭدىق ءتارتىبى ورنىقتى ءجۇرىلدى. وتكەن ءبىر مەزگىلدە شياڭگاڭ تالاي رەتكى قاتاڭ سىننان ءوتىپ، تالاي رەتكى حاۋىپ - قاتەردى، سىن - سايىستى جەڭدى، بوران - شاشىندى باستان كەشىرگەننەن كەيىن، شياڭگاڭ لاۋلاعان ورتتە قايتا تۇلەدى، حالىقارالىق ءىرى قالا رەتىندە جالىنداعان ومىرشەڭدىك قۋاتى دۇنيە ءجۇزىن تاڭداي قاققىزدى. ”ءبىر ەل، ەكى ءتۇزىم“ امالياتىنىڭ شياڭگاڭداعى دۇنيە ءجۇزىن مويىنداتقان تابىسى: ”ءبىر ەل، ەكى ءتۇزىمنىڭ“ كۇشتى ومىرشەڭدىك قۋاتقا يە ەكەندىگىن، شياڭگاڭنىڭ ۇزاق ۋاقىت گۇلدەنۋىنە، ورنىقتىلىعىنا شىنايى كەپىلدىك ەتەتىن، شياڭگاڭدىق باۋىرلاستاردىڭ قۇت - ىرىسىن قورعايتىن جاقسى ءتۇزىم ەكەندىگىن؛ ”ءبىر ەل، ەكى ءتۇزىمدى“ اتقارۋ مەملەكەتتىڭ ءتۇبىرلى مۇددەسىن قورعاۋعا ءتيىمدى ەكەندىگىن، شياڭگاڭنىڭ ءتۇبىرلى مۇددەسىن قورعاۋعا ءتيىمدى ەكەندىگىن، قالىڭ شياڭگاڭدىق باۋىرلاستاردىڭ ءتۇبىرلى مۇددەسىن قورعاۋعا ءتيىمدى ەكەندىگىن تولىق دالەلدەدى. 25 جىلدىق اماليات بىزگە مىنانى ءتۇسىندىردى: ”ءبىر ەل، ەكى ءتۇزىمنىڭ“ امالياتتىق زاڭدىلىعىن تەرەڭ تۇسىنگەندە جانە دۇرىس يگەرگەندە عانا، ”ءبىر ەل، ەكى ءتۇزىم“ ىستەرىنىڭ باستان - اياق دۇرىس بەتالىستى بويلاپ، ورنىقتى قاداممەن الىسقا جەتۋىنە شىنايى كەپىلدىك ەتۋگە بولادى.
وتكەندى پىسىقتاۋدان جاڭا وي ءتۇيىپ، بۇرىنعىدان عيبىرات الىپ، بولاشاققا جول الدى. جاڭا تاريحي باستامادا تۇرىپ، ”ءبىر ەل، ەكى ءتۇزىم“ ىستەرىنىڭ ورنىقتى قاداممەن الىسقا جەتۋىنە شىنايى كەپىلدىك ەتۋدە، ءسوز جوق، ”ءبىر ەل، ەكى ءتۇزىم“ باعىتىن جالپى بەتتىك، دۇرىس دايەكتىلەندىرۋ كەرەك. مىنانى جەتە تانۋ كەرەك: ”ءبىر ەل، ەكى ءتۇزىم“ باعىتى كەمەلدى جۇيە. مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ”ءبىر ەل، ەكى ءتۇزىم“ باعىتىنىڭ ەڭ جوعارى پرينسيبى، وسى العى شارتتا شياڭگاڭ، اۋمىن اسىلگى كاپيتاليزم ءتۇزىمىن ۇزاق ۋاقىت وزگەرتپەي ساقتاپ، وسكەلەڭ اۆتونوميا ۇقىعىنان يگىلىكتەنەدى. سوتسياليستىك ءتۇزىم جۇڭحۋا حالىق رەسپۋبليكاسىنىڭ ءتۇبىرلى ءتۇزىمى، جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، ەرەكشە اكىمشىلىك رايونىنداعى بارلىق تۇرعىن مەملەكەتتىڭ ءتۇبىرلى ءتۇزىمىن سانالىلىقپەن قۇرمەتتەۋى جانە قورعاۋى كەرەك. اماليات مىنانى دالەلدەدى: ”ءبىر ەل“ پرينسيبى قانشا بەرىك بولسا، ”ەكى ءتۇزىم“ ابزالدىلىعى سونشا كورنەكتىلەنەدى. بولاشاققا بەت العاندا، ”ءبىر ەل، ەكى ءتۇزىم“ باعىتىن جالپى بەتتىك، دۇرىس دايەكتىلەندىرىپ، ”ءبىر ەل“ نەگىزىن بەرىك ساقتاپ، ”ەكى ءتۇزىم“ تيىمدىلىگىن شەبەرلىكپەن پايدالانۋ كەرەك، اۋەلگى قالپىنان وزگەرتپەۋگە، ءپىشىنىن بۇزباۋعا شىنايى كەپىلدىك ەتۋ شياڭگاڭعا، اۋمىنعا شەكسىز كەڭ دامۋ كەڭىستىگىن جاراتاتىندىعى داۋسىز.
ءتوراعا شي جينپيڭ بىلاي دەپ اتاپ كورسەتتى: ”ورتالىق ۇكىمەت ەرەكشە اكىمشىلىك رايوندى جاپپاي باسقارۋ ۇقىعىنا يە، بۇل ەرەكشە اكىمشىلىك رايونىنىڭ وسكەلەڭ اۆتونوميا ۇقىعىنىڭ قاينارى، سونىمەن بىرگە ورتالىق ەرەكشە اكىمشىلىك رايونىنىڭ وسكەلەڭ اۆتونوميا ۇقىعىنان زاڭ بويىنشا يگىلىكتەنۋىنە تولىق قۇرمەت ەتەدى جانە ونى باتىل قورعايدى“.”شياڭگاڭ ەرەكشە اكىمشىلىك رايونىن باسقارۋ ۇقىعىن وتانشىلداردىڭ قولىندا بەرىك ۇستاتۋ شياڭگاڭنىڭ باياندى تىنىشتىعىنا كەپىلدىك ەتۋدىڭ قاجەتتى تالابى، ەشقاشان دا مىزعۋعا بولمايدى“. ”وتانعا ارقا سۇيەۋ، دۇنيە جۇزىمەن ۇلاسۋ شياڭگاڭنىڭ وزگەشە كورنەكتى ابزالدىلىعى، مۇنى شياڭگاڭ تۇرعىندارى وتە قاستەرلەيدى، ورتالىق تا وتە قاستەرلەيدى“. مىنانى جەتە تانۋ كەرەك: ورتالىقتىڭ جاپپاي باسقارۋ ۇقىعىن تياناقتاندىرۋ مەن ەرەكشە اكىمشىلىك رايونىنىڭ وسكەلەڭ اۆتونوميا ۇقىعىن قامتاماسىز ەتۋ ءبىر تۇتاس ۇشتاسقان، وسى جاعىن ورىنداعاندا عانا، ەرەكشە اكىمشىلىك رايونىن ويداعىداي باسقارۋعا بولادى. بيلىك، ءسوز جوق، وتانشىلداردىڭ قولىندا بولۋى كەرەك، بۇل دۇنيە جۇزىندە جالپى بەتتىك قولدانىلاتىن ساياسي قاعيدا. باسقارۋ ۇقىعىن جاقسى قورعاۋدىڭ ءوزى شياڭگاڭنىڭ گۇلدەنۋىن، ورنىقتىلىعىن قورعاعاندىق، 7 ميلليوننان استام شياڭگاڭدىق تۇرعىننىڭ ءتول مۇددەسىن قورعاعاندىق. ورتالىق شياڭگاڭ ىستەرىن ءبىر جاقتى ەتكەندە، قاشاندا ستراتەگيالىق جانە جالپى جاعداي تۇرعىسىنان وي ەلەگىنەن وتكىزىپ، قاشاندا مەملەكەتتىڭ جانە شياڭگاڭنىڭ ءتۇبىرلى مۇددەسىن، ۇزاق بولاشاقتىق مۇددەسىن شىعار ءتۇيىن جانە تابان تىرەر تياناق ەتىپ كەلەدى. شياڭگاڭنىڭ ءتۇبىرلى مۇددەسى مەملەكەتتىڭ ءتۇبىرلى مۇددەسىمەن بىردەي، ورتالىق ۇكىمەتتىڭ جۇرەگى شياڭگاڭدىق باۋىرلاستاردىڭ جۇرەگىمەن بۇكىلدەي توعىسقان. ورتالىق ۇكىمەت شياڭگاڭنىڭ ەرەكشە ورنى مەن ابزالدىلىعىن ۇزاق ۋاقىت ساقتاۋىن، حالىقارالىق فينانس، تەڭىز تاسىمالى، ساۋدا ورتالىعى ورنىن بەكەمدەۋىن، ەركىن، اشىق، ولشەمدى شارۋاشىلىق - ساۋدا ورتاسىن قورعاۋىن، جالپىلىق زاڭ ءتۇزىمىن ساقتاۋىن، ىركىلىسسىز قولايلى حالىقارالىق بايلانىسىن كەڭەيتۋىن بۇكىلدەي قولدايدى.
25 جىل ۋاقىتتى باستان وتكەرگەن ”ءبىر ەل، ەكى ءتۇزىم“ امالياتى بولسىن، الدە شياڭگاڭنىڭ دامۋى بولسىن تۇگەلدەي جاڭا تاريحي باستامادا تۇر. ورتالىقتىڭ ”ءبىر ەل، ەكى ءتۇزىم“ باعىتىن جالپى بەتتىك، دۇرىس دايەكتىلەندىرۋ بەكىمى ەشقاشان مىزعىعان ەمەس جانە ول وزگەرمەيدى دە. قاجىماي - تالماي جالعاستىرساڭ، تاماشا كەلەشەكتەن ءۇمىت زور. ”ءبىر ەل، ەكى ءتۇزىم“ ىستەرىنىڭ باستان - اياق دۇرىس بەتالىستى بويلاپ، ورنىقتى قاداممەن الىسقا جەتۋىنە شىنايى كەپىلدىك ەتسەك، ءسوز جوق، شياڭگاڭنىڭ بىلىقپالىقتان تىنىشتىققا ءوتىپ، تىنىشتىقتان گۇلدەنۋگە بەت الۋىن ىلگەرىلەتىپ، شياڭگاڭنىڭ ”ءبىر ەل، ەكى ءتۇزىم“ امالياتىنىڭ جاڭا تاراۋىن ۇزدىكسىز جازا الامىز. جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تاريحي ۇردىسىندە شياڭگاڭ ءىرى ىستەر تىندىرىپ، ۇلكەن ىسكەرلىك كورسەتىپ، ءسوز جوق، كەلەلى ۇلەس قوسا الادى، شياڭگاڭنىڭ بولاشاعى، ءسوز جوق، ونان ارى تاماشا بولادى!
(شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى)