شينجياڭ فيلوسوفيا-قوعامدىق عىلىمدار تورابى
ەل ءىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋىن جەبەپ، جۇڭحۋا ۇلتىنىڭ ۇلى گۇلدەنۋى ءۇشىن ۇلى كۇش ۇيىستىرۋ كەرەك
   ۋاقىتى:2022-08-02   |  كەلۋ قاينارى: تىيانشان تورى

شي جينپيڭ ورتالىقتىڭ بىرلىكساپ قىزمەتى ماجىلىسىندە بىلاي دەپ باسا دارىپتەدى

ەل ءىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋىن جەبەپ، جۇڭحۋا ۇلتىنىڭ ۇلى گۇلدەنۋى ءۇشىن ۇلى كۇش ۇيىستىرۋ كەرەك

لي كىچياڭ باسقاردى، لي جانشۋ، ۋاڭ حۋنيڭ، جاۋ لىجي، حان جىڭ قاتىناستى، ۋاڭ ياڭ ءسوز سويلەدى

  7 - ايدىڭ 29 - كۇنىنەن 30 - كۇنىنە دەيىن ورتالىقتىڭ بىرلىكساپ قىزمەتى ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى ياۋ دا - ۋي تۇسىرگەن

  شينحۋا اگەنتتىگىنىڭ 7 - ايدىڭ 30 - كۇنى بەيجيڭنەن بەرگەن حابارى. ورتالىقتىڭ بىرلىكساپ قىزمەتى ءماجىلىسى 7 - ايدىڭ 29 - كۇنىنەن 30 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ، بىلاي دەپ باسا دارىپتەدى: بيىل پارتيامىزدىڭ بىرلىكساپ ساياساتىن ايقىن ورتاعا قويعاندىعىنىڭ 100 جىلدىعى. وتانشىلدىق بىرلىكساپتى دامىتۋدىڭ دۇرىس بەتالىسىنا تاباندى بولىپ، جاڭا داۋىردەگى وتانشىلدىق بىرلىكساپتىڭ تاريحي ورنىن دالمە - ءدال يگەرۋ كەرەك. جاڭا داۋىردەگى وتانشىلدىق بىرلىكساپتىڭ نەگىزگى مىندەتى: جاڭا داۋىردەگى جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، جۇڭگوشا سوتسياليزم جولىنا تاباندى بولىپ، وتانشىلدىق، سوتسياليزم ۇلى تۋىن بيىك ۇستاپ، ءبىرىڭعايلىق پەن الۋان تۇرلىلىكتىڭ بىرلىگىنە تاباندى بولىپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، داۋىرمەن بىرگە ىلگەرىلەۋگە، تۋراشىلدىقتان جازباي، جاڭالىق اشۋعا تاباندى بولىپ، يدەيالىق - ساياسي جەتەكشىلىكتى كۇشەيتىپ، جۇرت تىلەگىن ۇيىستىرۋ، كۇش - قۋاتتى توعىستىرۋ سىندى ساياسي رولدى ساۋلەلەندىرىپ، ساياسي پارتيالار قاتىناسىنىڭ، ۇلت قاتىناسىنىڭ، ءدىن قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن جەبەپ، ەل ءىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋىن جەبەپ، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا تەلەگەي ۇلى كۇش ۇيىستىرۋ.

  لي كىچياڭ ءماجىلىستى باسقاردى. لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى. ۋاڭ ياڭ قورىتىندى ءسوز سويلەدى.

  شي جينپيڭ سوزىندە بىلاي دەپ اتاپ كورسەتتى: بىرلىكساپ − پارتيانىڭ باس لۋشيانىنىڭ، باس ساياساتىنىڭ ماڭىزدى قۇرامداس بولىگى، ەلىمىز توڭكەرىسىنىڭ، قۇرىلىسىنىڭ، رەفورماسىنىڭ تۇرلىشە تاريحي مەزگىلىندە ماڭىزدى رول اتقاردى. پارتيا 18 - قۇرىلتايىنان بەرى پارتيا جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىس جاعدايىن ءبىر تۇتاس جوسپارلاپ، بىرلىكساپ قىزمەتىنە ەل باسقارۋ ستراتەگيالىق بيىگىنەن جالپى بەتتىك ورنالاستىرۋ جاساپ، بىرلىكساپ قىزمەتىنىڭ تاريحي تابىسقا قول جەتكىزۋىن ىلگەرىلەتتى، بىرلىكساپتا ىنتىماقتى، ەكپىندەي ىلگەرىلەگەن، ءورىس اشقان، تەبىندەگەن تاماشا جاعداي جارىققا شىقتى.

  شي جينپيڭ بىلاي دەپ باسا دارىپتەدى: ءبىز اماليات بارىسىندا جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەيانى قالىپتاستىردىق، بىرلىكساپ قىزمەتىن كۇشەيتۋ جانە جاقسارتۋ جونىندە ءبىر قىدىرۋ جاڭا ۇستانىم، جاڭا يدەيا، جاڭا ستراتەگيانى العا قويدىق، مۇندا، باستىسى، ءسوز جوق، بىرلىكساپتىڭ ماڭىزدى اسىلدىق رولىن تولىق ساۋلەلەندىرۋ كەرەك، ءسوز جوق، جۇرت تىلەگى مەن كۇش - قۋات ماسەلەسىن ويداعىداي شەشۋ كەرەك، ءسوز جوق، ءبىرىڭعايلىق پەن الۋان تۇرلىلىكتىڭ قاتىناسىن دۇرىس ءبىر جاقتى ەتۋ كەرەك، ءسوز جوق، جۇڭگونىڭ جاڭاشا ساياسي پارتيا تۇزىمىنە ويداعىداي تاباندى بولۋ جانە ونى ويداعىداي دامىتۋ، ويداعىداي كەمەلدەندىرۋ كەرەك، ءسوز جوق، جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋ كەرەك، ءسوز جوق، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ كەرەك، ءسوز جوق، پارتيا سىرتىنداعى زيالىلار مەن جاڭا قوعامدىق جىك قايراتكەرلەرىنىڭ بىرلىكساپ قىزمەتىن ويداعىداي ىستەۋ كەرەك، ءسوز جوق، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋى مەن جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەۋ كەرەك، ءسوز جوق، شياڭگاڭ، اۋمىن، تايۋانداعى جانە شەتەلدەگى بىرلىكساپ قىزمەتىنىڭ جۇرت تىلەگىنە قول جەتكىزۋ رولىن ساۋلەلەندىرۋ كەرەك، ءسوز جوق، پارتيا سىرتىنداعى ۋاكىل قايراتكەرلەر قوسىنى قۇرىلىسىن كۇشەيتۋ كەرەك، ءسوز جوق، بىرلىكساپ قىزمەتىن ويداعىداي ىستەۋدىڭ زاڭدىلىعىن يگەرۋ كەرەك، ءسوز جوق، پارتيانىڭ بىرلىكساپ قىزمەتىنە جالپى بەتتىك باسشىلىعىن كۇشەيتۋ كەرەك. جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەيا − پارتيانىڭ بىرلىكسابىنىڭ 100 جىلدىق دامۋ تاريحىنداعى اقىل - پاراسات جاۋھارى، جاڭا داۋىردەگى بىرلىكساپ قىزمەتىنىڭ ءتۇبىرلى باعدارناماسى، بۇكىل پارتيا، ءسوز جوق، تولىق، دالمە - ءدال، جاپپاي دايەكتىلەندىرۋ، تياناقتاندىرۋ كەرەك.

  شي جينپيڭ بىلاي دەپ اتاپ كورسەتتى: بىرلىكساپ پارتيانىڭ جاۋدى جەڭىپ، جەڭىسكە جەتۋدەگى، بيلىك جۇرگىزىپ، مەملەكەتتى كوركەيتۋدەگى ماڭىزدى اسىلى، ەل ءىشى - سىرتىنداعى بارلىق جۇڭحۋا پەرزەنتتەرىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ماڭىزدى اسىلى، ءسوز جوق، ۇزاق ۋاقىت تاباندى بولۋ كەرەك. حالىق قولداۋ - قولداماۋى، كۇش سالىستىرماسى پارتيا مەن حالىق ىستەرىنىڭ ءساتتى - ءساتسىز بولۋىن بەلگىلەيتىن شەشۋشى تەتىك، ەڭ ۇلكەن ساياسي. بىرلىكساپ قىزمەتىنىڭ ماندىك تالابى ۇلى ىنتىماق، ۇلى بىرلىك، ول جۇرت تىلەگى مەن كۇش ماسەلەسىن شەشەدى. شەشۋشى تەتىك − پارىقتاردى ساقتاپ، ورتاقتىققا ۇمتىلۋعا تاباندى بولىپ، ”ىنتىماق - سىن - ىنتىماق“ سىندى تاڭداۋلى ءداستۇردى ساۋلەلەندىرىپ، الۋان تۇرلىلىككە قۇرمەت ەتۋ بارىسىندا ءبىرىڭعايلىققا ۇمتىلىپ، ەڭ ۇلكەن ورتاق بولگىشتى تابۋ، ەڭ ۇلكەن سەنترلەس شەڭبەردى سىزۋ. بىرلىكساپ پارتيانىڭ باسشىلىعىنداعى بىرلىكساپ، پارتيانىڭ بىرلىكساپ قىزمەتىنە جالپى بەتتىك باسشىلىعىنا شىنايى كەپىلدىك ەتۋ كەرەك. بىرلىكساپ قىزمەتى بۇكىل پارتيانىڭ قىزمەتى، ءسوز جوق، بۇكىل پارتيا باسا ءمان بەرىپ، كوپشىلىك بىرگە ىستەپ، پارتكوم ءبىر تۇتاس باسشىلىق ەتەتىن، بىرلىكساپ تاراۋلارى باستاماشىلدىقپەن سايكەسەتىن، قاتىستى جاقتار ءوز جاۋاپكەرشىلىگىن ارقالايتىن ۇلكەن بىرلىكساپ قىزمەتى ارناسىن قالىپتاستىرۋ كەرەك.

  شي جينپيڭ بىلاي دەپ باسا دارىپتەدى: قازىر بىرلىكساپ ءدوپ كەلىپ وتىرعان ۋاقىت پەن اۋقىمدا، ارقالاپ وتىرعان بورىش پەن مىندەتتە كەيبىر ەلەۋلى وزگەرىس تۋىلدى. دۇنيە جۇزىندە 100 جىلدا بولماعان زور وزگەرىس جاعدايى جەدەل قۇبىلىپ، بىرلىكساپتىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ جاعىنداعى رولى اناعۇرلىم ماڭىزدى بولىپ وتىر. جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا بىرلىكساپتىڭ وزەكتى ارقاۋ ەتۋ، كەلەلى جاعدايعا قىزمەت وتەۋ جاعىنداعى رولى اناعۇرلىم ماڭىزدى بولۋدا. ەلىمىزدىڭ قوعامدىق قۇرىلىمىندا تەرەڭ وزگەرىس تۋىلىپ، بىرلىكساپتىڭ پارتيانىڭ تاپتىق نەگىزىن كۇشەيتۋ، پارتيانىڭ بۇقارالىق نەگىزىن كەڭەيتۋ جاعىنداعى رولى اناعۇرلىم ماڭىزدى بولۋدا. ءبىز جاڭا داۋىردەگى وتانشىلدىق بىرلىكساپتى دامىتۋدىڭ، زورايتۋدىڭ ماڭىزدى ءمانىن تەرەڭ ءتۇسىنىپ، وسكەلەڭ بورىشتىلىق سەزىممەن جانە جاۋاپكەرشىلىك سەزىممەن قىزمەتتى ويداعىداي ىستەۋىمىز كەرەك.

  شي جينپيڭ بىلاي دەپ اتاپ كورسەتتى: بىرلىكساپ ىنتىماق ارقىلى جارىققا شىقتى، ىنتىماققا سۇيەنىپ كوركەيدى. جۇڭحۋا پەرزەنتتەرىنىڭ ۇلى ىنتىماعىن جەبەۋ جاڭا داۋىردەگى وتانشىلدىق بىرلىكساپتىڭ تاريحي جاۋاپكەرشىلىگى. وسى قىزمەتتى ويداعىداي ىستەۋدە سەنترلەس شەڭبەردى مىقتى ساقتاۋ مەن ورتاق تانىمدى كەڭەيتۋدىڭ قاتىناسىن ويداعىداي يگەرىپ، ورتاق تانىمدى ۇزدىكسىز ارتتىرىپ، تۇرلىشە پارتيا - توپتارداعى، تۇرلىشە ۇلتتاعى، تۇرلىشە جىكتەگى، تۇرلىشە شوعىرداعى، تۇرلىشە سەنىمدەگى، سونداي - اق تۇرلىشە قوعامدىق تۇزىمدە تۇرمىس كەشىرىپ جاتقان بارلىق جۇڭحۋا پەرزەنتتەرىن شىن مانىندە تۇگەل ىنتىماقتاستىرۋ كەرەك. كومەسكى ناتيجە مەن كورنەكتى ناتيجەنىڭ قاتىناسىن ويداعىداي يگەرىپ، دۇرىس ناتيجە كوزقاراسىنا تاباندى بولىپ، پارتيانىڭ بىرلىكساپ ىستەرىنىڭ ورنىقتى دا باياندى بولۋىن ىلگەرىلەتۋ كەرەك. پرينسيپتىك پەن يكەمدىلىكتىڭ قاتىناسىن ويداعىداي يگەرىپ، باعىت - ساياساتتاردىڭ پرينسيپتىگى مەن ءادىس - شارالاردىڭ يكەمدىلىگىن ۇشتاستىرۋعا شەبەر بولىپ ءارى ساياسي تۇرعىدا بەرىك تۇرۋ، ساياسي تومەنگى شەكتى باتىل ساقتاۋ، ءارى ناقتى ماسەلەگە ناقتى تالداۋ جاساپ، قىزمەت تاسىلىنە، ادىسىنە باسا ءمان بەرۋ كەرەك. ىنتىماق پەن كۇرەستىڭ قاتىناسىن ويداعىداي يگەرۋ ءارى كۇرەس جاساۋعا شەبەر بولىپ، كۇرەس قابىلەتىن كۇشەيتىپ، مىزعىماس ناعىز ىنتىماقتى قۇلشىنا قالىپتاستىرۋ كەرەك.

  شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى پارتيا ورتالىق كوميتەتى بىرلىكساپ قىزمەتىنە باستان - اياق جالپى جاعداي جانە ستراتەگيا تۇرعىسىنان باسا ءمان بەرىپ، قاتىستى ماڭىزدى زاڭ ەرەجەلەردى، حۇجاتتاردى ىلگەرىندى - كەيىندى شىعارىپ، ورتالىقتىڭ شيزاڭ قىزمەتى جونىندەگى اڭگىمە ءماجىلىسى، ورتالىقتىڭ شينجياڭ قىزمەتى جونىندەگى اڭگىمە ءماجىلىسى، ورتالىقتىڭ ۇلت قىزمەتى ءماجىلىسى، مەملەكەتتىك ءدىن قىزمەتى ءماجىلىسى سياقتى ماڭىزدى ماجىلىستەردى اشىپ، جاڭا داۋىردەگى پارتيانىڭ ۇلت قىزمەتىن، ءدىن قىزمەتىن ويداعىداي ىستەۋ جونىندە ايقىن تالاپ قويدى، جاپپاي ورنالاستىرۋ جاسادى، تياناقتاندىرۋدى ويداعىداي يگەرۋ كەرەك. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، پارتيانىڭ باسشىلىعىنا تاباندى بولىپ، ساياسي جەتەكشىلىكتى كۇشەيتىپ، ءتۇزىم مەحانيزمىن كەمەلدەندىرىپ، جاڭا داۋىردەگى كوپ پارتيا سەلبەستىگىنىڭ اناعۇرلىم جۇيەلى دە ءتارتىپتى، جاندى دا جالىندى بولۋىن ىلگەرىلەتۋ كەرەك. پارتيا سىرتىنداعى زيالىلار مەن جاڭا قوعامدىق جىك قايراتكەرلەرى بىرلىكساپ قىزمەتىن كۇشەيتىپ، ورتاق تانىمدى ۇيىستىرۋدى ءتۇبىرلى نەگىز، وتاندى ءسۇيىپ كۇرەس جاساۋدى ماقسات ەتىپ، ولاردىڭ ءوز قىزمەتىن تياناق ەتىپ، ەڭبەك ءسىڭىرىپ، رەفورما جاساۋدىڭ، جاڭالىق اشۋدىڭ ءبىرىنشى شەبىنە بەلسەنە ات سالىسىپ، دارىنى مەن مۇراتىن ايگىلەۋىنە شابىت بەرۋ، قولداۋ كورسەتۋ كەرەك. جالپىلىق مەنشىككە جاتپايتىن شارۋاشىلىقتىڭ اقاۋسىز دامۋى مەن جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەپ، مۇرات - سەنىم تاربيەسى مەن سوتسياليستىك وزەكتى قۇن كوزقاراسى تاربيەسىن ىشكەرىلەي ورىستەتىپ، ولاردىڭ جاڭا دامۋ ۇستانىمىن امالياتتا ايگىلەۋىنە كومەكتەسىپ، كاسىپكەرلەر رۋحىن اسقاقتاتىپ، جۇڭگوشا سوتسياليزم ىستەرىنىڭ تولىمدى قۇرىلىسشىلارى بولۋ كەرەك. شەتەلدەگى وتاندى سۇيەتىن كۇشتەر قۇرىلىسىن كۇشەيتىپ، جۇڭگونى تۇسىنەتىن، جۇڭگومەن دوس كۇشتەردى باۋلىپ، زورايتىپ، جۇڭگو مەن شەتەلدىڭ مادەنيەت، وركەنيەت اۋىس - كۇيىسىن، ءوزارا ۇلگى الۋىن جەبەۋ كەرەك. ينتەرنەت بىرلىكساپ قىزمەتىن ويداعىداي ىستەپ، ينتەرنەت بۇقارالىق لۋشيانىمەن ويداعىداي ءجۇرۋ كەرەك.

  شي جينپيڭ بىلاي دەپ اتاپ كورسەتتى: جاڭا داۋىردەگى بىرلىكساپ قىزمەتىن كۇشەيتۋدىڭ ءتۇبىرلى نەگىزى پارتيانىڭ باسشىلىعىنا تاباندى بولىپ، بۇكىل پارتيادا جوعارىدان تومەنگە دەيىن جۇمىلا كىرىسەتىن، قاتىستى جاقتار سەلبەسە بىرگە ارەكەتتەنەتىن قىزمەت جاعدايىن قالىپتاستىرۋدا. ءار دارەجەلى پارتكومدار (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىكتى اتقارىپ، بىرلىكساپ قىزمەتىن ماڭىزدى كەڭەستىك كۇن تارتىپكە قويۋ كەرەك. تاراۋلار، ورىندار بىرلىكساپ تانىمىن كۇشەيتىپ، تەڭ يگەرىپ، بىرگە باسقارىپ، قۋاتتى بىرىككەن كۇش قالىپتاستىرۋ كەرەك. بىرلىكساپ تاراۋلارى ءوز قۇرىلىسىن كۇشەيتىپ، كەڭەس بەرۋ، ۇيىمداستىرۋ، سايكەستىرۋ، قۋزاۋ سياقتى ماڭىزدى رولىن ساۋلەلەندىرۋ كەرەك. بىرلىكساپ كادرلارى ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن قۇلشىنا جوعارىلاتىپ، قىزمەت شەبەرلىگىنە ءمان بەرىپ، قىزمەت ءادىسىن جاقسارتىپ، بىرلىكساپ تاراۋلارى مەن بىرلىكساپ كادرلارىنىڭ تاماشا وبرازىن ايگىلەۋ كەرەك.

  لي كىچياڭ ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ءسوزى ەرەكشە ماڭىزدى. سوزدە 100 جىلدىق بىرلىكساپتىڭ تاريحي ۇلەسى مەن جاڭا داۋىردەگى بىرلىكساپ قىزمەتىندە قول جەتكەن تاريحي تابىستار تولىق تۇراقتاندىرىلدى، پارتيا 18 - قۇرىلتايىنان بەرى بىرلىكساپ قىزمەتىندە قالىپتاسقان جاڭا ۇستانىم، جاڭا يدەيا، جاڭا ستراتەگيا جۇيەلى ءتۇسىندىرىلدى، جاڭا داۋىردەگى بىرلىكساپ قىزمەتىنىڭ تاريحي ورنىنا تەرەڭ تالداۋ جاسالدى، جاڭا داۋىردەگى بىرلىكساپ قىزمەتىن ويداعىداي ىستەۋدىڭ جەتەكشى يدەياسى، نەگىزگى مىندەتى، قىزمەت ءتۇيىنى، ساياسات - شارالارى ايقىن العا قويىلدى، وتە كۇشتى ساياسيلىققا، يدەيالىلىققا، نازاريالىلىققا يە. مۇقيات ۇيرەنىپ، ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ ۇزدىكسىز كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءتۇرلى مىندەتتەردىڭ دايەكتىلەنۋىن، تياناقتانۋىن ءىس جۇزىندىكپەن بىرلەستىرىپ ويداعىداي يگەرىپ، ەلىمىزدى باي - قۇدىرەتتى، دەموكراتيالى، وركەنيەتتى، جاراسىمدى كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جاساۋ كەرەك.

  ۋاڭ ياڭ قورىتىندى سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، جاڭا داۋىردەگى بىرلىكساپ قىزمەتىنىڭ ءبىر قىدىرۋ كەلەلى نازاريالىق جانە امالياتتىق ماسەلەلەرىن ەگجەي - تەگجەيلى باياندادى، تەرەڭ تاريحي اڭعارىمپازدىق قۋاتقا، ماڭىزدى نازاريالىق باستاۋ قۋاتىنا، كۇشتى امالياتتىق جەتەكشىلىك قۋاتقا يە، ماركسيزمدىك اقيقاتتىڭ نۇر شۇعىلاسى جارقىراعان تۇعىرنامالىق حۇجات. ءماجىلىس رۋحىن ويداعىداي ۇيرەنۋدى، دايەكتىلەندىرۋدى ماڭىزدى ساياسي مىندەت ەتىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن تولىق، دالمە - ءدال، جاپپاي ءتۇسىنىپ، جاڭا داۋىردەگى وتانشىلدىق بىرلىكساپتىڭ تاريحي ورنى مەن ماڭىزدى بورىشىن مىقتاپ يگەرىپ، جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن ارقاۋ ەتە وتىرىپ زەيىن - زەردەنى، كۇش - قۋاتتى ۇيىستىرۋ كەرەك. ءۇمىتتى اقتاپ، شىنايى يگەرىپ، ناقتى ىستەپ، جاڭا داۋىردەگى بىرلىكساپ قىزمەتىن ويداعىداي ىستەۋدىڭ ساياسي سانالىلىعىن، يدەيالىق سانالىلىعىن، ارەكەت سانالىلىعىن كۇشەيتىپ، ولقىلىقتاردى تولىقتاۋ جاعىنان كۇش سالۋعا قۇلشىنىپ، باتىلدىقپەن جاۋاپكەرشىلىك ارقالاۋ جاعىندا ونەگە كورسەتىپ، شەبەرلىكپەن ىسكەرلىك كورسەتۋ جاعىندا وي جۇگىرتىپ، بىرلىكساپتىڭ ىنتىماقتى، ەكپىندەي ىلگەرىلەيتىن، ءورىس اشاتىن، تەبىندى تاماشا جاعدايىن ۇزدىكسىز بەكەمدەۋ جانە دامىتۋ كەرەك. پارتيانىڭ بىرلىكساپ قىزمەتىنە باسشىلىعىن كۇشەيتىپ، ۇلكەن بىرلىكساپ ارناسىن اناعۇرلىم كەمەلدەندىرىپ، ءىس جۇزىندىكتى نەگىزگە الىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاسامپازدىقپەن ناقتى تياناقتاندىرىپ، بىرلىكساپ ىستەرىنىڭ جاڭا تاراۋىن كۇش سالا جازۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار قاتارلىلار ماجىلىسكە قاتىناستى.

  ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار جانە بىرلىكساپ قىزمەتىنە جاۋاپتى جولداستار، تەتە ولكە دارەجەلى قالالاردىڭ پارتكومدارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمداردىڭ، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى نەگىزگى جاۋاپتى جولداستار، ورتالىق باسقاراتىن فينانس قۇرىلىمدارىنداعى، ءىشىنارا كاسىپورىندار مەن جوعارى مەكتەپ پارتكومدارىنداعى (پارتيا باسشىلىق گرۋپپاسى) جاۋاپتى جولداستار، قاتىستى زەرتتەۋ قۇرىلىمدارىنداعى جاۋاپتى جولداستار، ت. ب ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىمەن اشىلدى، ولكەلەردە، رايونداردا، قالالاردا جانە شينجياڭ ءوندىرىس - قۇرىلىس بيڭتۋانىندا بولىمشە ءماجىلىس ورنى ورنالاستىرىلدى.

جالعانىم



جاۋاپتى رەداكتورى: سەرىك دالەلقان ۇلى