قادەن كابەن شينجياڭ 2 - مەديتسينا شۋەيۋانىندا يدەيا - ساياسي ساباعىن ءوتتى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا جاستىق كۇش - قۋاتتى ارناۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ، ەرىكتى ءتىلشى لوۋ لين - ي 5 - ايدىڭ 28 - كۇنى قارامايلىدان حابارلايدى. اۆتونوميالى رايوندىق پارتكومنىڭ تۇراقتى مۇشەسى، باس حاتشى قادەن كابەن 5 - ايدىڭ 28 - كۇنى شينجياڭ 2 - مەديتسينا شۋەيۋانىنا بارىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋدى، پارتيا 20 - قۇرىلتايىنىڭ رۋحىن جاپپاي دايەكتىلەندىرۋدى ارقاۋ ەتىپ، ”جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي ۇيرەنىپ، جاڭا جورىقتا شينجياڭنىڭ وسىزاماندانۋ امالياتىنا كوپتەپ ۇلەس قوسىپ، جاستىقتىڭ تەڭدەسسىز كوركەم تاراۋىن جازايىق“ دەگەن تاقىرىپتا ءار ۇلت وقىتۋشى - وقۋشىلارىنا يدەيا - ساياسي ساباعىن ءوتىپ، كوپشىلىكتى جۇڭحۋا ۇلتىنىڭ ۇلى گۇلدەنۋى جولىندا جاستىق كۇش - قۋاتتى ارناۋعا ۇندەدى.
قادەن كابەن ساباق وتكەندە باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنۋمەن، دايەكتىلەندىرۋمەن جانە شينجياڭ قىزمەتىنىڭ امالياتىمەن تىعىز ۇشتاستىرىپ، ەل ءىشى - سىرتىنداعى دامۋ جاعدايىنا تالداۋ جاساپ، شينجياڭنىڭ قازىرگى دامۋ جاعدايى مەن ءدوپ كەلگەن تاريحي ورايىن بايىمداپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولۋدى، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋدى ءتۇيىن ەتە وتىرىپ جاندى تۇسىنىك جاسادى.
قادەن كابەن بىلاي دەپ اتاپ كورسەتتى: قازىر شينجياڭ جوعارى ساپالى دامۋدى ىلگەرىلەتۋدىڭ شەشۋشى كەزەڭىندە تۇر. قالىڭ جاستاردىڭ ساياسي ساپانى كۇشەيتىپ، زاڭمەن باسقارۋ تانىمىن جوعارىلاتىپ، ءومىر بويى ۇيرەنۋ ۇستانىمىن بەرىك ورناتىپ، ىرىقتى تۇردە قوعامعا ۇيلەسىپ، قوعامعا ارالاسىپ، قوعامعا تامىر تارتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىن سانالىلىقپەن قورعاپ، ۇلكەن ىسكە جارامدى، اۋىر مىندەت ارقالاي الاتىن كورىكتى شينجياڭنىڭ قۇرۋشىلارى بولۋعا قۇلشىنىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋدىڭ ايبىندى جورىعىندا جاستىق كەلبەتىن ايگىلەۋىن ءۇمىت ەتەمىن.