شينجياڭ فيلوسوفيا-قوعامدىق عىلىمدار تورابى
جۇڭگو ۇلگىسىندەگى وسىزاماندانۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋگە تاباندى بولايىق
   ۋاقىتى:2022-08-02   |  كەلۋ قاينارى: تىيانشان تورى

− باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

 حالىق گازەتىنىڭ شولۋشىسى

  ”جاڭا جۇڭگو قۇرىلعاننان، اسىرەسە، رەفورما جاساپ، ەسىك اشىلعاننان بەرگى ۇزاق ۋاقىتتىق ىزدەنىس پەن اماليات نەگىزىندە، پارتيا 18 - قۇرىلتايىنان بەرگى نازاريا جانە اماليات جاعىندا جاڭالىق اشۋ، تىڭ سەرپىلىس جاساۋ ارقىلى ءبىز جۇڭگو ۇلگىسىندەگى وسىزاماندانۋدى تابىستى تۇردە ىلگەرىلەتتىك جانە كەڭەيتتىك“. ولكە - مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيا 20 - قۇرىلتايىن قارسى الۋ“ ارناۋلى تاقىرىپتىق زەرتتەۋ - تالقى كۋرسىندا باس شۋجي شي جينپيڭ: ”ءبىز ىلگەرىلەتەتىن وسىزاماندانۋ جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزاماندانۋ بولىپ تابىلادى“، - دەپ تەرەڭ اتاپ كورسەتىپ، ”ءسوز جوق، جۇڭگو ۇلگىسىندەگى وسىزاماندانۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋگە تاباندى بولۋىمىز كەرەك“، - دەپ باسا دارىپتەدى.

  100 جىلدان بەرى پارتيامىز جۇڭگو حالقىن ىنتىماقتاستىرىپ، باستاپ جۇرگىزگەن كۇرەس اتاۋلىنىڭ ءبارى ەلىمىزدى وسىزاماندانعان قۇدىرەتتى مەملەكەت ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن بولدى. وسى بارىستا پارتيامىز سوتسياليستىك وسىزاماندانعان مەملەكەت قۇرۋ جونىندە تانىم جاعىندا ۇزدىكسىز تەرەڭدەپ، ستراتەگيالىق جاقتا ۇزدىكسىز تولىسىپ، اماليات جاعىندا ۇزدىكسىز بايىپ، ەلىمىزدىڭ وسىزاماندانعان دامۋ اياق الىسىن جەدەلدەتتى. جاڭا جۇڭگو قۇرىلعاننان كەيىن پارتيامىز حالىقتى ىنتىماقتاستىرىپ، باستاپ، سوتسياليستىك وزگەرىس جاساۋدى جاسامپازدىقپەن ورىنداپ، سوتسياليستىك نەگىزگى ءتۇزىمدى شىنايى ورناتىپ، سوتسياليستىك ەكونوميكالىق مادەنيەت قۇرىلىسىن كەڭ كولەمدى ورىستەتتى، جۇڭگو حالقى ورنىنان تۇرۋمەن قاتار، تۇراقتاپ، ورنىعىپ، سوتسياليستىك توڭكەرىستەن سوتسياليستىك قۇرىلىسقا دەيىنگى تاريحي قارىشتاۋدى جۇزەگە اسىردى. تاريحي جاڭا داۋىرگە قادام تاستاعاننان كەيىن، پارتيامىز حالىقتى باستاپ، رەفورما جاساۋ، ەسىك اشۋ جاڭا ۇلى توڭكەرىسىن جۇرگىزىپ، قالىڭ حالىق بۇقاراسىنىڭ بەلسەندىلىگىنە، ىرىقتىلىعىنا، جاسامپازدىعىنا ايرىقشا شابىت بەرىپ، جۇڭگوشا سوتسياليزم جولىن ءساتتى اشىپ، سوتسياليستىك وسىزاماندانۋ ۇردىسىندەگى جاڭا تاريحي قارىشتاۋدى جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىن قارسى الدى.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا باسشىلىق ەتىپ، قايراتتانا العا ىلگەرىلەپ، جاپپاي دوڭگەلەك داۋلەتتى قوعام ورناتۋ نىساناسىن دەر كەزىندە جۇزەگە اسىرىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىس تۋدىرىپ، جۇڭگوشا سوتسياليزمنىڭ قۇدىرەتتى تىڭ تىنىسى مەن ومىرشەڭدىگىن ايگىلەدى، پارتيانىڭ بەكىمى، ارميانىڭ بەكىمى، حالىقتىڭ تىلەگى عالامات ۇيىسىپ، سەرپىلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش - قۋات ازىرلەدى. اسىرەسە، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي شەشتى، بۇل ەلىمىزدىڭ سوتسياليستىك وسىزاماندانۋ قۇرىلىسى اياق الىسىندا بەلەستىك مانگە يە، ەلىمىزدىڭ جاڭا دامۋ ساتىسىنا قادام تاستاۋىنا، ەكىنشى 100 جىلدىق كۇرەس نىساناسىنا قاراي جورىق جاساۋىنا بەرىك نەگىز قالادى. تاريح پەن اماليات جول ماسەلەسى پارتيا مەن حالىق ىستەرىنىڭ گۇلدەنۋىنە، زاۋالعا بەت الۋىنا، ءساتتى - ءساتسىز بولۋىنا تىكەلەي قاتىستى ەكەندىگىن تولىق دالەلدەدى. جۇڭگوشا سوتسياليزم جولى پارتيا مەن حالىق سان مىڭداعان ماشاقاتتى باستان وتكىزىپ، سان - ساناقسىز قيىنشىلىقتى، حاۋىپ - قاتەردى جەڭىپ قول جەتكىزگەن قىمباتتى جەتىستىك. وسى جەتىستىككە قول جەتكىزۋ وڭاي ەمەس، ءسوز جوق، ايرىقشا قاستەرلەۋ كەرەك.

  باس شۋجي شي جينپيڭ: ”دۇنيە جۇزىندە ءبىر مىقتىنىڭ عانا ءسوزىن ەسەپكە الاتىن وسىزاماندانۋ ۇلگىسى دە، تورتكىل دۇنيەنىڭ بارىنە ءدال تۇسە بەرەتىن وسىزاماندانۋ ولشەمى دە بولمايدى“، - دەپ تەرەڭ اتاپ كورسەتتى. ادامزات تاريحىندا سىرتقى كۇشكە سۇيەنىپ، شەتەلدىڭ ۇلگىسىن كوشىرىپ، باسقالاردىڭ سوڭىنا ەرىپ دۇرمەككە ىلەسىپ قۇدىرەتتەنگەن جانە گۇلدەنگەن ۇلت تا، مەملەكەت تە بولعان ەمەس. باسىپ وتكەن جولعا قايىرىلا قاراپ، باسقالار جۇرگەن جولمەن سالىستىرىپ، الداعى جولعا الىستان كوز تاستاعانىمىزدا قايدان كەلىپ، قايدا باراتىنىمىزدى انىق اجىراتۋعا بولادى، سوندا عانا كوپتەگەن ماسەلەلەردى تەرەڭنەن بولجاپ، ءدال يگەرۋگە بولادى. ءوز جولىمەن ءجۇرۋ − پارتيانىڭ بارلىق نازارياسى مەن امالياتىنىڭ تابان تىرەر تياناعى، ونان دا ماڭىزدىسى، پارتيانىڭ 100 جىلدىق كۇرەسىنەن شىعارىلعان تاريحي قورىتىندى. جۇڭگوشا سوتسياليزم جولى − جۇڭگو حالقىنىڭ تىزە قوسا كۇرەس جاساۋىندا اشىلعان، جۇڭحۋانىڭ بايتاق دالاسىنا تامىر تارتقان، سوتسياليستىك وسىزامانداندىرۋدى جۇزەگە اسىرۋدا، ءسوز جوق، باسىپ وتەتىن جول، حالىقتىڭ تاماشا تۇرمىسىن جاراتۋدا، ءسوز جوق، باسىپ وتەتىن جول، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، باسىپ وتەتىن جول. بۇگىنگى دۇنيەدە قايسى ساياسي پارتيا، قايسى مەملەكەت، قايسى ۇلت وزىنە كامىل سەنەدى دەسەك، وندا جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى وزىنە كامىل سەنۋگە ەڭ حاقىلى. اماليات مىنانى تولىق دالەلدەدى: پارتيامىز حالىققا باسشىلىق ەتىپ، دۇنيەدە سيرەك كەزدەسەتىن ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتۋمەن بىرگە، جۇڭگو ۇلگىسىندەگى وسىزاماندانۋ جولىمەن ءساتتى ءجۇرىپ، ادامزات وركەنيەتىنىڭ جاڭا قالىبىن جاراتتى. بۇرىنعىلار ىستەپ كورمەگەن وسى جاڭالىقتار ادامزات قوعامى دامۋىنداعى كوپتەگەن قيىن ماسەلەلەردى شەشىپ، باتىستىڭ كاپيتالدى وزەك ەتكەن وسىزاماندانۋىن، ەكى ۇيەككە جىكتەلگەن وسىزاماندانۋىن، ماتەرياشىلدىق ۇلعايعان وسىزاماندانۋىن، سىرتقا ىرگە كەڭەيتۋ، تالان - تاراجىلاۋ سىندى وسىزاماندانۋ كونە جولىن تاستاپ، وركەندەپ كەلە جاتقان ەلدەردىڭ وسىزاماندانۋعا بەت الۋ جولىن كەڭەيتىپ، ادامزاتتىڭ اناعۇرلىم جاقسى قوعامدىق ءتۇزىم جونىندەگى ىزدەنىسىنە جۇڭگو جوباسىن ازىرلەدى.

  قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، بۇكىل پارتيا، بۇكىل ەلدەگى ءار ۇلت حالقى تاسقىنداعان جىگەرمەن ەكىنشى 100 جىلدىق كۇرەس نىساناسىنا قاراي ارشىندى قادام تاستاۋدا. ەلىمىز جان سانى كوپ جانە اسا ءىرى بازار كولەمى بار سوتسياليستىك مەملەكەت رەتىندە، وسىزاماندانۋعا قادام تاستاعان تاريحي بارىستا باسقا ەلدەر كەزدەسپەگەن ءتۇرلى قىسىمدار مەن قاتاڭ سىن - سايىستاردى باستان كەشىرۋى داۋسىز ەكەندىگىن جەتە تانۋىمىز كەرەك. ءبىراق مەيلى قانداي بوران مەن تولقىنعا ۇشىراساق تا، جۇڭگوشا سوتسياليزم جولىنا تاباندى بولۋ سىندى وسى ءتۇبىرلى ماسەلەنى باستان - اياق جالعاستىرۋىمىز، ءتۇرلى بوتەن، بوگدە ۇندەرگە بولا استە باسقا جول ۇستانباۋىمىز كەرەك. اماليات بىزگە مىنانى ۇعىندىردى: جۇڭگوشا سوتسياليزم − تاريح دامۋىنىڭ تابيعي ناتيجەسى، جۇڭگوشا سوتسياليزم جولى − وسى زامانعى جۇڭگو ارشىندى قاداممەن داۋىرگە ىلەسكەن، ءداۋىر دامۋىنا جەتەكشىلىك ەتكەن سارا جول، بۇل جولمەن جۇرۋگە بولادى، الىستارعا جەتۋگە بولادى! جاڭا جورىقتا ءبىز تۇيىقتالعان، قاتىپ - سەمگەن كونە سۇردەكپەن دە، تۋ وزگەرتىپ، جالاۋ اۋىستىراتىن تەرىس جولمەن دە جۇرمەي، مەملەكەت پەن ۇلتتىڭ دامۋىن ءوز كۇشىمىزدىڭ نەگىزىنە قويۋعا، جۇڭگونىڭ دامۋ، العا باسۋ تاعدىرىن ءوز قولىمىزدا مىقتى ۇستاۋعا تاباندى بولىپ، ءوزىمىز تاڭداعان دۇرىس جولمەن كوكىرەك كەرە العا باسساق، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعا الامىز.

  داڭعىل جول كەڭ دە شەكسىز بولادى. جۇڭحۋانىڭ بايتاق دالاسىندا تۇرىپ، جۇڭحۋا وركەنيەتىنە مۇراگەرلىك ەتىپ، جۇڭگونىڭ مەملەكەت جاعدايىنا ۇيلەسەتىن دۇرىس جولمەن جۇرسەك، پارتيا مەن حالىق شەكسىز كەڭ ورىسكە، تەڭدەسسىز مىعىم تاريحي نەگىزگە، ولشەۋسىز قۇدىرەتتى العا باسۋ قۋاتىنا يە بولادى. جاڭا جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم سىندى بىردەن - ءبىر دۇرىس جولمەن بۇلجىماي ءجۇرىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەرلىكپەن العا باسايىق!

(شينحۋا اگەنتتىگىنىڭ 7 - ايدىڭ 30 - كۇنى بەيجيڭنەن بەرگەن حابارى)

جالعانىم



جاۋاپتى رەداكتورى: سەرىك دالەلقان ۇلى