شي جينپيڭ جاۋاپ حات قايتارىپ، اۋمىن عىلىم - تەحنيكا داشۋەسىندەگى وقىتۋشى - وقۋشىلاردى ىنتالاندىردى
جاۋاپ حات
اۋمىن عىلىم - تەحنيكا داشۋەسىندەگى وقىتۋشى - وقۋشىلار:
سالەمەتسىزدەر مە! حاتتارىڭىزدى تاپسىرىپ الدىم. ءسوز - سويلەمدەرىڭىزدەن سىزدەردىڭ مەملەكەتتىڭ عىلىم - تەحنيكا ىستەرىنە جانە عارىش ىستەرىندە قۋاتتى ەل قۇرۋعا ات سالىسۋ قىزۋ ىنتالارىڭىز بەن جاۋاپكەرشىلىكتەرىڭىزدى سەزىندىم. سىزدەردىڭ ات سالىسۋلارىڭىزبەن زەرتتەپ جاسالعان ”اۋمىن عىلىم 1 - ءنومىرلى“ جاساندى سەرىكتىڭ ءساتتى ۇشىرىلعاندىعىن ەستىپ قۋاندىم، كوپشىلىكتى قىزۋ قۇتتىقتايمىن!
جاقىنعى جىلداردان بەرى اۋمىن ىشكى وڭىرلەرمەن عارىش سياقتى سالالارداعى عىلىم - تەحنيكا سەلبەستىگىن تەرەڭدەتىپ، قۋانارلىق جەتىستىكتەرگە قول جەتكىزدى. دۇنيە جۇزىندەگى عىلىم - تەحنيكادا قۋاتتى ەل قۇرۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ اۋمىنداعى جوعارى مەكتەپتەرگە، اۋمىنداعى عىلىم - تەحنيكا قىزمەتكەرلەرىنە اناعۇرلىم كەڭ دامۋ ءورىسىن ازىرلەدى. سىزدەردىڭ وتاندى ءسۇيۋ، اۋمىندى ءسۇيۋ تاڭداۋلى ءداستۇرىن ۇزدىكسىز جالعاستىرىپ، مەملەكەتتىڭ دامۋ كەلەلى جاعدايىمەن بەلسەنە توعىسىپ، گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىنا بەلسەنە ات سالىسىپ، اۋمىن ەكونوميكاسىنىڭ ۇيلەسىمدى، كوپ نەگىزدى دامۋىنا دەم بەرىپ، ”ءبىر ەل، ەكى ءتۇزىمنىڭ“ اۋمىنداعى تابىستى امالياتى جولىندا تىڭ ۇلەس قوسۋلارىڭىزدى ءۇمىت ەتەمىن.
شي جينپيڭ
2023 - جىلى 5 - ايدىڭ 23 - كۇنى
(شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 23 - كۇنى ”اۋمىن عىلىم 1 - ءنومىرلى“ جاساندى سەرىگىن زەرتتەپ جاساۋعا ات سالىسقان اۋمىن عىلىم - تەحنيكا داشۋەسىندەگى وقىتۋشى - وقۋشى ۋاكىلدەرىنە جاۋاپ حات قايتارىپ، ولاردى شىن ىقىلاسپەن ىنتالاندىردى.
شي جينپيڭ جاۋاپ حاتىندا بىلاي دەدى: ءسوز - سويلەمدەرىڭىزدەن سىزدەردىڭ مەملەكەتتىڭ عىلىم - تەحنيكا ىستەرىنە جانە عارىش ىستەرىندە قۋاتتى ەل قۇرۋعا ات سالىسۋ قىزۋ ىنتالارىڭىز بەن جاۋاپكەرشىلىكتەرىڭىزدى سەزىندىم. سىزدەردىڭ ات سالىسۋلارىڭىزبەن زەرتتەپ جاسالعان ”اۋمىن عىلىم 1 - ءنومىرلى“ جاساندى سەرىكتىڭ ءساتتى ۇشىرىلعاندىعىن ەستىپ قۋاندىم، كوپشىلىكتى قىزۋ قۇتتىقتايمىن!
شي جينپيڭ بىلاي دەپ اتاپ كورسەتتى: جاقىنعى جىلداردان بەرى اۋمىن ىشكى وڭىرلەرمەن عارىش سياقتى سالالارداعى عىلىم - تەحنيكا سەلبەستىگىن تەرەڭدەتىپ، قۋانارلىق جەتىستىكتەرگە قول جەتكىزدى. دۇنيە جۇزىندەگى عىلىم - تەحنيكادا قۋاتتى ەل قۇرۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ اۋمىنداعى جوعارى مەكتەپتەرگە، اۋمىنداعى عىلىم - تەحنيكا قىزمەتكەرلەرىنە اناعۇرلىم كەڭ دامۋ ءورىسىن ازىرلەدى. سىزدەردىڭ وتاندى ءسۇيۋ، اۋمىندى ءسۇيۋ تاڭداۋلى ءداستۇرىن ۇزدىكسىز جالعاستىرىپ، مەملەكەتتىڭ دامۋ كەلەلى جاعدايىمەن بەلسەنە توعىسىپ، گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىنا بەلسەنە ات سالىسىپ، اۋمىن ەكونوميكاسىنىڭ ۇيلەسىمدى، كوپ نەگىزدى دامۋىنا دەم بەرىپ، ”ءبىر ەل، ەكى ءتۇزىمنىڭ“ اۋمىنداعى تابىستى امالياتى جولىندا تىڭ ۇلەس قوسۋلارىڭىزدى ءۇمىت ەتەمىن.
”اۋمىن عىلىم 1 - ءنومىرلى“ جاساندى سەرىگى − ىشكى وڭىرلەر مەن اۋمىن سەلبەسىپ زەرتتەپ جاساعان تۇڭعىش كەڭىستىك عىلمي جاساندى سەرىگى، نەگىزىنەن، جەر شارىنىڭ ماگنيت ءورىسىن بارلاۋعا جانە زەرتتەۋگە قولدانىلادى، 5 - ايدىڭ 21 - كۇنى جيۋچۋان جاساندى سەرىك ۇشىرۋ ورتالىعىندا ءساتتى ۇشىرىلدى. جاساندى سەرىكتى زەرتتەپ جاساۋعا ات سالىسقان اۋمىن عىلىم - تەحنيكا داشۋەسىندەگى وقىتۋشى - وقۋشىلاردىڭ 18 ۋاكىلى ءتوراعا شي جينپيڭگە حات جازىپ، جاساندى سەرىكتىڭ ءساتتى ۇشىرىلعاندىعى جونىندەگى قۋانىشتى حاباردى جانە جاساندى سەرىكتى زەرتتەپ جاساۋ قىزمەتىنە ات سالىسۋ اسەرلەرىن مالىمدەپ، وتاننىڭ عىلمي زەرتتەۋ قۇرىلىسىنا بەلسەندىلىكپەن ات سالىسۋ ارماندارى مەن بەكىمدەرىن بىلدىرگەن.