شينجياڭ فيلوسوفيا-قوعامدىق عىلىمدار تورابى
ەكپىندەي ىلگەرىلەيتىن كۇش - قۋاتتى تاسقىنداتىپ، جاڭا ۇلى ىستەر جاراتايىق
   ۋاقىتى:2023-03-14   |  كەلۋ قاينارى: تىيانشان تورى

 ەكپىندەي ىلگەرىلەيتىن كۇش - قۋاتتى تاسقىنداتىپ، جاڭا ۇلى ىستەر جاراتايىق

  − 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ اشىلعاندىعىن قىزۋ قۇتتىقتايمىز

  حالىق گازەتى باسماقالاسى

  تابيعات زاڭدىلىعىمەن تىرشىلىك قايتا جانداندى، بار الاپ تىڭ تىنىسقا شومدى. 3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەيجيڭدە سالتاناتپەن اشىلدى. جاڭا كەزەكتى مەملەكەتتىك حالىق قۇرىلتايىنىڭ 3000عا جۋىق ۋاكىلى حالىقتىڭ ماڭىزدى تاپسىرماسىن ارقالاپ، استانادا باس قوسىپ مەملەكەت ءىسىن بىرگە اقىلداسىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى باستاۋعا، جاقسى قادام تاستاۋعا زەيىن - زەردە، كۇش - قۋات ۇيىستىردى. ءبىز ءماجىلىستىڭ اشىلعاندىعىن قىزۋ قۇتتىقتايمىز!

  پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى زاڭ شىعارۋ زاڭىنا وزگەرىس ەنگىزۋ جوباسىن قارايدى، جاڭا كەزەكتى مەملەكەت قۇرىلىمدارىنىڭ باسشىلارىن سايلايدى جانە تاعايىنداۋدى ۇيعارادى، ۇزاق ۋاقىتقا ساياتىن ءبىر قىدىرۋ كەلەلى ىستەردى ۇيعارادى. وسى رەتكى ءماجىلىستى ويداعىداي اشىپ، پارتيانىڭ دارىپتەمەسى مەن حالىقتىڭ قالاۋىن مەملەكەتتىڭ ەركى ەتىپ ۇيىستىرۋ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ، بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرۋ جونىنەن اسا ماڭىزدى ءمان الادى.

  وتكەن 5 جىلدا جانە جاڭا داۋىردەن بەرگى 10 جىلدا، قاتتى اعىسقا كومىلەتىن قاتەرلەرگە، ورگە ۇمتىلاتىن ماشاقاتتى كەزەڭدەرگە، قيىن وتكەلدەرگە جولىقتىق، بۇل پارتيا مەن مەملەكەتتىڭ دامۋ ۇردىسىندە اسا وزگەشە، وتە ەرەكشە بولدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيامىز حالىققا تىعىز ارقا سۇيەپ، قيىندىقتاردى ەڭسەرىپ، ۇدەرە العا ىلگەرىلەپ، قاراماققا قامال الۋعا بولمايتىن قيىن وتكەلدەردەن، حاۋىپ - قاتەرلەردەن، كەدەرگىلەردەن قامال الىپ، جۇرتتى تامساندىراتىن ءومىر كەرەمەتتەرىن جاراتىپ، جۇڭگو ۇلگىسىندەگى وسىزامانداندىرۋدى تابىستى تۇردە ىلگەرىلەتىپ جانە كەڭەيتىپ، ادامزات وركەنيەتىنىڭ جاڭا فورماتسياسىن ۇزدىكسىز بايىتىپ جانە دامىتىپ، قۋاتتى ەل قۇرۋعا، ۇلتتىڭ گۇلدەنۋىنە جارقىن بولاشاق اشتى. جاڭا ءداۋىردىڭ 10 جىلىنداعى ۇلى وزگەرىستەر پارتيا تاريحىندا، جاڭا جۇڭگو تاريحىندا، رەفورما جاساۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك ءمان الادى، پارتيا، جۇڭگو حالقى، سوتسياليستىك وسىزامانداندىرۋ قۇرىلىسى، عىلمي سوتسياليزمنىڭ 21 - عاسىرداعى جۇڭگوداعى دامۋى جونىنەن اسا زور ىقپالعا يە.

  مەملەكەتتىڭ ءىسىن كوكەيگە ءتۇيىپ، حالىق تۇرمىسىنا كوڭىل ءبولدى؛ حالىق تىلەگىن ۇيىستىرىپ، كۇش - قۋات توپتادى. 13 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيانىڭ باسشىلىعىن، حالىقتىڭ قوجايىن بولۋىن، مەملەكەتتى زاڭمەن باسقارۋدى حالىق قۇرىلتايى قىزمەتىمەن باستان - اياق ورگانيكالى بىرلىككە كەلتىرىپ، ساباقتاستىرىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ ماڭىزدى باعىت - ساياساتتارىن جانە شەشىمدەرىن، ورنالاستىرۋلارىن باتىل دايەكتىلەندىردى؛ حالىقتى وزەك ەتۋگە تاباندى بولىپ، جالپى بارىستىق حالىق دەموكراتياسىن بەلسەندىلىكپەن امالياتتا ايگىلەپ، حالىق بۇقاراسىنىڭ ءتۇبىرلى مۇددەسىن زاڭ بويىنشا قورعادى؛ نەگىزگى زاڭ، زاڭداردا جۇكتەلگەن مىندەت جاۋاپكەرشىلىگىن تاباندىلىقپەن وتەپ، وسىزاماندانعان باسقارۋدىڭ زاڭ جۇيەسىن اناعۇرلىم كەمەلدەندىرىپ، حالىق قۇرىلتايى قىزمەتىنىڭ تىڭ دا زور ىلگەرىلەۋشىلىككە قول جەتكىزۋىن ىلگەرىلەتىپ، پارتيا مەن مەملەكەت ىستەرىنىڭ دامۋىنا بەلسەندى ۇلەس قوستى.

  ءىستى باستان كەشپەسەڭ قيىندىعىن بىلمەيسىڭ، قاراماققا قاراپايىم بولعانىمەن ءىس جۇزىندە وتە جاپالى. تاريح پەن اماليات مىنانى تولىق دالەلدەدى: جۇڭگو كوممۋنيستىك پارتياسى شەكسىز پارمەندى باسشىلىق كۇشىنە، ۇيىمداستىرۋ كۇشىنە، اتقارۋ كۇشىنە يە، بوران - شاشىندا قاشاندا بۇكىل حالىقتىڭ ەڭ سەنىمدى تىرەگى. ”ەكىنى تۇراقتاندىرۋ“ − پارتيا مەن مەملەكەت ىستەرىندە تاريحي تابىسقا قول جەتكىزۋدى ىلگەرىلەتۋدىڭ، تاريحي وزگەرىستەر تۋىلۋدىڭ شەشۋشى فاكتورى، جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىلدىك. حالىق قۇرىلتايى ءتۇزىمى مەملەكەتتىڭ سوتسياليزم جولىن بويلاپ العا باسۋىنا ءونىمدى كەپىلدىك ەتتى، مەملەكەتتى باسقارۋدىڭ تىنىشتىق - بىلىقپالىق، گۇلدەنۋ - قۇلدىراۋ سىندى تاريحي پەريودتىلىعىنان شىعۋىنا ءونىمدى كەپىلدىك ەتتى، مەملەكەتتىڭ ساياسي ءومىرىنىڭ ومىرشەڭ كۇشكە تولى ءارى تىنىش، ءتارتىپتى بولۋىنا ءونىمدى كەپىلدىك ەتتى، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋداعى ءتۇبىرلى ساياسي تۇزىمدىك ورنالاستىرۋ، ەلىمىزدىڭ مەملەكەت جاعدايى مەن ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ قوجايىن بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتەتىن تاماشا ءتۇزىم، تەڭدەسسىز ابزالدىلىققا جانە كۇشتى ومىرشەڭدىككە تولى.

  ”كوپتىڭ كۇشىمەن ىستەلگەن ءىس جەڭىسكە جەتپەي قويمايدى؛ كوپتىڭ پاراساتىمەن ىستەلگەن ءىس ورىندالماي قويمايدى“. جاپپاي سوتسياليستىك وسىزاماندانعان مەملەكەت قۇرۋ جۇڭحۋا ۇلتىنىڭ اسىل ارمانى مەن تىلەگىن ارقالاعان، وعان جۇڭگو حالقىنىڭ كۇرەسى مەن ماڭداي تەرى سىڭگەن. جۇڭگو ۇلگىسىندەگى وسىزامانداندىرۋ پارتيامىزدىڭ بۇكىل ەلدەگى ءار ۇلت حالقىنا باسشىلىق ەتىپ ۇزاق ۋاقىت ىزدەنىس جاساۋ جانە اماليات بارىسىندا تالاي جاپا - ماشاقاتتى باستان كەشىرىپ، وراسان زور بوداۋ بەرۋىنىڭ ارقاسىندا قول جەتكىزگەن كەلەلى تابىسى، بۇرىنعىلار ىستەپ كورمەگەن جاسامپازدىق ءىس، ءسوز جوق، ميلليارد حالىقتىڭ جاسامپازدىق ۇلى كۇشىن ساۋلەلەندىرۋ كەرەك. پارتيامىز باسىپ وتكەن جولىندا حالىققا تىعىز ارقا سۇيەپ، تاريح پاراعىنا جازىلارداي جاۋاپنامالاردى تاپسىردى. العا باسۋ جولىندا، مەيلى بوران - شاشىن بولسىن، الدە اساۋ تولقىندار كوتەرىلسىن، حالىق ماڭگى پارتيامىزدىڭ ەڭ بەرىك سۇيەنىشى، ەڭ قۋاتتى كۇشى. تەك قاشاندا بارلىق ءىستى حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، باستان - اياق حالىقپەن قيىن - قىستاۋ شاقتاردى بىرگە وتكەرىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ نەگىزگى تۇلعالىق ورنىنا قۇرمەت ەتىپ، حالىق بۇقاراسىنىڭ امالياتتىق قيمىلداردا بىلدىرگەن ارمان - تىلەكتەرىنە، جاراتقان تاجىريبەلەرىنە، يە بولعان ۇقىقتارىنا، ساۋلەلەندىرگەن رولىنا قۇرمەت ەتىپ، حالىقتىڭ تاماشا تۇرمىسقا تالپىنىسىن ۇزدىكسىز رەالدىققا اينالدىرساق، ءسوز جوق، جۇڭگو ارمانىن ءبىر نيەتپەن ىنتىماقتاسا جۇزەگە اسىراتىن تەلەگەي كۇش ۇيىستىرا الامىز.

  جالپى بارىستىق حالىق دەموكراتياسى − سوتسياليستىك دەموكراتيالىق ساياسيدىڭ ماندىك قاسيەتى، ەڭ كەڭ، ەڭ شىنايى، ەڭ جارامدى دەموكراتيا. حالىق قۇرىلتايى ءتۇزىمى ەلىمىزدىڭ جالپى بارىستىق حالىق دەموكراتياسىن جۇزەگە اسىراتىن ماڭىزدى ءتۇزىم دانەكەرى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليستىك ساياسي دامۋ جولىمەن جۇرۋگە تاباندى بولىپ، جالپى بارىستىق حالىق دەموكراتياسىن جان - جاقتى دامىتىپ، حالىقتىڭ قوجايىن بولۋ ءتۇزىم جۇيەسىن اقاۋسىزداندىرىپ، حالىق قۇرىلتايىنىڭ جانە ونىڭ تۇراقتى كوميتەتىنىڭ قىزمەت ۇقىعىن زاڭ بويىنشا اتقارۋىنا قولداۋ كورسەتىپ، حالىق قۇرىلتايى ۋاكىلدەرىنىڭ قىزمەتىن جاقسارتىپ، حالىق قۇرىلتايى قىزمەتى تاريحي تابىسقا قول جەتكىزدى، حالىق قۇرىلتايى ءتۇزىمى اناعۇرلىم كەمەلدەنىپ، اناعۇرلىم تۇلعالاندى. العا باسۋ جولىندا، جالپى بارىستىق حالىق دەموكراتياسى قۇرىلىسىن ۇزدىكسىز ىلگەرىلەتىپ، حالىقتىڭ قوجايىن بولۋىن پارتيانىڭ ەل باسقارۋداعى ساياسات - شارالارىندا ناقتى، رەال تۇردە ايگىلەۋىمىز، پارتيا مەن مەملەكەت ورگاندارىنىڭ ءار جاعىنداعى، ءار ساتىسىنداعى قىزمەتتەردە ناقتى، رەال تۇردە ايگىلەۋىمىز، حالىقتىڭ تاماشا تۇرمىسقا تالپىنىسىن جۇزەگە اسىرۋ قىزمەتىندە ناقتى، رەال تۇردە ايگىلەۋىمىز، حالىق قۇرىلتايى ءتۇزىمىنىڭ ەرەكشەلىگى مەن باسىمدىعىن تولىق ساۋلەلەندىرۋىمىز، پارتيا مەن مەملەكەتتىڭ شەشىم جاساۋدى، اتقارۋدى، باقىلاۋدى تياناقتاندىرۋدىڭ بارلىق بۋىنىندا حالىقتىڭ ءۇنىن ەستي الۋىنا شىنايى كەپىلدىك ەتۋىمىز، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعىن، تاعدىرىن حالىقتىڭ قولىنا ۇستاتۋدى مىقتى يگەرۋىمىز كەرەك.

  بيىل پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى ءارى 14 - كەزەكتى مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ بويىنشا مىندەتىن اتقاراتىن ءبىرىنشى جىل. جاڭا نىسانانى بەتكە الىپ، قايراتتانا تاعى اتتانايىق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ورىنداپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، ەكپىندەي ىلگەرىلەۋ كۇشىن تاسقىنداتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا جاڭا داۋىرلىك تاماشا تاراۋ جازىپ، جاڭا تاريحي ۇلى ىستەر جاراتايىق.

  ءماجىلىستىڭ تولىق تابىستى بولۋىن تىلەيمىز!

  (شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)

جالعانىم



جاۋاپتى رەداكتورى: 沙衣力克