شينجياڭ فيلوسوفيا-قوعامدىق عىلىمدار تورابى
2022 ”شينجياڭ جاقسى جەر“ شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى اشىلدى
   ۋاقىتى:2022-08-02   |  كەلۋ قاينارى: تىيانشان تورى

حۋ حىپيڭ، ما شيڭرۇي، ەركىن تۇنياز، لي يفي، جاڭ چۇنلين قاتىناستى

  7 - ايدىڭ 31 - كۇنى مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى باسقارىپ وتكىزگەن 2022 ”شينجياڭ جاقسى جەر“ شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى شينجياڭ اسەمونەر سارايىندا اشىلدى. مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ شۋجيى، مينيسترى حۋ حىپيڭ، اۆتونوميالى رايوندىق پارتكومنىڭ شۋجيى ما شيڭرۇي بەيزاتتىق مادەنيەت مۇرالارى كورمەسىن بىرگە باستادى.

 سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ تىلشىلەرى لي ياڭ، ليۋ شياڭ 7 - ايدىڭ 31 - كۇنى ۇرىمجىدەن حابارلايدى. 7 - ايدىڭ 31 - كۇنى تۇستەن بۇرىن مادەنيەت جانە ساياحات مينيسترلىگى مەن اۆتونوميالى رايوندىق حالىق ۇكىمەتى باسقارىپ وتكىزگەن 2022 ”شينجياڭ جاقسى جەر“ شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى شينجياڭ اسەمونەر سارايىندا اشىلدى. مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ شۋجيى، مينيسترى حۋ حىپيڭ، اۆتونوميالى رايوندىق پارتكومنىڭ شۋجيى ما شيڭرۇي اشىلۋ سالتىنا قاتىناسىپ، وسى جولعى بەيزاتتىق مادەنيەت مۇرالارى كورمەسىن بىرگە باستادى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ارناۋ ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي جىڭۋيى لي يفي قاتىناستى، اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين باسقاردى.

  حۋ حىپيڭ ءسوز سويلەپ مىنالاردى ءبىلدىردى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەرىپ، باس شۋجي شي جينپيڭ شينجياڭعا 2 رەت كەلىپ ىشكەرىلەي قىزمەت تەكسەرىپ، تەكسەرۋ - زەرتتەۋ جۇرگىزىپ، ورتالىقتىڭ شينجياڭ قىزمەتى جونىندەگى اڭگىمە ءماجىلىسىن 2 رەت باسقارىپ اشىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاسامپازدىقپەن العا قويدى. بۇكىل ەلدەگى مادەنيەت جانە ساياحات جۇيەسى باس شۋجي شي جينپيڭنىڭ شينجياڭعا باعىتتامالى كومەكتەسۋ قىزمەتى جونىندەگى ماڭىزدى بايىمداۋلارىنىڭ رۋحىن، اسىرەسە، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، قىزمەت ءتۇزىم مەحانيزمدەرىن كەمەلدەندىرىپ، قارجىمەن قولداۋ تەبىنىن ارتتىرىپ، مادەنيەت ارقىلى كومەكتەسۋ، سۇيەمەلدەۋ نىساندارىن ساپالىلاندىرىپ، ەرەكشە ساياحاتتىڭ دامۋىن قولداپ، دارىندىلار قوسىنى قۇرىلىسىن نىعايتىپ، شينجياڭعا باعىتتامالى كومەكتەسكەن ولكەلەرمەن، قالالارمەن تىعىز سەلبەسىپ، كوپ بولىپ اقىل قوسىپ، كۇش شىعارىپ، مادەنيەت جانە ساياحات ارقىلى شينجياڭعا باعىتتامالى كومەكتەسۋ قىزمەتىن جەبەۋدە ماڭىزدى ىلگەرىلەۋشىلىككە قول جەتكىزدى. شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسىن وتكىزۋ باس شۋجي شي جينپيڭنىڭ شينجياڭعا باعىتتامالى كومەكتەسۋ قىزمەتى جونىندەگى ماڭىزدى بايىمداۋلارىنىڭ رۋحىن ۇيرەنىپ، دايەكتىلەندىرىپ، شينجياڭدى مادەنيەتپەن نارلەندىرۋ ينجەنەرياسىن اتقارۋداعى ماڭىزدى شارا، شينجياڭعا باعىتتامالى كومەكتەسۋ جەتىستىكتەرىن تولىق ايگىلەۋدەگى، شينجياڭعا باعىتتامالى كومەكتەسۋ تەبىنىن ارتتىرۋداعى ناقتى ارەكەت. ينتەرنەت جەلىسىندە جانە جەلىدەن تىس سايكەسە قيمىلداۋ، كورمەگە قويۋ مەن كورمە قويىلىمىن ۇشتاستىرۋ ارقىلى وسى رەتكى كورمەنىڭ قالىڭ حالىق بۇقاراسى ءۇشىن وتكىزىلگەن تارتىمدى، جاعىمدى، ءدامدى، اسەرلى بەيزاتتىق مادەنيەت مۇرالارى سالتاناتتى جينالىسى بولاتىندىعىنا سەنەمىز. بۇكىل ەلدەگى مادەنيەت جانە ساياحات جۇيەسى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قىزمەت ەرەكشەلىگىن تياناق ەتىپ، مول بايلىقتان ويداعىداي پايدالانىپ، شينجياڭعا باعىتتامالى كومەكتەسۋ قىزمەت ناتيجەسىن، جالپىلىق ونىمدىلىگىن جوعارىلاتىپ، شينجياڭدى ونان ارى ويداعىداي نارلەندىرىپ، شينجياڭدى ونان ارى ويداعىداي كوركەيتىپ، جۇرت تىلەگىن توعىستىرىپ، دامۋدى ىلگەرىلەتىپ، جۇڭحۋا ۇلتىنىڭ ورتاق رۋحاني مەكەنىن قۇرۋعا، جۇڭحۋا ۇلتى ورتاق تۇلعا تانىمىن بەرىك ورناتۋعا تىڭ دا اناعۇرلىم زور ۇلەس قوسۋى كەرەك.

  ەركىن تۇنياز ارناۋ سوزىندە كەلگەن باسشىلار مەن سيلى قوناقتاردى قىزۋ قارسى الاتىندىعىن ءبىلدىرىپ، مادەنيەت جانە ساياحات مينيسترلىگىنىڭ، سونداي - اق شينجياڭعا كومەكتەسكەن ولكەلەردىڭ، قالالاردىڭ ۇزاق ۋاقىتتان بەرى شينجياڭ قىزمەتىنە كوڭىل ءبولىپ، قولداپ، كومەك كورسەتكەنىنە شىن جۇرەكتەن العىس ايتتى. ول مىنالاردى ءبىلدىردى: شينجياڭ − جىبەك جولى ەكونوميكالىق بەلدەۋىندەگى وزەكتى رايون، ەۆروپا مەن ازيانى تۇتاستىراتىن كوپىر جانە دانەكەر، شىعىس - باتىس مادەنيەتى شوعىرلى اۋىس - كۇيىس جاسايتىن جەر. وسى رەتكى بەيزاتتىق مادەنيەت مۇرالارى كورمەسىن وتكىزۋ باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرۋدەگى، تياناقتاندىرۋداعى ناقتى ارەكەت، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدەگى ناقتى اماليات، شينجياڭدى مادەنيەتپەن نارلەندىرۋ ينجەنەرياسىن اتقارۋداعى ناقتى تۇتقا. شينجياڭدا بەيزاتتىق مادەنيەت مۇرالارىنىڭ بايلىعى، ءتۇرى كوپ، مازمۇنى باي، مول مادەنيەت مايەگى ساقتالعان، ۇلتتاردىڭ كەڭ كولەمدە ارالاسۋىنىڭ، جان - جاقتى ىشتەسۋىنىڭ، ىشكەرىلەي توعىسۋىنىڭ ناقتى تاريحىن ەستەلىككە العان، كوپ نەگىزدى، ءبىر تۇلعالى جۇڭحۋا مادەنيەتىنىڭ شينجياڭدا ءبارىن تۇگەل قامتىپ، ءوزارا توعىسىپ نۇر شاشقان دامۋ جۇلگەسىن دالەلدەگەن. ءبىز وسى رەتكى بەيزاتتىق مادەنيەت مۇرالارى كورمەسىن وراي ەتىپ، مادەنيەت جانە ساياحات مينيسترلىگىنىڭ قولداۋىندا، شينجياڭعا كومەكتەسكەن ولكەلەرمەن، قالالارمەن مادەنيەت اۋىس - كۇيىسىن نىعايتىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋا مادەنيەتىن ناقتى زات، ناقتى كورىنىس، ناقتى ءىس ارقىلى تولىق ايگىلەپ، حالىقتىڭ جۇرەك تۇكپىرىنە جەتكىزىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، كوركەم شينجياڭ قۇرۋعا قۇدىرەتتى بىرىككەن كۇش ۇيىستىرىپ، ۇزدىك ناتيجەمەن پارتيانىڭ 20 - قۇرىلتايىنا تارتۋ ۇسىنامىز.

  اشىلۋ سالتىندا اۆتونوميالى رايوندىق مادەنيەت جانە ساياحات مەڭگەرمەسى شينجياڭعا باعىتتامالى كومەكتەسكەن ءىشىنارا ولكەلەردىڭ، قالالاردىڭ مادەنيەت جانە ساياحات مەڭگەرمەلەرىمەن (مەكەمە)، جۇڭگو مەملەكەتتىك مۇراجايىمەن جانە قاتىستى ورىندارمەن، كاسىپورىندارمەن ستراتەگيالىق سەلبەستىك كەلىسىمىنە قول قويدى.

  وسى رەتكى بەيزاتتىق مادەنيەت مۇرالارى كورمەسى ”مادەنيەتتىڭ اسىلى. حالىقتىڭ بەيزاتتىق مادەنيەت مۇراسى“ نەگىزگى تاقىرىبىندا شينجياڭعا باعىتتامالى كومەكتەسكەن 19 ولكە، قالانىڭ، شينجياڭداعى 14 ايماق، وبلىس، قالانىڭ جانە شينجياڭ ءوندىرىس - قۇرىلىس بيڭتۋانىنىڭ 339 دارا، وزگەشە بەيزاتتىق مادەنيەت مۇرالارى ۋاكىلدىك ءتۇرىن شوعىرلى كورسەتەدى.

  چىن ۋيجۇن، ياڭ فاسىن، قادەن كابەن، سۇن حۇڭمەي، ليۋ جيانميڭ قاتارلىلار قاتىستى قيمىلدارعا قاتىناستى.

جالعانىم



جاۋاپتى رەداكتورى: سەرىك دالەلقان ۇلى