5 - ايدىڭ 18 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شانشي ولكەسىنىڭ شي - ان قالاسىنداعى داتاڭ فۋرۇڭ باقشاسىندا جۇڭگو − ورتا ازيا باسشىلار ماجىلىسىنە قاتىناساتىن ورتا ازيا ەلدەرى مەملەكەت باسشىلارى مەن ولاردىڭ حانىمدارىنا ارناپ قارسى الۋ سالتىن وتكىزدى جانە قارسى الۋ قوناعاسىن بەردى. قوناعاسىدان كەيىن شي جينپيڭ مەن حانىمى سيلى قوناقتارمەن بىرگە جۇڭگو مەن ورتا ازيا ەلدەرى حالىقتارىنىڭ مادەنيەت - كوركەمونەر جىلى جانە جۇڭگو − ورتا ازيا جاستار كوركەمونەر فەستيۆالىنىڭ باستالۋ سالتىنداعى كونسەرتتى تاماشالادى. سۋرەتتە: شي جينپيڭ قارسى الۋ ءسوزىن سويلەپ، جۇڭگو ۇكىمەتى مەن جۇڭگو حالقى اتىنان ورتا ازياداعى ءار ەلدىڭ مەملەكەت باسشىلارىن قىزۋ قارسى الدى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

　　　　5 - ايدىڭ 18 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شانشي ولكەسىنىڭ شي - ان قالاسىنداعى داتاڭ فۋرۇڭ باقشاسىندا جۇڭگو − ورتا ازيا باسشىلار ماجىلىسىنە قاتىناساتىن ورتا ازيا ەلدەرى مەملەكەت باسشىلارى مەن ولاردىڭ حانىمدارىنا ارناپ قارسى الۋ سالتىن وتكىزدى جانە قارسى الۋ قوناعاسىن بەردى. قوناعاسىدان كەيىن شي جينپيڭ مەن حانىمى سيلى قوناقتارمەن بىرگە جۇڭگو مەن ورتا ازيا ەلدەرى حالىقتارىنىڭ مادەنيەت - كوركەمونەر جىلى جانە جۇڭگو − ورتا ازيا جاستار كوركەمونەر فەستيۆالىنىڭ باستالۋ سالتىنداعى كونسەرتتى تاماشالادى. سۋرەتتە: شي جينپيڭ مەن حانىمى زىيۇن سارايىنىڭ الدىندا سيلى قوناقتارمەن بىرگە سۋرەتكە ءتۇسىپ ەستەلىك قالدىردى.

□ سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

　　شينحۋا اگەنتتىگىنىڭ 5 - ايدىڭ 18 - كۇنى شي - اننان بەرگەن حابارى (تىلشىلەر ۋىن شين، ساي شين - ي). 5 - ايدىڭ 18 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شانشي ولكەسىنىڭ شي - ان قالاسىنداعى داتاڭ فۋرۇڭ باقشاسىندا جۇڭگو − ورتا ازيا باسشىلار ماجىلىسىنە قاتىناساتىن ورتا ازيا ەلدەرى مەملەكەت باسشىلارى مەن ولاردىڭ حانىمدارىنا ارناپ قارسى الۋ سالتىن وتكىزدى جانە قارسى الۋ قوناعاسىن بەردى.

　　جاز باسى، بارشا گۇل شەشەك اتىپ قۇلپىرعان شاق. كەشكى ساتتەگى داتاڭ فۋرۇڭ باقشاسى عيماراتتار كوككە بوي سوزىپ، الۋان ءتۇرلى شىراقتار جايناپ، اسەم تۇسكە ەنگەن.

　　قازاقستان زۇڭتۇڭى توقايەۆ، قىرعىزستان زۇڭتۇڭى جاپاروۆ جانە حانىمى جاپاروۆا، تاجىكستان زۇڭتۇڭى راحمون، تۇركمەنستان زۇڭتۇڭى بەردىمۇحامەدوۆ، وزبەكستان زۇڭتۇڭى ميرزيويەۆ جانە حانىمى ميرزيويەۆا ىركەس - تىركەس جەتىپ كەلدى.

　　شي جينپيڭ مەن حانىمى زىيۇن سارايىنىڭ الدىندا سيلى قوناقتارمەن شىن ىقىلاسپەن قول الىسىپ، ءوزارا اماندىق سۇراستى ءارى سۋرەتكە ءتۇسىپ ەستەلىك قالدىردى.

　　شي جينپيڭ مەن حانىمى سيلى قوناقتارعا ارناپ تاڭ پاتشالىعىنىڭ ءداستۇرلى قوناق قارسى الۋ سالتىن وتكىزدى. زىيۇن سارايىنىڭ الدىندا قۇرمەت مۋزيكاسى ورىندالىپ، ويناقى دا ەكپىندى بايىرعى زامان قاتار ءبيى، كوزدىڭ جاۋىن الاتىن اسەم شامگۇل ءبيى بيلەنىپ، بايىرعى استانا شي - ان حالقىنىڭ اشىق - جارقىن قوناعۋارلىعى كورسەتىلىپ، جۇڭحۋا مادەنيەتىنىڭ بارلىعىن قابىلدايتىن رۋحاني بەت - بەينەسى ايگىلەندى.

　　شي جينپيڭ مەن پىڭ لييۋان سيلى قوناقتارمەن بىرگە يۋانگۇڭمىنعا بارىپ، قارسى الۋ قوناعاسىن وتكىزدى.

　　شي جينپيڭ قارسى الۋ ءسوزىن سويلەپ، جۇڭگو ۇكىمەتى مەن جۇڭگو حالقى اتىنان ورتا ازياداعى ءار ەلدىڭ مەملەكەت باسشىلارىن قىزۋ قارسى الدى. شي جينپيڭ بىلاي دەپ اتاپ كورسەتتى: شانشي − بايىرعى جىبەك جولىنىڭ شىعىستاعى باستالعان جەرى، ول جۇڭگونىڭ ورتا ازيا ەلدەرىمەن 2000 جىلدان استام تەرەڭ دوستىعىنىڭ كۋاسى. سان عاسىردان بەرى جۇڭگو ورتا ازياداعى حالىقتارمەن بىرگە ءبىرىنىڭ جوعىن ءبىرى تولىقتاپ، ءوزارا ۇيرەنىپ، ءوزارا ۇلگى الىپ، بايىرعى جىبەك جولىنىڭ نۇر - شۇعىلاسىن جاراتىپ، ادامزات وركەنيەتى اۋىس - كۇيىس تاريحىنىڭ ايشىقتى پاراعىن جازدى. جۇڭگو ورتا ازياداعى ەلدەرمەن ديپلوماتيالىق قارىم - قاتىناس ورناتقاننان بەرى ەرەكشە بارىستى باستان كەشىرىپ، دۇنيە ءجۇزىن جالت قاراتارلىقتاي تابىستارعا قول جەتكىزدى. مەيلى حالىقارالىق اۋقىم قالاي وزگەرسە دە، ءبىز قاشاندا ءوزارا قۇرمەت ەتىپ، تاتۋ كورشى، دوس بولىپ، تار جول، تايعاق كەشۋدەن بىرگە ءوتىپ، ءوزارا تيىمدىلىك جەتكىزىپ، تەڭ يگىلىككە كەنەلىپ، مەملەكەتتەر ارا قارىم - قاتىناستا تاتۋ كورشى، دوستان ستراتەگيالىق سەرىكتەسكە، ودان تاعدىرلاس ورتاق تۇلعاعا اينالعان تاريحي سەكىرۋدى جۇزەگە اسىرىپ، ءوڭىردىڭ بەيبىتشىلىگى مەن دامۋىنا وڭ ەنەرگيا ۇستەۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ ۇلەستەر قوستىق.

　　شي جينپيڭ بىلاي دەپ باسا دارىپتەدى: جۇڭگو مەن ورتا ازيانىڭ سەلبەستىگىن تەرەڭدەتۋ − ءبىز وسى ۇرپاق باسشىلاردىڭ بولاشاقتى كوزدەي وتىرىپ جاساعان ستراتەگيالىق تاڭداۋى، ول دۇنيە ءجۇزىنىڭ ۇلكەن اۋقىمىنا سايكەسەدى، حالىقتىڭ تىلەگىنە ۇيلەسەدى. ءبىزدىڭ ورتاق قۇلشىنۋىمىزدىڭ ارقاسىندا، ەرتەڭگى باسشىلار ءماجىلىسىنىڭ، ءسوز جوق، تولىق تابىستى بولاتىندىعىنا، جۇڭگو مەن ورتا ازيا قارىم - قاتىناسىنىڭ جاڭا ءداۋىرىن اشاتىندىعىنا سەنەمىن. ءبىز ورتا ازيا ەلدەرىنىڭ جۇڭگونىڭ دامۋ جۇردەك پويەزىنە شىعىپ، جۇڭگو - ورتا ازيا سەلبەستىگىنىڭ اناعۇرلىم كوركەم بولاشاعىن بىرگە جاراتۋىن شىن ىقىلاسپەن قارسى الامىز.

　　قوناعاسىدان كەيىن شي جينپيڭ مەن حانىمى سيلى قوناقتارمەن بىرگە جۇڭگو مەن ورتا ازيا ەلدەرى حالىقتارىنىڭ مادەنيەت - كوركەمونەر جىلى جانە جۇڭگو − ورتا ازيا جاستار كوركەمونەر فەستيۆالىنىڭ باستالۋ سالتىنىڭ كونسەرتىن تاماشالادى.

　　كونسەرت 13 پاتشالىقتىڭ بايىرعى استاناسىنىڭ كەلبەتىن جانە جىبەك جولىنىڭ ۇندەستىگىن ايگىلەپ، مىڭ شاقىرىمعا سوزىلعان چينليڭنىڭ تۇنىق سۋ، جاسىل تاۋلارىن جانە حالىقتىڭ باقىتتى تۇرمىسقا تالپىنىسىن بەينەلەدى. جۇڭگو مەن ورتا ازياداعى 5 ەلدەن كەلگەن انشىلەر «كوركەمدىكتى ءبولىسۋ» اتتى نەگىزگى ارقاۋ ءاندى بىرگە شىرقاپ، ءار ەلدىڭ مەملەكەت باسشىلارىنىڭ، ولاردىڭ حانىمدارىنىڭ جانە سول اراداعى كورەرمەندەردىڭ دۋ قول شاپالاعىنا يە بولدى.

　　ساي چي، ۋاڭ ي، چين گاڭ قاتالىلار جوعارىدا اتالعان قيمىلدارعا قاتىناستى.

جالعانىم