تيانشان تورى - شينجياڭ گازەتىنىڭ حابارى (ٴتىلشى حان لياڭ حابارلايدى). ”الەۋمەتتىك اۋماعىمىزعا القاۋ بىلدىرەمىن، الەۋمەتتىك اۋماقتىڭ داۋالىنا سىزىلعان ٴار ۇلتتىڭ ۇلتتىق سالت - ساناسى مەن ۇلتتار ىنتىماعى جايلى مەيىرلى حيكايالار قورشاعان ورتانى كورىكتەندىرۋمەن بىرگە، كوپشىلىكتىڭ جۇرەگىنە ۇلتتار ىنتىماعىنىڭ تۇقىمىن سەپتى“، - دەدى شاۋەشەك قالاسى شينچىڭ ٴمالىسى قاراٴدوڭ الەۋمەتتىك اۋماعىنىڭ تۇرعىنى ليۋ شياۋرۇڭ.
11 - ايدىڭ 18 - كۇنى قىزمەت اترەتىنىڭ مۇشەسى ەكسكۋرسيالاۋشىلارعا مادەنيەت داۋالىنىڭ مازمۇنىن تانىستىردى. سۋرەتتى اي يۇيشيڭ تۇسىرگەن
قاراٴدوڭ الەۋمەتتىك اۋماعىنا كىرسەڭىز، جولدىڭ ەكى جاعىنداعى سۋرەتى مەن ءماتىنى ۇشتاسقان، وزىندىك ەرەكشەلىككە يە مادەنيەت داۋالدارى كوپ ۇلتتى ۇلى شاڭىراقتىڭ جاراسىمدى دا تاتۋ - ٴتاتتى تۇرمىسىنىڭ كورىنىسىن جاندى تۇردە كوز الدىڭىزعا كەلتىرەدى؛ ”مەن شاۋەشەكتى سۇيەمىن“ تاقىرىبىنداعى ساۋلەت داۋالدارى شاۋەشەكتەگى ٴار ۇلت حالقىنىڭ مەكەنگە دەگەن قىزۋ سۇيىسپەنشىلىگىن بەينەلەپتى؛ پارتيانىڭ ساياساتى، باعىتى، سوتسياليستىك وزەكتى قۇن كوزقاراسى سياقتى مازمۇندار دا وسىنىڭ ىشىندە ايگىلەنىپ، كوپتەگەن تۇرعىندى ايالداپ كورۋگە باۋرادى.
شاۋەشەك قالالىق وقۋ - اعارتۋ جانە عىلىم - تەحنيكا مەكەمەسىنىڭ شينچىڭ ءمالىسى قاراءدوڭ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن الەۋمەتتىك اۋماق ”ەكى كوميتەتى“ ۇلتتار ىنتىماعى مادەنيەت فاكتورىن الەۋمەتتىك قۇرىلعىلار مەن تۇرعىنداردىڭ اۋلا قۇرىلىسىنا شەبەرلىكپەن كىرىستىرىپ، تۇتاس كوشەنى ۇلتتار ىنتىماعىن ۇگىتتەۋدىڭ، جۇڭحۋانىڭ ءداستۇرلى مادەنيەتىن ايگىلەۋدىڭ، ءار ۇلتتىڭ كۇشىن ۇيىستىرۋدىڭ ماڭىزدى تەرەزەسى ەتىپ قۇردى.
قارا ٴدوڭ الەۋمەتتىك اۋماعىندا تۇراتىن مەملەكەتتىك ٴمورال ۇلگىسى سالىقجان يمىن 22 جىل ٴوز ٴۇيىنىڭ اۋلاسىندا تاباندىلىقپەن مەملەكەت تۋىن شىعاردى ٴارى ۇلتتار ىنتىماعى ۇگىت - تاربيە قيمىلىن ورىستەتتى. قاراٴدوڭ الەۋمەتتىك اۋماعى تاعى سالىقجان قارتتى ارنايى ۇسىنىس ەتىپ، ۋاقتىلى ٴار ۇلت بۇقاراسىنا اكەسى مەن ازاتتىق ارميا جاۋىنگەرلەرىنىڭ حيكاياسىن جانە پارتياعا كىرۋ كەشىرمەلەرىن بايانداپ، ٴار ۇلت بۇقاراسىن ٴوزارا قارايلاسۋعا، جاراسىمدى بىرگە جاساۋعا جەتەكتەپ، جۇڭحۋا ۇلتى ورتاق تۇلعا تانىمى ٴار ۇلت بۇقاراسىنىڭ جۇرەگىنە تەرەڭ ۇيالادى.
جەرگىلىكتى ەرەكشەلىككە يە مادەنيەت داۋالى (11 - ايدىڭ 18 - كۇنى تۇسىرىلگەن). سۋرەتتى اي يۇيشيڭ تۇسىرگەن
جاقىنعى جىلداردان بەرى، قاراٴدوڭ الەۋمەتتىك اۋماعى يدەيالىق جەتەكشىلىكتى كۇشەيتۋگە كۇشتى شوعىرلاندىرىپ، نەگىزگى ساتىداعى ۇگىت لەكسياشىلاردىڭ، دەمالىسقا، پەنسياعا شىققان ساقا كادرلاردىڭ، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ رولىن تولىق ساۋلەلەندىرىپ، تاماشا وتباسى سالتى ساحناسىن جەتىلدىرىپ، ۇلتتار ىنتىماعىن نىعايتۋدىڭ شەبىن، وتانشىلدىق تاربيە مىنبەسىن بەكەمدەپ، راديو - تەلەۆيزيا، ۋيشين، ميكروبلوگ، ينتەرنەت سياقتى ٴونىمدى تۇعىرلارعا سۇيەنىپ، جوعارىدا انتەنناعا جالعاسقان، تومەندە بۇقاراعا جاناسىمدى ٴتىل قولدانىپ، ٴار ۇلت بۇقاراسىنا پارتيانىڭ ساياساتىن، ماڭايىنداعى ۇلتتار ىنتىماعى حيكاياسىن ۇزدىكسىز ىشكەرىلەي ۇگىتتەپ، تۇرعىنداردىڭ جۇڭحۋا ۇلتىن مويىنداۋ سەزىمى مەن ماقتانىش سەزىمىن شىنايى كۇشەيتتى.
جەرگىلىكتى ەرەكشەلىككە يە مادەنيەت داۋالى (11 - ايدىڭ 18 - كۇنى تۇسىرىلگەن). سۋرەتتى اي يۇيشيڭ تۇسىرگەن