وتاندى قورعاپ، شەكارانى كۇزەتۋ جىرىن شىعانداتتى
− شينجياڭدا تۇراتىن حالىق ازاتتىق ارمياسىنىڭ شەكارانى ادالدىقپەن كۇزەتۋىنەن ەستەلىك
انار بۇلت \ شينجياڭ گازەتىنىڭ ءتىلشىسى جاڭ يانفاڭ
”1 - تامىز“ ارميا مەرەكەسى قارساڭىندا، شينجياڭ التاي بولىمشە اسكەري رايونى اققابا شەكارا قورعانىسى ليانىنداعى وفيتسەر - اسكەرلەر شەكارا قورعانىسى سىزىعىندا شارلاۋ مىندەتىن اتقارۋدا.
□ سۋرەتتى دۋان ۋي تۇسىرگەن
”كورىكتى وتاننىڭ سۇيەمدەي جەرىن دە بەرمەيمىز“، ”كۇشتى سوعىسقا دايىندالۋعا، سوعىس جۇرگىزۋگە شوعىرلاندىرىپ، جان قيارلىق جاۋىنگەرلىك جىگەردى شىڭدايمىز“...
جايناعان جاز، قارلى القاپ كۇنلۇندەگى، قۇمدى ءشول، قۇبا تۇزدەگى جاتتىعۋدىڭ ءبىرىنشى شەبىندە، شينجياڭ اسكەري رايونىنىڭ اسكەري كازارمالارىندا ءتوراعا شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنۋدىڭ قىزۋ ورلەۋى كوتەرىلدى. ”ءبىز ءتوراعا شي جينپيڭنىڭ ىقىلاستى تاپسىرماسىن اسكەر جاتتىقتىرىپ، سوعىسقا دايىندالۋدىڭ ىستىق ىقىلاسى مەن قوزعاۋشى كۇشىنە اينالدىرىپ، شەكارانى كۇشەيتۋ، قورعانىستى بەكەمدەۋ، شينجياڭدى ورنىقتىرۋ، شينجياڭدى كوركەيتۋ بورىشىن شىنايى ارقالايمىز!“، - دەدى قالىڭ وفيتسەر - اسكەرلەر اسقاق جاۋىنگەرلىك جىگەرمەن.
بيىل جۇڭگو حالىق ازاتتىق ارمياسى قۇرىلعاندىعىنىڭ 95 جىلدىعى. 95 جىلدان بەرى ىستىق جالىن، ادال جۇرەكپەن شەكارانى كۇشەيتىپ، قورعانىستى بەكەمدەۋ، شينجياڭدى ورنىقتىرىپ، شينجياڭدى كوركەيتۋ باستان - اياق شينجياڭدا تۇراتىن حالىق ازاتتىق ارمياسىنىڭ قاسيەتتى جاۋاپكەرشىلىگى جانە بورىشى بولىپ كەلەدى.
بورىش تاۋداي اسقاق، اۋەلگى ماقسات الاۋداي جالىندى. شينجياڭدا تۇراتىن اسكەري بولىمدەردەگى ءار ۇرپاق وفيتسەر - اسكەرلەر شينجياڭنىڭ بايتاق دالاسىنا توراڭعىداي تەرەڭ تامىر تارتىپ، ادالدىقتارىمەن جانە ىستىق جالىندارىمەن وتان قورعاپ، شەكارا كۇزەتۋ جىرىن اسقاق شىرقادى.
پارتيانىڭ قولباسشىلىعىنا بويسۇنىپ، شارتسىز ادالدىقتى ايگىلەدى
جاز كۇندەرى بيىك ۇستىرتتە تۇرىپ جاتتىعاتىن شينجياڭ اسكەري رايونى بەلگىلى قىزىل ارميا شىسىنىڭ وفيتسەر - اسكەرلەرى نازاردى ”ۇيتقىنى ادالدىقپەن قورعاپ، كۇرەس جۇرگىزۋگە بەل بايلاپ، ارميانى قۇدىرەتتەندىرۋگە“ شوعىرلاندىرىپ، نەگىزگى تاقىرىپتىق تاربيەنى تەرەڭدەتىپ، جاتتىعۋ ارەدىگىندە وزگەرىستەر جايلى اڭگىمە ءوربىتىپ، بورىش جايىندا ءسوز قوزعاپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ۇيتقىعا ادال بولاتىن، ۇيتقىنى قولداپ - قۋاتتايتىن، ۇيتقىعا ءجىتى ىلەسەتىن وسكەلەڭ سانالىلىقتى ۇزدىكسىز كۇشەيتتى.
”جاڭا داۋىردەگى قىزىل ارميانىڭ جالعاستىرۋشىلارى رەتىندە، قاشاندا پارتيانىڭ سوزىنە قۇلاق اسىپ پارتياعا ىلەسۋىمىز، مەيلى قانداي كەزدە، قانداي جاعدايدا بولسىن، جوعارى دارەجەلى ورىننان بۇيرىق تۇسسە بولعانى، ساقاداي سايلانىپ جورىققا اتتانۋىمىز كەرەك“! - دەيدى جاس جاۋىنگەر حان سىن ايبىندى ۇنمەن.
پارتيا تۋى قايدا نۇسقاسا، ارميا تۋى سوندا جەلبىرەدى. ”پارتيا نە ىستە دەسە، باتىل تۇردە سونى ىستەيمىز، پارتيا قايدا نۇسقاسا، باتىل تۇردە سول جەرگە دەيىن ۇرىس سالامىز“. 70 نەشە جىلدان بەرى شينجياڭدا تۇراتىن اسكەري بولىمدەردەگى وفيتسەر - اسكەرلەر اينىماس نيەت جانە ءىس جۇزىندىك ارەكەتتەرىمەن پارتياعا شارتسىز ادالدىقتارىن ايگىلەدى.
ۋاقىت وسىندە ايرىقشا ءىز تاڭبالانعان.
1949 - جىلى 10 - ايدىڭ 10 - كۇنى پارتيا ورتالىق كوميتەتىنىڭ، ءتوراعا ماۋ زىدۇڭنىڭ بۇيرىعى بويىنشا ۋاڭ جىن جياڭجۇن قوسىن باستاپ، شينجياڭعا قاراي ايبىنى اسقاق، ارىنى ۇستەم زور شەرۋ تارتىپ، بار - جوعى 6 ايدا بەس جۇلدىزدى قىزىل تۋدى تيانشان الابىنىڭ بارلىق تۇسىندا جەلبىرەتتى. سونىمەن قاتار اسكەري ءبولىم 8400دەن استام كادر شىعارىپ قىزمەت اترەتىن ۇيىمداستىرىپ، جەرگىلىكتى ورىنداردىڭ پارتيا، ۇكىمەت قۇرىلىمدارىن قۇرۋىنا كومەكتەسىپ، شينجياڭنىڭ پارتيانىڭ باسشىلىعىندا تاريحي دامۋدىڭ جاڭا كەزەڭىنە وتۋىنە مۇمكىندىك جاسادى.
حالىق ازاتتىق ارمياسى شينجياڭعا كىرگەن سوڭ، گومينداڭنىڭ قالدىق كۇشتەرى جانە وسپان، يولۋاس قاتارلى ءبىرمۇنشا باندىلار كوپتەگەن بۇلىك، دۇربەلەڭ تۋدىردى. باندىلار لاڭى الاستالماي، تىنىشتىقتان قالاي اۋىز اشۋعا بولسىن؟ شينجياڭدا تۇراتىن اسكەري ءبولىم بۇلىكتى تىنىشتاندىرۋ، باندىلاردى الاستاۋ كۇرەسىن جەدەل ورىستەتىپ، ۇلكەندى - كىشىلى 220 رەتتەن استام شايقاس جۇرگىزۋ ارقىلى 1952 - جىلدىڭ قىسىندا بۇكىل شينجياڭداعى باندىلار لاڭىن تۇبەگەيلى تىنىشتاندىردى. مۇنىڭ ىشىندە اراتۇرىكتى قورعاۋ شايقاسى ايرىقشا ماشاقاتتى جۇرگىزىلدى.
1950 - جىلى كوكتەمدە جۇڭگو حالىق ازاتتىق ارمياسى 6 - جۇن 16 - شى 46 - تۋان 1 - يىڭىنىڭ ورىنباسار يىڭجاڭى حۋ چيڭشان 2 - لياننىڭ 100دەن استام كوماندير - جاۋىنگەرىن باستاپ، وزىنەن 7 ەسە كوپ بۇلىكشىلەرمەن قيان - كەسكى ۇرىس سالىپ، 40 تاۋلىك تاپجىلماي، سوڭىندا كومەككە كەلگەن قوسىنمەن بىرگە بۇلىكشىلەردىڭ اۋدان قالاشىعىن باسىپ الۋ قاسكۇنەمدىگىن تۇبەگەيلى تالقانداپ، ىستىق قاندارىمەن جانە قىرشىن ومىرلەرىمەن جاڭا تۋعان حالىق اكىمياتىن قورعاپ قالدى، 2 - ليانگە ”قۇرىش قاھارمان ليان“ داڭق اتاعى بەرىلدى.
”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن“. جاسىل تەرەكتەرمەن كومكەرىلگەن قاعىلىق قۇرباندار قابىرستاندىعى ايرىقشا ايبىنمەن مۇلگىپ تۇر، ءتوراعا ماۋ زىدۇڭنىڭ ولەڭ جولدارى قۇرباندار قابىرىنىڭ وڭتۇستىك قاقپاسىنا ورنەكتەلىپتى. قابىرستاندىق ىشىندە جۇڭگو مەن ءۇندىستان شەكاراسىندا ءوزىن قورعاپ، قايتارما سوققى بەرۋ شايقاسىندا قۇربان بولعان، مينالى جەردە دەنەسىمەن دومالاعان قاھارمان لو گۋاڭشيە، بەكىنىس قوپارۋ قاھارمانى ۋاڭ جۇڭديان، شايقاس قاھارمانى سىمايىل مامەت سىندى 1 - دارەجەلى ەڭبەك سىڭىرگەن 3 ەگەي ەر جانە باسقا دا شايقاسقا قاتىناسىپ ەرلىكپەن قۇربان بولعان ارميامىزدىڭ كوماندير - جاۋىنگەرلەرى وسىندا ماڭگىلىك ۇيقىدا جاتىر.
1962 - جىلى 10 - ايدا شينجياڭدا تۇراتىن شەكارا قورعانىسى اسكەري ءبولىمى بۇيرىق بويىنشا جۇڭگو مەن ءۇندىستان شەكاراسىنداعى ءوزىن قورعاپ، قايتارما سوققى بەرۋ شايقاسىنا قاتىناسادى. تەڭىز دەڭگەيىنەن 4000 − 5000 مەتر بيىك قاراقۇرىم تاۋلى وڭىرىندەگى جانە الي ۇستىرتىندەگى بيىك تاۋ، قاتەرلى جولدا، قاقاعان ايازدى، وتتەگى جەتىسپەيتىن جاعدايدا، شايقاسقا قاتىناسقان وفيتسەر - اسكەرلەر ويعا الۋعا باتپايتىن قيىندىقتاردى ەڭسەرىپ، ءبىر ايدان استام ۋاقىت توتەنشە ماشاقاتتى كۇرەس جۇرگىزىپ، شاپقىنشىلاردىڭ بەكىنىستەرىن تالقانداپ، باسىپ الىنعان تەرريتوريانى قايتارىپ الىپ، مەملەكەت ايبىنىن، ارميا ايبىنىن ايگىلەدى.
ادال جۇرەكپەن كۇنلۇنگە شۋاق شاشتى. توڭىرەكتەگى كۇردەلى دە قاتاڭ ورتا الدىندا، شينجياڭدا تۇراتىن اسكەري ءبولىم پارتيا ورتالىق كوميتەتى مەن ورتالىق اسكەري ىستەر كوميتەتىنىڭ نۇسقاۋى بويىنشا جالماۋعا قاراما - قارسى تۇرۋ كۇرەسىن جۇرگىزىپ، وتانىمىزدىڭ قاسيەتتى تەرريتورياسىن سۇعاناقتىق جاساۋدان قورعاپ، باتىس سولتۇستىك شەكارادان قۇرىش قورعان سوقتى.
بورىشتى ادا ەتىپ، قۇرىش قورعان، بەرىك قامال سوقتى
قارلى القاپ، بيىك ۇستىرتتەگى شينجياڭ اسكەري رايونى بەلگىلى ەرەكشە سوعىس لۇيىندە شينجياڭ اسكەري رايونى ”جاڭا داۋىردەگى وتان قورعاپ، شەكارا كۇزەتۋدىڭ ونەگەلى اسكەرى“ ايدىن تۇرسىنبەك قاجىرلىلىقپەن ونەر - قابىلەتىن جاتتىقتىرۋدا. ارميا قاتارىنداعى 14 جىلدا 2 رەت 2 - دارەجەلى، 2 رەت 3 - دارەجەلى ەڭبەك سىڭىرگەن ول دەنەسىندە قالعان 23 تىرتىقتى ەرەكشە سوعىستاعى سايىپ قىراننىڭ داڭق مەدالىنا بالايدى. ءبىر جولعى مىندەت كەزىندە ايدىننىڭ وڭ بىلەگى 3 جەرىنەن جارالانادى، ول گيپىستىڭ ۇستىنە ”ايبارلى جاساق، ايدىندى سارباز“ دەگەن ءتورت اۋىز ءسوزدى جازادى. ”ءبىز وتانىمىزدىڭ شەكارا قورعانىسىن كۇزەتىپ تۇرمىز، ’ايبارلى جاساق، ايدىندى سارباز بولىپ، شەكسىز ادالدىقپەن وتان ءۇشىن باستى ءباي تىگۋدى‘ اينىماس تالپىنىس ەتۋگە ءتيىسپىز“، - دەيدى ايدىن.
شينجياڭ 8 مەملەكەتپەن شەكارالاسادى، قۇرلىقتاعى 5700 كيلومەترلىك شەكارا لەنياسىندا شينجياڭدا تۇراتىن اسكەري بولىمدەردەگى وفيتسەر - اسكەرلەر جاۋاپكەرشىلىك ارقالاپ، ۇلەس قوسىپ، وتان تەرريتورياسىن قورعاپ، شەكارا كۇزەتۋدە شەكارا قورعانىسى قاراۋىل ورىندارى وتان قورعاۋدىڭ قۇرىش قورعانىن، بەرىك قامالىن سوقتى.
قاراقۇرىم تاۋىنىڭ ۇشار باسى تەڭىز دەڭگەيىنەن 5000 مەتردەن استام بيىك، وتتەگى مولشەرى جازىقتاعىنىڭ جارتىسىنا جەتپەيدى، ورتاشا ەسەپپەن جىلىنا 6 اي بويى جولدى قار - مۇز قىمتاپ، تاۋ ەتەگىنەن ءبولىنىپ وقشاۋ جاتادى. شينجياڭ حوتان بولىمشە اسكەري رايونى بەلگىلى شەكارا قورعانىسى تۋانى استرونوميالىق نۇكتە شەكارا قورعانىسى ليانى وسىندا كۇزەتتە تۇرادى، نەشە 10 جىلدان بەرى وفيتسەر - اسكەرلەر ءوز ومىرلەرىمەن جوعارى شەككە سايىس جاريالاپ، وتان قورعاۋدىڭ، شەكارا كۇزەتۋدىڭ قاسيەتتى بورىشىن ادالدىقپەن اتقاردى.
بۇرىن اسكەري رايون شەكارا قورعانىس اسكەري بولىمدەرىنىڭ كوبى ادام باسپاعان ءۇستىرت، قارلى تاۋ، ءشول دالا سياقتى جاپالى رايونداردا تۇرعاندىقتان، اسكەري بولىمدەردە كازارما قاراپايىم، شيپاگەر، ءدارى - دارمەك تاپشى بولۋ سياقتى مىندەت وتەۋ جانە تۇرمىس جاعىنداعى كوپتەگەن قيىنشىلىقتار ورىن تەپتى. 1982 - جىلدان 1984 - جىلعا دەيىن شينجياڭدا تۇراتىن اسكەري بولىمدەر 3 جىل ۋاقىت جۇمساپ كولەمى اسا ۇلكەن شەكارا قورعانىس قۇرىلىسىن جۇرگىزىپ، شەكارا قورعانىس اسكەري بولىمدەرىنىڭ سوعىس دايىندىعى، جاتتىعۋ، قىزمەت جانە تۇرمىس ورتاسىندا تاريحي سيپاتتى وزگەرىس تۋدىردى. قازىر شەكارا قورعانىس ءبىرىنشى شەبىندەگى ليان - دۇيلەر تۇگەلدەي جاڭا كازارمالارعا كوشىپ كىردى، ەلەكتردەن پايدالانۋ قيىن بولۋ، حابارلاسۋ ىركىلىسسىز بولماۋ، جاڭا كوكونىستەردى جەۋ قيىن بولۋ سياقتى ماسەلەلەر ءونىمدى شەشىلدى.
”شىنايى سۇيىسپەنشىلىك تەك جۇڭگو ءۇشىن“، ”وتتەگى جەتىسپەسە دە رۋحتى، ماشاقاتتى بولسا دا جاپادان قورىقپادى“...
”قاراقۇرىم قۇرىش قاراۋىلى“ شىنشيانۋان شەكارا قورعانىس ليانىنان ”ىنتىماقتاسىپ شايقاس جاساۋداعى ۇلگىلى ليان“ استرونوميالىق نۇكتە شەكارا قورعانىس ليانىنا دەيىن، ”وتاندى قورعاپ، شەكارانى كۇزەتۋدەگى ۇلگىلى ليان“ حونجىراپ شەكارا قورعانىس ليانىنەن تەڭىز دەڭگەيىنەن ەڭ بيىك حىۋيتان قاراۋىلىنا دەيىن، شينجياڭدا تۇراتىن اسكەري بولىمدەر مۇزدى شىڭدار مەن قارلى شاتقالداردا، ”تىرشىلىك شەكتەلگەن رايونداردا“ اسقاق تۇرىپ، وتان تەرريتورياسىن قورعاۋعا انت ەتتى. ”وتاندى قورعاپ، شەكارانى كۇزەتكەن قاھارمان“ چىن حۇڭجۇن، ”ايبارلى جولبارىس ءۇشىنشى ليانىنىڭ“ ليانجاڭى ليۋ ۋي... شەكارا قورعانىس وفيتسەر - اسكەرلەرى ىستىق قاندارىمەن جانە ادالدىقتارى ارقىلى شىن نيەتپەن وتاندى ءسۇيۋدىڭ، وتانعا ءوزىن ارناۋدىڭ، شەكسىز ادالدىقپەن وتان ءۇمىتىن اقتاۋدىڭ ايبىندى جىرىن جازدى.
قاي جەردە شۇعىل، قيىن، قاتەرلى، اۋىر مىندەت بولسا، قاي جەردە ءار ۇلت حالقى قاجەت ەتسە، حالىق ازاتتىق ارمياسى سول جەردەن تابىلادى.
شەكارانى باسقارۋ - مەڭگەرۋ، قاتەردەن اراشالاپ، اپاتتان قۇتقارۋ، ىندەتتەن ساقتانۋ - تىزگىندەۋ، كەدەيلىكتەن ارىلتۋدان قامال الۋ سياقتى ءبىر قىدىرۋ شۇعىل، قيىن، قاتەرلى، اۋىر مىندەتتەر الدىندا، گازدى باتىستان شىعىسقا جەتكىزۋ، لانجوۋ − شينجياڭ تەمىر جولىنىڭ قوسالقى جەلىسى، وڭتۇستىك، سولتۇستىك شينجياڭداعى حابارلاسۋ وپتيكالىق كابەل ينجەنەرياسى سياقتى كەلەلى ينجەنەريا قۇرىلىستارى الدىندا، شينجياڭدا تۇراتىن اسكەري بولىمدەر قاشاندا اتويلاپ الدا ءجۇرىپ، شەكارا قورعانىسى مەن قوعام ورنىقتىلىعىن بەكەمدەۋگە تاماشا ورتا ازىرلەدى.
شەكارانى بەكەمدەپ، قورعانىستى نىعايتىپ، سارابدال اسكەر، سايلاۋىت قوسىن تۇلعالادى
شينجياڭ اسكەري رايونىنداعى جاتتىعۋ الاڭدارىنا كوز جىبەرسەك، قالىڭ وفيتسەر - اسكەرلەر شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي امالياتتا ايگىلەپ، بارلىعىندا جەڭىسكە جەتۋ ءۇشىن، بىرىنشىدەن، جاپا - ماشاقاتتان، ەكىنشىدەن، ولىمنەن قورىقپايتىن ارىندى جىگەردى تاسقىنداتىپ، سارابدال اسكەر، سايلاۋىت قوسىن تۇلعالاۋعا قۇلشىنىپ، شينجياڭدى ورنىقتىرۋدىڭ، شينجياڭدى گۇلدەندىرۋدىڭ ويداعىداي ”ورنىقتىرعىشى“ بولدى.
ءبىر اسكەري قوسىن اسكەري ىستەردە شىڭدالماسا، ءبىر سوعىستان قالمايدى، ساياسيدا شىڭدالماسا، سوعىسپاي - اق وماقاسادى.
شي جينپيڭ جاڭا ءداۋىر جۇڭگوشا سوتسياليزم يدەياسىن جانە شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي ۇيرەنۋدى، دايەكتىلەندىرۋدى ارقاۋ ەتىپ، شينجياڭدا تۇراتىن اسكەري بولىمدەر ارميانى رەفورما ارقىلى قۇدىرەتتەندىرۋ نەگىزگى تاقىرىپتىق تاربيە قيمىلى سياقتىلاردى تىڭعىلىقتى ورىستەتىپ، بۇقارالىق نازاريا ۇيرەنۋ، امالياتتا ايگىلەۋ قيمىلىن ۇزدىكسىز ىلگەرىلەتىپ، ”قىزىل گەندى ۇرپاقتان - ۇرپاققا جالعاستىرۋ“ ينجەنەريا قۇرىلىسىن اتقارىپ، اسكەري بولىمدەردىڭ باستان - اياق شارتسىز ادالدىعىنا، شارتسىز كىرشىكسىزدىگىنە، شارتسىز سەنىمدىلىگىنە شىنايى كەپىلدىك ەتتى؛
اسكەري ىستەر ارقىلى شەكارانى قورعادى، بىرلەسىپ شەكارانى شارلادى، عىلىم - تەحنيكا ارقىلى شەكارانى مەڭگەردى، قۇرىلعى ارقىلى شەكارانى بەكەمدەدى، شينجياڭدا تۇراتىن اسكەري بولىمدەر شەكارانى ۇزدىكسىز كۇشەيتىپ، قورعانىستى بەكەمدەپ، ”پارتيا، ۇكىمەت، ارميا، ساقشى، بيڭتۋان، حالىق“ سىندى التى ءبىر تۇلعالانعان شەكارانى باسقارۋ، شەكارانى مەڭگەرۋ، شەكارانى گۇلدەندىرۋ مەحانيزمىن ورناتۋدى ىلگەرىلەتىپ، شەكارانىڭ تىنىشتىعىن قورعادى؛
بار زەيىن - زەردەنى سوعىسقا شوعىرلاندىرۋعا، ءتۇرلى قىزمەتتەردە سوعىسقا بەيىمدەي وتىرىپ كۇش سالۋعا تاباندى بولىپ، ءۇرتىس 3 جىل حالىقارالىق اسكەري ىستەر جارىسىن وتكىزىپ، 7 توپتىق ءبىرىنشى جانە 18 جەكە ءتۇر بويىنشا ءبىرىنشى بولۋداي ماقتانارلىق ناتيجەگە قول جەتكىزدى؛
.....
پارتيا 18 - قۇرىلتايىنان بەرى، شينجياڭدا تۇراتىن اسكەري بولىمدەر رەفورما جاساۋدى، بۇرىلىس جاساۋدى ۇزدىكسىز جەدەلدەتىپ، نازاردى سوعىسقا دايىندالۋعا، سوعىس جۇرگىزۋگە شوعىرلاندىرىپ، اسكەر جاتتىقتىرۋ، سوعىسقا دايىندالۋ، شەكارانى باسقارۋ - مەڭگەرۋ سياقتى مىندەتتەردى تابىسپەن ورىنداپ، شينجياڭ قىزمەتىنىڭ باس نىساناسىن جۇزەگە اسىرۋعا ماڭىزدى ۇلەس قوستى.
اۋەلگى ماقسات بولاتتاي بەرىك، ساپار ارايلى. جاڭا جورىقتا شينجياڭدا تۇراتىن اسكەري بولىمدەر ءتوراعا شي جينپيڭنىڭ ىقىلاستى تاپسىرماسىن ەستە بەرىك ساقتاپ، شەكارانى كۇشەيتىپ، قورعانىستى بەكەمدەپ، شينجياڭدى ورنىقتىرىپ، شينجياڭدى گۇلدەندىرىپ، وزەككە بەيىمدەلە ۇيىسىپ، سوعىسقا بەيىمدەلە كۇش سالىپ، قيىندىقتارعا بەيىمدەلە قامال الىپ، پارتيا ورتالىق كوميتەتىنىڭ پارمەندى باسشىلىعىندا، ارميانى قۇدىرەتتەندىرۋدىڭ، ارميانى گۇلدەندىرۋدىڭ جاڭا جاعدايىن ۇزدىكسىز اشادى.