ەركىن تۇنياز ءۇرىمجى قالاسىندا جانە سانجى وبلىسىنىڭ ماناس اۋدانىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
دامۋ جەتىستىكتەرىنىڭ حالىق تۇرمىسىنا اناعۇرلىم كوپ تيىمدىلىك جاساۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 5 - ايدىڭ 21 - كۇنى ماناستان حابارلايدى. 5 - ايدىڭ 17 - كۇنىنەن 21 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز حابارلاندىرۋ شىعارماۋ، قۇلاق قاعىس ەتپەۋ، مالىمەت تىڭداماۋ، جول سەرىك ەرتپەۋ جانە كۇتىپ الۋعا قاراماۋ، نەگىزگى ساتىعا، جۇمىس باسىنا توتە بارۋ تاسىلىمەن ءۇرىمجى قالاسىندا جانە سانجى حۇيزۋ اۆتونوميالى وبلىسىنىڭ ماناس اۋدانىندا جۇمىستاندىرۋ، بازار قامداۋى جانە زات باعاسى، مەكتەپكە دەيىنگى تاربيە، الەۋمەتتىك اۋماقتاردا قارتتاردى كۇتىمدەۋ، ءجۇزىم شارابى كاسىپ سالاسى، اۋىل - قىستاقتى گۇلدەندىرۋ سياقتى قىزمەتتەر جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ جۋىقتاعى نەگىزگى تاقىرىپتىق تاربيە جونىندەگى ماڭىزدى ءسوزىنىڭ رۋحى مەن تەكسەرۋ - زەرتتەۋ جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، نەگىزگى تاقىرىپتىق تاربيەنىڭ ءتۇبىرلى مىندەتىن، باس تالابىن جانە ناقتى نىساناسىن مىقتاپ يگەرىپ، ءبىر جاعىنان، تەكسەرىپ - زەرتتەۋدى، ءبىر جاعىنان، قاداعالاۋدى، ءبىر جاعىنان، رەتتەپ - تۇزەتۋدى باستان - اياق ءسىڭىرىپ، دامۋ جەتىستىكتەرىنىڭ حالىق تۇرمىسىنا اناعۇرلىم كوپ تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتۋ كەرەك.
ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىندە، اۆتونوميالى رايوندىق الەۋمەتتىك جۇمىستاندىرۋ بويىنشا قىزمەت وتەۋ ورتالىعىندا ەركىن تۇنياز ساياسات ۇگىتتەۋ، كاسىپ تانىستىرۋ، تەحنيكالىق شەبەرلىككە باۋلۋ، دارىندىلارعا قىزمەت وتەۋ سياقتى قىزمەتتەردىڭ ورىستەتىلۋ احۋالىن ەگجەي - تەگجەيلى ۇعىسىپ، اناعۇرلىم كوپ جۇمىستاندىرۋ بويىنشا قىزمەت وتەۋ تۇعىرىن قۇرىپ، جۇمىستاندىرۋ ساياساتتارىن ناقتى، ەگجەي - تەگجەيلى تياناقتاندىرۋ كەرەكتىگىن باسا دارىپتەدى. ءۇرىمجى قالاسىنىڭ شۇيموگوۋ رايونىنداعى جاۋ - ىن بالاباقشاسىندا بالاباقشانىڭ جالپى تۇلعالىق جوبا ورنالاستىرۋى، وقىتۋشىلار قوسىنى قۇرىلىسى سياقتىلاردى ەگجەي - تەگجەيلى ۇعىسىپ، بالاباقشا وقىتۋىن جۇرگىزۋ دەڭگەيىن ۇزدىكسىز جوعارىلاتىپ، اناعۇرلىم كوپ بالانىڭ بالاباقشاعا كىرۋ قاجەتىن قاناعاتتاندىرۋ كەرەكتىگىن اتاپ كورسەتتى.
تەكسەرۋ - زەرتتەۋ بارىسىندا ەركىن تۇنياز كوشەدەگى تاپسىرىسپەن تاماق جەتكىزۋشىلەرمەن اڭگىمەلەستى. چاڭچيڭ اۋىل شارۋاشىلىعى جانە قوسىمشا كاسىپ ونىمدەرى بازارىندا ەركىن تۇنياز بىلاي دەپ اتاپ كورسەتتى: باعانى قاداعالاۋدى ۇزدىكسىز كۇشەيتىپ، بازار باعاسىنىڭ ورنىقتىلىعىنا شىنايى كەپىلدىك ەتۋ كەرەك. اۋىل شارۋاشىلىعى قوسىمشا ونىمدەرىن ءوندىرۋ مەن ساتۋدى ءتۇيىلىستىرۋ قىزمەت سەرپىنىن ارتتىرىپ، بۇقارانىڭ اناعۇرلىم الاڭسىز ازىق - تۇلىك ساتىپ الۋىنا مۇمكىندىك جاساۋ كەرەك.
ءۇرىمجى قالاسى تيانشان رايونى باقىت جولى الەۋمەتتىك اۋماعىنىڭ شيپاحاناسىندا ەركىن تۇنياز الەۋمەتتىك اۋماقتىڭ قارتتاردى كۇتىمدەۋ جاعدايىن ەگجەي - تەگجەيلى ۇعىستى ءارى پىكىرلەردى، تىلەك - تالاپتاردى تىڭداپ، سول جەردە جۇمىس جۇرگىزىپ، ماسەلەلەردى شەشتى. ول بىلاي دەپ اتاپ كورسەتتى: ەمدەۋ، كۇتىمدەۋ ساپاسىن ونان ارى جوعارىلاتىپ، ەمدەۋ مەن كۇتىمدەۋدى ۇشتاستىرعان اناعۇرلىم جوعارى ءونىمدى، قولايلى قىزمەت وتەۋ ۇلگىسىن قاراستىرىپ، قارتتاردىڭ اقاۋسىز كۇتىمدەلۋ قاجەتىن قاناعاتتاندىرۋ كەرەك.
ماناس اۋدانىنداعى شينجياڭ جۇڭشين گو - ان ءجۇزىم شارابى كاسىبى شەكتى سەرىكتەستىگىندە ەركىن تۇنياز كاسىپ سالاسىنىڭ دامۋ احۋالىن ىشكەرىلەي ۇعىستى. ماناس يۋان - ي شارۋاشىلىق شەكتى سەرىكتەستىگى، شينجياڭ جۇڭنىڭ ۋانيۋان حيميا ونەركاسىپ شەكتى سەرىكتەستىگى، شينجياڭ شينليانشين ەنەرگيا حيميا ونەركاسىپ شەكتى سەرىكتەستىگى سياقتى كاسىپورىنداردا عىلىم - تەحنيكادا جاڭالىق اشۋدى كۇشەيتىپ، ساۋدا ارقىلى ساۋداگەر شاقىرۋدى، كاسىپ سالاسى ارقىلى ساۋداگەر شاقىرۋدى نىعايتۋ كەرەكتىگىن باسا دارىپتەدى. ەركىن تۇنياز تاعى ماناس اۋدانىنىڭ سيفرلى اۋىل شارۋاشىلىعى پراكتيكالىق دايىندىق بازاسى، شينجياڭ اۋىل شارۋاشىلىق اكادەمياسى ماناس اۋىل شارۋاشىلىق تاجىريبە پۋنكتى، ”سيفرلى حاڭماي ءبيدايى“ ەگىمشىلىك بازاسى سياقتىلارعا باردى ءارى قىستاق پارتيا ۇيىمى شۋجيلەرىمەن پىكىر اۋىستىرىپ، بۇقارانى ارالاپ، ولاردان حال سۇرادى.
ەركىن تۇنياز تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: اۆتونوميالى رايوننىڭ حالىق تۇرمىسىنا قاتىستى 10 ناقتى ءىسىن تىڭعىلىقتى ىلگەرىلەتىپ، جۇمىستاندىرۋدى قاشاندا كورنەكتى ورىنعا قويىپ، جۇمىستانۋ جاعدايىن قاداعالاۋدى، وعان تالداۋ جاساۋدى كۇشەيتىپ، جوعارى مەكتەپتەردەن وقۋ تاۋىسقان وقۋشىلار، قوسىننان شەگىنگەن اسكەريلەر، شارۋا جۇمىسكەرلەر سياقتى ءتۇيىندى قاۋىمدى جۇمىستاندىرۋ قىزمەتىن شىن مانىندە ويداعىداي ىستەۋ كەرەك. مەكتەپكە دەيىنگى تاربيەنىڭ الەۋمەتتىك يگىلىك، جالپىعا ءتيىمدى بولۋ سىندى دامۋ بەتالىسىنا تاباندى بولىپ، ۇكىمەت باسقارۋىنداعى بالاباقشادان ءبىر توبىن جەدەل قۇرىپ، بالاباقشا قۇرىلىسىنىڭ عىلميلانۋىن، ولشەمدەنۋىن، ارناعا ءتۇسۋىن ىلگەرىلەتۋ كەرەك. وسى زامانعى اۋىل شارۋاشىلىعىنىڭ جوعارى ساپالى دامۋىن ىلگەرىلەتىپ، باستاماشى كاسىپورىنداردى جەتىلدىرىپ، زورايتىپ، عىلىم - تەحنيكانىڭ تىرەكتىك قۋاتىن جوعارىلاتىپ، زەردەلى اۋىل شارۋاشىلىعىن جوعارى ولشەممەن دامىتىپ، ساپالى اۋىل شارۋاشىلىق ونىمدەرىنىڭ ءوز جەرىندە كادەگە جاراۋ سالىستىرماسىن ۇزدىكسىز جوعارىلاتۋ كەرەك. نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن تولىق ساۋلەلەندىرىپ، ءبىر توپ اۋىل - قىستاق نەگىزگى ساتى پارتيا ۇيىمدارى باستاۋشىلارىن جەتىلدىرۋ كەرەك. ەكونوميكالىق دامۋ مەن ەكولوگيالىق ورتانى قورعاۋدى ءبىر تۇتاس جوسپارلاپ، ءوندىرىس حاۋىپسىزدىگى جاۋاپكەرشىلىگىن ناقتىلاندىرىپ، جوعارى ساپالى دامۋعا بەرىك قامتاماسىزدىق ازىرلەۋ كەرەك.