8 - ايدىڭ 2 - كۇنى امەريكا پارلامەنتى قاۋىم پالاتاسىنىڭ باستىعى پەلوسي جۇڭگو جاقتىڭ قاتاڭ سويلەسۋى مەن باتىل قارسى تۇرۋىن ەلەمەي، جۇڭگونىڭ تايۋان وڭىرىنە قاسارىسا تىمىسكىلەي بارىپ، ءبىر جۇڭگو پرينسيبىنە جانە جۇڭگو مەن امەريكانىڭ ءۇش بىرلەسكەن مازمۇنداماسىنىڭ بەلگىلەمەسىنە اۋىر دارەجەدە قايشىلىق جاساپ، جۇڭگو − امەريكا قارىم - قاتىناسىنىڭ ساياسي نەگىزىنە اۋىر دارەجەدە سوقتىعىپ، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر دارەجەدە سۇعاناقتىق جاساپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە اۋىر دارەجەدە قاتە سيگنال تاراتتى. جۇڭگوداعى دەموكراتيالىق پارتيا - توپتار بۇعان باتىل قارسى تۇرىپ، قاتتى كەكتەنەتىندىكتەرىن جانە قاتاڭ جازعىراتىندىقتارىن ءبىلدىردى.
دۇنيە جۇزىندە تەك ءبىر عانا جۇڭگو بار، تايۋان − جۇڭگو تەرريتورياسىنىڭ ايرىلماس ءبىر بولىگى، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت. تايۋان ماسەلەسى − جۇڭگونىڭ ىشكى ءىسى، ءارقانداي سىرتقى جاقتىڭ كيلىگۋىنە جول بەرىلمەيدى. ءبىر مەزگىل ۋاقىتتان بەرى امەريكا ۇكىمەتى تايۋان ماسەلەسىندە قايتا - قايتا قاتە ءسوز - ارەكەت قولدانىپ، امەريكا مەن تايۋاننىڭ رەسمي بارىس - كەلىسىنىڭ دەڭگەيىن ۇزدىكسىز جوعارىلاتىپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردى ىرقىنا جىبەرىپ قولداپ، ”تايۋان ارقىلى جۇڭگونى شاۋجايلاۋعا“ ۇرىنىپ، تايۋان بۇعازىنىڭ بەيبىتشىلىگىنە، ورنىقتىلىعىنا اۋىر زيان جەتكىزدى. پەلوسيدىڭ جۇڭگونىڭ تايۋان وڭىرىنە تىمىسكىلەپ بارۋى امەريكا مەن تايۋاننىڭ رەسمي بارىس - كەلىسىن كۇشەيتۋدەگى ەلەۋلى ساياسي ارانداتۋشىلىق سانالادى. تايۋانداعى دەموكراتيانى ىلگەرىلەتۋ پارتياسىنىڭ بيلەۋشىلەرى ”تايۋاندى دەربەستەندىرۋ“ سىندى قاتە مايداندا قاسارىسىپ، سىرتقى كۇشتەرمەن ءتىل بىرىكتىرىپ، استاسىپ، بۇلىك تۋدىرىپ، ”امەريكاعا سۇيەنىپ، دەربەستىكتى كوزدەۋگە“ ۇرىنىپ، ”92 - جىلعى ورتاق تانىمدى“ مويىنداۋدان باس تارتۋى تەك عانا تايۋاندى اپات شىڭىراۋىنا يتەرىپ، قالىڭ تايۋاندىق باۋىرلاستارعا اۋىر زوبالاڭ اكەلەدى. ءبىز جۇڭگونى بولشەكتەيتىن بارلىق قاسكۇنەمدىكتەر مەن ارەكەتتەرگە باتىل قارسى تۇرامىز، ءارقانداي سىرتقى كۇشتىڭ جۇڭگونىڭ بەيبىت بىرلىككە كەلۋ بارىسىنا كيلىگۋىنە باتىل قارسى تۇرامىز، ءارقانداي مەملەكەتتىڭ ءارقانداي تاسىلمەن تايۋان ماسەلەسىنە كيلىگۋىنە باتىل قارسى تۇرامىز.
جۇڭگوداعى دەموكراتيالىق پارتيا - توپتار جۇڭگوشا سوتسياليستىك ۇكىمەت ىسىنە ارالاسۋشى پارتيا رەتىندە، وتاندى قىزۋ سۇيەتىن جانە بەيبىتشىلىكتى سۇيەتىن داڭقتى داستۇرگە يە، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتۋگە باستان - اياق قۇلشىنىپ كەلەدى، ول مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋشى. ءبىز جۇڭگو ۇكىمەتىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ ءۇشىن قولدانعان بارلىق قاجەتتى شارالارىن باتىل قولدايمىز.
وتاننىڭ تولىق بىرلىككە كەلۋىن جۇزەگە اسىرۋ − بۇكىل جۇڭحۋا ۇلاندارىنىڭ ورتاق تىلەگى جانە قاسيەتتى بورىشى، جۇڭگو ۇكىمەتى مەن جۇڭگو حالقىنىڭ بەكىمى قۇرىشتاي بەرىك. وتان، ءسوزسىز، بىرلىككە كەلۋى كەرەك ءارى، ءسوزسىز، بىرلىككە كەلەدى. بۇل امەريكا جاقتاعى ءىشىنارا جۇڭگوعا قارسى توڭمويىن كۇشتەردىڭ ەركى بويىنشا وزگەرمەيدى، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردىڭ ەسەك دامەسىنە باعىنبايدى. تاريح اعىنىنا قارسى جۇزگەن، جۇڭگونىڭ بۇكىلدەي بىرلىككە كەلۋىنە جانە جۇڭحۋا ۇلتىنىڭ ۇلى گۇلدەنۋىنە كەدەرگىلىك جاسايتىن ءارقانداي قاسكۇنەمدىك، ءسوز جوق، جەڭىلىسپەن تىنادى.
جۇڭگو گومينداڭ توڭكەرىستىك كوميتەتى ورتالىق كوميتەتى
جۇڭگو دەموكراتيالىق وداعى ورتالىق كوميتەتى
جۇڭگو دەموكراتيالىق مەملەكەت قۇرۋ قوعامى ورتالىق كوميتەتى
جۇڭگو دەموكراتيانى ىلگەرىلەتۋ قوعامى ورتالىق كوميتەتى
جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى
جۇڭگو ادىلەت پارتياسى ورتالىق كوميتەتى
3 - قىركۇيەك ءىلمي قوعامى ورتالىق كوميتەتى
تايۋان دەموكراتيالىق اۆتونوميا وداعى ورتالىق كوميتەتى
2022 - جىلى 8 - ايدىڭ 4 - كۇنى
(شينحۋا اگەنتتىگىنىڭ 8 - ايدىڭ 4 - كۇنى بەيجيڭنەن بەرگەن حابارى)