شينجياڭ فيلوسوفيا-قوعامدىق عىلىمدار تورابى
سۋ بايلىعىن ساپالى ۇلەستىرۋ جانە ودان جوعارى ءونىمدى پايدالانۋ دەڭگەيىن ونان ارى جوعارىلاتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم مىعىم تىرەك ازىرلەۋ كەرەك
   ۋاقىتى:2023-03-15   |  كەلۋ قاينارى: تىيانشان تورى

 شينجياڭنىڭ سۋ بايلىعىنان باياندى پايدالانۋ جونىندە اكادەميك - ماماندار اڭگىمە ءماجىلىسى اشىلدى

  سۋ بايلىعىن ساپالى ۇلەستىرۋ جانە ودان جوعارى ءونىمدى پايدالانۋ دەڭگەيىن ونان ارى جوعارىلاتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم مىعىم تىرەك ازىرلەۋ كەرەك

  ما شيڭرۇي قاتىناستى ءارى ءسوز سويلەدى

  ەركىن تۇنياز باسقاردى، لي يفي، حى جۇڭيوۋ قاتىناستى

  3 - ايدىڭ 15 - كۇنى شينجياڭنىڭ سۋ بايلىعىنان باياندى پايدالانۋ جونىندەگى اكادەميك - ماماندار اڭگىمە ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.

   □سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 3 - ايدىڭ 15 - كۇنى ۇرىمجىدەن حابارلايدى. شينجياڭنىڭ سۋ بايلىعىنان باياندى پايدالانۋ جونىندەگى اكادەميك - ماماندار اڭگىمە ءماجىلىسى 3 - ايدىڭ 15 - كۇنى تۇستەن كەيىن ۇرىمجىدە اشىلدى، ماجىلىسكە ەل ىشىندەگى سۋ يگىلىگى سالاسىنىڭ ايگىلى اكادەميكتەرى، مامان - وقىمىستىلارى ۇسىنىس ەتىلدى، ولار پارتيا 20 - قۇرىلتايىنىڭ رۋحىن جانە مەملەكەتتىك ەكى ءماجىلىستىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى كوزدە ۇستاي وتىرىپ، شينجياڭنىڭ سۋ يگىلىگىنىڭ دامۋىن عىلمي جوبالاۋدى ىلگەرىلەتۋ، سۋ بايلىعىن ساپالى ۇلەستىرۋ جانە ودان جوعارى ءونىمدى پايدالانۋ دەڭگەيىن جوعارىلاتۋ سياقتىلار جونىندە سىندارلى اقىل - كەڭەس بەرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەردى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتىناستى. جۇڭگو ينجەنەريالىق عىلىمدار اكادەمياسىنىڭ اكادەميكتەرى ۋاڭ حاۋ، كاڭ شاۋجۇڭ، فىڭ چي، يىن فيحۋلار ارناۋلى تاقىرىپتا بايانداما جاسادى، جۇڭگو ينجەنەريالىق عىلىمدار اكادەمياسىنىڭ اكادەميكتەرى دىڭ ميڭجياڭ، ۋاڭ شياۋدۇڭ، وشۇر ءسىلام قاتارلىلار قاتىناستى.

  ۋاڭ حاۋ سۋ يگىلىگى − شينجياڭنىڭ دامۋىنىڭ ءتۇبىرلى كەپىلى، سۋ يگىلىگى گۇلدەنسە، شينجياڭ گۇلدەنەدى دەپ قارادى. ول ءىس جۇزىندىك تەكسەرۋ - زەرتتەۋ ناتيجەسىمەن ۇشتاستىرىپ، شينجياڭنىڭ سۋ بايلىعىن اشۋدىڭ، پايدالانۋدىڭ قازىرگى جاعدايى، ورىن تەپكەن ماسەلەلەر سياقتىلارعا جۇيەلى تالداۋ جاساپ، تابيعي ەكولوگيادا سۋدان پايدالانۋدىڭ قىزىل سىزىعىن قاتاڭ ساقتاۋ، جەر استى سۋىن عىلمي اشۋ، قورعاۋ، جوعارى ءونىمدى سۋ ۇنەمدەۋ ۇلگىسى جونىندە ىزدەنىس جاساۋ، سۋدى رەتتەۋ - مەڭگەرۋ قابىلەتىن كۇشەيتۋ، وڭتۇستىك شينجياڭ سۋ تورىن جاڭالاۋ، جانداندىرۋ سياقتىلار جونىندە ۇسىنىس قويدى.

  كاڭ شاۋجۇڭ شينجياڭنىڭ وسى زامانعى اۋىل شارۋاشىلىعىنىڭ جوعارى ساپالى دامۋى جونىندەگى ستراتەگيالىق ويلارىن بايىمداپ، وڭتۇستىك شينجياڭنىڭ ەگىستىك جەرىندە سۋ ۇنەمدەۋ، سوردى تىزگىندەۋ، ءوندىرىس قۋاتىن جوعارىلاتۋ سياقتى وسى زامانعى اۋىل شارۋاشىلىعىنداعى كەلەلى عىلىم - تەحنيكا ينجەنەريالارىن اتقارىپ، وڭتۇستىك شينجياڭنىڭ ەرەكشە جەمىس ورمانى جاڭالىق اشۋ ورتالىعى سياقتى جاڭالىق اشۋ تۇعىرلارىن قۇرىپ، سور سۋ بايلىعىنان حاۋىپسىز، جوعارى ءونىمدى پايدالانۋ، ماقتانىڭ ساپالى سورتىن تاڭداپ جەتىلدىرۋ، سيىر، قوي ءوسىرۋ جانە اقاۋسىز باعۋ سياقتىلاردى ارقاۋ ەتىپ، اۋىل شارۋاشىلىعىنداعى كەلەلى عىلىم - تەحنيكا نىساندارىن اتقارۋدى ۇسىندى.

  فىڭ چي باتىس سولتۇستىكتەگى ىشكى قۇرلىقتىق وڭىرلەردىڭ سۋ بايلىعىنىڭ حاۋىپسىزدىك جاعدايى مەن حاۋىپ - قاتەرىن باعالاۋ، كوپ سۋ قاينارىن اشۋ جانە ودان پايدالانۋدىڭ شەشۋشى تەحنيكاسى سياقتىلاردى تانىستىرىپ، اناعۇرلىم ۇلكەن ءوڭىردى تياناق ەتىپ، شينجياڭنىڭ سۋ بايلىعىن اشۋ جانە ودان پايدالانۋ، سۋ حاۋىپسىزدىگىن قامتاماسىز ەتۋ سياقتى ءتۇيىندى ماسەلەلەرگە تالداۋ جاساپ، زەرتتەۋ جۇرگىزىپ، سۋ بايلىعىن كوپ ولشەمدى سايكەستى ۇلەستىرۋ جانە حاۋىپسىزدىكتى قامتاماسىز ەتۋ جۇيەسى قۇرىلىسى سياقتىلار توڭىرەگىندە ۇسىنىس قويدى.

  يىن فيحۋ بۇكىل ەلدىڭ استىق - ماي حاۋىپسىزدىگى جاعدايىن كوزدە ۇستاي وتىرىپ، شينجياڭنىڭ استىق - ماي ءوندىرىسىنىڭ قازىرگى جاعدايىنا، كومەسكى كۇشىنە جانە ورىن تەۋىپ وتىرعان بوگەتتەرگە تالداۋ جاساپ، شينجياڭنىڭ اۋىل شارۋاشىلىعىندا سۋ ۇنەمدەۋ، سورتاڭ جەرلەردى كەشەندى جونگە سالۋ، استىق - ماي داقىلدارىنىڭ جاڭا سورتىن جەتىلدىرۋ، اۋىل شارۋاشىلىعى تەحنيكاسىن جالپىلاستىرۋعا قىزمەت وتەۋ جۇيەسى قۇرىلىسى سياقتى جاقتاردا جان - جاقتى كۇش سالىپ، استىق - مايدىڭ ءوندىرىس قۋاتىن ۇزدىكسىز جوعارىلاتۋدى ۇسىندى.

  دىڭ ميڭجياڭ قاتارلى اكادەميكتەر مەن ماماندار سورتاڭ جەرلەردى جونگە سالۋ، قۇنارلاندىرۋ، ەكولوگيالىق سۋ ۇنەمدەۋ، زەردەلى سۋ تورى قۇرىلىسى، ەكولوگيالىق اۋىل شارۋاشىلىعى جانە زەردەلى سۋارمالى ءوڭىر قۇرىلىسى سياقتىلار توڭىرەگىندە ءسوز سويلەپ، قىزمەت ۇسىنىستارىن ورتاعا قويدى.

  ما شيڭرۇي سوزىندە اۆتونوميالى رايوندىق پارتكوم، ۇكىمەت جانە بيڭتۋان اتىنان اڭگىمە ماجىلىسكە قاتىناسقان اكادەميكتەردى، مامانداردى قىزۋ قارسى الاتىندىعىن جانە ولارعا شىن جۇرەكتەن العىس ايتاتىندىعىن ءبىلدىردى. ول بىلاي دەدى: اكادەميكتەر مەن ماماندار شينجياڭنىڭ سۋ ىستەرىن باسقارىپ، سۋ ىستەرىن گۇلدەندىرۋدىڭ وي جەلىسى مەن شارالارىن بىرگە تالقىلاپ، كوپتەگەن قۇندى ۇسىنىس - پىكىرلەردى بەردى، ءبىز مۇقيات زەرتتەپ، تياناقتاندىرىپ، رايونىمىزدىڭ ءىشى - سىرتىنداعى جوعارى مەكتەپتەرمەن جانە عىلمي زەرتتەۋ مەكەمە - ورىندارىمەن بايلانىستى، سەلبەستىكتى كۇشەيتىپ، شينجياڭنىڭ سۋ ىستەرىن باسقارۋىنىڭ، سۋ ىستەرىن گۇلدەندىرۋىنىڭ تىڭ تاراۋىن بىرگە جازۋىمىز كەرەك.

  ما شيڭرۇي بىلاي دەپ اتاپ كورسەتتى: سۋ − شينجياڭنىڭ ەكونوميكالىق، قوعامدىق دامۋىنىڭ جان تامىرى. سۋ بايلىعىنان پايدالانۋ ونىمدىلىگى شينجياڭنىڭ دامۋ كەڭىستىگىنە تىكەلەي ىقپال جاسايدى. شينجياڭنىڭ سۋ يگىلىگى قىزمەتىن ويداعىداي ىستەپ، سۋ بايلىعىنىڭ ەڭ زور ونىمدىلىگىن ساۋلەلەندىرۋ، اسىرەسە، نازاردى مەملەكەتتىڭ جاڭا كەزەكتى 100 ميلليارد جىڭدىق استىق ءوندىرىس قۋاتىن جوعارىلاتۋ ارەكەتىنە شوعىرلاندىرىپ، سۋ يگىلىگىنىڭ تىرەگىن كۇشەيتىپ، شينجياڭنىڭ مەملەكەتتىڭ استىق حاۋىپسىزدىگىن قامتاماسىز ەتۋگە جانە ماڭىزدى اۋىل شارۋاشىلىق ونىمدەرىمەن قامداۋعا قوسقان ۇلەسىن جوعارىلاتۋ شۇعىل زەرتتەۋدى، شەشۋدى قاجەت ەتەتىن كەلەلى تاقىرىپ سانالادى. باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي ۇيرەنىپ، دايەكتىلەندىرىپ، سۋ ۇنەمدەۋدى الدىمەن ويلاستىرۋ، كەڭىستىكتەگى تەپە - تەڭدىك، جۇيەلى باسقارۋ، ەكى جاقتان كۇش سالۋ سىندى سۋ ىستەرىن باسقارۋ وي جەلىسىن جاپپاي تياناقتاندىرىپ، شينجياڭنىڭ سۋ يگىلىگىنىڭ دامۋىن عىلمي ءبىر تۇتاس جوسپارلاپ، سۋ بايلىعىن جوعارى ءونىمدى ۇلەستىرۋ جانە ودان ۇيلەسىمدى پايدالانۋ دەڭگەيىن ونان ارى جوعارىلاتۋ كەرەك. سۋ بايلىعىن شوعىرلى ءبىر تۇتاس باسقارۋدى كۇشەيتىپ، بۇكىل شينجياڭ ”ءبىر تۇتاس جۇيە“، بيڭتۋان مەن جەرگىلىكتى ورىن ”ءبىر تۇتاس جۇيە“ دەگەنگە تاباندى بولىپ، اۆتونوميالى رايوندىق سۋ بايلىعىن باسقارۋ كوميتەتىنىڭ رولىن تولىق ساۋلەلەندىرىپ، بۇكىل رايوننىڭ سۋ بايلىعىن ءبىر تۇتاس ورنالاستىرۋدى، باسقارۋدى كۇشەيتىپ، تاراۋلاردىڭ سايكەسۋىن جانە وڭىرلەردىڭ بىرلەسىپ ارەكەتتەنۋىن كۇشەيتىپ، سۋ بايلىعىن ۇلەستىرۋدىڭ جانە باسقارۋدىڭ ەگجەي - تەگجەيلىلەنۋگە، جۇيەلىلەنۋگە، زاڭمەن باسقارۋعا قاراي بۇرىلىس جاساۋىن ۇزدىكسىز ىلگەرىلەتۋ كەرەك. سۋ ۇنەمدەۋدى، سۋ ساقتاۋدى، سۋ جەتكىزۋدى ءبىر تۇتاس جوسپارلاپ، جەر بەتى سۋىنان تولىق پايدالانۋ، سۋ قويماسى سۋىن ساپالى ۇلەستىرۋ، جەر استى سۋىن ۇيلەسىمدى اشۋ سياقتى تالاپتاردى تياناقتاندىرىپ، وڭتۇستىك شينجياڭدى ءتۇيىن ەتكەن اۋىل شارۋاشىلىعىندا ىشكەرىلەي سۋ ۇنەمدەۋدى جاپپاي ىلگەرىلەتىپ، ءتۇيىندى سۋ يگىلىگى ينجەنەريا قۇرىلىستارىن جانە ونى باسقارۋدى كۇشەيتىپ، سۋ بايلىعىن رەتتەۋ، سۋ ساقتاۋ قابىلەتىن جوعارىلاتىپ، شينجياڭ سۋ تورىنىڭ نەگىزگى جۇلگەسىن بەلسەنە قۇرۋ كەرەك. سۋ يگىلىگى رەفورماسىندا جاڭالىق اشۋدى تەرەڭدەتىپ، سۋ يگىلىگىنە قارجى قوسۋ، قارجى قۇراۋ ءتۇزىلىس رەفورماسىن ىشكەرىلەي ىلگەرىلەتىپ، سۋ يگىلىگى، سۋ بازارى مەحانيزمىن اقاۋسىزداندىرىپ، سۋ باعاسىن قالىپتاستىرۋدىڭ عىلمي، ۇيلەسىمدى مەحانيزمىن ورناتىپ، سۋ يگىلىگى عىلىم - تەحنيكاسىندا جاڭالىق اشۋدى كۇشەيتىپ، زەردەلى سۋ يگىلىگى قۇرىلىسىن جەدەلدەتىپ، سۋ ىستەرىن باسقارۋ، سۋ ىستەرىن جونگە سالۋ قابىلەتىن جوعارىلاتۋ كەرەك. كەشەندى باسقارۋدى ۇزدىكسىز كۇشەيتىپ، سۋ بايلىعىن، سۋدىڭ قورشاعان ورتاسىن، سۋ ەكولوگياسىن باسقارۋدى ءبىر تۇتاس جوسپارلاپ ىلگەرىلەتىپ، وزەن - كولدەردى باسقارۋ، قورعاۋ دەڭگەيىن جاپپاي جوعارىلاتىپ، جەر استى سۋىنىڭ اشۋعا بولاتىن مولشەرىن تىزگىندەۋدىڭ تومەنگى شەگىن قاتاڭ ساقتاپ، سۋ - توپىراقتىڭ شايىلۋىنان ساقتانۋدى، قورعاۋدى جانە ءتۇيىندى باسقارۋدى كۇشەيتىپ، ادام مەن سۋدىڭ جاراسىمدى قاتار ءومىر ءسۇرۋىن جەبەۋ كەرەك. شىندىققا جۇگىنىپ ناقتى ىستەرمەن اينالىسىپ، شىنايى يگەرىپ، ناقتى ىستەپ، جۇيەلى ويلاۋدى، جالپى تۇلعالىق كوزقاراستى كۇشەيتىپ، شىندىقتى ءىس جۇزىنەن ىزدەۋگە، جەرگىلىكتى جاعدايعا قاراي ىستەۋگە تاباندى بولىپ، ىشكەرىلەي تەكسەرۋ - زەرتتەۋ جۇرگىزۋ ارقىلى جاعدايدى ءداپ باسىپ يگەرۋ، ماسەلەلەردى جەتە ءتۇسىنۋ ارقىلى شىنايى، جارامدى ءادىس، ناقتى شارا قولدانىپ، سۋ بايلىعىنان پايدالانۋداعى كورنەكتى ماسەلەلەردى شەشۋدى ىلگەرىلەتىپ، شينجياڭنىڭ جوعارى ساپالى دامۋىنا مىعىم تىرەك ازىرلەۋ كەرەك.

  چىن ۋيجۇن، ياڭ فاسىن، قادەن كابەن، شۋە بين، ءماردان مۇحيت، ليۋ شينجيان، اۆتونوميالى رايون مەن بيڭتۋاننىڭ قاتىستى تاراۋلارىنداعى جاۋاپتى جولداستار، قاتىستى جوعارى مەكتەپتەردىڭ، عىلمي زەرتتەۋ مەكەمە - ورىندارىنىڭ مامان - وقىمىستىلارى، ت . ب نەگىزگى جيىن زالىندا اڭگىمە ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا ءارقايسى ايماق، وبلىس، قالالارعا جانە بيڭتۋاننىڭ ءارقايسى شىلارىنا، قالالارىنا دەيىن اشىلدى.

جالعانىم



جاۋاپتى رەداكتورى: 沙衣力克