شينجياڭ فيلوسوفيا-قوعامدىق عىلىمدار تورابى
جۇڭگوشا سوتسياليزم ۇلى تۋىن بيىك ۇستايىق
   ۋاقىتى:2022-08-02   |  كەلۋ قاينارى: تىيانشان تورى

− باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ” جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىندا بۇكىل پارتيا، ءسوز جوق، جۇڭگوشا سوتسياليزم ۇلى تۋىن بيىك ۇستاپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىن جەتەكشى ەتۋگە تاباندى بولىپ، جۇڭگوشا سوتسياليزم جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، جۇڭحۋا ۇلتىنىڭ ۇلى گۇلدەنۋىنىڭ تاريحي ءۇردىسىن بۇلجىماي ىلگەرىلەتۋ كەرەك“.

  7 - ايدىڭ 26 - كۇنىنەن 27 - كۇنىنە دەيىن ولكە - مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيا 20 - قۇرىلتايىن قارسى الۋ“ ارناۋلى تاقىرىپتىق زەرتتەۋ - تالقى كۋرسى بەيجيڭدە وتكىزىلدى. باس شۋجي شي جينپيڭ اسا ماڭىزدى ءسوز سويلەپ، پارتيا مەن مەملەكەت ىستەرىنىڭ دامۋىنىڭ ستراتەگيالىق جالپى جاعدايىن نەگىزگە الا وتىرىپ، كەزەكتەگى حالىقارالىق، ەل ءىشى جاعدايىنا عىلمي تالداۋ جاساپ، وتكەن 5 جىلداعى قىزمەت پەن جاڭا ءداۋىردىڭ 10 جىلىنداعى ۇلى وزگەرىستەردى تەرەڭ بايىمداپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى كەلەلى نازاريالىق جانە امالياتتىق ماسەلەنى تەرەڭ ءتۇسىندىرىپ، الداعى ءبىر مەزگىلدەگى پارتيا مەن مەملەكەت ىستەرى دامۋىنداعى ۇلكەن باعىت - ساياساتتى جانە ارەكەت تۇعىرناماسىن تەرەڭ ۇعىندىرىپ، تۇتاس پارتيانى، بۇكىل ەلدەگى ءار ۇلت حالقىن پارتيا ورتالىق كوميتەتىنىڭ پارمەندى باسشىلىعىندا، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، ىنتىماقتاسا كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن جازۋعا قۇلشىنۋعا ايرىقشا جىگەرلەندىردى جانە جۇمىلدىردى.

  الدا اشىلعالى تۇرعان پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا وتكەن شەشۋشى ساتتە اشىلاتىن ءبىر رەتكى اسا ماڭىزدى قۇرىلتاي، الداعى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن ۇلكەن باعىت - ساياساتتارىن عىلمي جوسپارلايدى، ول پارتيا مەن مەملەكەت ىستەرىندە الدىڭعىلاردىڭ ءىزىن باسىپ، بولاشاققا جول اشۋعا سايادى، جۇڭگوشا سوتسياليزمنىڭ بولاشاعى مەن تاعدىرىنا سايادى، جۇڭحۋا ۇلتىنىڭ ۇلى گۇلدەنۋىنە سايادى. باس شۋجي شي جينپيڭنىڭ ماڭىزدى ءسوزى بيىكتە تۇرىپ، الىستى بولجاعان، كوز اياسى كەڭ، مازمۇنى باي، يدەياسى تەرەڭ، ءون - بويىنان ماركسيزمنىڭ يدەياسىنىڭ شۇعىلاسى شاشىلعان، اسا كۇشتى ساياسي، نازاريالىق، جەتەكشىلىك سيپاتقا يە، پارتيا 20 - قۇرىلتايىن ويداعىداي اشۋعا ماڭىزدى ساياسي نەگىز، يدەيالىق نەگىز، نازاريالىق نەگىز قالادى.

  پارتيا 18 - قۇرىلتايىنان باستاپ، جۇڭگوشا سوتسياليزم جاڭا داۋىرگە ءوتتى. 10 جىلدان بەرى ءبىز جولىققان حاۋىپ - قاتەرلەردىڭ، سىن - سايىستاردىڭ داۋىلى كۇشتى، تولقىنى قاتتى بولدى، كەيدە، ءتىپتى، سۇراپىل تاسقىن، دۇلەي تولقىن كوتەرىلىپ، ءتۇرلى حاۋىپ - قاتەرلەر، سىن - سايىستار بىرىنەن سوڭ ءبىرى ىركەس - تىركەس كەلىپ، كۇردەلىلىگى، قاتاڭدىعى بۇرىن بولماعان دەڭگەيگە جەتتى. شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى ءبىر تۇتاس جوسپارلاپ، يگەرىپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جاپپاي مەڭگەرىپ، تۇتاس پارتيانى، بۇكىل ەلدەگى ءار ۇلت حالقىن ۇدەرە العا باسۋعا ىنتىماقتاستىرىپ، باستاپ، جاڭا داۋىردەگى جۇڭگوشا سوتسياليزمنىڭ ۇلى تابىسىن جاراتىپ، جۇڭگوشا سوتسياليزمنىڭ مىعىم ومىرشەڭدىك كۇشىن ايگىلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىل، اناعۇرلىم مىعىم زاتتىق نەگىز، اناعۇرلىم ىرىقتى رۋحاني كۇش ازىرلەدى. پارتيا مەن مەملەكەت ىستەرىنىڭ تاريحي تابىسقا قول جەتكىزۋىنىڭ، تاريحي وزگەرىس تۋىلۋىنىڭ ەڭ ءتۇبىرلى سەبەبى، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ جول باستاعاندىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە جاتىر.

  تۋ باعدار نۇسقايدى، باعدار جولدى بەلگىلەيدى، جول تاعدىردى بەلگىلەيدى. پارتيا 100 جىلدىق كۇرەسىندە قاشاندا ەلىمىزدىڭ مەملەكەت جاعدايىن نەگىزگە الۋعا تاباندى بولىپ، جۇڭگونىڭ ءىس جۇزىندىگىنە ۇيلەسەتىن دۇرىس جول قاراستىردى جانە قالىپتاستىردى. جۇڭگوشا سوتسياليزم − رەفورما جاساعان، ەسىك اشقاننان بەرگى پارتيانىڭ بارلىق نازاريالارى مەن امالياتتارىنىڭ نەگىزگى تاقىرىبى، پارتيا مەن حالىقتىڭ نە ءبىر ماشاقات - ميحىناتتى باستان وتكەرىپ، وراسان زور بوداۋ بەرىپ قول جەتكىزگەن ءتۇبىرلى تابىسى. قۇلاشىن كەڭ جايعان ايبىندى ۇلى اماليات بارىسىندا پارتيا حالىقتى ىنتىماقتاستىرىپ جانە باستاپ، جۇڭگوشا سوتسياليزمگە تاباندى بولىپ جانە ونى دامىتىپ، زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەسە دامۋىن ىلگەرىلەتىپ، ءساتتى تۇردە جۇڭگو ۇلگىسىندەگى وسىزاماندانۋ جولىن تاۋىپ، ادامزات وركەنيەتىنىڭ جاڭا فورماتسياسىن جاراتتى. شىندىق جۇڭگوشا سوتسياليزمنىڭ عىلمي سوتسياليزمنىڭ نازاريالىق لوگيكاسى مەن جۇڭگو قوعامى دامۋىنىڭ تاريحي لوگيكاسىنىڭ ديالەكتيكالىق بىرلىگى ەكەندىگىن، جۇڭگونىڭ بايتاق دالاسىنا تامىر جايىپ، جۇڭگو حالقىنىڭ ەرىك - قالاۋىن بەينەلەيتىن، جۇڭگو مەن ءداۋىردىڭ دامۋ، العا باسۋ تالابىنا ۇيلەسەتىن عىلمي سوتسياليزم ەكەندىگىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، باسىپ وتۋگە ءتيىستى جول ەكەندىگىن تالاسسىز دالەلدەدى. تەك سوتسياليزم عانا جۇڭگونى قۇتقارا الاتىندىعىن، تەك جۇڭگوشا سوتسياليزم عانا جۇڭگونى دامىتا الاتىندىعىن، جۇڭگوشا سوتسياليزمگە تاباندى بولعاندا جانە ونى دامىتقاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بولاتىندىعىن تاريح الدەقاشان دالەلدەگەن ءارى ۇزدىكسىز دالەلدەي بەرەدى.

  قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە ءجۇزى وزگەرىسىنىڭ، ءداۋىر وزگەرىسىنىڭ، تاريح وزگەرىسىنىڭ ەرەكشەلىكتەرى اناعۇرلىم ايقىن كورىنىس بەرۋدە. ءبىز جۇڭحۋا ۇلتىنىڭ ۇلى گۇلدەنۋىنىڭ جەڭىل - جەلپى، ايعاي - سۇرەنمەن جۇزەگە اسا سالمايتىندىعىن، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەردى جۇرەكتىلىكپەن جۇرگىزىپ، اناعۇرلىم ماشاقاتتى، اناعۇرلىم قاجىرلى قۇلشىنىس جاساۋعا دايىن بولۋىمىز كەرەكتىگىن انىق بىلەمىز. پارتيا جاڭا تاريحي دەڭگەيدە جاڭا داۋىردەگى پارتيانىڭ تاريحي بورىشىن جۇزەگە اسىرۋى ءۇشىن، ەڭ ءتۇبىرلىسى، جۇڭگوشا سوتسياليزم ۇلى تۋىن بيىك ۇستاۋ كەرەك. جۇڭگوشا سوتسياليزم ءارى ءبىز، ءسوز جوق، توقتاۋسىز ىلگەرىلەتۋگە ءتيىستى ۇلى ءىس، ءارى ءبىزدىڭ بولاشاققا جول اشۋىمىزداعى ءتۇبىرلى كەپىل. العا باسۋ جولىندا جۇڭگوشا سوتسياليزم ۇلى تۋىن بيىك ۇستاپ، جۇڭگوشا سوتسياليزم جولىمەن قاشاندا بۇلجىماي جۇرسەك بولعانى، ءبىز، ءسوز جوق، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرىپ، جالپى حالىقتىڭ بىرگە بايۋىن ۇزدىكسىز ىلگەرىلەتە الامىز.

  باس شۋجي شي جينپيڭ بىلاي دەپ تەرەڭىنەن اتاپ كورسەتتى: ”پارتيانىڭ جاڭا جورىقتا قانداي تۋ ۇستايتىندىعىن، قانداي جولمەن جۇرەتىندىگىن، قانداي رۋحاني كۇيمەن قانداي نىساناعا قاراي ۇزدىكسىز العا تارتاتىندىعىن ايقىن جاريالاۋى بۇكىل ەلدەگى ءار ۇلت حالقىن جۇڭگوشا سوتسياليزمنىڭ تىڭ جەڭىسىنە قول جەتكىزۋ ءۇشىن كۇرەس جۇرگىزۋگە ىنتىماقتاستىرۋ جانە ىنتالاندىرۋ جونىنەن ايرىقشا ماڭىزدى مانگە يە“. كەزەكتە باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭىزدى ساياسي مىندەت ەتىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەنۋىن، تياناقتانۋىن ويداعىداي يگەرۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، قايراتتانا ەكپىندەي ىلگەرىلەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الىپ، جۇڭگوشا سوتسياليزم ۇلى ىستەرىن ۇزدىكسىز العا ىلگەرىلەتەيىك!

(شينحۋا اگەنتتىگىنىڭ 7 - ايدىڭ 28 - كۇنى بەيجيڭنەن بەرگەن حابارى)

جالعانىم




جاۋاپتى رەداكتورى: سەرىك دالەلقان ۇلى