ما شيڭرۇي سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
نەگىزگى تاقىرىپتىق تاربيە ورىستەتۋمەن ۇشتاستىرىپ، كاسىپ سالاسى دامۋىنىڭ ساپاسىن، ونىمدىلىگىن جوعارىلاتىپ، شينجياڭنىڭ وسى زامانعى اۋىل شارۋاشىلىعىنىڭ جوعارى ساپالى دامۋىن جەدەل ىلگەرىلەتۋ كەرەك
4 - ايدىڭ 18 - كۇنى اۆتونوميالى رايوندىق پارتكومنىڭ شۋجيى ما شيڭرۇي سانجى حۇيزۋ اۆتونوميالى وبلىسىنا بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي سانجى يدا توقىماشىلىق شەكتى سەرىكتەستىگىندە كاسىپورىننىڭ ءوندىرىس - شارۋاشىلىق جۇرگىزۋى، ءوندىرىس حاۋىپسىزدىگى سياقتى احۋالدارىن جۇمىس باسىندا ۇعىسۋدا.
□ سۋرەتتى سۇن شۋەلياڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، ەرىكتى ءتىلشى سۇن شۋەلياڭ 4 - ايدىڭ 18 - كۇنى سانجىدان حابارلايدى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن تىڭعىلىقتى ورىستەتىپ، باس شۋجي شي جينپيڭنىڭ جوعارى ساپالى دامۋ جانە اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ تەكسەرۋ - زەرتتەۋدى بارىنشا ورىستەتۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرۋ ءۇشىن، اۆتونوميالى رايوندىق پارتكومنىڭ شۋجيى ما شيڭرۇي 4 - ايدىڭ 18 - كۇنى سانجى حۇيزۋ اۆتونوميالى وبلىسىنداعى قاتىستى كاسىپورىنداردى جانە عىلمي زەرتتەۋ ورىندارىن ىشكەرىلەي ارالاپ، ماقتا جانە توقىماشىلىق ونەركاسىبى، ەرەكشە اۋىل شارۋاشىلىعى، اۋىل شارۋاشىلىعى عىلىم - تەحنيكاسىندا جاڭالىق اشۋعا قاتىستى قىزمەتتەرگە سول جەردە تەكسەرۋ - زەرتتەۋ جۇرگىزىپ، احۋالدىڭ ءمان - جايىن انىقتاۋ، ماسەلەلەردى ءداپ باسىپ تابۋ ارقىلى كىلتەڭ ماسەلەلەردىڭ شەشىلۋىن جەبەپ، دامۋدىڭ ساپاسىن، ونىمدىلىگىن شىن مانىندە جوعارىلاتىپ، شينجياڭنىڭ وسى زامانعى اۋىل شارۋاشىلىعىنىڭ جوعارى ساپالى دامۋىن ىلگەرىلەتتى.
ما شيڭرۇي سانجى يدا توقىماشىلىق شەكتى سەرىكتەستىگىنە بارىپ، ءوندىرىس سەحىنا كىرىپ، كاسىپورىننىڭ ءوندىرىس - شارۋاشىلىق جۇرگىزۋ، ءوندىرىس حاۋىپسىزدىگى احۋالىن كورىپ، ءوندىرىس قۋاتى مەن ءونىم مولشەرىن، تەحنيكاسى مەن تەحنولوگياسىن، بازارداعى ساتىلىم مولشەرىن ۇعىسىپ، مىنانى باسا دارىپتەدى: شينجياڭنىڭ ماقتا جانە توقىماشىلىق، كيىم - كەشەك كاسىپ سالاسى شوعىرىن قۇرۋ ورايىن يگەرىپ، ءونىم، تەحنيكا، ۇلگى جاقتارىندا جاڭالىق اشۋدى ۇزدىكسىز كۇشەيتىپ، كاسىپورىننىڭ ساپانى جوعارىلاتىپ، ونىمدىلىكتى ارتتىرۋىن جانە تيبىن وزگەرتىپ، دارەجەسىن ءوسىرۋىن ىلگەرىلەتىپ، ەل ءىشى، حالىقارا بازارىن بەلسەنە اشىپ، ءوڭىردىڭ جوعارى ساپالى دامۋىندا اناعۇرلىم زور رول اتقارۋعا، اناعۇرلىم زور دامۋدى جۇزەگە اسىرۋعا قۇلشىنۋ كەرەك.
سانجىداعى پاميدور وڭدەۋگە قاتىستى كاسىپورىنعا بارعاندا، ما شيڭرۇي ءوندىرىس قۋاتى، جىنتىكتەي وڭدەۋ، شارۋالاردىڭ كىرىسىن ارتتىرۋىنا باستاماشىلدىق ەتۋ سياقتىلار جونىندە كاسىپورىن جاۋاپتىلارىمەن ەگجەي - تەگجەيلى پىكىرلەسىپ، ولاردى شينجياڭنىڭ ەرەكشە، باسىمدىققا يە پاميدور بايلىعىن تياناق ەتىپ، تەحنولوگيانى، تەحنيكانى ۇزدىكسىز جاقسارتىپ، كاسىپ سالاسى تىزبەگىن كۇش سالا ۇزارتىپ، ۇستەمە قۇنى مەن جالپىلىق ونىمدىلىگىن ۇزدىكسىز جوعارىلاتىپ، كاسىپورىننىڭ زورايۋىن، كۇشەيۋىن جۇزەگە اسىرىپ، مۇنان دا كوپ شارۋانىڭ كىرىستەرىن ارتتىرىپ بايۋىنا باستاماشىلدىق ەتۋگە جىگەرلەندىردى.
جۇڭگو اۋىل شارۋاشىلىعى عىلىم اكادەمياسى باتىس بولىك اۋىل شارۋاشىلىعىن زەرتتەۋ ورتالىعىندا ما شيڭرۇي قىزمەت تانىستىرۋىن تىڭداپ، قاتىستى جاۋاپتىلار مەن عىلمي زەرتتەۋ قىزمەتكەرلەرىنەن عىلمي زەرتتەۋ قىزمەتىنىڭ ورىستەتىلۋ، زەرتتەۋ جەتىستىكتەرىنىڭ كادەگە جاراتىلۋ احۋالىن ۇعىستى ءارى كوپشىلىكپەن اڭگىمەلەسىپ، پىكىرلەسىپ، كوپشىلىكتى شينجياڭنىڭ استىق - ماي، ماقتا، جەمىس - جيدەك جانە كوكونىس، مال شارۋاشىلىعى سياقتى ءتۇيىندى ەگىن، مال شارۋاشىلىعى بايلىعى مەن كاسىپ سالاسىن تىعىز ارقاۋ ەتىپ، عىلمي زەرتتەۋ قىزمەتىن ناقتى، ەگجەي - تەگجەيلى ىستەپ، اۋىل شارۋاشىلىعى ماشينا - جابدىقتارى، ءوندىرىس تەحنيكاسى سياقتى جاقتارداعى ءوندىرىستىڭ، وقىتۋدىڭ، زەرتتەۋدىڭ توعىسۋىن، ءتۇيىلىسۋىن كۇشەيتىپ، عىلمي زەرتتەۋ جەتىستىكتەرىن كادەگە جاراتۋ، قولدانۋ سەرپىنىن ارتتىرىپ، توڭىرەكتەگى ەلدەر سياقتىلارمەن حالىقارالىق اۋىس - كۇيىستى، سەلبەستىكتى تەرەڭدەتىپ، شينجياڭنىڭ وسى زامانعى اۋىل شارۋاشىلىعىن دامىتۋداعى ولقىلىقتاردى تولىقتاۋ، ەگىن، مال شارۋاشىلىعىنىڭ جوعارى ساپالى دامۋىن ىلگەرىلەتۋ ءۇشىن اناعۇرلىم زور ۇلەس قوسۋعا جىگەرلەندىردى.
ما شيڭرۇي تەكسەرۋ - زەرتتەۋ بارىسىندا مىنالاردى باسا دارىپتەدى: نەگىزگى تاقىرىپتىق تاربيە ورىستەتۋمەن تىعىز ۇشتاستىرىپ، شينجياڭنىڭ وسى زامانعى اۋىل شارۋاشىلىعىن دامىتۋداعى باسىمدىعىن، ورنىن جەتە تانىپ، اۋىل شارۋاشىلىعىندا قۋاتتى رايون قۇرۋ نىساناسىن كوزدەپ، ولقىلىقتاردى جەدەل تولىقتاپ، ساپانى، ونىمدىلىكتى ۇزدىكسىز جوعارىلاتىپ، شينجياڭنىڭ وسى زامانعى اۋىل شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك. اۋىل شارۋاشىلىعىنىڭ وسىزاماندانۋىن جەدەل ىلگەرىلەتىپ، ”8 ءىرى كاسىپ سالاسى شوعىرى“ قۇرىلىسىن ارقاۋ ەتىپ، ەرەكشە، باسىمدىققا يە اۋىل شارۋاشىلىعىنىڭ كولەمدەنە، كاسىپ سالالانا، بازارلانا دامۋ دەڭگەيىن ۇزدىكسىز جوعارىلاتىپ، شينجياڭنىڭ وسى زامانعى اۋىل شارۋاشىلىعىن كۇشەيتىپ، ساپالىلاندىرىپ، زورايتىپ، استىق جانە ماڭىزدى اۋىل شارۋاشىلىعى ونىمدەرىمەن قامداۋدى قامتاماسىزداندىرۋ قابىلەتىن ورنىقتى جوعارىلاتىپ، مەملەكەتتىڭ استىق حاۋىپسىزدىگىن قامتاماسىزداندىرۋعا اناعۇرلىم كوپ ۇلەس قوسۋ كەرەك. دامۋعا جاڭالىق اشۋ ارقىلى دەم بەرۋدى كۇشەيتىپ، كاسىپ سالاسى دامۋىنىڭ قاجەتىمەن تىعىز بايلانىستىرىپ، عىلمي زەرتتەۋدىڭ ساياسات، تۇعىر، دارىندى سياقتى جاقتارداعى تىرەگىن كۇشەيتىپ، كاسىپورىنداردى نەگىزگى تۇلعا ەتكەن، بازاردى بەتالىس ەتكەن، ءوندىرىس، وقىتۋ، زەرتتەۋ تەرەڭ توعىستىرىلعان تەحنيكالىق جاڭالىق اشۋ جۇيەسىن جەدەل قالىپتاستىرىپ، اۋىل شارۋاشىلىعىنداعى شەشۋشى، وزەكتى تەحنيكالاردان قامال الۋدى جەتەكشى ەتىپ، بوگەتتى، شەكتەۋدى ۇزدىكسىز بۇزىپ، اۋىل شارۋاشىلىعىنىڭ وسىزاماندانۋىنا پارمەندى عىلىم - تەحنيكالىق تىرەك ازىرلەۋ كەرەك. تۇتاس كاسىپ سالاسى تىزبەگىنىڭ دەڭگەيىن ۇزدىكسىز جوعارىلاتىپ، نازاردى كاسىپ سالاسى نەگىزىنىڭ جوعارى دارەجەلىلەنۋىنە، كاسىپ سالاسى تىزبەگىنىڭ وسىزاماندانۋىنا شوعىرلاندىرىپ، اۋىل شارۋاشىلىعى كاسىپ سالاسى تىزبەگىن بەلسەنە ۇزارتىپ جانە كەڭەيتىپ، جەتەكشى كاسىپورىنداردى جەتىلدىرىپ، زورايتىپ، كاسىپ سالالارىنىڭ قۇنىن ارتتىرۋ، ونىمدىلىگىن جوعارىلاتۋ ءورىسىن كەڭەيتىپ، شينجياڭنىڭ وسى زامانعى اۋىل شارۋاشىلىعى فورماتسياسىنىڭ اناعۇرلىم جوعارى دارەجەلى، باسىمدىعىنىڭ اناعۇرلىم ايقىن، ەرەكشەلىگىنىڭ اناعۇرلىم كورنەكتى بولۋىن ىلگەرىلەتۋ كەرەك. ءونىمدى تۇردە جۇمىستانۋعا باستاماشىلدىق ەتىپ، كىرىستى ارتتىرۋدى جەبەپ، اۋىل شارۋاشىلىعى كاسىپ سالاسىندا شارۋالارمەن بىرلەسۋ، شارۋالاردى جەتەكتەۋ، شارۋالاردى بايىتۋ ءتاسىلى مەن جولىن ۇزدىكسىز كەمەلدەندىرىپ، كەڭەيتىپ، شارۋالاردى اۋىل شارۋاشىلىعى كاسىپ سالاسى تىزبەگىنە، قۇن تىزبەگىنە ءتىپتى دە كوبىرەك ات سالىسۋعا جەتەكتەپ، كاسىپ سالاسىنىڭ قۇنىن ارتتىرۋ پايداسىنان ءتىپتى دە كوبىرەك يگىلىكتەندىرىپ، كىرىسىن ۇزدىكسىز ورنىقتى ارتتىرۋ كەرەك.
قادەن كابەن قاتارلىلار تەكسەرۋ - زەرتتەۋگە قاتىناستى.