شينجياڭ فيلوسوفيا-قوعامدىق عىلىمدار تورابى
20 - كەزەكتى ورتالىق كوميتەت ساياسي بيۋروسىنىڭ 1 - رەتكى توپتىق ۇيرەنۋىندە سويلەنگەن ءسوز
   ۋاقىتى:2023-01-17   |  كەلۋ قاينارى: تىيانشان تورى

 «ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

  20 - كەزەكتى ورتالىق كوميتەت ساياسي بيۋروسىنىڭ 1 - رەتكى توپتىق ۇيرەنۋىندە سويلەنگەن ءسوز

  شينحۋا اگەنتتىگىنىڭ 1 - ايدىڭ 15 - كۇنى بەيجيڭنەن بەرگەن حابارى. 1 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 2 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «20 - كەزەكتى ورتالىق كوميتەت ساياسي بيۋروسىنىڭ 1 - رەتكى توپتىق ۇيرەنۋىندە سويلەنگەن ءسوز» اتتى ماڭىزدى ماقالاسىن جاريالايدى.

  ماقالادا مىنالار باسا دارىپتەلدى: پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − كەزەكتەگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ ماڭداي الدى ساياسي مىندەتى. پارتيا 20 - قۇرىلتايى ساياسيدا، نازاريادا، امالياتتا ءبىر قىدىرۋ كەلەلى جەتىستىكتەرگە قول جەتكىزدى. ورتالىق كوميتەتتىڭ ساياسي بيۋروسى باستاماشىلدىقپەن بۇكىل پارتيادا، بۇكىل ەلدە پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ويداعىداي يگەرىپ، قالىڭ كادرلار مەن بۇقارانىڭ پارتيا 20 - قۇرىلتايىنىڭ رۋحىن كەڭ كولەمدە، ىشكەرىلەي ءتۇسىنۋىن جانە يگەرۋىن ىلگەرىلەتۋ كەرەك. ءار جولى پارتيا ورتالىق كوميتەتى كەلەلى شەشىم - ورنالاستىرۋ جاساعاندا، ءبىز بۇكىل پارتياداعى جولداستاردى ۇيرەنۋدى كۇشەيتۋگە ۇندەپ، بۇكىل پارتيانىڭ يدەياسى مەن ارەكەتىن بىرلىككە كەلتىرۋ ارقىلى، قامال الىپ، قيىندىقتاردى جەڭۋدىڭ، ىنتىماقتاسا ەكپىندەي ىلگەرىلەۋدىڭ قۋاتتى كۇشىن ۇيىستىرامىز. بۇل − پارتيانىڭ تابىستى تاجىريبەسى.

  ماقالادا مىنالار اتاپ كورسەتىلدى: جاپپاي ۇيرەنۋ جاعىنا كۇش سالۋ كەرەك. جاپپاي، جۇيەلى، ىشكەرىلەي ۇيرەنگەندە عانا، پارتيا 20 - قۇرىلتايىنىڭ رۋحىن تولىق، دالمە - ءدال، جان - جاقتى ءتۇسىنىپ، بۇل نە، نە ىستەۋ كەرەك، قالاي ىستەۋ كەرەك دەگەندەردى انىق ءتۇسىنىپ، دايەكتىلەندىرۋگە، تياناقتاندىرۋعا بەرىك نەگىز قالاۋعا بولادى. اۋەلى، ءتۇپ نۇسقانى وقىپ، قاعيدانى ءتۇسىنۋ كەرەك. پارتيا 20 - قۇرىلتايىنىڭ بايانداماسىن قاز - قالپىندا ۇيرەنۋمەن بىرگە، باياندامانى ۇيرەنۋدى قۇرىلتايدا سويلەنگەن جەلىلەس سوزدەردى جانە قاتىستى حۇجاتتاردى ۇيرەنۋمەن ۇشتاستىرىپ، پارتيا 18 - قۇرىلتايى بايانداماسىنىڭ، 19 - قۇرىلتايى بايانداماسىنىڭ رۋحىن ۇيرەنۋمەن ۇشتاستىرىپ، بايلانىستىرىپ ۇيرەنۋ كەرەك. ۇيرەنۋدە كەيبىر ۇعىمدار مەن ايتىلىمداردى ەستە ساقتاپ الۋمەن عانا توقتاپ قالۋعا بولمايدى. پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستارمەن، تۋىلعان تاريحي وزگەرىستەرمەن تىعىز بايلانىستىرىپ، وسىناۋ جىلدارى ءبىز باسىپ وتكەن اسا وزگەشە، ايرىقشا ەرەكشە بارىستارمەن بايلانىستىرىپ، ءبىزدىڭ رەفورما جاساۋدى، ەسىك اشۋدى تەرەڭدەتۋدەگى، جوعارى ساپالى دامۋدى ىلگەرىلەتۋدەگى، ەلەۋلى حاۋىپ - قاتەرلەر مەن سايىستارعا ءونىمدى توتەپ بەرۋدەگى ناقتى امالياتتارىمىزبەن بايلانىستىرىپ، حالىقارالىق ورتاداعى تەرەڭ وزگەرىستەرمەن بايلانىستىرىپ، پارتيا 20 - قۇرىلتايىنداعى پارتيا مەن مەملەكەت ىستەرىنىڭ دامۋى جونىندەگى كەلەلى باعىت - ساياساتتار مەن ستراتەگيالىق ورنالاستىرۋلاردىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن ىشكەرىلەي ءتۇسىنۋ كەرەك.

  ماقالادا مىنالار اتاپ كورسەتىلدى: جاپپاي يگەرۋ جاعىنا كۇش سالۋ كەرەك. پارتيا 20 - قۇرىلتايى رۋحىنىڭ مازمۇنى توتەنشە باي، ءارى ساياسي جاقتاعى كورەگەندىك جانە نازاريالىق جاقتاعى تەرەڭ تولعانىس بار، ءارى نىسانا جاعىنداعى عىلمي ۇيعارىم جانە قىزمەت جاعىنداعى ستراتەگيالىق ورنالاستىرۋ بار، بۇلار ءوزارا بايلانىسقان، ورگانيكالىق بىرلىگى بار. تەك تاريح پەن رەالدىقتى، نازاريا مەن امالياتتى، حالىقارا مەن ەل ءىشىن ۇشتاستىرۋ ادىسىنە تاباندى بولىپ، تۇتاس تۇلعادان ءىشىنارالىققا دەيىن، ونان تاعى ءىشىنارالىقتان تۇتاس تۇلعاعا قايتا - قايتا وي جۇگىرتە بىلگەندە عانا، پارتيا 20 - قۇرىلتايىنىڭ رۋحىن جاپپاي يگەرىپ، شالا - شارپى بىلۋدەن، سولاي بولاتىندىعىن ءبىلىپ، ءبىراق نەلىكتەن سولاي بولاتىندىعىن بىلمەۋدەن ساقتانۋعا بولادى. ماسەلەن، جاڭا داۋىردەگى جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى جاپپاي يگەرۋ؛ جاڭا ءداۋىردىڭ 10 جىلىنداعى ۇلى وزگەرىستەردىڭ ىشكى ءمان - ماعىناسىن جانە كەلەلى ءمانىن جان - جاقتى يگەرۋ؛ جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە ءسوزسىز مىقتى يگەرۋگە ءتيىستى كەلەلى پرينسيبىن جان - جاقتى يگەرۋ؛ پارتيا 20 - قۇرىلتايىندا ورتاعا قويىلعان ءتۇرلى ستراتەگيالىق ورنالاستىرۋلاردى جاپپاي يگەرۋ كەرەك.

  ماقالادا مىنالار اتاپ كورسەتىلدى: جاپپاي تياناقتاندىرۋ جاعىنا كۇش سالۋ كەرەك. پارتيا 20 - قۇرىلتايىنىڭ رۋحىن دايەكتىلەندىرۋدە، تياناقتاندىرۋدا جوسپار بولۋى، ورنالاستىرۋ بولۋى كەرەك، باس نىسانانى، باس باعداردى، باس تالاپتى يگەرۋ العى شارتىندا ءتۇرلى نىسانالار مەن مىندەتتەردى اشالاپ، تياناقتاندىرۋدىڭ ناقتى جوباسىن باعىتتامالى تۇردە الىپ شىعىپ، ايقىن ۋاقىت كەستەسىن، قۇرىلىس چەرتوجىن جاساپ، تىڭعىلىقتى تۇردە العا قاراي ىلگەرىلەتۋ كەرەك. ولاردىڭ جەڭىلى مەن اۋىرىن، ادەتتەگىسى مەن شۇعىلىن ايقىن ايىرۋ كەرەك، ءارى جاپپاي ىلگەرىلەتۋ، ءارى ءتۇيىندى كورنەكتىلەندىرۋ؛ ءارى قازىرگىنى مىقتى يگەرۋ، ءارى ۇزاق بولاشاققا كوز جىبەرۋ، نەگىز قالايتىن، ۇزاق بولاشاققا پايدالى ىستەردى كوبىرەك ىستەۋ، فورماشىلدىق، تورەشىلدىك ىستەۋدەن ساقتانۋ كەرەك. قىزمەتتىڭ ۇلاسپالىلىعىن ساقتاۋ كەرەك. وڭىرلەر، تاراۋلار وزدەرىنىڭ ءىس جۇزىندىك جاعدايىمەن ۇشتاستىرىپ، پارتيا ورتالىق كوميتەتى العا قويعان ستراتەگيالىق ورنالاستىرۋلاردى ءوز ءوڭىرىنىڭ، ءوز تاراۋىنىڭ قىزمەت مىندەتىنە اينالدىرۋ كەرەك. بۇكىل مەملەكەت ءبىر تۇتاس جۇيە يدەياسىن بەرىك ورناتىپ، ءبىر ءوڭىردىڭ داڭقىن اسىرۋمەن قاتار، جالپى جاعدايدى ارلەندىرۋ كەرەك.

  ماقالادا مىنالار باسا دارىپتەلدى: ءبىز سياقتى ءىرى پارتيانى، ءىرى ەلدى باسقارۋدا پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى بولماسا، بۇكىل پارتيانىڭ، بۇكىل ەلدىڭ يدەيالىق بىرلىگى، قادامى بىركەلكى بولماسا، ەشتەڭە بىتىرە المايدى. كۇرەسكەرلىك رۋحىن اسقاقتاتىپ، ءتۇرلى حاۋىپ - قاتەرلەرگە، سايىستارعا جۇرەكتىلىكپەن بەتپە - بەت كەلىپ، ءتۇرلى قيىندىقتى جۇرەكتىلىكپەن جەڭىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي ناقتى تياناقتاندىرۋ كەرەك.

جالعانىم



جاۋاپتى رەداكتورى: 沙衣力克