شينجياڭ فيلوسوفيا-قوعامدىق عىلىمدار تورابى
حالىقتىق شارۋاشىلىقتى اقاۋسىز دامۋعا، جوعارى ساپالى دامۋعا دۇرىس جەتەكتەۋ كەرەك
   ۋاقىتى:2023-03-09   |  كەلۋ قاينارى: تىيانشان تورى

شي جينپيڭ ساياسي كەڭەس ماجىلىسىنە قاتىناسىپ جاتقان جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەرگە امانداسا بارعاندا بىلاي دەپ باسا دارىپتەدى

حالىقتىق شارۋاشىلىقتى اقاۋسىز دامۋعا، جوعارى ساپالى دامۋعا دۇرىس جەتەكتەۋ كەرەك

ۋاڭ حۋنيڭ، ساي چي، ديڭ شۋەشياڭ امانداسۋعا جانە تالقىعا قاتىناستى

  3 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە قاتىناسىپ جاتقان جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەرگە امانداسا باردى ءارى بىرىككەن گرۋپپا جيىنىنا قاتىناسىپ، پىكىر جانە ۇسىنىس تىڭدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسى ءتوراعالار القاسى جيىنىن باسقارۋشى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ساي چي، ديڭ شۋەشياڭ امانداسۋعا جانە تالقىعا قاتىناستى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 3 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى تۇستەن كەيىن مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە قاتىناسىپ جاتقان جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەرگە امانداسا باردى ءارى بىرىككەن گرۋپپا جيىنىنا قاتىناسىپ، پىكىر جانە ۇسىنىس تىڭدادى. ول بىلاي دەپ باسا دارىپتەدى: پارتيا ورتالىق كوميتەتى ”ەكىدەن تيتتەي دە اۋىتقىماۋعا“، ”ءۇش وزگەرگەن جوققا“ باستان - اياق تاباندى بولىپ، حالىقتىق كاسىپورىندار مەن حالىقتىق كاسىپكەرلەردى باستان - اياق ءوز ادامى ساناپ كەلەدى. حالىقتىق كاسىپورىندار مەن حالىقتىق كاسىپكەرلەردى پارتيا ورتالىق كوميتەتىنىڭ باعىت - ساياساتتارىن دۇرىس تۇسىنۋگە جەتەكتەپ، سەنىمدى كۇشەيتىپ، شيراقىلىقپەن شەپكە اتتانىپ، باتىلدىقپەن دامىپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جۇزەگە اسىرۋ كەرەك.

   ”8 - ناۋرىز“ حالىقارالىق ەڭبەكشى ايەلدەر مەرەكەسى قارساڭىندا، شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان مەملەكەتتىك ”ەكى ماجىلىسكە“ قاتىناسىپ جاتقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ءار ۇلت، ءار سالا ايەلدەرىنە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل چياۋباۋلارعا مەرەكە بايلانىسىمەن قۇتتى بولسىن ايتتى جانە ىزگى تىلەك تىلەدى!

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسى ءتوراعالار القاسى جيىنىن باسقارۋشى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ساي چي، ديڭ شۋەشياڭ امانداسۋعا جانە تالقىعا قاتىناستى.

  بىرىككەن گرۋپپا جيىنىندا زىڭ يۇيچۇن، شيە دۇڭ، ليۋ جىندۇڭ، چىن شياۋپيڭ، شيە رۋ، سۇن دۇڭشىڭ قاتارلى 6 مۇشە الەمدىك جاڭا ەنەرگيا كاسىپ سالاسىنىڭ بيىك تۇرعىسىن يەلەۋ، فينانس ارقىلى عىلىم - تەحنيكادا جاڭالىق اشۋعا قولداۋ كورسەتۋ، ورتا، شاعىن كاسىپورىنداردىڭ دامۋىنا اناعۇرلىم جاقسى شارت - جاعداي ازىرلەۋ، تۇعىر ەكونوميكاسىنىڭ جوعارى ساپالى دامۋىن جەبەۋ، اۋىل - قىستاق كاسىپ سالاسىنىڭ گۇلدەنۋىن ىلگەرىلەتۋ، حالىقتىق شارۋاشىلىقتىڭ باسىمدىعى مەن ومىرشەڭدىك كۇشىن اناعۇرلىم ساۋلەلەندىرۋ سياقتىلار توڭىرەگىندە ءسوز سويلەدى.

  شي جينپيڭ كوپشىلىكتىڭ ءسوزىن مۇقيات تىڭداعاننان كەيىن ماڭىزدى ءسوز سويلەدى. ول بىلاي دەدى: مەملەكەتتىك ساياسي كەڭەستىڭ جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر سالاسىنداعى مۇشەلەرگە امانداسا كەلىپ، كوپشىلىكپەن بىرگە تالقى جۇرگىزىپ، پىكىر اۋىستىرعانىما وتە قۋانىشتىمىن. ول جۇڭگو كوممۋنيستىك پارتياسى ورتالىق كوميتەتى اتىنان وسىندا وتىرعان مۇشەلەرگە، سونداي - اق قالىڭ جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەرگە جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەرگە، قالىڭ ساياسي كەڭەس مۇشەلەرىنە شىنايى سالەم جولدادى.

  شي جينپيڭ بىلاي دەپ باسا دارىپتەدى: 2022 - جىل − پارتيا مەن مەملەكەت تاريحىنداعى توتەنشە ماڭىزدى، توتەنشە شەشۋشى ءبىر جىل. حالىقارالىق ورتانىڭ اساۋ تولقىنىنا جانە ەل ىشىندەگى كوپتەگەن مەجەدەن اسقان فاكتورلاردىڭ سوققىسىنا ءدوپ كەلگەن جاعدايدا، جالپى حالىقتىڭ ىنتىماقتاسا كۇرەس جاساۋى، قايسارلىقپەن كۇرەسۋى ارقىلى ءبىز كەلەلى، ۇزاق بولاشاققا ىقپال جاسايتىن بىرنەشە ءىرى ءىستى ىستەپ، پارتيا مەن مەملەكەت ىستەرىندە سۇبەلى تابىستارعا قول جەتكىزدىك. جۇڭگو كوممۋنيستىك پارتياسى مەملەكەتتىك 20 - قۇرىلتايىن جەڭىسپەن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن جاسادى. ءبىز جاڭا تيپتى ايدارشا ۆيرۋس ىندەتى سياقتى قيىنشىلىقتار مەن سىن - سايىستاردى جەڭىپ، بەيجيڭ قىسقى وليمپيادا سپورت جارىسىن، قىسقى مۇگەدەكتەر وليمپيادا سپورت جارىسىن ۋاعىندا، حاۋىپسىز، ءساتتى وتكىزدىك. ءبىز ساقتانۋ - تىزگىندەۋ ساياساتتىق شارالارىن يكەمدى ساپالىلاندىرىپ، رەتتەپ، ءبىرشاما قىسقا ۋاقىت ىشىندە ىندەتتەن ساقتانۋ - تىزگىندەۋدىڭ ورنىقتى بۇرىلىس جاساۋىن جۇزەگە اسىرىپ، جاڭا تيپتى ايدارشا ۆيرۋسىنان ءولۋ مولشەرى دۇنيە جۇزىندەگى ەڭ تومەنگى دەڭگەيدى ساقتاپ، ىندەتتەن ساقتانۋ - تىزگىندەۋدىڭ كەلەلى شەشۋشى جەڭىسىنە قول جەتكىزدىك. ءبىز جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن كۇش سالا ورناتىپ، جوعارى ساپالى دامۋدى ىلگەرىلەتىپ، دۇنيە جۇزىندەگى اقشانىڭ قۇنسىزدانۋى 40 نەشە جىلدان بەرگى ەڭ جوعارى دەڭگەيگە جەتكەن جاعدايدا، ەلىمىزدىڭ زات باعاسىنىڭ جالپى دەڭگەيى ورنىقتىلىقتى ساقتاپ، تۇتاس جىلدا ەكونوميكانىڭ ارتۋى %3 بولىپ، دۇنيە جۇزىندەگى نەگىزگى ەكونوميكالىق تۇلعالاردىڭ ىشىندە وتە جوعارى بولدى. بۇل تابىستارعا قول جەتكىزۋ، شىنىندا، وڭاي ەمەس.

  شي جينپيڭ بىلاي دەپ اتاپ كورسەتتى: پارتيا 19 - قۇرىلتايىنان بەرگى 5 جىل اسا وزگەشە ءارى ايرىقشا 5 جىل بولدى. ەلىمىز دامۋىنىڭ سىرتقى ورتاسىندا شۇعىل وزگەرىس بولدى، ايقىنسىز، مەجەلەۋ قيىن فاكتورلار كورنەكتى كوبەيدى، اسىرەسە، امەريكا باستاعان باتىس ەلدەرى ەلىمىزدى جان - جاقتى شاۋجايلاپ، قورشاپ، قىسىم ءتۇسىرىپ، ەلىمىزدىڭ دامۋىنا بۇرىن بولىپ كورمەگەن قاتاڭ سىن - سايىس اكەلدى. سونىمەن بىرگە ەل ىشىندە دە جاڭا تيپتى ايدارشا ۆيرۋس ىندەتىنىڭ قايتالانۋى جانە ەكونوميكانىڭ باسەڭدەۋ قىسىمىنىڭ ارتۋى سياقتى كوپتەگەن قيىنشىلىقتارعا ءدوپ كەلدىك. ءبىز ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، قيىندىقتان تايسالماي العا ۇمتىلىپ، سالماقتىلىقپەن توتەپ بەرىپ، بۇرىستىققا يلانبادىق، قىسىمنان جاسقانبادىق، قيىنشىلىقتان تايساقتامادىق، ىشكى ءوندىرىستىڭ جالپى ءونىم قۇنى جىلىنا ورتا ەسەپپەن %2. 5 ارتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، پارتيا مەن مەملەكەت ىستەرىندە كۇللى دۇنيەنىڭ نازارىن اۋدارعان كەلەلى تابىستارعا قول جەتكىزۋدى ىلگەرىلەتىپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاۋىن ىلگەرىلەتتىك. 5 جىلدان بەرگى تابىستار − بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جۇرگىزۋىنىڭ ناتيجەسى، وعان قالىڭ ساياسي كەڭەس مۇشەلەرىنىڭ قوسقان ۇلەسى دە شوعىرلانعان.

  شي جينپيڭ بىلاي دەپ باسا دارىپتەدى: حالىقارالىق جانە ەل ءىشى ورتاسىندا تۋىلعان تەرەڭ دە كۇردەلى وزگەرىستەر الدىندا، ءسوز جوق، بايسالدى دا سابىرلى بولىپ، تاباندىلىقتى ساقتاپ، ورنىقتىلىق بارىسىندا ىلگەرىلەپ، بەلسەنە ىسكەرلىك كورسەتىپ، جۇدىرىقتاي جۇمىلىپ، كۇرەس جۇرگىزۋگە باتىل بولۋ كەرەك. بايسالدى دا سابىرلى بولۋ، تاباندىلىقتى ساقتاۋ، اتاپ ايتقاندا، حالىقارالىق جاعدايداعى تەرەڭ وزگەرىستەردى بايىپتىلىقپەن باقىلاپ، ءتۇرلى حاۋىپ - قاتەرلەر مەن سىن - سايىستارعا بايسالدىلىقپەن توتەپ بەرىپ ءارى وزگەرىستى دۇرىس تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، ستراتەگيامەن تاكتيكانى دەر كەزىندە ساپالىلاندىرۋ، رەتتەۋ ءارى ستراتەگيالىق تۇراقتىلىقتى ساقتاپ، العان بەتتەن قايتپاي، ءتۇرلى حاۋىپ - قاتەردەن قورىقپاي، بەلگىلەنگەن ستراتەگيالىق نىساناعا قاراي تاباندىلىقپەن العا باسۋ كەرەك. ورنىقتىلىق بارىسىندا ىلگەرىلەۋ، بەلسەنە ىسكەرلىك كورسەتۋ دەگەنىمىز ۇلكەن بەتالىس ورنىقتى بولۋ، باعىت - ساياسات ورنىقتى بولۋ، ستراتەگيالىق ورنالاستىرۋ ورنىقتى بولۋ، نەگىزدى ساقتاۋ، شەپتى ورنىقتىرۋ نەگىزىندە بەلسەنە العا باسۋ، كىدىرمەۋ، تەزدەتۋگە بولسا تەزدەتۋ، ەڭ جاقسى ناتيجەگە قول جەتكىزۋگە تالپىنۋ دەگەندىك. جۇدىرىقتاي جۇمىلىپ، كۇرەس جۇرگىزۋگە باتىل بولۋ كەرەك. كۇش ىنتىماقتان كەلەدى. سوڭعى جىلداردان بەرى، ءبىز ءدوپ كەلىپ وتىرعان ءتۇرلى حاۋىپ - قاتەرلەر مەن سىن - سايىستار ىركەس - تىركەس كەلدى، ۇلكەن شايقاستار بىرىنەن سوڭ ءبىرى جالعاستى، ءاربىر شايقاستا تۇگەلدەي جالپى حالىقتىڭ ىنتىماقتاسا كۇرەس جۇرگىزۋىنىڭ، قايسارلىقپەن شايقاس جاساۋىنىڭ ارقاسىندا اتويلادىق. الداعى ءبىر مەزگىلدە ءبىز ءدوپ كەلەتىن حاۋىپ - قاتەر مەن سىن - سايىستار تەك بارعان سايىن كوبەيىپ، بارعان سايىن قاتايا تۇسەدى. تەك بۇكىل حالىق ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، قيىن - قىستاۋدا بىلەك بىرىكتىرىپ، ەل بىرلىگىنەن قامال تۇرعىزىپ، باتىلدىقپەن كۇرەس جۇرگىزگەندە، شەبەرلىكپەن كۇرەس جۇرگىزگەندە عانا، تىڭ دا اناعۇرلىم زور جەڭىستەرگە ۇزدىكسىز قول جەتكىزۋگە بولادى.

  شي جينپيڭ مىنالاردى اتاپ كورسەتتى: حالىقتىق شارۋاشىلىق − پارتيامىزدىڭ ۇزاق ۋاقىت بيلىك جۇرگىزىپ، بۇكىل ەل حالقىن ىنتىماقتاستىرىپ جانە باستاپ، ”قوس 100 جىلدىق“ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى ماڭىزدى كۇش. ءبىز حالىقتىق كاسىپورىندار مەن حالىقتىق كاسىپكەرلەردى باستان - اياق ءوز ادامىمىز دەپ ساناپ، حالىقتىق كاسىپورىندار قيىنشىلىققا ۇشىراعان شاقتا قولداۋ كورسەتىپ، حالىقتىق كاسىپورىندار داعدارعان شاقتا جەتەكشىلىك ەتتىك. حالىقتىق كاسىپورىنداردىڭ دامۋ ورتاسىن ساپالىلاندىرىپ، حالىقتىق كاسىپورىنداردىڭ بازار باسەكەسىنە ءادىل قاتىناسۋىنا تۇساۋ بولاتىن تۇزىمدىك كەدەرگىلەردى الاستاپ، حالىقتىق كاسىپورىنداردىڭ مال - مۇلىك ۇقىعى مەن كاسىپورىنشىلاردىڭ ۇقىق - مۇددەسىن زاڭ بويىنشا قورعاپ، مەملەكەت مەنشىگىندەگى كاسىپورىندارعا، حالىقتىق كاسىپورىندارعا تەڭ مامىلە جاساۋ تالابىن ءتۇزىم جانە زاڭ جاعىنان تياناقتاندىرىپ، حالىقتىق شارۋاشىلىق پەن حالىقتىق كاسىپورىنداردىڭ دامىپ زورايۋىنا دەم بەرىپ جانە قولداۋ كورسەتىپ، بازار مەجەسىن جانە سەنىمىن سەرپىلتۋ كەرەك. حالىقتىق كاسىپورىنداردىڭ جۇمىستانۋدى ورنىقتىرۋ، كىرىستى ارتتىرۋدى جەبەۋ بارىسىنداعى ماڭىزدى رولىن بەلسەنە ساۋلەلەندىرىپ، اناعۇرلىم ءونىمدى شارالار قولدانىپ، ورتا، شاعىن، ۇساق كاسىپورىنداردىڭ جانە جەكە ساۋدا - ونەركاسىپشىلەردىڭ دامۋىن قولداۋ، تۇعىر كاسىپورىندارىنىڭ جۇمىس ورىندارىن جاراتۋ، تۇتىنۋدى كەڭەيتۋ، حالىقارالىق باسەكە بارىسىندا ءوز ونەرىن ايگىلەۋىنە قولداۋ كورسەتۋ كەرەك. ەتەنە، كىرشىكسىز ۇكىمەت - ساۋدا قاتىناسىن ورناتۋدى ناقتى تياناقتاندىرىپ، حالىقتىق كاسىپورىندار مەن حالىقتىق كاسىپكەرلەردى ۋايىمنان ارىلتىپ، قيىنشىلىعىن شەشىپ، ولاردىڭ بەل شەشە ءىس تىندىرىپ، شيراقىلىقپەن شەپكە اتتانىپ، بار ىنتا - پەيىلىمەن دامۋىنا مۇمكىندىك جاساۋ كەرەك. يدەيالىق - ساياسي جەتەكشىلىكتى كۇشەيتىپ، حالىقتىق كاسىپورىندار مەن حالىقتىق كاسىپكەرلەردى پارتيا ورتالىق كوميتەتىنىڭ ”ەكىدەن تيتتەي دە اۋىتقىماۋ“، ”ەكى اقاۋسىزدىق“ جونىندەگى باعىت - ساياساتتارىن دۇرىس تۇسىنۋگە جەتەكتەپ، قام - قايعىدان ارىلتىپ، قىسىمنان ارىلتىپ، باتىلدىقپەن دامىتۋ كەرەك.

  شي جينپيڭ بىلاي دەپ باسا دارىپتەدى: جوعارى ساپالى دامۋ حالىقتىق شارۋاشىلىقتىڭ دامۋىنا اناعۇرلىم جوعارى تالاپ قويدى. حالىقتىق كاسىپورىندار جاڭا دامۋ ۇستانىمىن امالياتتا ايگىلەپ، حالىقتىق شارۋاشىلىقتىڭ دامۋىندا ورىن تەپكەن جەتەرسىزدىكتەر مەن ءدوپ كەلگەن سىن - سايىستاردى تەرەڭ يگەرىپ، دامۋ تاسىلىنە بۇرىلىس جاساپ، كاسىپ سالاسى قۇرىلىمىن رەتتەپ، ارتۋدىڭ قوزعاۋشى كۇشىن جاڭالاپ، نەگىزگى كاسىپكە تاباندى بولىپ، كاسىپتى كۇشەيتىپ، جوعارى ساپالى دامۋ جولىمەن سانالى تۇردە ءجۇرۋى كەرەك. قابىلەتتى، شارت - جاعدايى بار حالىقتىق كاسىپورىندار دەربەس جاڭالىق اشۋدى كۇشەيتىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋ جانە عىلىم - تەحنيكا جەتىستىكتەرىن كادەگە جاراتۋ بارىسىندا اناعۇرلىم زور رول اتقارۋى كەرەك. حالىقتىق كاپيتالدىڭ قارجى قوسۋ ومىرشەڭدىك كۇشىن قاۋلاتىپ، اناعۇرلىم كوپ حالىقتىق كاپيتالدى مەملەكەتتىڭ كەلەلى ينجەنەرياسىنا، ءتۇيىندى كاسىپ سالاسى تىزبەگى، قامداۋ تىزبەگى نىسان قۇرىلىستارىنا ات سالىسۋعا شابىتتاندىرىپ جانە باۋراپ، جاڭا دامۋ ارناسىن قالىپتاستىرۋعا، جوعارى ساپالى دامۋدى ىلگەرىلەتۋگە اناعۇرلىم زور ۇلەس قوسۋ كەرەك. ءتۇرلى كاپيتالدىڭ اقاۋسىز دامۋىن زاڭ بويىنشا ارناعا ءتۇسىرىپ جانە وعان جەتەكشىلىك ەتىپ، جۇيەلىك فينانس حاۋىپ - قاتەرىنەن ءونىمدى ساقتانىپ جانە ونى جويىپ، ءتۇرلى مەنشىكتەگى كاسىپورىندارعا ءادىل باسەكەلەسەتىن، باسەكەلەسە داميتىن ورتا ازىرلەۋ كەرەك.

  شي جينپيڭ مىنالاردى اتاپ كورسەتتى: جۇڭگو ۇلگىسىندەگى وسىزامانداندىرۋ − جالپى حالىق بىرگە باييتىن وسىزامانداندىرۋ. مەيلى مەملەكەت مەنشىگىندەگى كاسىپورىندار بولسىن، الدە حالىقتىق كاسىپورىندار بولسىن، بارلىعى دا، ءسوز جوق، بىرگە بايۋدى جەبەيتىن ماڭىزدى كۇش، بارلىعى دا بىرگە بايۋدى جەبەيتىن قوعامدىق جاۋاپكەرشىلىكتى ارقالاۋى كەرەك. حالىقتىق كاسىپكەرلەر وتباسى - وتان سۇيىسپەنشىلىگىن كۇشەيتىپ، حالىقتى وزەك ەتكەن دامۋ يدەياسىن سانالى تۇردە امالياتتا ايگىلەپ، الدىمەن بايىعاندار سوڭىنان بايىعاندارعا دەم بەرەتىن، بىرگە بايۋدى جەبەيتىن جاۋاپكەرشىلىك سەزىم مەن بورىشتىلىق سەزىمدى كۇشەيتۋ كەرەك. حالىقتىق كاسىپورىندار كاسىپورىننىڭ ىشكى بولەگىندە جاراسىمدى ەڭبەك قارىم - قاتىناسىن بەلسەنە ورناتىپ، بارلىق جۇمىسشى - قىزمەتكەرلەردىڭ مۇددە ورتاق تۇلعاسىن قۇرۋدى ىلگەرىلەتىپ، كاسىپورىنداردىڭ دامۋ جەتىستىكتەرىنەن بارلىق جۇمىسشى - قىزمەتكەرلەردى اناعۇرلىم ءادىل يگىلىكتەندىرۋگە مۇمكىندىك جاساۋ كەرەك. حالىقتىق كاسىپورىندار مەن حالىقتىق كاسىپكەرلەر زاڭ بويىنشا، ەرەجەگە ساي كەلەتىن تيجارات جۇرگىزۋدىڭ تومەنگى شەگىن بەكەمدەپ، تاڭداۋلى كاسىپكەرلەر رۋحىن ساۋلەلەندىرىپ، وتاندى ءسۇيۋدىڭ، كاسىبىن قادىرلەۋدىڭ، زاڭعا بويسۇنىپ تيجارات جۇرگىزۋدىڭ، شارۋاشىلىق قۇرۋدىڭ، جاڭالىق اشۋدىڭ، قوعامعا قارىمجى قايتارۋدىڭ ۇلگىسى بولۋ كەرەك. جۇڭحۋا ۇلتىنىڭ ءداستۇرلى تاماشا ءمورالىنا مۇراگەرلىك ەتىپ جانە ونى ساۋلەلەندىرىپ، قوعامدىق الەۋمەتتىك يگىلىك قايىرىمدىلىق ىستەرىنە بەلسەنە ات سالىسىپ جانە ونى جۇرگىزدىك، باي دا جاۋاپكەرشىلىگى بار، باي دا ادىلەتتى، باي دا مەيىرىمدى بولۋدى ورىنداۋ كەرەك.

  شى تايفىڭ، حى ليفىڭ، حاۋ ميڭجين، گاۋ يۇنلۇڭ قاتارلىلار بىرىككەن گرۋپپا جيىنىنا قاتىناستى.

جالعانىم



جاۋاپتى رەداكتورى: 沙衣力克