— باس شۋجي شي جينپيڭنىڭ ورتالىقتىڭ بىرلىكساپ قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
بىرلىكساپ پارتيانىڭ جاۋدى جەڭىپ، جەڭىسكە جەتۋدەگى، بيلىك جۇرگىزىپ، مەملەكەتتى كوركەيتۋدەگى ماڭىزدى اسىلى، ەل ءىشى - سىرتىنداعى بارلىق جۇڭحۋا پەرزەنتتەرىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ماڭىزدى اسىلى.
ورتالىقتىڭ بىرلىكساپ قىزمەتى ماجىلىسىندە باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايى بيىگىندە تۇرىپ، 100 جىلدىق بىرلىكساپتىڭ تاريحي ۇلەسى مەن جاڭا داۋىردەگى بىرلىكساپ قىزمەتىندە قول جەتكەن تاريحي تابىستاردى تولىق تۇراقتاندىردى، پارتيا 18 - قۇرىلتايىنان بەرى بىرلىكساپ قىزمەتىندە قالىپتاسقان جاڭا ۇستانىمداردى، جاڭا يدەيالاردى، جاڭا ستراتەگيالاردى جۇيەلى ءتۇسىندىرىپ، جاڭا داۋىردەگى بىرلىكساپ قىزمەتىنىڭ تاريحي ورنىنا تەرەڭ تالداۋ جاساپ، جاڭا داۋىردەگى بىرلىكساپ قىزمەتىن ويداعىداي ىستەۋدىڭ جەتەكشى يدەياسىن، نەگىزگى مىندەتىن، قىزمەت ءتۇيىنىن، ساياسات - شارالارىن ايقىن ورتاعا قويدى. باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، وتە كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، ماركسيزمدىك اقيقاتتىڭ نۇر - شۇعىلاسى جارقىراعان تۇعىرنامالىق حۇجات. جاڭا داۋىردەگى بىرلىكساپ قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
بيىل پارتيامىزدىڭ بىرلىكساپ ساياساتىن ايقىن ورتاعا قويعاندىعىنىڭ 100 جىلدىعى. پارتيا باستان - اياق بىرلىكساپتى ماڭىزدى ورىنعا قويىپ، ەڭ كەڭ كولەمدى بىرلىكساپتى ۇزدىكسىز بەكەمدەپ جانە دامىتىپ، ىنتىماقتاسۋعا بولاتىن بارلىق كۇشتەردى ىنتىماقتاستىرىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، بىرگە كۇرەس جاسايتىن كۇش - قۋاتتى ەڭ جوعارى شەكتە ۇيىستىردى. پارتيانىڭ باس لۋشيانىنىڭ، باس ساياساتىنىڭ ماڭىزدى قۇرامداس بولىگى رەتىندە، بىرلىكساپ ەلىمىز توڭكەرىسىنىڭ، قۇرىلىسىنىڭ، رەفورماسىنىڭ تۇرلىشە تاريحي مەزگىلىندە ماڭىزدى رول اتقاردى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىس جاعدايىن ءبىر تۇتاس جوسپارلاپ، قاتىستى ماڭىزدى زاڭ ەرەجەلەردى، حۇجاتتاردى ىلگەرىندى - كەيىندى شىعارىپ، ءبىرسىپىرا ماڭىزدى ءماجىلىس اشىپ، بىرلىكساپ قىزمەتىنە ەل باسقارۋدىڭ ستراتەگيالىق تۇرعىسىنان جالپى بەتتىك ورنالاستىرۋ جاساپ، جاڭا داۋىردەگى بىرلىكساپتىڭ دامۋ بەتالىسىن ايقىن كورسەتتى.
باس ارقاۋدى تارتساڭ، باسقا تور كوزدەرى تۇگەل اشىلادى. پارتيا ورتالىق كوميتەتىنىڭ پارمەندى باسشىلىعىندا، بىرلىكساپ وتانشىلدىق، سوتسياليزم تۋىن بيىك ۇستاپ، ۇلى ىنتىماق، ۇلى بىرلىك نەگىزگى تاقىرىبىن مىقتاپ يگەرىپ، پارتيا مەن مەملەكەتتىڭ وزەكتى مىندەتىن مىقتاپ ارقاۋ ەتىپ، ساياسي پارتيالار قاتىناسىنىڭ، ۇلت قاتىناسىنىڭ، ءدىن قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن ۇزدىكسىز جەبەپ، ءار سالاداعى قىزمەتتەردە تىڭ ىلگەرىلەۋشىلىكتەرگە قول جەتكىزىپ، بىرلىكساپتا ىنتىماقتى، ەكپىندەي ىلگەرىلەگەن، ءورىس اشقان، جالىندى تاماشا جاعداي جارىققا شىعىپ، جۇڭگوشا سوتسياليزم ۇلى ءىسىن ىلگەرىلەتۋگە جاڭا ۇلەس قوستى. جاڭا داۋىردەگى بىرلىكساپ قىزمەتىندە تاريحي تابىستارعا قول جەتۋىنىڭ ءتۇبىرلى سەبەبى باس شۋجي شي جينپيڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە رولدى ۇستاپ، جول باستاۋىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولۋىندا.
نازاريا − امالياتتىڭ جەتەكشىسى، يدەيا − ارەكەتتىڭ باعدارناماسى. پارتيا 18 - قۇرىلتايىنان بەرى پارتيامىز اماليات بارىسىندا جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەيانى قالىپتاستىرىپ، بىرلىكساپ قىزمەتىن كۇشەيتۋ جانە جاقسارتۋ جونىندە ءبىر قىدىرۋ جاڭا ۇستانىم، جاڭا يدەيا، جاڭا ستراتەگيانى ورتاعا قويدى، مۇندا، باستىسى، ءسوز جوق، بىرلىكساپتىڭ ماڭىزدى اسىلدىق رولىن تولىق ساۋلەلەندىرۋ كەرەك، ءسوز جوق، جۇرت تىلەگى مەن كۇش - قۋات ماسەلەسىن ويداعىداي شەشۋ كەرەك، ءسوز جوق، بىرىڭعايلىق پەن الۋان تۇرلىلىكتىڭ قاتىناسىن دۇرىس ءبىر جاقتى ەتۋ كەرەك، ءسوز جوق، جۇڭگونىڭ جاڭاشا ساياسي پارتيا تۇزىمىنە ويداعىداي تاباندى بولۋ جانە ونى ويداعىداي دامىتۋ، ويداعىداي كەمەلدەندىرۋ كەرەك، ءسوز جوق، جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋ كەرەك، ءسوز جوق، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ كەرەك، ءسوز جوق، پارتيا سىرتىنداعى زيالىلار مەن جاڭا قوعامدىق جىك قايراتكەرلەرىنىڭ بىرلىكساپ قىزمەتىن ويداعىداي ىستەۋ كەرەك، ءسوز جوق، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋى مەن جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەۋ كەرەك، ءسوز جوق، شياڭگاڭ، اۋمىن، تايۋانداعى جانە شەتەلدەگى بىرلىكساپ قىزمەتىنىڭ جۇرت تىلەگىنە قول جەتكىزۋ رولىن ساۋلەلەندىرۋ كەرەك، ءسوز جوق، پارتيا سىرتىنداعى ۋاكىل قايراتكەرلەر قوسىنى قۇرىلىسىن كۇشەيتۋ كەرەك، ءسوز جوق، بىرلىكساپ قىزمەتىن ويداعىداي ىستەۋدىڭ زاڭدىلىعىن يگەرۋ كەرەك، ءسوز جوق، پارتيانىڭ بىرلىكساپ قىزمەتىنە جالپى بەتتىك باسشىلىعىن كۇشەيتۋ كەرەك. باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسى − پارتيانىڭ بىرلىكسابىنىڭ 100 جىلدىق دامۋ تاريحىنداعى اقىل - پاراسات جاۋھارى، پارتيامىزدىڭ بىرلىكساپ قىزمەتىن ويداعىداي ىستەۋدەگى زاڭدىلىق سيپاتتى تانىمىنىڭ تەرەڭدەۋى، جاڭا داۋىردەگى بىرلىكساپ قىزمەتىنىڭ ءتۇبىرلى باعدارناماسى. بۇكىل پارتيا، ءسوز جوق، تولىق، دالمە - ءدال، جاپپاي دايەكتىلەندىرىپ، تياناقتاندىرىپ، ونىڭ وزەكتى ماڭىزىن، رۋحاني ءمانىن، مول مازمۇنىن جانە امالياتتىق تالابىن ىشكەرىلەي ءتۇسىنىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدى، تانىمدى، سەنىمدى، ارەكەتتى بىرلىككە كەلتىرۋدى ورىنداۋى كەرەك.
ىنتىماق − تەمىر، ىنتىماق − بولات، ىنتىماق − كۇش - قۋات. العا باسۋ جولىندا، ءبىز وتانشىلدىق بىرلىكساپ دامۋىنىڭ دۇرىس بەتالىسىنا تاباندى بولىپ، ۇلتتاردىڭ ۇلى ىنتىماعىن، بۇكىل ەل حالقىنىڭ ۇلى ىنتىماعىن، بۇكىل جۇڭحۋا پەرزەنتتەرىنىڭ ۇلى ىنتىماعىن ۇزدىكسىز بەكەمدەپ جانە دامىتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ەل ءىشى - سىرتىنداعى بارلىق جۇڭحۋا پەرزەنتتەرى ويدى ءبىر جەرگە شوعىرلاندىرعان، كۇشتى ءبىر جەرگە جۇمساعان جاندى جاعداي قالىپتاستىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي ۇلى كۇشىن ۇيىستىرۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ”ەكىنى تۇراقتاندىرۋدىڭ“ شەشۋشى ماڭىزىن ىشكەرىلەي ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى وتانشىلدىق بىرلىكساپتى دامىتىپ، زورايتىپ، ەل ءىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جاساۋىن جەبەپ، جاڭا داۋىردەگى جاڭا جورىقتا جاڭا تاراۋ جازىپ، جاڭا شۇعىلا اشايىق!
(شينحۋا اگەنتتىگىنىڭ 7 - ايدىڭ 30 - كۇنى بەيجيڭنەن بەرگەن حابارى)