شينجياڭ فيلوسوفيا-قوعامدىق عىلىمدار تورابى
اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى
   ۋاقىتى:2023-01-30   |  كەلۋ قاينارى: تىيانشان تورى

باس شۋجي شي جينپيڭنىڭ 2023 - جىلعى كوكتەم مەرەكەسىن توپتىق قۇتتىقتاۋ ماجىلىسىندە سويلەگەن ماڭىزدى ءسوزىنىڭ رۋحىن جانە مەملەكەتتىك ارىز - ارمان مەكەمەسى باستىقتارى ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، اۋىل - قىستاقتى گۇلدەندىرۋدى جاپپاي ىلگەرىلەتۋ مەن بايلىق ۇنەمدەۋدى جاپپاي كۇشەيتۋگە قاتىستى قىزمەتتەردى اقىلداستى، ورنالاستىردى

ما شيڭرۇي ءماجىلىستى باسقاردى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 1 - ايدىڭ 28 - كۇنى تۇستەن بۇرىن ءماجىلىس اشىپ، باس شۋجي شي جينپيڭنىڭ 2023 - جىلعى كوكتەم مەرەكەسىن توپتىق قۇتتىقتاۋ ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، دايەكتىلەندىردى، مەملەكەتتىك ارىز - ارمان مەكەمەسى باستىقتارى ءماجىلىسىنىڭ رۋحىن ۇيرەندى، دايەكتىلەندىردى، ورتالىقتىڭ اۋىل - قىستاقتى گۇلدەندىرۋدى جاپپاي ىلگەرىلەتۋ جانە بايلىقتى ۇنەمدەۋ قىزمەتىن جاپپاي كۇشەيتۋ جونىندەگى قاتىستى ورنالاستىرۋلارىن، تالاپتارىن دايەكتىلەندىردى، تياناقتاندىردى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.

  ءماجىلىس مىنالاردى اتاپ كورسەتتى: جەر - جەر، تاراۋلار يدەيا مەن ارەكەتتى باس شۋجي شي جينپيڭنىڭ 2023 - جىلعى كوكتەم مەرەكەسىن توپتىق قۇتتىقتاۋ ماجىلىسىندە سويلەگەن ماڭىزدى ءسوزىنىڭ رۋحىمەن شىنايى بىرلىككە كەلتىرىپ، پارتيا 20 - قۇرىلتايىنىڭ رۋحىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن دەن قويا دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، تياناقتاندىرىپ، ”ەكى كەلەلى جاعدايدى“ كوكەيدە ءتۇيىپ، ”مەملەكەتتىڭ زور ءىسىن“ ەستە بەرىك ساقتاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن دالمە - ءدال يگەرىپ، اۆتونوميالى رايوندىق 10 - كەزەكتى پارتكوم جەتىنشى جالپى ءماجىلىسىنىڭ قىزمەت ورنالاستىرۋلارىنا ساي، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، سەنىمدى، بەكىمدى بەكەمدەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا باستامانى جاقسى اشىپ، قادامدى جاقسى باسۋعا قۇلشىنۋى كەرەك.

  ءماجىلىس مىنالاردى باسا دارىپتەدى: باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، «ارىز - ارمان قىزمەتى ەرەجەسىن» جانە مەملەكەتتىك ارىز - ارمان مەكەمەسى باستىقتارى ءماجىلىسىنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، حالىقتىڭ قيىنشىلىعىن شەشىپ، پارتيانىڭ قامىن ويلاۋ ساياسي جاۋاپكەرشىلىگىن ەستە بەرىك ساقتاپ، شينجياڭدى زاڭمەن باسقارۋعا تاباندى بولىپ، حالىقشىلدىق ىنتا - ىقىلاستان اينىماي، تومەنگى شەكتە ويلاۋدى كۇشەيتىپ، وزەكتى مىقتاپ ارقاۋ ەتە كەلەلى جاعدايعا قىزمەت ەتىپ، ارىز - ارمان ورگاندارىنىڭ ساياسي قۇرىلىسى، ارىز - ارمان ماسەلەلەرىن تۋ باستان جونگە سالۋ، ىركىلگەن ارىز - ارمان دەلولارىن شەشۋدى ۇدايىلاندىرۋ، ارىز - ارمان قىزمەتى ءتۇزىلىسىن، مەحانيزمىن رەفورمالاۋ، ارىز - ارمان كادرلارىنىڭ قوسىن قۇرىلىسى سياقتى ءتۇيىندى مىندەتتەردى كۇش سالا ىلگەرىلەتىپ، جاڭا داۋىردەگى شينجياڭنىڭ ارىز - ارمان قىزمەتىنىڭ قابىلەتى مەن دەڭگەيىن تىنباي جوعارىلاتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا اناعۇرلىم پارمەندى تىرەك ازىرلەۋ كەرەك.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋىن جانە ورتالىقتىڭ اۋىل - قىستاق قىزمەتى ءماجىلىسىنىڭ ورنالاستىرۋلارىن دەن قويا ۇيرەنىپ، دايەكتىلەندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، بۇكىل رايوننىڭ بيىلعى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي تىڭعىلىقتى ىستەپ، اۋىل - قىستاقتى گۇلدەندىرۋدى اناعۇرلىم زور سەرپىنمەن جاپپاي ىلگەرىلەتىپ، مەملەكەتتىڭ استىق حاۋىپسىزدىگىن قامتاماسىز ەتۋگە جانە ماڭىزدى ەگىن، مال شارۋاشىلىعى ونىمدەرىمەن قامداۋعا شينجياڭنىڭ ۇلەس قوسۋ شاماسىن جوعارىلاتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، اۋىل - قىستاقتاعى ەرەكشە كاسىپ سالالارىن جەدەل دامىتىپ، اۋىل - قىستاقتاعى 1 -، 2 -، 3 - كاسىپتەردىڭ توعىسپالى دامۋىن ىلگەرىلەتىپ، شارۋالاردىڭ كىرىستى ارتتىرىپ بايۋ ارناسىن ۇزدىكسىز كەڭەيتىپ، اۋىل - قىستاق قۇرىلىسى ارەكەتىن ىشكەرىلەي اتقارىپ، اۋىل - قىستاقتىڭ اناعۇرلىم باي، شارۋالار تۇرمىسىنىڭ اناعۇرلىم باقىتتى، اۋىل - قىستاقتىڭ اناعۇرلىم كورىكتى بولۋىن جۇزەگە اسىرۋدى ىلگەرىلەتىپ، اۋىل شارۋاشىلىعىندا قۋاتتى ەل قۇرۋعا شينجياڭنىڭ كۇش - قۋاتىن ارناۋ كەرەك.

  ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ بايلىقتى ۇنەمدەۋ قىزمەتىن جاپپاي كۇشەيتۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، بايلىق ۇنەمشىلدىگىن ەكونوميكالىق، قوعامدىق دامۋدىڭ جالپى بارىسىنا، ءار سالاسىنا سىڭىرۋگە تاباندى بولىپ، شينجياڭنىڭ بايلىق شارت - جاعدايى مەن ەكونوميكالىق، قوعامدىق دامۋ ءىس جۇزىندىك جاعدايىن تياناق ەتىپ، بايلىقتىڭ جالپى شاماسىن باسقارۋدى، بايلىقتى عىلمي ۇلەستىرۋدى، جاپپاي ۇنەمدەۋدى، اينالمالى پايدالانۋدى ىلگەرىلەتىپ، سۋ، استىق، جەر، ەنەرگيا، ونەركاسىپ، قۇرىلىس سياقتى ءتۇيىندى سالالارداعى بايلىق ۇنەمدەۋدى كورنەكتى تۇردە مىقتى يگەرىپ، بايلىقتان پايدالانۋ ونىمدىلىگىن جوعارىلاتىپ، جالپى حالىقتىڭ ۇنەمشىلدىك تانىمىن كۇشەيتىپ، بايلىقتان پايدالانۋ تاسىلىندە ءتۇبىرلى بۇرىلىس جاساۋدى جەدەلدەتىپ، ەكونوميكانىڭ، قوعامنىڭ جوعارى ساپالى دامۋىنا دەم بەرۋ كەرەك.

  ءماجىلىس مىنالاردى باسا دارىپتەدى: بۇكىل رايونداعى قالىڭ پارتيا مۇشەلەرى مەن كادرلار ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن اناعۇرلىم جوعارىلاتىپ، اناعۇرلىم اسقاق، ءورشىل رۋحاني كۇيمەن جانە ”ءاردايىم قام جەپ تۇراتىن“ جاۋاپكەرشىلىك تانىممەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا تياناقتاندىرىپ، ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، نازاردى تۇتاس جىلدىق ەكونوميكالىق، قوعامدىق دامۋدىڭ نىسانا - مىندەتتەرىنە شوعىرلاندىرىپ، شىنايى يگەرىپ، ناقتى ىستەپ، باس الماي ءىس تىندىرىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، ماسەلەلەردى شەشۋدى، قيىندىقتى ارىلتۋدى قىزمەت جاعدايىن اشۋدىڭ سەرپىلىس ءتۇيىنى ەتىپ، تەكسەرۋ - زەرتتەۋ ستيلىن جاپپاي ساۋلەلەندىرىپ، ناقتى جاعدايدى تەكسەرىپ، يگى ءادىس - امال شىعارىپ، ناقتى ءىس ىستەپ، فورماشىلدىقتى، تورەشىلدىكتى باتىل الاستاپ، قايراتتانا ىسكەرلىك كورسەتەتىن ءىس جۇزىندىك ارەكەت ارقىلى قوعامدىق كەلەلى جاعدايدىڭ ءۇرتىس ورنىقتىلىعىن ساقتاپ، ەكونوميكالىق اينالىمنىڭ جالپى جاقتان جاقسارۋىن جۇزەگە اسىرىپ، ءار ۇلت بۇقاراسىنىڭ تۇرمىسىن ۇزدىكسىز جاقسارتىپ، تۇتاس جىلدىق قىزمەتتىڭ باستاماسى جاقسى بولۋىن جۇزەگە اسىرۋدى قۇلشىنا ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن ويداعىداي جازۋعا قۇلشىنۋى كەرەك.

جالعانىم



جاۋاپتى رەداكتورى: 沙衣力克