ماسەلەلەرگە باتىلدىقپەن بەتپە - بەت كەلىپ، قيىن ماسەلەلەردى زەرتتەپ شەشەيىك
− اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى
گازەتىمىزدىڭ شولۋشىسى
ماسەلە − ءداۋىردىڭ ءۇنى. باس شۋجي شي جينپيڭ پارتيا 20 - قۇرىلتايىنىڭ بايانداماسىندا ”التىعا، ءسوز جوق، تاباندى بولۋدى“ العا قويدى، سونىڭ ىشىندەگى بىرەۋى ماسەلەنى باعدار ەتۋگە، ءسوز جوق، تاباندى بولۋ. اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسى وتكەن ءبىر جىلداعى ناتيجەلەردى تولىق تۇراقتاندىرۋمەن بىرگە، ماسەلەنى باعدار ەتۋدەن باستاپ كىرىسۋگە تاباندى بولىپ، پارىقتارعا، ولقىلىقتارعا جانە جەتەرسىزدىكتەرگە تۋرا قاراپ، قىزمەتتە ساقتالىپ وتىرعان كەيبىر نەگىزگى ماسەلەلەردى ارنايى ورتاعا قويىپ، ساقتىق دابىلىن قاعىپ، بەنتتى مىقتاپ بۇراپ، كۇشتى ماسەلە تانىمى مەن شىندىققا جۇگىنىپ، ناقتى ىستەيتىن قىزمەت ستيلىن ايگىلەدى. جاڭا ءداۋىردىڭ جاڭا جورىعىندا ءبىز شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ءادىسناماسىن مىقتاپ يگەرىپ، شىن مانىندە ماسەلەنى زەرتتەۋدى، قيىن ماسەلەنى شەشۋدى قىزمەتتە جاڭا جاعداي اشۋدىڭ شەشۋشى ءتۇيىنى ەتىپ، ماسەلەنى شەشۋدەگى ىرىقتىلىق ارقىلى ءارقايسى ىستەردىڭ دامۋىنداعى ىرىقتىلىققا قول جەتكىزۋىمىز كەرەك.
ىسكە اسىرۋ وڭاي سەزىلگەنىمەن، ماشاقاتى بولەك - تى. وتكەن ءبىر جىلدا جاپالى دا اۋىر رەفورما، دامۋ، ورنىقتىلىق مىندەتتەرى الدىندا، مەجەدەن اسىپ تۇسكەن فاكتورلاردىڭ ىقپالى الدىندا، باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىندا، اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن بۇقارانى ىنتىماقتاستىرىپ، باستاپ، قيىندىقتان تايسالماي، قيىندىققا قارسى اتتانىپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلادى، دامۋ مەن حاۋىپسىزدىكتى ءبىر تۇتاس جوسپارلادى، تيانشان الابىندا تىنىش تا بەرەكەلى، قارىشتاپ دامىعان جاڭا بەينە جارىققا شىقتى. الايدا سونىمەن بىرگە جاڭا جورىقتا كورىكتى شينجياڭ قۇرۋدا ءبىز الۋان ءتۇرلى ماسەلەلەرگە جانە حاۋىپ - قاتەر، سىن - سايىستارعا تاپ بولدىق ءارى تاپ بولۋىمىز مۇمكىن، ءسوز جوق، قاشاندا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن دا ويلاپ، ماسەلەگە بەتپە - بەت كەلۋگە باتىل بولىپ، قيىن ماسەلەلەردى اقىلداسىپ شەشىپ، كۇردەلى جاعدايدى مەڭگەرۋ، توتەپ بەرۋ قابىلەتىمىزدى جوعارىلاتىپ، حاۋىپ - قاتەردەن ساقتانۋ - تىزگىندەۋ تانىمىمىزدى كۇشەيتىپ، جۇيە كوزقاراسىن ورناتىپ، حالىقتى وزەك ەتكەن دامۋ يدەياسىنا تاباندى بولىپ، جاۋاپكەرشىلىك ارقالاپ، ىسكەرلىك كورسەتۋدى كۇشەيتىپ، قىزمەتتەردە قۇلشىنا جاڭا جاعداي اشۋىمىز كەرەك.
ماسەلەگە بەتپە - بەت كەلۋگە باتىل بولۋ − العى شارت. ماسەلەگە بەتپە - بەت كەلۋگە باتىل بولۋ، قاتەلىكتى باتىل تۇزەتۋ − پارتيامىزدىڭ كورنەكتى ەرەكشەلىگى جانە باسىمدىعى. تەك ماسەلەگە بەتپە - بەت كەلۋگە باتىل بولعاندا عانا، ماسەلەنى شەشۋدىڭ جاقسى امالىن تاۋىپ، ىستەردى دامىتۋدىڭ جاڭا ءورىسىن اشا الامىز. ەگەر ورىن تەپكەن ماسەلەلەردى كورمەسكە سالساق، ءتىپتى، جالتارساق، وندا قايشىلىقتار بارعان سايىن كوبەيىپ، ماسەلەنى شەشۋدىڭ ەڭ ابزال تەرەزەلىك مەزگىلىن وتكىزىپ الامىز، تىپتەن اۋىر زارداپ تۋىلادى. اماليات بارىسىندا تاپ بولعان جاڭا ماسەلەلەردەن، رەفورمادا، دامۋدا، ورنىقتىلىقتا ورىن تەۋىپ وتىرعان تەرەڭ قاتپارلى ماسەلەلەردەن، ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىنەن، پارتيا قۇرىلىسى ءدوپ كەلگەن كورنەكتى ماسەلەلەردەن، ءسوز جوق، جالتارماۋ، جاسىرماۋ، تايساقتاماۋ، ماسەلەنى كوزدەپ، ماسەلەنى بەتكە الىپ، نە ماسەلە بولسا، سول ماسەلەنى شەشۋ، قاي ماسەلە كورنەكتى بولسا، سول ماسەلەنى ءتۇيىندى تۇردە شەشۋ كەرەك.
ماسەلەنى ىشكەرىلەي زەرتتەۋ − تەتىك. قايشىلىققا، ماسەلەگە مامىلە جاساۋدا سيپاي قامشىلاپ وتە شىعىپ، ەسكەرتىپ قانا كەتۋ مەن جان - جاقتىلى تالداۋ جاساپ، ءمان - جايىن تولىق ءبىلۋدىڭ ناتيجەسى مۇلدە باسقاشا بولماق. تەكسەرۋ - زەرتتەۋ سالتىن كەڭىنەن ورىستەتىپ، نەگىزگى ساتىعا ىشكەرىلەي بارىپ، ءىس جۇزىندىككە ىشكەرىلەي ارالاسىپ، ناقتى جاعدايدى ءبىلىپ، تيپتىك ماسەلەلەردى تەكسەرىپ - زەرتتەپ، ىشكەرىلەي ەگجەي - تەگجەيلى زەرتتەۋ، قايتا - قايتا تەكسەرىپ - زەرتتەپ تۇجىرىمداۋ نەگىزىندە قيىن ماسەلەلەردى شەشۋدىڭ ناقتى، مىعىم شاراسىن العا قويۋ؛ ناقتى ماسەلەگە ناقتى تالداۋ جاساۋعا تاباندى بولىپ، قۇبىلىستان ءماندى كورۋگە شەبەر بولىپ، باسقارۋ جۇيەسى مەن باسقارۋ قابىلەتىنىڭ وسىزاماندانۋ ورەسى جوعارى بولماۋ ماسەلەسى مە، الدە جاۋاپكەرشىلىكتى تياناقتاندىرۋدىڭ جەتكىلىكسىز بولۋ ماسەلەسى مە، يدەيانىڭ توقىراۋى، ءادىستىڭ ءدال بولماۋ ماسەلەسى مە، الدە باس ماقسات تانىمى بەرىك ورناتىلماۋ ماسەلەسى مە، ياكي جاۋاپكەرشىلىك ارقالاماۋ، ىسكەرلىك كورسەتپەۋ ماسەلەسى مە ەكەندىگىن انىقتاپ، ديالەكتيكالى شارا قولدانىپ، اۋرۋىنا قاراي ءدارى بەرىپ، رەال، باعىتتامالىلىعى بار شەشۋ جوباسىن العا قويۋ كەرەك.
ماسەلەنى كۇش سالا شەشۋ − ماقسات. ماسەلەگە بەتپە - بەت كەلۋدىڭ، ماسەلەنى زەرتتەۋدىڭ ءبارى، سايىپ كەلگەندە، ماسەلەنى شەشۋ ءۇشىن بولىپ تابىلادى. ماسەلەنى شەشۋدىڭ سانالىلىعىن شىڭداپ، باتىلدىقپەن وزىنە - ءوزى توڭكەرىس جاساپ، جۇرەكتىلىكپەن ايىبىن اشىپ، ءمىنىن كورسەتىپ، جاۋاپكەرشىلىك ارقالاپ، ىسكەرلىك كورسەتۋگە شەبەر بولىپ، كۇرەسكەرلىك رۋحىنان جازباي، ءىس تىندىرۋدى ويلاۋعا، ءىس تىندىرا الۋعا، ىستەن ناتيجە شىعارۋعا تاباندى بولۋ كەرەك، قايشىلىققا جولىققاندا اينالىپ وتۋگە استە بولمايدى، ”جاڭا ءمانساپتىنىڭ كونە ەسەپ - قيساپتى مويىنداماۋىنا“، جاۋاپكەرلىك ارقالاۋدان قاشقالاقتاۋعا ءتىپتى دە بولمايدى؛ ماسەلەنى شەشۋ قابىلەتىن كۇشەيتىپ، باسقارۋ جۇيەسى مەن باسقارۋ قابىلەتىن وسىزامانداندىرۋ ورەسىن جوعارىلاتىپ، ستراتەگيالىق وي جۇگىرتۋ، تاريحي وي جۇگىرتۋ، ديالەكتيكالىق وي جۇگىرتۋ، جۇيەلىك وي جۇگىرتۋ، جاڭالىق اشا وي جۇگىرتۋ، زاڭدىق وي جۇگىرتۋ، تومەنگى شەكتىك وي جۇگىرتۋ قابىلەتىن ۇزدىكسىز جوعارىلاتىپ، ۇيرەنشىكتى ويدىڭ، قاتىپ - سەمگەن ۇلگىنىڭ، ەسكىلىككە جارماسۋدىڭ بۇعاۋىنان ازات بولىپ، ماسەلەنى شەشۋدىڭ جاڭا ۇستانىمدارىن، جاڭا وي جەلىلەرىن، جاڭا ادىستەرىن ۇزدىكسىز العا قويۋ كەرەك.
دۇنيەنى تانۋ، دۇنيەنى وزگەرتۋ بارىسى دەگەنىمىز ماسەلەنى بايقاۋ، ماسەلەنى شەشۋ بارىسى بولىپ تابىلادى. جاڭا ءداۋىردىڭ جاڭا جورىعىندا ءار دارەجەلى باسشى كادرلاردا ”ءاردايىم قام جەپ تۇراتىن“ جاۋاپكەرشىلىك سەزىمى، ”قيىنشىلىقتان تايساقتامايتىن، جاۋاپكەرشىلىكتەن قاشقالاقتامايتىن“ جاۋاپكەرشىلىك ارقالاۋ رۋحى بولۋى، ماسەلەگە باتىلدىقپەن بەتپە - بەت كەلىپ، قيىن ماسەلەلەردى اقىلداسىپ شەشىپ، قابىلەتىن، شەبەرلىگىن جانىپ، قىزمەتتەردى جاقسارتىپ، پارتيا مەن حالىققا تولىمدى جاۋاپناما تاپسىرۋعا قۇلشىنۋ كەرەك.