حى جۇڭيوۋ بايىنعولين موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
كورىكتى شينجياڭنىڭ اسپانىنىڭ اناعۇرلىم اشىق، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي 7 - ايدىڭ 28 - كۇنى باعراشتان حابارلايدى. 7 - ايدىڭ 26 - كۇنى جانە 28 - كۇنى اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ بايىنعولين موڭعۇل اۆتونوميالى وبلىسىنىڭ لوپنۇر اۋدانىندا، باعراش اۋدانىندا ەكولوگيالىق ورتانى قورعاۋ جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭنىڭ ەكولوگيالىق وركەنيەت يدەياسىن مۇقيات دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋعا جانە جۇيەلى باسقارۋعا تاباندى بولىپ، ورماندى، جايلىمدى قورعاۋدى، قالپىنا كەلتىرۋدى ءبىر تۇتاس جوسپارلاپ ىلگەرىلەتىپ، ەكولوگيالىق ورتانىڭ ساپاسىن ۇزدىكسىز جاقسارتىپ، ەكولوگيانى قورعاۋدىڭ قىزىل سىزىعىن قاتاڭ ساقتاپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.
توراڭعى، جىڭعىل، اق تىكەندى، جانتاق، جابايى قارا الاقات... شىلىڭگىر شىلدە ايىندا لوپنۇر اۋدانىنداعى تارىم توراڭعى مەملەكەت دارەجەلى جاراتىلىستىق قورىعىندا شەتىنە كوز جەتپەيتىن ورمان جاسىل جەلەك جامىلىپ، كەزىندەگى قۋراپ قالعان توراڭعىلار سۋدان ءنار الىپ، ومىرشەڭدىك كۇشىن قايتا قاۋلاتتى. 7 - ايدىڭ 26 - كۇنى حى جۇڭيوۋ ىلگەرىندى - كەيىندى مەملەكەت دارەجەلى الەۋمەتتىك يگىلىك ورمانى لوپنۇر اۋدانى تاتلىق باسقارۋ - قورعاۋ پۋنكتىنە جانە داشكول سەنترلى باسقارۋ - قورعاۋ پۋنكتىنە بارىپ، باسقارۋ - قورعاۋ پۋنكتىنىڭ قىزمەتكەرلەرىمەن ىشكەرىلەي اڭگىمەلەسىپ، ورمانداعى، جايلىمداعى ورتتەن ساقتانۋ قىزمەتى جانە ورمان، جايلىم بايلىعىن قورعاۋ، شارلاۋ جاعدايىن ۇعىستى. 63 - ورمان بانىندە ورمان شارلاعاندا حى جۇڭيوۋ بىلاي دەپ اتاپ كورسەتتى: ورمان، جايلىم بايلىعىن قورعاۋ، دامىتۋ جاۋاپكەرشىلىگىن باتىل ارقالاپ، ورمان، جايلىم بايلىعىن قورعاۋ، قالپىنا كەلتىرۋ جانە اپاتتان ساقتانۋ - تىزگىندەۋدى ۇزدىكسىز كۇشەيتىپ، ورماندى قورعاۋ، جايلىمدى قورعاۋ، جاسىل القاپتى كوبەيتۋ فۋنكتسياسىن جاپپاي اتقارىپ، ورمانداعى ورتتەن ساقتانۋ سياقتى ءتۇرلى قىزمەتتەردى ويداعىداي ىستەۋ كەرەك.
باعراش كولى جاز كۇندەرىنىڭ شۇعىلاسىندا ايناداي جارقىراپ تۇر، توپ - توپ شاعالالار كول بەتىندە ەمىن - ەركىن ۇشىپ ءجۇر. 2018 - جىلدان 2021 - جىلعا دەيىن شينجياڭ باعراش كولىنە 592 ميلليون تەكشەمەتر ەكولوگيالىق سۋ جىبەرىپ، ەكولوگيالىق سۋ رەتتەۋ جانە ەكولوگيالىق سۋ تولىقتاۋ مىندەتىن جوسپاردان اسىرا ورىنداپ، سۋ ورتاسىنىڭ ساپاسىن ۇزدىكسىز جاقسارتتى. 7 - ايدىڭ 28 - كۇنى حى جۇڭيوۋ باعراش اۋدانىنىڭ سۋلاندىرۋ پۋنكتىنە كەلىپ، كولدىڭ سۋ ساپاسىنىڭ جاقسارۋ جاعدايىنا تەكسەرۋ - زەرتتەۋ جۇرگىزدى. ول بىلاي دەپ اتاپ كورسەتتى: وزەن - كولدەردىڭ قاينار كوزى قورعالاتىن وڭىردە لاس سۋدى مۇلدە شىعارماۋدى جۇزەگە اسىرىپ، وزەن - كولدەردىڭ نەگىزگى ەكولوگيالىق اعىسىن، نەگىزگى ەكولوگياعا پايدالانىلاتىن سۋدى جانە سۋ تارتىلۋ مەزگىلىندەگى نەگىزگى اعىنىن قامتاماسىز ەتىپ، وزەن - كول ەكولوگياسىنىڭ حاۋىپسىزدىگىن قورعاۋ كەرەك.
حى جۇڭيوۋ بىلاي دەپ باسا دارىپتەدى: تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋدى، تياناقتاندىرۋدى باتىل ويداعىداي يگەرىپ، ەكولوگيانى الدىمەن ەسكەرەتىن جاسىل دامۋ جولىمەن اۋىتقىماي ءجۇرۋ كەرەك. سۋ بايلىعىن اشۋدىڭ، جايعاستىرۋدىڭ ەكونوميكالىق دامۋمەن، ەكولوگيالىق ورتانى قورعاۋمەن قاتىناسىن ءبىر تۇتاس جوسپارلاپ، سالىنىپ بولعان سۋ ساقتاۋ ينجەنەرياسى سياقتى سۋ يگىلىگى نەگىزدىك قۇرىلعىلارىنان تولىق، ويداعىداي پايدالانىپ، ”سۋ ۇنەمدەۋدى الدىمەن ويلاستىرۋ“ باعىتىنا تاباندى بولىپ، سۋ بايلىعىن شوعىرلى، ۇنەمدى پايدالانۋدى جۇيەلى تۇردە كۇشەيتىپ، ماۋسىمدىق، ينجەنەريالىق، قۇرىلىمدىق سۋ تاپشىلىعى ماسەلەسىن ويداعىداي شەشۋ كەرەك. ەكولوگيانى قورعاۋ مەن ەكولوگيالىق ساياحاتتىڭ ءبىر - بىرىنە ساي كەلۋىن جۇزەگە اسىرىپ، ەكولوگيالىق ورتانى قورعاۋدى العى شارت ەتىپ، اناعۇرلىم كوپ ساپالى ەكولوگيالىق ساياحات ونىمدەرىمەن قامداپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن ءجۇرۋ كەرەك.