□ حالىق گازەتىنىڭ شولۋشىسى
بەيجيڭ حالىق سارايى، تورگە ىلىنگەن مەملەكەت گەربى شۇعىلا شاشىپ، ايبىندى دا قاسيەتتى ساتكە كۋا بولدى.
3 - ايدىڭ 10 - كۇنى تۇستەن بۇرىن جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانعان باس شۋجي شي جينپيڭ سول قولىن نەگىزگى زاڭنىڭ ۇستىنە قويىپ، وڭ قولىن كوتەرىپ، سەرت ءسوزىن وقىدى.
”مەن مىنانى سەرت ەتەمىن: جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەدەلىن قورعايمىن، زاڭدا بەلگىلەنگەن قىزمەت مىندەتىمدى اتقارامىن، وتانعا ادال بولامىن، حالىققا ادال بولامىن، ءوز قىزمەتىمدى بايىپتى، مۇقيات، جاقسى ىستەپ، پاك ءارى كوپشىل بولىپ، حالىقتىڭ باقىلاۋىن قابىلدايمىن، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ ءۇشىن قۇلشىنا كۇرەسەمىن“!
اسقاق سەرت، سالتاناتتى ۋادە شي جينپيڭ جولداستىڭ پارتيانىڭ، مەملەكەتتىڭ، ارميانىڭ ەڭ جوعارى باسشىسى رەتىندە نەگىزگى زاڭدى قاستەرلەيتىن، نەگىزگى زاڭدى قورعايتىن، نەگىزگى زاڭعا بويسۇناتىن وسكەلەڭ ساياسي سانالىلىعىن تولىق ايگىلەدى، شي جينپيڭ جولداستىڭ پارتيانىڭ ۇيتقىسى، حالىقتىڭ كوسەمى، ارميانىڭ قولباسشىسى رەتىندە ءوزى باس بولىپ ورىندايتىن، باستاماشىلدىقپەن ۇلگى كورسەتەتىن ساياسي قاسيەتى مەن اسىل قۇلقىن تولىق ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى نەگىزگى زاڭمەن باسقارۋعا، بيلىكتى نەگىزگى زاڭمەن جۇرگىزۋگە، نەگىزگى زاڭنىڭ بەدەلىن قورعاۋعا تاباندى بولاتىن باتىل ەرىك - جىگەرى مەن مىزعىماس بەكىمىن تولىق ايگىلەدى.
نەگىزگى زاڭ − مەملەكەتتىڭ ءتۇبىرلى زاڭى، مەملەكەتتى باسقارىپ، ەلدى ورنىقتىرۋدىڭ باس ۋستاۆى، ەڭ جوعارى زاڭدىق ورىنعا، زاڭدىق بەدەلگە، زاڭدىق كۇشكە يە. مەملەكەت قىزمەتكەرى رەتىندە، ءسوز جوق، نەگىزگى زاڭ تانىمىن ورناتۋ، نەگىزگى زاڭ پرينسيبىنە بويسۇنۋ، نەگىزگى زاڭ رۋحىن اسقاقتاتۋ، نەگىزگى زاڭ بورىشىن وتەۋ كەرەك. ەلىمىزدىڭ نەگىزگى زاڭىندا بىلاي دەپ ايقىن بەلگىلەنگەن: ”مەملەكەت قىزمەتكەرلەرى مىندەتكە وتىرعان كەزدە زاڭنىڭ بەلگىلەمەسىنە ساي نەگىزگى زاڭ الدىندا اشىق سەرت بەرۋى كەرەك“. ەلىمىزدىڭ نەگىزگى زاڭ الدىندا سەرت بەرۋ ءتۇزىمىن اتقارۋداعى ماقساتى نەگىزگى زاڭنىڭ بەدەلىن ايگىلەۋ، مەملەكەت قىزمەتكەرلەرىن نەگىزگى زاڭعا ادال بولۋعا، نەگىزگى زاڭعا بويسۇنۋعا، نەگىزگى زاڭدى قورعاۋعا شابىتتاندىرىپ جانە تاربيەلەپ، نەگىزگى زاڭنىڭ اتقارىلۋىن كۇشەيتۋ. نەگىزگى زاڭ الدىندا سەرت بەرۋ ءتۇزىمى اتقارىلعاننان بەرى، ءارقايسى وڭىرلەر، تاراۋلار، جاقتار زاڭداعى بەلگىلەمەلەردى مۇقيات دايەكتىلەندىرىپ، تياناقتاندىرىپ، نەگىزگى زاڭ الدىندا سەرت بەرۋ قيمىلىن زاڭ بويىنشا ورىستەتۋ نەگىزگى زاڭعا قۇرمەت ەتۋدىڭ، حالىقتىڭ تۇلعالىق ورنىنا قۇرمەت ەتۋدىڭ ماڭىزدى امالياتىنا اينالدى. ءتوراعا شي جينپيڭ مىندەتكە وتىرعان كەزدە زاڭ بويىنشا نەگىزگى زاڭ الدىندا سەرت بەرىپ، نەگىزگى زاڭنىڭ بەدەلىن قورعاۋ، نەگىزگى زاڭنىڭ مارتەبەسىن ساقتاۋ، نەگىزگى زاڭنىڭ اتقارىلۋىنا كەپىلدىك ەتۋ ءۇشىن ونەگە كورسەتتى، مۇنىڭ الداعى جەردە قالىڭ مەملەكەت قىزمەتكەرلەرىنىڭ مىندەتىن زاڭ بويىنشا وتەيتىن بورىشتىلىق سەزىمى مەن جاۋاپكەرشىلىك سەزىمىن اناعۇرلىم كۇشەيتىپ، تۇتاس قوعامدى نەگىزگى زاڭ سەنىمىن اناعۇرلىم بەكەمدەۋگە، نەگىزگى زاڭ رۋحىن اسقاقتاتۋعا، نەگىزگى زاڭ ۇستانىمىن جەتىلدىرۋگە بارىنشا ىنتالاندىراتىندىعى ءشۇباسىز.
مەملەكەتتى باسقارۋدا زاڭ - جارعىعا، ەلدى ورنىقتىرۋدا ولشەمگە سۇيەنۋ كەرەك. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتى جاپپاي زاڭمەن باسقارۋعا ايرىقشا ءمان بەرىپ، پارتيا مەن مەملەكەتتىڭ باياندى تىنىشتىعىنا ساياتىن ستراتەگيالىق تۇرعىدان زاڭمەن باسقارۋدىڭ ورنىن تۇراقتاندىرىپ، زاڭمەن باسقارۋدى ورنالاستىرىپ، زاڭمەن باسقارۋدى بۇلجىتپاي ورىنداپ، مەملەكەتتى جاپپاي زاڭمەن باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ جوسپارلاپ، ىلگەرىلەتىپ، ەلىمىزدىڭ نەگىزگى زاڭ ءتۇزىمى قۇرىلىسى مەن نەگىزگى زاڭنىڭ اتقارىلۋىن ىلگەرىلەتۋدە تاريحي سيپاتتى تابىسقا قول جەتكىزدى، بۇكىل پارتيانىڭ، بۇكىل قوعامنىڭ نەگىزگى زاڭ تانىمى كورنەكتى جوعارىلاپ، سوتسياليستىك زاڭمەن باسقارۋ قۇرىلىسىنىڭ جەتىستىگى قوماقتى بولدى. پارتيا 20 - قۇرىلتايى جاڭا داۋىردەگى جاڭا جورىقتا پارتيا مەن مەملەكەت ىستەرىن دامىتۋ جونىندە جاپپاي ورنالاستىرۋ جاساپ، بىلاي دەپ باسا دارىپتەدى: نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ سىندى قامتاماسىزداندىرۋ رولىن اناعۇرلىم ويداعىداي ساۋلەلەندىرىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك. العا باسۋ جولىندا پارتيا 20 - قۇرىلتايىنىڭ رۋحىن شىن مانىندە تىڭعىلىقتى تياناقتاندىرىپ، جۇڭگوشا سوتسياليستىك زاڭمەن باسقارۋ جولىمەن بۇلجىماي ءجۇرىپ، نەگىزگى زاڭ سانالىلىعىن كۇشەيتىپ، نەگىزگى زاڭنىڭ اتقارىلۋىن كۇشەيتىپ، نەگىزگى زاڭ بورىشىن وتەيتىن بولساق، ءبىز، ءسوز جوق، جاڭا داۋىردەگى جۇڭگونىڭ نەگىزگى زاڭ امالياتىنىڭ جاڭا تاراۋىن جازا الامىز.
زاڭمەن باسقارۋ كوركەيسە، مەملەكەت كوركەيەدى، زاڭمەن باسقارۋ كۇشەيسە، مەملەكەت كۇشەيەدى. جاڭا نىسانانى بەتكە الىپ، قايراتتانا تاعى اتتانايىق! شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، نەگىزگى زاڭدى جاپپاي دايەكتىلەندىرىپ، اتقارىپ، مەملەكەتتى جاپپاي زاڭمەن باسقارۋدى ىلگەرىلەتىپ، زاڭمەن باسقارىلاتىن جۇڭگو قۇرىلىسىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جاسايىق!
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)