شينجياڭ فيلوسوفيا-قوعامدىق عىلىمدار تورابى
رايونىمىز ”1 3 1“ جۇمىستانۋعا قىزمەت وتەۋ فورماسىن جولعا قويدى
   ۋاقىتى:2022-08-08   |  كەلۋ قاينارى: تىيانشان تورى

انار بۇلت \ شينجياڭ گازەتىنىڭ ءتىلشىسى لي لين 8 - ايدىڭ 6 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ جۇيەسى جوعارى مەكتەپ بىتىرگەن وقۋشىلاردىڭ جۇمىستانۋ، شارۋاشىلىق قۇرۋ قىزمەتىن تىڭعىلىقتى، ەگجەي - تەگجەيلى ىستەۋگە بار كۇشىن سالىپ، مەكتەپ ءبىتىرىپ جۇمىستانباعان جوعارى مەكتەپ بىتىرگەن وقۋشىلار ءۇشىن ”1 3 1“ جۇمىستانۋعا قىزمەت وتەۋ فورماسىن جولعا قويدى، ياعني جىل سوڭىنان بۇرىن، كەم دەگەندە، ءاربىر جۇمىستانباعان جوعارى مەكتەپ بىتىرگەن وقۋشىنى ءبىر رەت كاسىپتەنۋگە جەتەكشىلىك ەتۋ، 3 رەت جۇمىس ورنىنا تانىستىرۋ، ءبىر رەت كاسىپتىك جاقتان باۋلۋ جانە جۇمىستانۋعا جاتتىعۋ ورايىمەن قامدايدى ەكەن.

  7 - ايدىڭ 1 - كۇنىنەن باستاپ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى وقۋ - اعارتۋ مەڭگەرمەسىمەن بىرگە، مەكتەپ ءبىتىرىپ، جۇمىستانباعان جوعارى مەكتەپ بىتىرگەن وقۋشىلاردىڭ ساندى مالىمەت ينفورماتسياسىن وقۋشىنىڭ كەلگەن جەرى بويىنشا ءارقايسى ايماق، وبلىس، قالالاردىڭ، ءارقايسى اۋدان، قالا، رايونداردىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارىنا جىبەرىپ، ىزىنە ءتۇسىپ قىزمەت وتەۋدى باعىتتامالى ورىستەتىپ، وقۋ تاۋىسقان وقۋشىلارعا مەكتەپتەن كەتۋ الدىندا جانە ولاردىڭ مەكتەپتەن كەتكەننەن كەيىنگى جۇمىستانۋىنا تىنباي قىزمەت وتەپ، قىزمەتتە ءۇزىلىس جاساماي، جاۋاپكەرشىلىكتىڭ ورنىن وگەيسىتپەدى.

  وسى بارىستا كەدەيلىكتەن ارىلعان وتباسى، ەڭ تومەنگى تۇرمىسى قامتاماسىزداندىرىلاتىن وتباسى، بىردە - ءبىر ادام جۇمىستانباعان وتباسى، وقۋ تاۋىسقان مۇگەدەك وقۋشى قاتارلى جۇمىستانۋى قيىن بولعان قاۋىمعا قاراتا، جەرگىلىكتى ورىننىڭ وقۋ تاۋىسقان قيىنشىلىعى بار وقۋشىلاردىڭ اشىق ەسەبىن قۇرىپ، ”ءبىر ادامعا ءبىر ارحيۆ“، ”ءبىر ادامعا ءبىر شارا“ سىندى دالمە - ءدال قىزمەت وتەۋمەن قامداپ، جىل سوڭىنان بۇرىن، كەم دەگەندە، ءاربىر ادامدى 3 تە 5 باعىتتامالى قىزمەت ورنى ينفورماتسياسىمەن قامداپ، كاسىپتىك جاقتان باۋلۋ مەن جۇمىستانۋعا جاتتىعۋدى الدىمەن ۇيىمداستىرىپ جانە قاتىناستىرىپ، ولاردىڭ تەز ارادا جۇمىستانىپ، شارۋاشىلىق قۇرۋىنا امالىن تاۋىپ كومەكتەسەدى. بازار ارناسى ارقىلى جۇمىستانۋى ۋاقىتشا قيىن بولعان قيىنشىلىعى بار وقۋ تاۋىسقان وقۋشىلارعا قاراتا، جەر - جەر ۇيلەسىمدى تۇردە ۋاقىتشا الەۋمەتتىك يگىلىك سيپاتىنداعى قىزمەت ورنىن جولعا قويىپ، جۇمىستاندىرۋدى وتپەلى تۇردە ورنالاستىرۋىنا بولادى.

  ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى قامداۋشى - قاجەت ەتۋشى قىزمەت ورىندارىن سايكەستىرۋ قىزمەتىن ويداعىداي ىستەپ، ءتۇرلى كاسىپورىندارمەن ىرىقتى سايكەسىپ، وقۋ تاۋىسقان وقۋشىلارعا ۇيلەسەتىن جۇمىستانۋ قىزمەت ورىندارىن تەرەڭ اشىپ، كەڭ كولەمدە تاراتىپ، دالمە - ءدال جەتكىزىپ، قوعامدىق قامسىزداندىرۋ قوسىمشا قاراجاتىن، كاسىپتىك جاقتان باۋلۋ قوسىمشا قاراجاتىن، ورتا، شاعىن، ۇساق كاسىپورىنداردىڭ وقۋ تاۋىسقان وقۋشىلاردى قابىلداپ جۇمىستاندىرۋ قوسىمشا قاراجاتىن بەرۋ قاتارلى شابىتتاندىرۋ ساياساتتارىن ەرەجە بويىنشا ويداعىداي تياناقتاندىرىپ، كاسىپورىنداردىڭ اناعۇرلىم كوپ وقۋ تاۋىسقان وقۋشىلاردى قابىلداپ جۇمىستاندىرۋىن جەبەيدى.

جالعانىم



جاۋاپتى رەداكتورى: سەرىك دالەلقان ۇلى