شينجياڭ فيلوسوفيا-قوعامدىق عىلىمدار تورابى
ۇلتتار ىنتىماعىنىڭ ”سەنترلەس شەڭبەرىن“ بىرگە سالدى
   ۋاقىتى:2022-07-27   |  كەلۋ قاينارى: تىيانشان تورى

− شينجياڭداعى ءار ۇلت بۇقاراسى ۋاكىلدەرى ينتەرنەت جەلىسىندە ۇلتتار ىنتىماعى حيكاياسىن ءبولىستى

  انار بۇلت \ شينجياڭ گازەتىنىڭ ءتىلشىسى جىڭ جو 7 - ايدىڭ 23 - كۇنى بەيجيڭنەن حابارلايدى. 7 - ايدىڭ 22 - كۇنى شينجياڭ ۇيعۇر اۆتونوميالى رايونى بەيجيڭدە ”شينجياڭنىڭ ۇلتتار ىنتىماعى حيكاياسىن“ نەگىزگى تاقىرىپ ەتىپ، ارناۋلى تاقىرىپتىق اقپار جاريالاۋ ءماجىلىسىن وتكىزدى. شينجياڭداعى ءار ۇلت نەگىزگى ساتى بۇقارا ۋاكىلدەرى بەينەبايلانىس تاسىلىمەن وزدەرىنىڭ ۇلتتار ىنتىماعى حيكاياسىن ءبولىسىپ، ءار ۇلتتىڭ بىرگە قونىستانعان، بىرگە ۇيرەنگەن، بىرگە جۇمىس ىستەگەن، بىرگە شاتتىققا شومعان اسەرلى كارتيناسىن جاندى ايگىلەدى.

  ”ەگەر مەنەن ۇلتتار ىنتىماعى نە دەپ سۇراسا، مەن بىلاي دەپ قارايمىن: جۇڭگودا مەيلى قاي ۇلت بولسىن، ءبىر اتا - انانىڭ بالاسى سياقتى، ەشقانداي بوتەندىگى جوق“. 7 - ايدىڭ 22 - كۇنى كۇشار قالاسى چىمان قالاشىعى يوڭكۋ ىنتىماق قىستاعىنىڭ تۇرعىنى احىمەت گالي بەينەبايلانىس تاسىلىمەن ءوزىنىڭ ۇلتتار ىنتىماعى جونىندەگى تۇسىنىگىن ايتتى ءارى كورشىسى سۇن چىڭجۇڭ وتباسىمەن بولعان اسەرلى حيكاياسىن باياندادى.

  احىمەت اكەدەن جاستاي ايرىلعان، سۇن چىڭجۇڭ مەن ايەلى ءوز بالاسىنا قارايلاسقانداي احىمەتپەن ونىڭ اپەكەسىنە قارايلاسادى، اپەكە - ءىنىلى ەكەۋى سۇن چىڭجۇڭدى شىن جۇرەكپەن ”سۇن اكە” دەپ اتادى. احىمەت اسەرلەنىپ بىلاي دەدى: جۇڭحۋا ۇلتى ءبىر ۇلكەن شاڭىراق، كوپشىلىك توننىڭ ىشكى باۋىنداي بولىپ، كورىكتى مەكەندى بىرگە قۇردى.

  ۇلتتار ىنتىماعىنىڭ اسەرلى حيكاياسى تيانشان الابىندا ساناپ تاۋىسقىسىز. اقپار جاريالاۋ ماجىلىسىندە سانجى حۇيزۋ اۆتونوميالى وبلىسى جاستار مەن وسپىرىمدەر قيمىل ورتالىعىنىڭ وقىتۋشىسى بالعىن جەڭىس، شينجياڭ داشۋەسىنىڭ اسپيرانتى حۋاڭ تيڭتيڭ قاتارلىلار وزدەرىنىڭ كورگەن، ەستىگەندەرىن تانىستىردى؛ سانجى قالاسىنىڭ تۇرعىنى لياڭ چياڭ ءوزىنىڭ مامەتجانمەن بولعان 17 جىلدىق دوستىق سۇيىسپەنشىلىگىن اڭگىمەلەدى؛ شاۋەشەك قالاسىنىڭ تۇرعىنى ما ليانحۋا اپپارات كوزى الدىندا ۇقساماعان 7 ۇلتتان قۇرالعان ۇلكەن وتباسىنىڭ باقىتتى تۇرمىسىن كورسەتتى؛ كەريا اۋدانىنان كەلگەن ازامات ءيۇسىپ عۇجاابدولا ۋحاندا 3 جىل قىزمەت ىستەپ، جەرگىلىكتى ورىنداعى جۇمىسشى دوستارىمەن تەرەڭ دوستىق سۇيىسپەنشىلىك قالىپتاستىردى؛ شينجياڭ بالالار شيپاحاناسى ەمدەۋ ىستەرى ءبولىمىنىڭ ورىنباسار مەڭگەرۋشىسى وسىمان مامەت شيپاحاناداعى ءار ۇلت جۇمىسشى - قىزمەتكەرلەر اراسىنداعى، شيپاگەرلەر مەن ناۋقاستار اراسىنداعى ءوزارا كومەكتەسكەن ىستەردى ءبولىستى؛ ءۇرىمجى قالاسى جيشۇن جولى سولتۇستىك الەۋمەتتىك اۋماعىنىڭ كادرى ءدىلدار وتكۇر شاعىن اۋماقتاعى ءار ۇلتتىڭ ارالاسقان، ىشتەسكەن، توعىسقان جاعدايىن اقتارىلا اڭگىمەلەدى؛ كەلپىن اۋدانى يۇىرچي اۋىلىنداعى زلايحان سالامنىڭ ۋحان قالاسىنداعى ءبىر حانزۋ ناۋقاسقا قان جاسايتىن تەك كلەتكاسىن اتاعان حيكاياسى كوپتەگەن ادامداردى اسەرلەندىردى.

  ”تيانشان قاراعايلارى تامىرلاس، ءار ۇلت حالقى تىلەكتەس“. شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ بىلاي دەدى: شينجياڭ ءوڭىرى تاريحتان بەرى كوپ ۇلت شوعىرلى قونىستانعان ءوڭىر، تاريحتىڭ ۇزاق كوشىندە شينجياڭداعى ءار ۇلت تۋىسقانداي ەتەنە بولىپ، ءوزارا قارايلاسىپ، تەرەزەسى تەڭ، ىنتىماقتى، قارايلاسىمدى، جاراسىمدى ۇلت قاتىناسىن قالىپتاستىردى. ءار ۇلت بۇقاراسى بىرگە تۇرمىس كەشىرىپ، بىرگە قىزمەت ىستەپ، قۋانىشتا بىرگە بولىپ، ۇلتتار ىنتىماعىن كوز قاراشىعىن قورعاعانداي قورعاپ، ۇلتتار ىنتىماعىن ءومىرىن قاستەرلەگەندەي قاستەرلەپ، اناردىڭ دانىندەي تىعىز ۇيىستى.

  شۇي گۇيشياڭ مىنالاردى ءبىلدىردى: شينجياڭ ۇلتتار ىنتىماعىنداعى، العاباسارلىعىنداعى وزات ورىن قۇرۋ قىزمەتىن قاجىماي - تالماي ورىستەتىپ، كوپ ءتۇرلى جولدارمەن جانە فورمالارمەن ءار ۇلتتىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن بەرىك ورناتتى. ال، امەريكاعا ۇڭىلسەك، ناسىلدىك كەمسىتۋ ۇزدىكسىز اسقىنىپ، ناسىلدىك وشپەندىلىك قوعامدى ايىرۋدا. امەريكاداعى كەيبىر ساياسي الاياقتار وزدەرىندە ءومىر سۇرگەن ماسەلەلەرگە ءجوندى نازار اۋدارماي، كەرىسىنشە بار كۇشىن سالىپ شينجياڭنىڭ ۇلتتار ىنتىماعى جاعدايىنا كۇيە جاعۋدا، بۇل بارىپ تۇرعان كولگىر، سوراقى ارەكەت.

  سول كۇنگى اقپار جاريالاۋ ماجىلىسىنە ناق مايداندا ماجىلىسكە قاتىناسقان شەكارا ءىشى - سىرتىنداعى مەديا تىلشىلەرىنەن تىس، ءبىر ءبولىم شەكارا سىرتىنداعى مەديالار دا ينتەرنەت جەلىسىندە قاتىناستى. سونداي - اق اقپار جاريالاۋ ءماجىلىسى دۇنيە جۇزىندەگى 60تان استام مەملەكەت پەن حالىقارالىق ۇيىمعا ءبىر ۋاقىتتا تىكە تاراتىلدى.

جالعانىم



جاۋاپتى رەداكتورى: سەرىك دالەلقان ۇلى