شينجياڭ فيلوسوفيا-قوعامدىق عىلىمدار تورابى
ساۋلەت تورەقان: ەرىكتى قىزمەت وتەۋ رۋحىن جالعاستىردى
   ۋاقىتى:2023-01-10   |  كەلۋ قاينارى: تىيانشان تورى

  ول الەۋمەتتىك يگىلىك ىستەرىن قىزۋ سۇيەدى، بۇرىن وقىتۋشى بولعان كەزىندە، مەيلى قايسى بالانىڭ وتباسىندا قيىنشىلىق بولسىن، ول ءارى - ءسارى بولماستان جومارتتىقپەن كومەكتەسىپ، ءوزىنىڭ ازعانتاي ەڭبەكاقىسىمەن ولاردىڭ وقۋ قاراجاتىن، تۇرمىس قاراجاتىن تاپسىراتىن. مەكەمەنىڭ كادرى بولعاننان كەيىن، ول اۋەلگىدەي مەيىر باعىشتاۋ جولىمەن ءجۇردى، ىندەت الدىندا، ول 5000 يۋان جىلۋ اتادى ءارى ءبىرىنشى شەپتەگى ەرىكتى قىزمەت وتەۋشىلەر قاتارىنا ىرىقتىلىقپەن قاتىناسىپ، الەۋمەتتىك اۋماقتىڭ قاراستى اۋماقتاعى پارتيا مۇشەلەرىن، اۋىلىنا قايتقان داشۋە وقۋشىلارىن جانە ىقىلاستى بۇقارانى قابىلداپ، التىن تاۋ اۆانگارد پارتيا مۇشەلەرى ەرىكتى قىزمەت وتەۋ اترەتىن قۇرۋىنا بەلسەنە كومەكتەسىپ، تالاي رەت ەرىكتى قىزمەت وتەۋ قيمىلىن ورىستەتتى. ول كوكتوعاي اۋداندىق شۇعىل جاعدايعا توتەپ بەرۋ - باسقارۋ مەكەمەسىنىڭ كادرى ساۋلەت تورەقان ەدى.

  4 جىلدىڭ الدىندا، كوكتوعاي اۋدانىنداعى كىناش بولاتبەك اتتى وقۋشىنىڭ اكە - شەشەسى بىردەي ناۋقاستان قازا بولىپ، ءوزى جانە تولىق ورتانىڭ 2 - جىلدىعىندا وقىپ جاتقان ەگىز ءىنىسى مەن ءسىڭلىسى قالادى. ءبىر ءۇيلى جاننىڭ كۇندەلىكتى شىعىمىن كىناش ساباقتان سىرتقى ۋاقىتىندا اسحانادا جۇمىس ىستەپ ارەڭ وتەپ، تۇرمىستا قاتتى قينالادى. 

  ساۋلەت جاعدايدان حابار تاپقاننان كەيىن، كىناشتى تاۋىپ، 2000 يۋان اقشانى ونىڭ قولىنا جەتكىزدى، سونداي - اق ورتا مەكتەپتى بىتىرگەنگە دەيىن وعان ايىنا 500 يۋان تۇرمىس قاراجاتىن بەرۋگە ۋادە بەردى. ”ساۋلەتتىڭ كومەگىندە ومىرگە دەگەن ءۇمىتىم جانا ءتۇستى! “،ـ دەدى كىناش.

  ساۋلەتتىڭ كومەگىنە يە بولعانداردان تاعى كوكتوعاي اۋدانى قۋەرتىس قالاشىعىنىڭ تۇرعىنى كاليماش مامىرقان بار. كاليماشتىڭ جۇبايى ەرتە قايتىس بولىپ، ارتىندا وقۋداعى ەكى بالاسى قالىپ، ءبىر ءۇيلى جان كاليماشتىڭ جۇمىس ىستەپ تاپقان ماردىمسىز كىرىسىنە سۇيەنىپ كۇن كورىپ، ءدىلدالدالاپ تۇرمىس كەشىردى. ساۋلەت بەلگىلى مەرزىم بويىنشا ولارعا تۇرمىس قاراجاتىن بەرىپ تۇردى، از بولعاندا 200، كوپ بولعاندا 400 دە 500 يۋان بەرىپ، 2 بالاعا ورتا مەكتەپ تاۋىسقانعا دەيىن قارايلاستى.

  ”ساۋلەت ەكەۋىمىز مۇلدە بەيتانىسپىز، قيىنشىلىق قىسپاعىندا قالعانىمدا ول ماعان كومەك قولىن سوزدى. بالامنىڭ بولاشاقتا ول سياقتى ادام بولۋىن ءۇمىت ەتەمىن“، ـ دەدى كاليماش.

  سۇيىسپەنشىلىك بەينە شام - شىراق ىسپەتتى، ول ءاربىر ادامنىڭ جان دۇنيەسىن نۇرلاندىرادى. 2014 ـ جىلدان بەرى ساۋلەت وتباسىندا قيىنشىلىعى بار وقۋشىلارعا ىلگەرىندى ـ كەيىندى 30 مىڭ يۋاننان استام اقشالاي جانە زاتتاي جىلۋ اتادى. بۇل عانا ەمەس، ول تاعى قوعامنىڭ ءار سالاسىنداعى مەيىربان جانداردى ۇيىمداستىرىپ، 60 نەشە رەت مەيىر باعىشتاۋ، جىلۋ اتاۋ قيمىلىن ورىستەتىپ، جيىنى 300 مىڭ يۋان اقشالاي، زاتتاي جىلۋ اتاتقىزىپ، قارجىلاي كومەك قابىلداعان ادام 1500دەن استى. ساۋلەت مەيىرىمدىلىگى جانە ارەكەتى ارقىلى قيىنشىلىعى بار وتباسىلاردىڭ، وقۋشىلاردىڭ كوڭىل كوگىن جايناتىپ، ولارعا جىلۋلىق جانە قامقورلىق باعىشتاپ، قوعامدىق الەۋمەتتىك يگىلىك ىستەرىنە مۇمكىندىگىن سارقا كومەكتەستى.

  ساۋلەت وقىتۋشى بولعان كەزدە وقۋشىلارعا ۇنەمى بىلاي دەپ ءتالىم بەرەتىن: ”ۇلتتار ىنتىماعى − ءار ۇلت حالقىنىڭ جان تامىرى، ءبىز ۇلتتار ىنتىماعىن كوز قاراشىعىمىزداي قورعاۋىمىز، ۇلتتار ىنتىماعىن ءومىرىمىزدى قاستەرلەگەندەي قاستەرلەۋىمىز كەرەك“. ول وسىلاي ايتتى ءارى ايتقانىن ورىندادى.

  2018 ـ جىلى 3 ـ ايدا ساۋلەت جۇڭحۋا قوعامدىق قۇتقارۋ ـ كومەكتەسۋ قور قوعامى كۇنپىڭ وقۋعا كومەكتەسۋ نىسانى ارقىلى حيلۇڭجياڭدىق كەدەي وقۋشى جاڭ شينگە قارجىلاي كومەك بەردى. جاڭ شيننىڭ اكە - شەشەسى ەڭبەكشىل دە قاراپايىم ديقان، جەرى از، كىرىسى ماردىمسىز، ءىنىسى باۋىر انالىق كلەتكاسى وسپەسىنە شالدىعىپ، ءار جىلى بەيجيڭگە بارىپ قايتالاي تەكسەرىلۋىنە تۋرا كەلەدى. ساۋلەت ءار ماۋسىمدا تۇرمىس قاراجاتىنان 660 يۋان ۇنەمدەپ، جاڭ شينگە كومەككە بەرىپ، ونىڭ وقۋىن ءساتتى تاۋىسۋىن ەكونوميكالىق كەپىلدىكپەن قامدادى.

  جياڭشي ولكەسى ليانحۋا اۋدانىنداعى وقۋشى چىن مەيچۋاننىڭ ءىنىسى اياق استىنان بۇيرەك اۋرۋىنا شالدىعىپ، ونىڭ اۋرۋىن ەمدەتۋ ءۇشىن وتباسىنداعىلار جان - جاقتان ەم ىزدەيدى، قوماقتى ەمدەۋ قاراجاتى وتباسىنىڭ تۇرمىسىن قيىنشىلىق قىسپاعىندا قالدىرادى. ساۋلەت بۇدان حابار تاپقاننان كەيىن، چىن مەيچۋاننىڭ الاڭسىز ۇيرەنۋى ءۇشىن، ءار ماۋسىمدا وعان 1100 يۋان اقشالاي جاردەم بەردى.

  شينجياڭ ىلەلىك ۋاڭ يۇيتيڭنىڭ شەشەسى تۋادا قول - اياعى 2 - دارەجەلى مۇگەدەك بولىپ، ەگىس جۇمىسىمەن شۇعىلدانا الماي، وتباسىندا تەك اكەسى عانا ەڭبەك ىستەيتىن. ساۋلەت وعان 1100 يۋان جىلۋ اتاپ، ونىڭ ءبىلىم الۋ ارمانىن جۇزەگە اسىرۋىنا كومەكتەستى.

  ساۋلەت مەيىر باعىشتاۋدى ءبىر ءسات توقتاتقان ەمەس، كوكتوعاي اۋدانىندا ونىڭ ىزگى ىستەرى كوپتەگەن ادامعا ىقپال جاسادى، ول جاقسىلىق ىستەۋگە جانى قۇشتار ادام بولىپ قانا قالماستان، ونان دا ماڭىزدىسى مەيىر باعىشتاۋ جولىن كەڭەيتۋدىڭ جول باستاۋشىسىنا اينالدى، كوپتىڭ قوسىلۋى وسى كوركەم كورىنىس جەلىسىن ءتىپتى دە كورىكتەندىرە ءتۇستى.

  ساۋلەت باسقالارعا كومەكتەسۋمەن بىرگە، ءوزى دە باقىت پەن شاتتىققا كەنەلدى. 2016 - جىلدان بەرى ول ىلگەرىندى - كەيىندى ايماقتىڭ وقۋ - اعارتۋ جۇيەسىندەگى ”ۇلتتار ىنتىماعىنداعى وزات جەكە“، ايماقتىڭ ”4 - مامىر جاستار مەدالى“، ايماقتىڭ 10 - رەتكى ”ۇلتتار ىنتىماعى، العاباسارلىعىنداعى ۇلگىلى جەكە“، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدەگى ەڭ ارداقتى ەرىكتىسى، التاي ايماعىنىڭ ”باسقالارعا كومەكتەسۋدى قۋانىش سانايتىن“ ءمورال ۇلگىسى سياقتى كوپتەگەن داڭقتارعا يە بولدى. (كوكتوعاي اۋداندىق توعىسپالى مەديا ورتالىعىنان)

جالعانىم

جاۋاپتى رەداكتورى: 沙衣力克