شينجياڭ فيلوسوفيا-قوعامدىق عىلىمدار تورابى
45 مەملەكەت پەن ءوڭىر وسى كەزەكتى جۇڭگو − ازيا - ەۆروپا كورمەسىنە قاتىناسادى
   ۋاقىتى:2022-08-08   |  كەلۋ قاينارى: تىيانشان تورى

التاي تاۋى شەڭبەرى ەكىنشى ءوڭىر ەكونوميكالىق سەلبەستىك تالقى مىنبەرى تۇڭعىش رەت كورمەگە ەنگىزىلەدى

  انار بۇلت \ شينجياڭ گازەتىنىڭ ءتىلشىسى حي حۇڭۋي 8 - ايدىڭ 6 - كۇنى ۇرىمجىدەن حابارلايدى. جۇڭگو − ازيا - ەۆروپا كورمەسى حاتشىلار باسقارماسىنان ۇعىسۋعا قاراعاندا، قازىرگە دەيىن ازيا، ەۆروپا، وكەانيا، سولتۇستىك امەريكا، وڭتۇستىك امەريكا، افريكالاردان كەلگەن جالپى 45 مەملەكەت پەن ءوڭىردىڭ قۇرىلىمدارى، كاسىپورىندارى 7 - كەزەكتى جۇڭگو − ازيا - ەۆروپا كورمەسىنە ينتەرنەت جەلىسىندە، ينتەرنەت جەلىسىنەن تىس قاتىناساتىندىقتارىن تۇراقتاندىرعان.

  وسى كەزەكتى كورمە ىندەتتەن تۋىنداعان ءتيىمسىز فاكتوردى جەڭىپ، شەكارا سىرتىنداعىلاردىڭ مىندەتتەۋىمەن كورمەگە قاتىناسۋ، كورمەگە ۋاكىلدىك قاتىناسۋ سياقتى كوپ ءتۇرلى تاسىلدەر ارقىلى دۇنيە جۇزىندەگى ءار ەلدىڭ جانە وڭىرلەردىڭ قۇرىلىمدارى مەن كاسىپورىندارىن كورمەگە قاتىناسۋعا، ماجىلىسكە قاتىناسۋعا كەڭ كولەمدە ۇسىنىس ەتتى. كورمە حالىقارالىق جانە شياڭگاڭ، اۋمىن، تايۋان كورمە اۋماعىن ورنالاستىردى، مۇندا نەگىزگى قوناق ەلدەرىنىڭ ارناۋلى اۋماعى، مەملەكەتتەر مەن وڭىرلەردىڭ وبراز ارناۋلى اۋماعى، RCEP وڭىرلىك تاۋار ارناۋلى اۋماعى، شەكارا اتتاعان ەلەكتروندى ساۋدا ارناۋلى اۋماعى، دۇنيە جۇزىندەگى ايگىلى شاراپ ارناۋلى اۋماعى جانە ءار ەلدەردىڭ (وڭىرلەردىڭ) ەرەكشە تاۋار كورمە اۋماعى سياقتىلار قامتىلعان. مۇنىڭ ىشىندە ەرەكشە تاۋار كورمە اۋماعىندا پاكيستاننىڭ جاقۇتى، موڭعۇليانىڭ تۇبىتتەن جاسالعان ونىمدەرى، كورەيانىڭ اسەمدىك بەزەنۋ بۇيىمدارى، يندونەزيانىڭ كوفەسى، فرانسيانىڭ قىزىل اراعى سياقتىلاردى قامتىعان ءار ەلدىڭ جانە وڭىرلەردىڭ ەرەكشە ازىق - تۇلىكتەرى، توقىما بۇيىمدارى، قولونەر بۇيىمدارى، ءىنجۋ - مارجاندارى جانە ساپالى كۇندەلىكتى تۇتىنۋ بۇيىمدارى سياقتىلار شوعىرلى قويىلادى.

  ”ۇيىمداستىرۋ كوميسسياسى حالىقارالىق جانە شياڭگاڭ، اۋمىن، تايۋان كورمە اۋماعىنىڭ ورنالاسۋىن ۇزدىكسىز ساپالىلاندىرىپ، اناعۇرلىم باي حالىقارالانعان فاكتورلاردى كوپشىلىككە كورسەتۋگە كۇش سالادى. سونىمەن بىرگە 9 رەتكى شەكارا سىرتى قارجى قوسۋىن، ساۋداسىن جەبەۋ جانە تانىستىرۋ قيمىلىن سايكەستىرە وتكىزىپ، كورمەنىڭ ەكونوميكا - ساۋدا اۋىس - كۇيىسى، سەلبەستىگى تۇعىرىنىڭ رولىن تولىق ويداعىداي ساۋلەلەندىرىپ، حالىقارالىق سيپاتتى كورمەنىڭ اشىق، كوپ نەگىزدى، سيىسىمدى ءداۋىر ەرەكشەلىگىن اناعۇرلىم ويداعىداي ايگىلەيتىن بولادى“، - دەدى شينجياڭ حالىقارالىق كورمە ىستەرى مەكەمەسى سىرتپەن بايلانىس جاساۋ ءبولىمىنىڭ ورىنباسار باستىعى جاڭ شۋجۇن.

  ”شەكارا سىرتى تانىستىرۋ قيمىلىنىڭ ناقتى ونىمدىلىگىن جوعارىلاتۋ ءۇشىن ۇيىمداستىرۋ كوميسسياسى بىرلەسىپ ارەكەتتەنۋ مەحانيزمىن ورناتتى، ءار رەتكى قيمىل سايكەستى قۇرىلىمدار مەن كاسىپورىنداردى وعان ات سالىسۋعا ۇيىمداستىرىپ، مۇقيات، قۇنتتى، كاسىبي دايىندىقپەن ەل ءىشى - سىرتىنداعى ساۋداگەرلەردىڭ كورمەدەگى ساۋدا ورايىن سەزىنۋىنە مۇمكىندىك جاسايدى“، - دەدى جاڭ شۋجۇن.

  انار بۇلت \ شينجياڭ گازەتىنىڭ ءتىلشىسى حي حۇڭۋي 8 - ايدىڭ 6 - كۇنى ۇرىمجىدەن حابارلايدى. جىبەك جولى ەكونوميكالىق بەلدەۋى التاي تاۋى شەڭبەرى ەكىنشى ءوڭىر ەكونوميكالىق سەلبەستىك حالىقارالىق تالقى مىنبەرى 8 - ايدىڭ 26 - كۇنى تۇستەن كەيىن 7 - كەزەكتى جۇڭگو − ازيا - ەۆروپا كورمەسىندە بوي كورسەتەدى، كەزەكتە دايىندىق قىزمەتتەر ءساتتى جۇرىلۋدە.

  تالقى مىنبەرىن اۆتونوميالى رايوندىق حالىق ۇكىمەتى ۇيىمداستىرادى، التاي ايماقتىق اكىمشىلىك مەكەمەسى، اۆتونوميالى رايوندىق حالىق ۇكىمەتىنىڭ سىرتقى ىستەر كەڭسەسى وتكىزەدى، نەگىزگى تاقىرىبى ”ۇلاستىرۋدى، تۇتاستىرۋدى كۇشەيتىپ، التاي تاۋى شەڭبەرى ەكىنشى ءوڭىردىڭ گۇلدەنۋىن بىرگە جەبەيىك“، مۇندا ينتەرنەت جەلىسىندە، ينتەرنەت جەلىسىنەن تىس ءوزارا ۇشتاستىرۋ ءتاسىلىن قولدانىپ وتكىزەدى، ينتەرنەت جەلىسىندە، ينتەرنەت جەلىسىنەن تىس بويىنشا جالپى كولەمى 280 ادام اينالاسىندا بولادى.

  جىبەك جولى ەكونوميكالىق بەلدەۋى التاي تاۋى شەڭبەرى ەكىنشى ءوڭىر ەكونوميكالىق سەلبەستىك حالىقارالىق تالقى مىنبەرى 4 كەزەك ءساتتى وتكىزىلىپ، ”التاي تاۋى شەڭبەرى ەكىنشى ءوڭىر ەكونوميكا شەڭبەرىن“ بىرگە قۇرۋ ورتاق تانىمىن قالىپتاستىرىپ، ساياسي، ديپلوماتيا، ەكونوميكا - ساۋدا، عىلىم - تەحنيكا، گۋمانيتارلىق سياقتى سالالاردا ءبىر قىدىرۋ ماڭىزدى جەتىستىككە قول جەتكىزىپ، بىرتىندەپ دامۋ ارقىلى جۇڭگو، رەسەي، قازاقستان، موڭعۇليا سياقتى ەلدەردىڭ التاي تاۋى شەڭبەرىندەگى وڭىرلەر اراسىنداعى جوعارى جىكتەگىلەردىڭ اۋىس - كۇيىسى مەن حالىقتىق سەلبەستىگىندە ىقپالى بار تۇعىرعا اينالدى. 2 - كەزەكتى، 3 - كەزەكتى، 4 - كەزەكتى تالقى مىنبەرىندە قول قويىلعان 20 نىسان تابىستى تياناقتانىپ، مادەنيەت ءىلىمى اۋىس - كۇيىسى ەكونوميكا - ساۋدا سەلبەستىگىن دامىتۋعا قاراي ماندىك قادام باستى. بيىل بۇل تالقى مىنبەرى جۇڭگو − ازيا - ەۆروپا كورمەسىنىڭ جالپى تۇلعالىق جوباسىنا تۇڭعىش رەت ەنگىزىلدى.

  وسى رەتكى تالقى مىنبەرى رەسەي، قازاقستان، موڭعۇليا سياقتى توڭىرەكتەگى ءار جاقتىڭ ءبىر ءبولىم ولكە باستىقتارى، وبلىس باستىقتارى، اكىمشىلىك ءمانساپتىلارى سياقتىلاردى بەينە ەكران فورماسىمەن ارقاۋ ءسوز سويلەۋگە ۇسىنىس ەتەدى. تالقى مىنبەرى كەزىندە تاعى ساۋدا - ونەركاسىپشىلەر قوعامدارىنىڭ، كاسىپورىنداردىڭ التاي تاۋى شەڭبەرى ەكىنشى ءوڭىر سەلبەستىك نىساندارىنا قول قويۋى جەبەلەدى.

جالعانىم



جاۋاپتى رەداكتورى: سەرىك دالەلقان ۇلى