شينجياڭ فيلوسوفيا-قوعامدىق عىلىمدار تورابى
جۇڭحۋا ۇلتى ورتاق تۇلعا تانىمىن كوڭىل تۇكپىرىمىزگە تەرەڭ ۇيالاتامىز
   ۋاقىتى:2023-01-10   |  كەلۋ قاينارى: تىيانشان تورى

 انار بۇلت \ شينجياڭ گازەتىنىڭ ءتىلشىسى جاڭ يانفاڭ

  ”بۇكىل پارتيا، بۇكىل ەلدەگى ءار ۇلت حالقى پارتيا تۋى استىندا ىنتىماقتاسا وتىرىپ ’قۇرىشتاي بەرىك‘ بولۋ كەرەك“، ”جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، پارتيانىڭ ۇلت قىزمەتىن كۇشەيتۋ جانە جاقسارتۋ كەرەك“... باس شۋجي شي جينپيڭنىڭ جۇڭگو كوممۋنيستىك پارتياسى مەملەكەتتىك 20 - قۇرىلتايىنداعى وسى ەكپىندى سوزدەرى بۇكىل ەلگە تارادى.

  شينجياڭ كوپ ۇلت شوعىرلى قونىستانعان رايون رەتىندە، وسى 10 جىلدا تاريحي سيپاتتى وراسان زور وزگەرىس تۋىلدى. وسى ناتيجەلەر پارتيانىڭ ۇلت ساياساتى مەن ۇلتتىق وڭىرلىك اۆتونوميا ءتۇزىمىنىڭ وتانىمىزدىڭ شينجياڭىنداعى تابىستى امالياتىن ايگىلەدى.

  جاڭا ساپاردا، قايتكەندە جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، جۇڭحۋا ۇلتى ورتاق تۇلعا تانىمىن ءار ۇلت بۇقاراسىنىڭ كوڭىل تۇكپىرىنە تەرەڭ ۇيالاتىپ، ىنتىماقتاسا ەكپىندەي ىلگەرىلەۋدىڭ كۇش - قۋاتىن اناعۇرلىم ويداعىداي ۇيىستىرۋعا بولادى؟ پارتيا 20 - قۇرىلتايىنىڭ ۋاكىلى، تيانجين كاسىپتىك تەحنيكالىق شىفان داشۋەسى كاسىپتىك وقۋ - اعارتۋ شۋەيۋانى پارتكومىنىڭ ورىنباسار شۋجيى ماريامگۇل وبۇلقاسىم مەن ءۇشتۇرپان اۋدانى يماملىرىم قالاشىعى پارتكومىنىڭ شۋجيى ۋاڭ جۇڭحۋانىڭ اڭگىمەسىن تىڭدايىق.

دانەكەردە جاڭالىق اشىپ، جۇرت جۇرەگىن ۇيىستىرامىز

  ۋاڭ جۇڭحۋا: وسى بىرنەشە كۇندە قالاشىعىمىزداعى ءارقايسى قىستاق تۇرعىندارى تەلەۆيزور، قول تەلەفون سياقتىلار ارقىلى پارتيا 20 - قۇرىلتايىنا نازار اۋداردى. نەگىزگى ساتى كادرى رەتىندە، قاي جاقتاردان كۇش سالىپ، جۇڭحۋا ۇلتى ورتاق تۇلعا تانىمىن بەكەمدەۋ قىزمەتىن ءتىپتى دە تىڭعىلىقتى ىستەۋىمىزگە بولاتىندىعىن بىلگىم كەلەدى؟

  ماريامگۇل وبۇلقاسىم: جۇڭحۋا ۇلتى بەرەكەلى شاڭىراق، ءبىر نيەتپەن جۇڭگو ارمانىن بىرگە سومداۋىمىز كەرەك. پارتيا 18 - قۇرىلتايىنان بەرى، باس شۋجي شي جينپيڭ جۇڭحۋا ۇلتى ورتاق تۇلعا تانىمىن بەرىك ورناتۋدى كوپ رەت باسا دارىپتەدى. بيىل 7 - ايدا باس شۋجي شينجياڭدى كوزدەن كەشىرگەن كەزدە بىلاي دەپ باسا دارىپتەدى: ”جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك“. ”ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك“. وسى جىلداردا شينجياڭنىڭ جەر - جەرى ۇلتتار ىنتىماعىنداعى، العاباسارلىعىنداعى ۇلگىلى وزات ورىن قۇرۋدى جۇڭحۋا ۇلتى ورتاق تۇلعا تانىمىن بەكەمدەۋدىڭ ماڭىزدى تۇتقاسى جانە اماليات دانەكەرى ەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، مەملەكەتتىك ۇلتتار ىنتىماعىنداعى، العاباسارلىعىنداعى كوپتەگەن ۇلگىلى رايون، ۇلگىلى ورىن قۇرىپ، كوپتەگەن كىرىكپەلى قونىستانعان قىستاق (الەۋمەتتىك اۋماق) قۇردى.

  جۋىقتاعى بىرنەشە جىلدان بەرى، مەن تيانجيندە قىزمەت ىستەسەم دە، ءبىزدىڭ شينجياڭداعى ۇلتتار ىنتىماعىنىڭ حيكاياسىن كوپ ەستىدىم، مىسالى، حوتاندىق بىلەگى ۇزىلگەن ۇل بالانى ۇتىلامالى كۇش جالعاپ قۇتقارىپ - ەمدەۋ حيكاياسى، جاڭاءشار اۋدانىنىڭ قىستاعىندا اشىلعان 36 جۇپ ”انار گۇلى“ حيكاياسى سياقتىلاردىڭ بارلىعى ءبىزدىڭ ىستەگەن قىزمەتىمىزدىڭ ءونىمدى ەكەندىگىن تۇسىندىرەدى. ءبىز دانەكەردە اناعۇرلىم جاڭالىق اشىپ، فورماسىن بايىتىپ، ۇلتتار ىنتىماعىنداعى، العاباسارلىعىنداعى وزات ورىن قۇرۋ قىزمەتىن ۇزدىكسىز ىلگەرىلەتىپ، ۇلتتار ىنتىماعىنداعى، العاباسارلىعىنداعى ۇلگىلەردىڭ حيكايالارىن ىشكەرىلەي كادەگە جاراتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەيتىن ەرەكشە قيمىلداردا جاڭالىق اشىپ، وسى قيمىلدى تەرەڭدەتۋىمىز ءارى باياندى ەتۋىمىز كەرەك.

  ۋاڭ جۇڭحۋا: وتە دۇرىس ايتاسىز، وسى جىلداردا ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ورىستەتۋ ارقىلى اۋىلداستاردىڭ بارلىعىندا ءوز ”تۋىستارى“ بولىپ، كوپشىلىك ءوزارا كومەكتەسىپ، قارايلاسىپ وتىردى، ۇلتتار ىنتىماعىنىڭ حيكاياسىن ايتىپ تاۋىسا المايسىز. بۇدان كەيىن ءبىز مازمۇنى مەن فورماسىن اناعۇرلىم بايىتىپ، جەرگىلىكتى ورىننىڭ جاعدايىنا قاراي جاڭالىق اشىپ، ءتۇرلى قيمىلدار ارقىلى قامتۋ كولەمىن كەڭەيتىپ، ناقتى ونىمدىلىگىن كۇشەيتىپ، جۇرت تىلەگى مەن كۇش - قۋاتىن اناعۇرلىم ويداعىداي ۇيىستىرامىز.

جۇڭحۋانىڭ تاڭداۋلى ءداستۇرلى مادەنيەتىن تۇرمىسپەن توعىستىرامىز

  ماريامگۇل وبۇلقاسىم: ەندى ءبىر جاعىنان، مادەنيەتتى شىنايى مويىنداۋ − ەڭ تەرەڭ قاباتتاعى شىنايى مويىنداۋ ەكەندىگىن ءبارىمىز بىلەمىز. پارتيا 20 - قۇرىلتاي بايانداماسىندا مىنالار العا قويىلدى: ”حالىقتىڭ كۇن سايىن ارتىپ وتىرعان رۋحاني مادەنيەت قاجەتىن قاناعاتتاندىرىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋدەگى ورتاق يدەيالىق نەگىزىن بەكەمدەۋ كەرەك“. ءبىز پارتيا ورتالىق كوميتەتىنىڭ تالابى بويىنشا، شينجياڭدى مادەنيەتپەن نارلەندىرۋدى ىلگەرىلەتىپ، مادەنيەتپەن نارلەندىرۋ ارقىلى جۇڭحۋا ۇلتى ورتاق تۇلعا تانىمىن ءار ۇلت بۇقاراسىنىڭ كوڭىل تۇكپىرىنە تەرەڭ ۇيالاتامىز.

  ۋاڭ جۇڭحۋا: مەنىڭ بۇعان دەگەن اسەرىم تەرەڭ. يماملىرىم قالاشىعى ۇستىڭگى حوتان قىستاعى ”رەفورما اتويشىسى“ قۇربان نيازدىڭ ىزگى ىستەرىنە سۇيەنىپ قۇرعان ”ۇلتتار ىنتىماعى كورمە سارايى + جۇڭحۋا مادەنيەت ۇلكەن اۋلاسى + مەملەكەتتە ءبىر تۇتاس قولدانىلاتىن ءتىل باستاۋىش مەكتەبى“ قىزىل تاربيە بازاسى قىزۋ قارسى الۋعا يە بولدى.

  ءار اپتانىڭ سوڭى نەمەسە ەگىس جۇمىسىنىڭ سايابىر كەزىندە جۇڭحۋا مادەنيەت ۇلكەن اۋلاسى قىزۋ دۋمانعا بولەنەدى، ءبىز مادەنيەت شەبەرلەرىن ۇيىمداستىرىپ، وسى ارادا اۋىلداستارعا اسپاپتىق مۋزيكا، تەاتر، حاتكەرلىك، قولونەر بۇيىمدارىن جاساۋ سياقتىلاردى تەگىن ۇيرەتىپ، كوپشىلىكتىڭ جۇڭحۋانىڭ تاڭداۋلى ءداستۇرلى مادەنيەتىنە بولعان تانىمى بارعان سايىن تەرەڭدەپ، مەملەكەتتە ءبىر تۇتاس قولدانىلاتىن ءتىل ورەسى دە كورنەكتى جوعارىلادى. ءبىز تاعى ءبىر توپ شارۋالار ادەبيەت - كوركەمونەر اترەتىن قۇرىپ، جۇڭحۋانىڭ تاڭداۋلى ءداستۇرلى مادەنيەتىن ءار ۇلت بۇقاراسىنىڭ جۇرەگىنە بىرتىندەپ ءسىڭىرۋدى جوسپارلاپ وتىرمىز.

  ماريامگۇل وبۇلقاسىم: سىزدەردىڭ امالدارىڭىز وتە جاسامپازدىققا يە ەكەن، ءبىز بۇقارا ۇناتاتىن ءتاسىل ارقىلى ءار ۇلت بۇقاراسىنىڭ كۇندەلىكتى ۇيرەنۋ، تۇرمىس بارىسىندا جۇڭحۋانىڭ تاڭداۋلى ءداستۇرلى مادەنيەتىنىڭ وزگەشە كەرەمەتىن تىكەلەي تۇسىنۋىنە جانە سەزىنۋىنە مۇمكىندىك جاساپ، جۇڭحۋا ۇلتى ورتاق تۇلعا تانىمىن بەرىك ورناتىپ، جۇڭحۋا ۇلتىنىڭ ورتاق رۋحاني مەكەنىن قۇرۋىمىز كەرەك.

ۇلتتار ىنتىماعىنىڭ تۇقىمىن سىڭىرەمىز

  ۋاڭ جۇڭحۋا: ۇلتتار ىنتىماعى − ءار ۇلت حالقىنىڭ جان تامىرى، شينجياڭنىڭ دامۋىنىڭ، العا باسۋىنىڭ ىرگە تاسى. وتانشىلدىق تاربيەنى، جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن جانە ۇلتتار ىنتىماعى تاربيەسىن تۇگەلدەي بالالاردان باستاپ يگەرۋ كەرەك دەپ قارايمىن.

  ماريامگۇل وبۇلقاسىم: سولاي، ءوزىمدى مىسالعا الىپ ايتار بولسام، مەن شينجياڭدا تۋىپ، ەسەيىپ - ەرجەتتىم، مەن ءۇشىن الىپ ايتقاندا، ۇلتتار ىنتىماعى بەينە اۋا، كۇن نۇرى جانە سۋ سياقتى، كەم بولسا بولمايدى.

  تيانجين كاسىپتىك تەحنيكالىق شىفان داشۋەسىنە كەلىپ قىزمەت ىستەگەن 3 جىلدا، مەكتەپتىڭ از ۇلتتاردى باسقارۋ، قىزمەت وتەۋ قىزمەت كەڭسەسىنىڭ وقىتۋشىسى رەتىندە، مەن از ۇلت وقۋشىلارىمەن بىرگە بولىپ، ولاردىڭ ىشەر اس، كيەر كيىمىنە، جاتىن ورىن، ءجۇرىس - تۇرىسىنا كوڭىل ءبولىپ، ولاردى ۋايىمنان، قيىنشىلىقتان ارىلتىپ كەلەمىن، سونداي - اق ءوزىمنىڭ ەسەيۋ كەشىرمەم ارقىلى ولاردى ۇنەمى جىگەرلەندىرىپ وتىرامىن. مەنى قۋانتاتىنى قازىر مەكتەپتەگى ءار ۇلت وقۋشىلارىنىڭ ارالاسۋى، ىشتەسۋى، توعىسۋى ءتىپتى دە تەرەڭدەپ، ءتىپتى دە جاناسىمدى، ەتەنە ءوتۋى بولدى، پارتياعا كىرۋ ءوتىنىشىن تاپسىرعان، اسكەرگە قابىلدانىپ، قوسىنعا كىرگەن، داشۋە وقۋشىلارىنىڭ ەرىكتى قىزمەت وتەۋى باتىس بولىك جوسپارىنا قاتىناسقان از ۇلت وقۋشىلارى بارعان سايىن كوبەيدى، تاعى كوپتەگەن وقۋشىلار شينجياڭعا بارىپ قىزمەت ىستەۋدى تاڭدادى. ءوزىمنىڭ قۇلشىنىسىم ارقىلى ءتىپتى دە كوپ وقۋشىلاردى ىنتىماقتاسا كۇرەس جاسايتىن ”اناردىڭ ءدانى بولۋعا“ جەتەكتەپ، جاستىق كوكتەمدەرىن جاپپاي سوتسياليستىك وسىزاماندانعان مەملەكەت قۇرۋدىڭ جالىندى امالياتى بارىسىندا جايناتا ءتۇسۋىن ءۇمىت ەتەمىن.

  ۋاڭ جۇڭحۋا: ءبىزدىڭ ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىندەگى وقىتۋشىلار دا ءسىز سياقتى ۇلتتار ىنتىماعىن قورعاۋ قىزمەتىن ىستەۋدە. وقىتۋشىلاردىڭ جەتەكشىلىگىندە ءار ۇلت وقۋشىلارى وسى ارادا مەملەكەتتە ءبىر تۇتاس قولدانىلاتىن ءتىل - جازۋدى ۇيرەندى، ەسكىشە ولەڭدى، بەل بارابان سوعۋدى ۇيرەندى، قاعاز قيما قيۋدى، گۋجىڭ شەرتۋدى ۇيرەندى... جۇڭگو پەيىلىن، جۇڭحۋا رۋحىن ۇزدىكسىز بەكەمدەپ، ۇلتتار ىنتىماعىنىڭ تۇقىمى تامىر تارتىپ، وركەن جايىپ، گۇل اشىپ، جەمىس بەردى. ءدال پارتيا 20 - قۇرىلتاي بايانداماسىندا ايتىلعانداي: ”ىنتىماق − كۇش، ىنتىماق بولعاندا عانا جەڭىسكە جەتۋگە بولادى“، ءبىز ۇزاق ۋاقىت ەڭبەك ەتىپ، بالالاردىڭ ەسەيىپ - ەرجەتىپ، دارىندى بولۋىنا مۇمكىندىك جاساپ، كوپشىلىك ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جۇدىرىقتاي جۇمىلىپ، كۇش - قايرات توپتاپ، كورىكتى شينجياڭ قۇرۋعا قۇلشىنۋى كەرەك.

جالعانىم




جاۋاپتى رەداكتورى: 沙衣力克