شينحۋا اگەنتتىگىنىڭ 1 - ايدىڭ 19 - كۇنى بەيجيڭنەن بەرگەن حابارى (تىلشىلەر گاۋ جيڭ، حان جيانو). مەملەكەتتىك كەڭەستىڭ اقپارات كەڭسەسى 1 - ايدىڭ 19 - كۇنى «جاڭا داۋىردەگى جۇڭگونىڭ جاسىل دامۋى» اق تىستى كىتابىن جاريالاپ، جاڭا داۋىردەگى جۇڭگونىڭ جاسىل دامۋ ۇستانىمىن، امالياتىن جانە ونىمدىلىگىن جان - جاقتى تانىستىرىپ، جۇڭگونىڭ جاسىل دامۋ تاجىريبەسىمەن وي ءبولىستى.
اق تىستى كىتاپ العى ءسوز جانە سوڭعى سوزدەن سىرت، جيىنى 7 بولىككە بولىنگەن، ولار جەكە - جەكە مىنالار: جاسىل دامۋ جولىمەن مىزعىماي ءجۇرۋ، جاسىل كەڭىستىك ارناسىن نەگىزىنەن قالىپتاستىرۋ، كاسىپ قۇرىلىمىن ۇزدىكسىز رەتتەۋ، ساپالىلاندىرۋ، جاسىل ءوندىرىس ءتاسىلىن كەڭ كولەمدە جالپىلاستىرۋ، جاسىل تۇرمىس ءتاسىلىن بىرتىندەپ جاڭا سالتقا اينالدىرۋ، جاسىل دامۋ ءتۇزىلىسىن، مەحانيزمىن بىرتىندەپ كەمەلدەندىرۋ، كورىكتى جەر شارى مەكەنىن قول ۇستاسا بىرگە قۇرۋ.اق تىستى كىتاپتا بىلاي دەپ تانىستىرىلدى: پارتيا 18 - قۇرىلتايىنان بەرى، جۇڭگو تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ەكولوگيانى الدىمەن ويلاستىرۋ، جاسىل دامۋ جولىمەن مىزعىماي ءجۇرۋ، ەكونوميكالىق، قوعامدىق دامۋدىڭ جاپپاي جاسىلعا قاراي تيبىن وزگەرتۋىن جەبەپ، ادام مەن تابيعات جاراسىمدى بىرگە ءومىر سۇرەتىن وسىزامانداندىرۋدى قۇرىپ، دۇنيە ءجۇزىن جالت قاراتارلىقتاي ەكولوگيا كەرەمەتى مەن جاسىل دامۋ كەرەمەتىن جاراتىپ، كورىكتى جۇڭگو قۇرىلىسىندا كەلەلى قادامدار باستى. جاسىل ءتۇس جاڭا داۋىردەگى جۇڭگونىڭ ايقىن توركىن رەڭىنە اينالىپ، جاسىل دامۋ جۇڭگو ۇلگىسىندەگى وسىزامانداندىرۋدىڭ كورنەكتى ەرەكشەلىگىنە اينالىپ، كەڭ - بايتاق جۇڭحۋا دالاسىنىڭ اسپانى ءتىپتى دە اشىق، تاۋى ءتىپتى دە مانات، سۋى ءتىپتى دە تۇنىق بولدى، حالىق ءتىپتى دە كوپ، ءتىپتى دە جالپىعا ءتيىمدى، ءتىپتى دە باياندى جاسىل قۇت - ىرىستان يگىلىكتەندى. جۇڭگونىڭ جاسىل دامۋى جەر شارىنا ءتىپتى دە كوپ ”جۇڭگو جاسىلىن“ ۇستەپ، الەمدىك جاسىل دامۋ كارتاسى اياسىن كەڭەيتىپ، جۇڭگونى باقىتقا كەنەلتۋمەن بىرگە، دۇنيە ءجۇزىن دە باقىتقا كەنەلتتى.
اق تىستى كىتاپتا بىلاي دەپ باسا دارىپتەلدى: جۇڭگو جاسىل دامۋ جولىمەن مىزعىماي ءجۇرىپ، ەكولوگيالىق وركەنيەت قۇرىلىسىن ىلگەرىلەتىپ، اناعۇرلىم جوعارى ساپالى، اناعۇرلىم ونىمدىلىككە يە، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋدى جەبەپ، جاسىل ءتۇستى − كورىكتى جۇڭگونىڭ ەڭ ايقىن، ەڭ قويۋ، ەڭ بەكەم توركىن رەڭىنە اينالدىرىپ، حالىقتىڭ تۇنىق سۋ، جاسىل تاۋدا تابيعات كوركىنەن، تىرشىلىك كوركىنەن، تۇرمىس كوركىنەن بىرگە يگىلىكتەنۋىنە مۇمكىندىك جاسايدى.
اق تىستى كىتاپتا بىلاي دەپ اتاپ كورسەتىلدى: ەكولوگيالىق ورتانى قورعاۋ، باياندى دامۋدى ىلگەرىلەتۋ − ءار ەلدىڭ ورتاق جاۋاپكەرشىلىگى. جۇڭگو حالىقارالىق قوعاممەن ەكولوگيالىق وركەنيەت نەگىزىن بىرگە بەكەمدەپ، جاسىل دامۋ جولىمەن بىرگە ءجۇرىپ، جاسىل جەر شارى مەكەنىن ويداعىداي قورعاپ، ءتىپتى دە تازا، كورىكتى دۇنيە ءجۇزىن قۇرۋدى قالايدى.