شينجياڭ فيلوسوفيا-قوعامدىق عىلىمدار تورابى
مەملەكەتتىك ساياسي كەڭەس سىرتقى ىستەر كوميتەتىنىڭ امەريكا پارلامەنتى قاۋىم پالاتاسىنىڭ باستىعى پەلوسيدىڭ جۇڭگونىڭ تايۋان وڭىرىنە تىمىسكىلەپ بارعاندىعى جونىندەگى مالىمدەمەسى
   ۋاقىتى:2022-08-04   |  كەلۋ قاينارى: تىيانشان تورى

  8 - ايدىڭ 2 - كۇنى امەريكا پارلامەنتى قاۋىم پالاتاسىنىڭ باستىعى پەلوسي جۇڭگو جاقتىڭ باتىل قارسىلىعىن ەلەمەي، جۇڭگونىڭ تايۋان وڭىرىنە تىمىسكىلەپ باردى. بۇل ارەكەت ءبىر جۇڭگو پرينسيبىنە جانە جۇڭگو مەن امەريكانىڭ ءۇش بىرلەسكەن مازمۇنداماسىنداعى بەلگىلەمەگە اۋىر دارەجەدە قايشىلىق جاساپ، حالىقارالىق قارىم - قاتىناستاردىڭ نەگىزگى ولشەمىنە اۋىر دارەجەدە قايشىلىق جاساپ، جۇڭگو مەن امەريكا قارىم - قاتىناسىنىڭ ساياسي نەگىزىن اۋىر دارەجەدە ءبۇلدىرىپ، جۇڭگو - امەريكا قارىم - قاتىناسىنا اۋىر دارەجەدە زيان جەتكىزدى، بۇل جۇڭگو جاققا قاراتىلعان ەلەۋلى ساياسي ارانداتۋشىلىق. جۇڭگو مەملەكەتتىك ساياسي كەڭەسى بۇعان باتىل قارسى تۇرادى، بۇنى قاتاڭ جازعىرادى.

  دۇنيە جۇزىندە تەك ءبىر عانا جۇڭگو بار، تايۋان − جۇڭگو تەرريتورياسىنىڭ ايرىلماس ءبىر بولىگى، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت. تايۋان ماسەلەسى − جۇڭگونىڭ ىشكى ءىسى. ءبىز جۇڭگونى بولشەكتەمەكشى بولعان بارلىق قاسكۇنەمدىك پەن ارەكەتكە باتىل قارسى تۇرامىز، ءارقانداي سىرتقى كۇشتىڭ جۇڭگونىڭ بەيبىت بىرلىككە كەلۋ ۇردىسىنە كيلىگۋىنە باتىل قارسى تۇرامىز، ءارقانداي مەملەكەتتىڭ ءارقانداي تاسىلمەن تايۋان ماسەلەسىنە قول سۇعۋىنا استە جول بەرمەيمىز. جۇڭگو، ءسوزسىز، بىرلىككە كەلۋى كەرەك ءارى، ءسوزسىز، بىرلىككە كەلەدى، بۇل بوگەۋ بەرمەس تاريحي ۇلكەن اۋقىم. ءارقانداي ادام جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعايتىن مىزعىماس بەكىمىن، بەرىك ەرىك - جىگەرىن، قۋاتتى قابىلەتىن تومەن مەجەلەمەسىن!

  تايۋان ماسەلەسى − جۇڭگو - امەريكا قارىم - قاتىناسىنداعى ەڭ ماڭىزدى، ەڭ سەزىمتال وزەكتى ماسەلە. وسى كەزەكتى امەريكا ۇكىمەتى تايۋان ماسەلەسىندە ءبىر جۇڭگو ساياساتىنا تاباندى بولۋ، ”تايۋاندى دەربەستەندىرۋدى“ قولداماۋ تۋرالى كوپ مارتە ۋادە بەرگەن ەدى، ءبىراق امەريكا جاقتىڭ جاقىننان بەرگى كەيبىر ءسوز - ارەكەتى مۇنىمەن قايشى كەلىپ وتىر. ءبىز امەريكا جاقتى ۋادەدە تۇرىپ، جۇڭگونىڭ تايۋان وڭىرىمەن ءارقانداي فورماداعى رەسمي بارىس - كەلىستى دوعارۋعا، جۇڭگونىڭ ىشكى ىسىنە كيلىگۋدى دوعارۋعا، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە ءارقانداي قاتە سيگنال بەرمەۋگە، قاتەرلى جولمەن ءجۇرىپ ونان ارى اداسا بەرمەۋگە قۋزايمىز. تاريح اعىنىنا قارسى جۇزگەن، تايۋان ماسەلەسىنەن پايدالانىپ شۋ شىعارۋعا ۇرىنعان، جۇڭگونىڭ يەلىك ۇقىعى مەن تەرريتوريا تۇتاستىعىنا زيان جەتكىزەتىن ءارقانداي قاتە ارەكەت تۇبىندە ىسكە اسپايدى، ءسوز جوق، ءوز تۇبىنە ءوزى جەتەدى.

(شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى)

جالعانىم



جاۋاپتى رەداكتورى: سەرىك دالەلقان ۇلى