ما شيڭرۇي نەگىزگى ساتىنىڭ ءبىرىنشى شەبىن ىشكەرىلەي ارالاپ، كومىر كەن ءوندىرىس حاۋىپسىزدىگى قىزمەتىن تەكسەرىپ - زەرتتەگەندە، تەكسەرگەندە بىلاي دەپ باسا دارىپتەدى
جاۋاپكەرشىلىكتى جاپپاي ناقتىلاندىرىپ، ءوندىرىس حاۋىپسىزدىگى شارالارىن قاتاڭ، ەگجەي - تەگجەيلى تياناقتاندىرىپ، قورعانىس شەبىن بەكەمدەپ، تومەنگى شەكتى ساقتاپ، شىن مانىندە حاۋىپسىز، ورنىقتى ورتا قالىپتاستىرۋ كەرەك
3 - ايدىڭ 2 - كۇنى اۆتونوميالى رايوندىق پارتكومنىڭ شۋجيى ما شيڭرۇي رايونىمىزداعى كومىر كەن ءوندىرىسىنىڭ ءبىرىنشى شەبىن ىشكەرىلەي ارالاپ، ءوندىرىس حاۋىپسىزدىگى قىزمەتىن تەكسەرىپ - زەرتتەدى، تەكسەردى. سۋرەتتە: ما شيڭرۇي مەملەكەتتىك ەنەرگيا توبى توقسۇن ەنەرگيا اشىق كومىر كەنىندە كەن قازۋ رايونىنىڭ جۇمىس جاعدايىن سول جەردە تەكسەرىپ كورۋدە.
□ سۋرەتتى ليۋ جيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 2 - كۇنى توقسۇننان حابارلايدى. پارتيا 20 - قۇرىلتايىنىڭ ءوندىرىس حاۋىپسىزدىگى جونىندەگى ماڭىزدى ورنالاستىرۋلارىن جانە باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن، اسىرەسە، باس شۋجيدىڭ ىشكى موڭعۇلدىڭ الشا سول حوشۇنىنداعى اشىق كومىر كەندە تۋىلعان وپىرىلۋ شىرعالاڭى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ءوندىرىس حاۋىپسىزدىگى شارالارىنىڭ ناقتى تياناقتانۋىن ىلگەرىلەتىپ، مەملەكەتتىك ەكى ءماجىلىس كەزىندە تۇتاس رايوننىڭ ءوندىرىس حاۋىپسىزدىگى جاعدايىنىڭ ورنىقتى، ءتارتىپتى بولۋىنا شىنايى كەپىلدىك ەتۋ ءۇشىن، اۆتونوميالى رايوندىق پارتكومنىڭ شۋجيى ما شيڭرۇي 3 - ايدىڭ 2 - كۇنى رايونىمىزداعى كومىر كەن ءوندىرىسىنىڭ ءبىرىنشى شەبىن ىشكەرىلەي ارالاپ، ءوندىرىس حاۋىپسىزدىگى قىزمەتىن تەكسەرىپ - زەرتتەدى، تەكسەردى. ول بىلاي دەپ باسا دارىپتەدى: جەر - جەر، تاراۋلار جانە قاتىستى كاسىپورىندار حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ءوندىرىس حاۋىپسىزدىگىن ويداعىداي يگەرۋدىڭ ساياسي جاۋاپكەرشىلىك سەزىمىن جانە بورىشتىلىق سەزىمىن شىنايى كۇشەيتىپ، جاۋاپكەرشىلىكتى ناقتىلاندىرىپ، ارقاۋدى مىقتاپ شيراتىپ، اناعۇرلىم باتىل پوزيتسيا، اناعۇرلىم ناقتى ستيل، اناعۇرلىم پارمەندى شارا ارقىلى ءوندىرىس حاۋىپسىزدىگى قىزمەتتەرىن مىقتى، ناقتى، ەگجەي - تەگجەيلى يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ، ءوندىرىس حاۋىپسىزدىگىنىڭ قىزىل شەگىن، تومەنگى شەگىن بەكەم ساقتاپ، حاۋىپسىز، ورنىقتى ورتانى شىن مانىندە قالىپتاستىرۋ كەرەك.
تۇرپان جينما ەنەرگيا اشۋ سەرىكتەستىگىندە ما شيڭرۇي كاسىپورىن جاۋاپتىلارىنان ءوندىرىس باسقارۋ، جۇرگىزۋ، حاۋىپسىزدىك حاۋىپ - قاتەرىنەن ساقتانۋ جانە وعان توتەپ بەرۋ سياقتى قىزمەتتەردى تاپتەشتەي ۇعىستى، ورتالىق مەڭگەرۋ بولمەسىنە كىرىپ بەينە ەكران جۇيەسى ارقىلى حاۋىپسىزدىكتى باسقارۋ شارالارىنىڭ تياناقتانۋ، حاۋىپسىزدىك كومەسكى كىناراتتارىن ءبىر - بىرلەپ تەكسەرۋ، رەتتەۋ - وڭاۋ جاعدايىن تەكسەرىپ كوردى. ول بىلاي دەپ باسا دارىپتەدى: كاسىپورىن ءوندىرىس حاۋىپسىزدىگىنىڭ جاۋاپكەرشىلىك نەگىزگى تۇلعاسى رەتىندە، حاۋىپسىزدىك تانىمىن شىن مانىندە كۇشەيتىپ، ءوندىرىس حاۋىپسىزدىگى ەرەجە - تۇزىمدەرىن جانە جۇمىس جۇرگىزۋ ءتارتىبىن قاتاڭ اتقارىپ، ءوندىرىس حاۋىپسىزدىگىن ولشەمدەندىرۋدى، جۇيەلىلەندىرۋدى، تارتىپكە ءتۇسىرۋدى ءاربىر بۋىندا، ءاربىر قىزمەت ورنىندا تياناقتاندىرىپ، حاۋىپسىزدىكتى باسقارۋ دەڭگەيىن شىنايى جوعارىلاتىپ، ءوندىرىس حاۋىپسىزدىگى قورعانىس شەبىن بەكەمدەۋ كەرەك. ما شيڭرۇي تاعى توقسۇن اۋدانى مينشين كەن شارۋاشىلىعى كومىر كەنىن جاڭالاپ - كەڭەيتىپ سالۋ ورنىن تەكسەرىپ كورىپ، كومىر كەن قۇرىلىسى حاۋىپسىزدىك ولشەمىن قاتاڭ ساقتاپ، حاۋىپسىزدىك نەگىزىن ۇزدىكسىز بەكەمدەپ، تۇبىرىنەن حاۋىپسىز كومىر كەندى قۇلشىنا قۇرۋدى تالاپ ەتتى.
توقسۇن اۋدانى حيشان كەن رايونىنىڭ جىلدىق كومىر ءوندىرىس كولەمى 23 ميلليون 500 مىڭ تونناعا جەتەدى. ما شيڭرۇي مەملەكەتتىك ەنەرگيا توبى توقسۇن ەنەرگيا اشىق كومىر كەنىنە جانە شىڭشيۇڭ ەنەرگيا اشىق كومىر كەنىنە جەكە - جەكە بارىپ، كەن قازۋ رايونىنىڭ جۇمىس جاعدايىن ۇستىندە تەكسەرىپ كورىپ، كاسىپورىننىڭ جاۋاپتىلارىمەن كومىر قازۋدى باسقارۋ، حاۋىپسىزدىك حاۋىپ - قاتەرىن ءبىر - بىرلەپ تەكسەرۋ، ءتۇيىندى شارالاردى تياناقتاندىرۋ سياقتىلار جونىندە ىشكەرىلەي پىكىر اۋىستىرىپ، ىشكى موڭعۇلدىڭ اشىق كومىر كەنىنىڭ وپىرىلۋ شىرعالاڭىنان تەرەڭ ساباق الىپ، بەيعامدىققا سالىنۋ يدەياسىنان، باق سىناۋ پسيحيكاسىنان ارىلىپ، دالمە - ءدال تۇجىرىمداپ، جاپپاي ءبىر - بىرلەپ تەكسەرىپ، قىزمەتكەر، جابدىق، جۇمىس جۇرگىزۋ ءتارتىبى، جۇمىس ورتاسى سياقتى نەگىزگى حاۋىپسىزدىك فاكتورلارى مەن شەشۋشى بۋىنداردا ورىن تەپكەن كورنەكتى ماسەلەلەرگە ءبىر - بىرلەپ تالداۋ جاساپ، باعىتتامالى شارالاردى قولدانىپ ولقىلىقتاردى تەكسەرىپ، كەمىستىكتەردى تولىقتاپ، بەكەمدەپ، جوعارىلاتىپ، كەن رايونىنىڭ حاۋىپسىزدىكتى باسقارۋ دەڭگەيىن شىن مانىندە جوعارىلاتۋدى تالاپ ەتتى.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: جەر - جەر، تاراۋلار باس شۋجي شي جينپيڭنىڭ ءوندىرىس حاۋىپسىزدىگى قىزمەتى جونىندەگى ماڭىزدى بايىمداۋلارىن باتىل دايەكتىلەندىرىپ، تياناقتاندىرىپ، تاۋقىمەت تانىمىن نىعايتىپ، ماسەلەنى باعدار ەتۋدى كۇشەيتىپ، تومەنگى شەكتە ويلاۋدى بەرىك ورناتىپ، ءوندىرىس حاۋىپسىزدىگى، كومەسكى كىناراتتاردى ءبىر - بىرلەپ تەكسەرۋ، شۇعىل جاعدايعا توتەپ بەرۋ، ءبىر جاقتى ەتۋ شارالارىن قاتاڭ، ناقتى ويداعىداي تياناقتاندىرىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانۋ كەرەك. ءوندىرىس حاۋىپسىزدىگى سىندى وسى ارقاۋدى ءار ۋاقىت مىقتاپ شيراتىپ، ساياسي دەڭگەيدى شىنايى جوعارىلاتىپ، ءوندىرىس حاۋىپسىزدىگىن يگەرۋدى، اسىرەسە، مەملەكەتتىك ەكى ءماجىلىس كەزىندەگى ءوندىرىس حاۋىپسىزدىگى قىزمەتىن بار كۇشتى سالا وتىرىپ ويداعىداي ىستەۋدى كورنەكتى ماڭىزدى ورىنعا قويىپ، ”ءاردايىم قام جەپ تۇراتىن“ جاۋاپكەرشىلىك سەزىممەن جانە توتەنشە مۇقيات، توتەنشە جاۋاپتى بولاتىن جاۋاپكەرشىلىك ارقالاۋ رۋحىمەن ءوندىرىس حاۋىپسىزدىگى شارالارىن ويداعىداي تياناقتاندىرىپ، شىن مانىندە قورعانىس شەبىن بەكەمدەۋ، تومەنگى شەكتى ساقتاۋ كەرەك. كومەسكى كىناراتتاردى جاپپاي تۇبەگەيلى ءبىر - بىرلەپ تەكسەرىپ، رەتتەپ - وڭاپ، نازاردى كومىر كەنى، كومىرگە جاتپايتىن كەندەر، جول - قاتىناس، قاتەرلى حيميالىق بۇيىمدار، قۇرىلىس سالۋ سياقتى ءتۇيىندى سالالارعا شوعىرلاندىرىپ، ءوندىرىس حاۋىپسىزدىگى ەلەۋلى كومەسكى كىناراتتارىن ارناۋلى رەتتەۋ - وڭاۋدى تىڭعىلىقتى ورىستەتىپ، ءتۇرلى ءوندىرىس حاۋىپسىزدىگى كومەسكى كىناراتتارىن دەر كەزىندە، جاپپاي، تۇبەگەيلى رەتتەپ - تۇزەتىپ، ماسەلەلەردى بايقالعان كەزىندە، اپاتقا اينالاردان بۇرىن شىن مانىندە شەشىپ، ەلەۋلى حاۋىپسىزدىك حاۋىپ - قاتەرلەرىنەن، كومەسكى كىناراتتاردان ساقتانۋدىڭ جانە ونى جويۋدىڭ ىرىقتىلىق شايقاسىن ويداعىداي جۇرگىزۋ كەرەك. حاۋىپسىزدىكتى باسقارۋ دەڭگەيىن كۇش سالا جوعارىلاتىپ، جالپى بارىستىق حاۋىپسىزدىكتى باسقارۋ ءتۇزىمىن، ولشەمىن ورناتىپ، كەمەلدەندىرىپ، حاۋىپسىزدىكتى باسقارۋدىڭ تەحنيكالىق تىرەگىن نىعايتىپ، ءوندىرىس حاۋىپسىزدىگى نەگىزدىك قۇرىلىسىن ءۇرتىس كۇشەيتىپ، ءوندىرىس حاۋىپسىزدىگىنىڭ عىلميلانۋ، ماماندانۋ، ولشەمدەنۋ، زەردەلىلەنۋ، جان - جاقتىلانۋ دەڭگەيىن ۇزدىكسىز جوعارىلاتۋ كەرەك. ءوندىرىس حاۋىپسىزدىگى بويىنشا باقىلاۋ - باسقارۋدى، زاڭ اتقارۋدى كۇشەيتىپ، نازاردى ءتۇيىندى كاسىپ سالالارىنا، ءتۇيىندى كاسىپورىندارعا شوعىرلاندىرىپ، حاۋىپسىزدىك حاۋىپ - قاتەرى كورنەكتى، شىرعالاڭ وڭاي تۋىلاتىن شەشۋشى بۋىندار، ماڭىزدى قىزمەت ورىندارى، ءتۇيىندى قۇرىلعىلار سياقتىلاردى ءجىتى قاداعالاپ، زاڭدى دالمە - ءدال اتقارۋدى كۇشەيتىپ، شىنداپ كىرىسىپ، قيىندىقتارمەن ايقاسۋعا باتىلدىق ەتىپ، بايقالعان زاڭعا قايشى ارەكەتتەردى زاڭ بويىنشا تەكسەرىپ ءبىر جاقتى ەتۋ، ءجىتى قاداعالاۋ، تۇبەگەيلى رەتتەۋ - تۇزەتۋ كەرەك. ءوندىرىس حاۋىپسىزدىگى جاۋاپكەرشىلىگىن قاتايتىپ، ناقتىلاندىرىپ، ”پارتيا مەن ۇكىمەت تەڭ جاۋاپكەرشىلىك ارقالاۋعا، ءبىر قىزمەت ورنىندا قوس جاۋاپكەرشىلىك ارقالاۋعا“ تاباندى بولۋ كەرەك، پارتيا مەن ۇكىمەتتەگى نەگىزگى جاۋاپتى جولداستار تىكەلەي يگەرىپ، تىكەلەي باسقارىپ، قاراستى جەر باسقارۋ جاۋاپكەرشىلىگىن، تاراۋلاردىڭ باقىلاۋ - باسقارۋ جاۋاپكەرشىلىگىن جانە كاسىپورىنداردىڭ نەگىزگى تۇلعالىق جاۋاپكەرشىلىگىن ناقتىلاندىرىپ، اناعۇرلىم زور بەكىم، اناعۇرلىم كۇشتى تەبىن، اناعۇرلىم قاتاڭ شارا ارقىلى قاتار يگەرىپ، بىرگە باسقارىپ، بىرىككەن كۇش قالىپتاستىرۋ كەرەك. اسىرەسە، ءارقايسى ءوندىرىس، تيجارات ورىندارىنداعى جاۋاپتىلار ءوندىرىس حاۋىپسىزدىگىنىڭ ءبىرىنشى جاۋاپتىسى بولۋ جاۋاپكەرشىلىگىن شىن مانىندە ارقالاپ، ءوندىرىس حاۋىپسىزدىگىنىڭ ءتۇرلى قىزمەتتەرىن تىڭعىلىقتى تياناقتاندىرىپ، كاسىپورىننىڭ جوعارى دەڭگەيلى حاۋىپسىزدىگىمەن شينجياڭنىڭ جوعارى ساپالى دامۋىنا قىزمەت وتەۋ كەرەك.
تەكسەرۋ - زەرتتەۋ كەزىندە ما شيڭرۇي تاعى 3 - ايدىڭ 1 - كۇنى كەشتە تۇرپان قالاسى گاۋچاڭ رايونىنداعى قاتىناس شىرعالاڭى جاعدايىن تاپتەشتەي ۇعىسىپ، جارالانعانداردى بار كۇشتى سالا وتىرىپ قۇتقارىپ - ەمدەپ، سوڭعى جۇمىستاردى تىڭعىلىقتى، جان - جاقتى ويداعىداي ىستەپ، شىرعالاڭنىڭ سەبەبىن تەز ارادا تەكسەرىپ انىقتاپ، بىرەۋى ارقىلى وزگەسىن تۇسپالداي وتىرىپ جول حاۋىپسىزدىگىن باقىلاۋ - باسقارۋدى جاپپاي كۇشەيتىپ، حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىنە شىنايى كەپىلدىك ەتۋدى تالاپ ەتتى.
ءيۇسۇپجان مامەت قاتارلىلار تەكسەرۋ - زەرتتەۋگە قاتىناستى.